ຄຳມ່ວນ ກຽມປະກາດຮັບຮອງ ຄະນະຊາວໜຸ່ມແຂວງ 4 ບຸກ ປີທີ 3

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 24/09/2020 10:26:13 ຈຳ​ນວນ​​ຢ້ຽມ​ຊົມ 1166 ຄັ້ງ

   ກອງ​ປະຊຸມ​ປຶກສາ​ຫາລື​ຮ່ວມ​ກັບ​ບັນດາ​ອະນຸ​ກຳ​ມະ ການຕ່າງໆກະ ກຽມ​ໃຫ້​ແກ່​ການ​ປະກາດ​ຮັບຮອງຄະນະ​ຊາວ​ໜຸ່ມ​ປະຊາຊົນ ປະຕິວັດ​ລາວ ແຂວງ​ຄໍາ​ມ່ວນ ເປັນ​ແຂວງ 4 ບຸກ ປີ​ທີ 3 ໄດ້​ເປີດ​ຂຶ້ນ ໃນ​ວັນ​ທີ 21 ກັນຍາ ຜ່ານ​ມາ​ນີ້  ທີ່​ຫ້ອງ​ປະຊຸມ​ໃຫຍ່ ຫ້ອງ​ວ່າການ​ແຂວງ ໂດຍ​ການ​ເປັນ​ປະທານ​ຂອງ ທ່ານ  ແກ້ວ​ອຸດອນ  ບຸດ​ສິງຂອນ  ຮອງ​ເຈົ້າແຂວງຄໍາ​ມ່ວນ, ມີ​ຄະນະ​ຮັບຜິດຊອບ​ແຕ່​ລະ​ອະນຸກຳ​ມະ​ການເຂົ້າ​ຮ່ວມ.
ທ່ານ ເຫຼັ​ງຄໍາ ໄຊ​ຄໍາ​ຜັນ ຮອງ​ເລຂາ​ຄະນະ​ບໍລິຫານ​ງານ​ຊາວ​ໜຸ່ມ​ແຂວງ​ຄໍາ​ມ່ວນໄດ້​ລາຍ​ງານ​ການ​ກະກຽມຄວາມ​ ພ້ອມ​ເບື້ອງ​ຕົ້ນ ເພື່ອ​ໃຫ້​ບັນ ດາ​ທ່ານ ໃນ​ຄະນະຮັບຜິດຊອບ ແຕ່​ລະ​ອະນຸ​ກຳ​ມະການໄດ້​ຮັບ ​ຮູ້ເຖິງແຜນການເຄື່ອນໄຫວ ຂອງ​ຄະນະ​ຊາວ​ໜຸ່ມ​ແຂວງ  ໃນ ​ການ​ກະກຽມພິທີ​ປະກາດຮັບ ຮອງ​ຄະນະ​ຊາວ​ໜຸ່ມ​ແຂວງ  4  ບຸກ ປີ​ທີ 3 ເພື່ອ​ໃຫ້​ໄດ້​ຕາມ ມາດຖານ​ເງື່ອນໄຂ​ບົດ​ແນະ ນໍາ 421/ລຂ ໃນ​ການຈັດຕັ້ງປະ ຕິບັດເນື້ອ​ໃນ​ຂໍ້​ແຂ່ງຂັນ 4 ບຸກ ຂອງ​ຊາວ​ໜຸ່ມ​ລາວ ໃຫ້​ປະກົດ​ຜົນ​ເປັນ​ຈິງ.
ຈາກ​ນັ້ນ, ບັນດາ​ທ່ານໃນ​ ຄະນະ​ຮັບຜິດຊອບ​ແຕ່​ລະອະ ນຸກຳ​ມະ​ການໄດ້​ພ້ອມ​ກັນປະ ​ກອບ​ຄໍາ​ຄິດ​ເຫັນເຖິງ​ໜ້າວຽກ ​ທີ່​ຕົນ​ຮັບຜິດຊອບ  ເພື່ອ​ພ້ອມ ກັນຕີ​ລາຄາສຸມ​ໃສ່​ໜ້າ​ວຽກ​ຕ່າງໆໃຫ້​ໄດ້​ຮັບ​ຜົນ​ເປັນ​ຢ່າງ ດີ  ໂດຍ​ສະເພາະເນັ້ນ​ໜັກໃສ່ ການ​ສ້າງ​ຂະບວນ​ການ​ເຊັ່ນ: ຂະບວນ​ການ​ອອກແຮງ​ງານ​ອະນາ​ໄມ​ລວມ,  ກິລາ,  ສິລະ​ປະ​-​ວັນນະຄະດີ,  ຕິດ​ປ້າຍ​ຄໍາ ​ຂວັນ,  ປະດັບ​ປະດາ​ດ້ວຍທຸງ ຊາດ,  ທຸງ​ພັກ,  ທຸງ​ຊາວ​ໜຸ່ມ ແລະ  ທຸງ​ທີວ ຕາມ​ສະຖານທີ່​ຫ້ອງການໃຫ້​ເປັນ​ຂະບວນ​ຟົດ ຟື້ນ  ເພື່ອ​ຂໍ່າ​ນັບຮັບຕ້ອນກອງ​ ປະຊຸມ​ໃຫຍ່ ຄັ້ງ​ທີ X ອົງຄະນະ​ ພັກ​ແຂວງ​ຄໍາ​ມ່ວນ  ແລະ  ປະ ກາດ​ຮັບຮອງຄະນະ​ຊາວໜຸ່ມ​ ປະຊາຊົນ ປະຕິວັດ​ລາວແຂວງ​ ຄໍາ​ມ່ວນ 4 ບຸກ ປີ​ທີ 3 ທີ່​ຈະ​ຈັດ ​ຂຶ້ນ​ໃນ​ມໍ່ໆ​ນີ້.   (ຂ່າວ:  ຈາກຄະ ນະບໍລິຫານ​ງານຊາວໜຸ່ມ​ ແຂວງຄຳ​ມ່ວນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110