2-3 ຕຸລາ ນະຄອນ ໄກສອນ ພົມວິຫານ ຈະຈັດງານບຸນຊ່ວງເຮືອ ປະຈຳປີ.

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 29/09/2020 14:20:40 ຈຳ​ນວນ​​ຢ້ຽມ​ຊົມ 2050 ຄັ້ງ

ເມື່ອ​ບໍ່​ດົນ​ຜ່ານ​ມາ ທີ່​ຫ້ອງ​ປະຊຸມ​ຫ້ອງ​ວ່າ­ການ​ປົກ­ຄອງ​ນະ­ຄອນ ໄກ­ສອນ ພົມ­ວິ­ຫານ ແຂວງ​ສະ­ຫວັນ​ນະ​ເຂດ ໄດ້​ຈັດ​ກອງ​ປະ­ຊຸມ​ປຶກ­ສາ​ຫາ​ລື​ກ່ຽວ​ກັບ​ການ​ຈັດ​ງານ​ບຸນ​ປະ ­ເພ­ນີ​ອອກ​ພັນ​ສາ​-​ຊ່ວງ​ເຮືອ​ປະ­ຈຳ​ປີ 2020, ພາຍ​ໃຕ້​ການເປັນ​ປະ­ທານ​ຂອງ​ທ່ານ ສົມ​ໝາຍ ສົງ​ວິ­ໄລ ຮອງ​ເຈົ້າ​ນະ­ຄອນ​ໄກ­ສອນ ພົມ­ວິ­ຫານ, ມີ​ພາກ​​ສ່ວນ​ກ່ຽວ­ຂ້ອງ​​ເຂົ້າ​ຮ່ວມ.

ທ່ານ ພູ​ເງິນ ຈັນ­ທະ​ສອນ ຫົວ­ໜ້າ​ຫ້ອງ​ວ່າ­ການ​ປົກ­ຄອງ​ນະ­ຄອນ ໄກ­ສອນ ພົມ​ວິ­ຫານ ໄດ້​ຂຶ້ນ​ຜ່ານ​ຂໍ້​ຕົກ­ລົງ​ຂອງ​ທ່ານ​ເຈົ້າ​ນະ­ຄອນ ໄກສອນ ພົມ­ວິ­ຫານ ວ່າ​ດ້ວຍ​ການ​ແຕ່ງ ­ຕັ້ງ​ຄະ­ນະ​ກຳ­ມະ­ການ, ອະ­ນຸ​ກຳ­ມະ ­ການ​ກະ­ກຽມ​ງານ​ບຸນ​ປະ­ເພ­ນີ​ອອກ​ພັນ​ສາ​-​ຊ່ວງ​ເຮືອ ປະ­ຈຳ​ປີ 2020 ພ້ອມ​ທັງ​ແຜນ­ການ​ຈັດ​ງານ​ບຸນ​ປະ ­ເພ­ນີ​ອອກ​ພັນ​ສາ​-​ຊ່ວງ​ເຮືອ ຊຶ່ງ​ຄາດ​ວ່າ​ຈະ​ໄດ້​ຈັດ​ຂຶ້ນ​ໃນ​ລະ­ຫວ່າງ​ວັນ​ທີ 2-3 ຕຸ­ລາ ນີ້ ທີ່​ທ່າ​ວັດ​ໃຫຍ່​ໄຊ​ຍະ​ພູມ ເພື່ອ​ເປັນ​ການ​ປົກ​ປັກ​ຮັກ­ສາ​ຂະ​ນົບ​ທຳ­ນຽມ, ຮີດ­ຄອງ​ປະ­ເພ­ນີ​ຂອງ​ຊາວ​ພຸດ ທີ່​ເຄີຍ​ປະ­ຕິ­ບັດ​ກັນ​ມາ​ແຕ່​ບູ­ຮານ​ນະ​ການ​ໃນ​ທຸກໆ​ປີ ເພື່ອ​ໃຫ້​ຍືນ​ຍົງ​ຄົງ​ຢູ່​ຕະ­ຫຼອດ​ໄປ ແລະ ກາຍ­ເປັນ​ງານ​ທ່ອງ​ທ່ຽວ​ທາງ​ດ້ານ​ວັດ­ທະ­ນະ ­ທຳ, ຮີດ­ຄອງ​ປະ­ເພ­ນີ​ຂອງ​ຊາວ​ນະ ­ຄອນ ໄກ­ສອນ ພົມ­ວິ­ຫານ ກໍຄື​ແຂວງ​ສະ​ຫວັນ​ນະ​ເຂດ ທັງ​ເປັນ​ການ​ສົ່ງ ­ເສີມ​ທາງ​ດ້ານ​ກິ­ລາ​ປະ­ເພດ​ຊ່ວງ​ເຮືອ ແລະ​ ສິລະ​ປະ​ພື້ນ­ເມືອງ​ຂອງ​ມວນ​ຊົນ ໃຫ້​ນັບ​ມື້ມີ​ການ​ຂະ­ຫຍາຍ­ຕົວ​ຢ່າງ​ກວ້າງ­ຂວາງ, ເປັນ​ຂະ­ບວນ​ຟົດຟື້ນ ແລະ​ ເພື່ອ​ຊຸກ​ດັນ​ເສດ­ຖະ­ກິດ​​ສັງ­ຄົມ ໃຫ້​ມີ​ການ​ເໜັງ​ຕີງ, ມີ​ການ​ຄ້າ­ຂາຍ​ສິນ­ຄ້າ ແລະ ​ແລກ­ປ່ຽນ​ວັດ ­ທະ­ນະ­ທຳ ແລະ​ ສົ່ງ­ເສີມ​ການ​ຄ້າ​ໃຫ້​ຫຼາຍ​ຂຶ້ນ ​ຊຶ່ງ​ປີ​ນີ້ ຈະ​ບໍ່​ໄດ້​ຈັດ​ໃຫຍ່​ຄື​ໃນ​ທຸກໆ​ປີ​ທີ່ຜ່ານ​ມາ ຈະ​ມີ​ພຽງ​ແຕ່​ການ​ວາງ​ສະ​ແດງ​-​ຂາຍ​ສິນ­ຄ້າ​ປະ ­ເພດ​ຕ່າງໆ, ງານ​ຕະ­ຫຼາດ­ນັດ​ຕາມ​ທ່ີ​ໄດ້​ເຄີຍ​ປະຕິ­ບັດ​ກັນ​ມາ​ໃນ​ແຕ່​ລະ​ປີ ແລະ ການ​ແຂ່ງ­ຂັນ​ຊ່ວງ​ເຮືອ​ປະ­ເພ­ນີ​ພື້ນ​ບ້ານ ປະ­ເພດ 9-12 ສີ­ພາຍ ແລະ​ຈະ​ບໍ່​ມີ​ການ​ຄົບ­ງັນ​ກາງ​ຄືນ​ຄື​ແຕ່​ລະ​ປີ​ຜ່ານ​ມາ.

(ຂ່າວ:ຕຸກ ຕຸກ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110