ມຊ ສະຫຼຸບຊຸດຮຽນ ແລະ ສະຫຼອງວັນຄູແຫ່ງຊາດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 07/10/2020 10:16:01 ຈຳ​ນວນ​​ຢ້ຽມ​ຊົມ 1616 ຄັ້ງ

   ມະຫາວິທະຍາໄລ​ແຫ່ງ​ຊາດ (ມຊ) ໄດ້​ຈັດ​ພິທີ​ສະຫຼຸບ​ຊຸດ​ຮຽນ 2016-2020, ສົກ​ສຶກສາ 2019-2020 ແລະ ເປີດ​ສົກຮຽນ​ໃໝ່ 2020-2021 ແລະ ສະເຫຼີມສະຫຼອງ​ວັນ​ຄູ​ແຫ່ງ​ຊາດ​ຄົບຮອບ 26 ປີ ( 7 ຕຸລາ 1994 - 7 ຕຸລາ 2020 ) ຂຶ້ນ​ໃນ​ວັນ​ທີ 6 ຕຸລາ​ນີ້ ທີ່ ມຊ ໂດຍ​ການ​ເຂົ້າ​ຮ່ວມ ແລະ ມອບ​ໃບ​ກຽດ​ນິຍົມ ແລະ ໃບ​ຍ້ອງຍໍ​ຂອງ​ທ່ານ ສົມ​ສີ ຍໍ​ພັນ​ໄຊ ຄະນະ​ປະຈຳ​ພັກ​ກະຊວງ​ສຶກສາ​ທິ​ການ ແລະ ກິລາ ອະທິການ​ບໍດີ ມຊ, ແຂກ​ຖືກ​ເຊີນ, ພະນັກງານ​ຄູ​-​ອາຈານ ນັກ​ສຶກສາ​ເຂົ້າ​ຮ່ວມ.
   ທ່ານ ອຸດົມ ພອນ​ຄຳເພັງ ຮອງ​ອະທິການ​ບໍດີ ມຊ ໃຫ້​ກຽດ​ກ່າວ​ລາຍ​ງານ​ວ່າ: ມຊ ເປັນສະຖາ​ບັັນ​ການ​ສຶກສາ​ຊັ້ນ​ສູງ​ລະດັບ​ຊາດ​ເປັນ​ບ່ອນ​ ກໍ່ ສ້າງ​ຊັບພະຍາກອນ​ມະນຸດໃຫ້​ ມີຄວາມ​ຮູ້, ຄວາມສາມາດ, ມີ​ຄວາມ​ສາມັກຄີ, ມີ​ຈະ​ລິ​ຍະ ທຳ ແລະ ຄວາມ​ສີວິໄລທາງ​ ດ້ານ​ຈິດໃຈ​ ເພື່ອ​ຕອບ​ສະໜອງ ​ນັກວິຊາການ​ທີ່​ມີ​ຄຸນ​ນະ​ພາບ​ ໃຫ້​ແກ່​ການ​ພັດທະນາເສດຖະ ​ກິດ ​- ​ສັງຄົມ​ຂອງ​ຊາດ ແລະ ເຊື່ອມ​ໂຍງ​ກັບ​ພາກພື້ນ ແລະ ສາ​ກົນ. ມີໜ້າ​ທີ່ດຳເນີນ​-​ສົ່ງເສີມ​ການ​ຄົ້ນຄວ້າ​ວິທະຍາສາດ​ໃຫ້​ໄດ້​ມາດຕະຖານ​ທີ່​ດີ​ໃຫ້ ການ​ບໍລິການ​ທາງ​ດ້ານ​ວິຊາ​ ການ​ທີ່​ມີ​ປະສິດທິພາບເພື່ອ ​ຕອບ​ສະໜອງ​ໃຫ້​ແກ່​ສັງຄົມ, ປົກ​ປັກ​ຮັກສາ ແລະ ເສີມຂະ ຫຍາຍ​ມູນເຊື້ອ​ວັດທະນະທຳ, ຮີດຄອງ​ປະເພນີ​ອັນ​ດີງາມ​ຂອງ​ຊາດ ພ້ອມ​ທັງ​ເລືອກເຟັ້ນ ແລະ ຮັບ​ເອົາ​ວັດທະນະທຳ​ທີກ້າວ ໜ້າ ແລະ ຍອດ​ຍິ່ງ​ຂອງ​ສາກົນ​ເຂົ້າ​ໃນ​ການ​ພັດທະນາ, ມຊ ລວມ​ມີ 13 ຄະນະ​ວິຊາ, 2 ສະ​ຖາ​ບັນ, 4 ສູນ, 12 ຫ້ອງການ 1 ຫໍສະໝຸດ​ກາງ, 1 ໂຮງໝໍ ແລະ ໂຮງຮຽນ​ພອນ​ສະຫວັນ, ໃນ​ສົກຮຽນ 2019-2020 ມີ​ພະນັກງານ​ຄູ​-​ອາຈານ​ລວມ 1.777 ຄົນ, ຍິງ 830 ຄົນ, ພະນັກງານ​ບໍລິຫານ 324 ຄົນ, ຍິງ 191 ຄົນ, ​ອາຈານ​ສອນ 1.453 ຄົນ ຍິງ 639 ຄົນ, ປະ ລິນຍາ​ເອກ 182 ຄົນ ຍິງ 40 ຄົນ, ປະລິນຍາ​ໂທ 969 ຄົນ, ຍິງ 410 ຄົນ, ເໜືອ​ປະລິນຍາ​ຕີ 4 ຄົນ, ປະລິນຍາ​ຕີ 572 ຄົນ, ຍິງ 345 ຄົນ, ອະ​ນຸ​ປະ ລິນ​ຍາ 50 ຄົນ ຍິງ 35 ຄົນ, ສາດສະດາຈານ 2 ທ່ານ, ຮອງ​ສາດສະດາຈານ 83 ທ່ານ, ຍິງ 11 ທ່ານ, ຈໍາ​ນວນ​ນັກ​ສຶກ ສາ​ທັງ​ໝົດ 23.015 ຄົນ, ຍິງ 10.270 ຄົນ, ນັກ​ສຶກສາ​ທີ່​ໄດ້​ຮັບ​ທຶນ​ລັດຖະບານ ຈໍາ​ນວນ 3.777 ຄົນ ຍິງ 1.107 ຄົນ, ນັກ​ສຶກສາ​ຕ່າງປະເທດ​ທີ່​ໄດ້​ຮັບ​ທຶນ​ລັດຖະບານ ຈໍາ​ນວນ 218 ຄົນ, ຍິງ 81 ຄົນ, ນັກ​ສຶກສາ​ໃຊ້​ທຶນ​ຕົວ​ເອງ ຈໍາ​ນວນ 19.238 ຄົນ, ຍິງ 8.565 ຄົນ, ນັກ​ສຶກສາ​ຕ່າງ​ປະເທດ​ໃຊ້​ທຶນ​ຕົວ​ເອງ ຈໍາ​ນວນ 212 ຄົນ, ຍິງ 59 ຄົນ, ນັກ​ສຶກສາ​ລະດັບ​ປະລິນຍາ​ເອກ ຈໍາ​ນວນ 24 ຄົນ ​ຍິງ 2 ຄົນ, ນັກ​ສຶກສາ​ລະດັບ​ປະລິນຍາ​​ໂທ ຈໍາ​ນວນ 1.573 ຄົນ, ຍິງ 547 ຄົນ, ນັກ​ສຶກສາ​ລະດັບ​ປະລິນຍາ​ຕີ ຈໍາ​ນວນ 21.264 ຄົນ ຍິງ 9.660 ຄົນ, ນັກ​ສຶກສາ​ລະດັບ​ອະ​ນຸ​ປະລິນຍາ ຈໍາ​ນວນ 154 ຄົນ, ຍິງ 61 ຄົນ.
   ໃນ​ສົກຮຽນ 2019-2020 ນີ້, ມຊ ໄດ້​ດໍາ​ເນີນ​ການ​ຮຽນ​-​ການ​ສອນ​ໃນ​ຫຼາຍ​ລະດັບ​ຊຶ່ງ​ມີ​ທັງ​ໝົດ 208 ຫຼັກສູດ​ໃນ​ນັ້ນ​ມີ: ປະລິນຍາ​ເອກ 3 ຫຼັກສູດ, ປະລິນຍາ​ໂທ 60 ຫຼັກສູດ, ປະລິນຍາ​ຕີ 111 ຫຼັກສູດ, ລະບົບ 4 ປີ 109 ຫຼັກສູດ, 5 ປີ 1 ຫຼັກສູດ ແລະ 6 ປີ 1 ຫຼັກສູດ, ຫຼັກສູດ​ຕໍ່​ເນື່ອງ​ປະລິນຍາ​ຕີ 36 ຫຼັກສູດ, ອະນຸ​ປະລິນຍາ 4 ຫຼັກສູດ, ມີ​ນັກ​ສຶກສາ​ປີ​ສຸດ​ທ້າຍ​ທັງ​ໝົດ 5.762 ຄົນ ຍິງ 2.607 ຄົນ, ປະ​ລິນຍາ​ເອກ 1 ຄົນ, ປະລິນຍາ​ໂທ 433 ຄົນ ຍິງ 176 ຄົນ, ຈົບ​ການ​ສຶກສາ 433 ຄົນ ຍິງ 176 ຄົນ, ນັກ​ສຶກສາ​ຕ່າງປະເທດ 12 ຄົນ ຍິງ 3 ຄົນ, ພະສົງ 14 ອົງ, ປະລິນຍາ​ຕີ 5.293 ຄົນ ຍິງ 2.419 ຄົນ, ຈົບ​ການ​ສຶກສາ 5.008 ຄົນ ຍິງ 2.342 ຄົນ, ອະນຸ​ປະລິນຍາ 35 ຄົນ ຍິງ 12 ຄົນ,ຈົບ​ການ​ສຶກສາ 35 ຄົນ ຍິງ 12 ຄົນ, ນັກ​ສຶກສາ​ໄດ້​ກຽດ​ນິຍົມ ຈຳນວນ 48 ຄົນ, ຍິງ 33 ຄົນ. (ຂ່າວ: ພູ​ວັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110