ພະແນກ ສກຂ ຊຽງຂວາງ ຈັດກອງປະຊຸມ ປະຈຳປີ 2019-2020

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 07/10/2020 10:29:33 ຈຳ​ນວນ​​ຢ້ຽມ​ຊົມ 1540 ຄັ້ງ

   ພະ​ແນ​ກ​ສຶກສາ​ທິ​ການ ແລະ ກິລາ ແຂວງ (ສກຂ) ຊຽງ​ຂວາງ ໄດ້​ຈັດ​ກອງ​ປະຊຸມ​ຜູ້​ບໍລິ ຫານ​ການ​ສຶກສາ ແລະ ກິລາ ທົ່ວ​ແຂວງ​ຊຽງ​ຂວາງ ປະ​ຈໍາ​ສົກ​ປີ 2019-2020 ຂຶ້ນ​ເມື່ອບໍ່​ດົນຜ່ານ​ມາ​ນີ້ ທີ່​ຫ້ອງ​ປະຊຸມ​ພະ​ແນກ ສກຂ ພາຍ​ໃຕ້​ການ​ເປັນ​ປະທານ​ຂອງ​ທ່ານ ບົວ​ລີ ພັນ​ນາ​ວົງ ຫົວໜ້າ​ພະ​ແນກ ສກຂ, ມີພາກສ່ວນ​ກ່ຽວຂ້ອງ​ເຂົ້າ​ຮ່ວມ.
   ກອງ​ປະຊຸມ​ຄັ້ງ​ນີ້, ຜູ້​ເຂົ້າ​ຮ່ວມ​ໄດ້​ຮັບ​ຟັງ, ຄົ້ນ​ຄ້​ວາ​ປະ​ກອບ​ຄໍາ​ຄິດ​ຄໍາ​ເຫັນ ແລະ ຕີ​ລາຄາ​ຄືນ​ໃສ່​ບັນດາ​ຮ່າງ​ເອກະ ສານ​ຕ່າງໆ​ເຊັ່ນ: ບົດ​ສະຫຼຸບ​ຜົນ​ການຈັດຕັ້ງ​ປະຕິບັດ​ວຽກ​ງານ​ແຜນ​ພັດທະນາ​ການ​ສຶກ ສາ ແລະ ກິລາ ປະ​ຈໍາ​ສົກ​ປີ 2019-2020 ແລະ ຮ່າງທິດ ​ທາງ​ແຜນການ​ປະ​ຈໍາສົກປີ 2020 - 2021, ຮ່າງ​ບົດວິໄຈ​ ປະສິດທິພາບ​ພາຍ​ໃນ​ຂອງ ​ການ​ສຶກສາ ແລະ ກິລາ ແລະ ການ​ປະຕິບັດ​ຄາດໝາຍ​ຂອງ​ສະພາ​ແຫ່ງ​ຊາດ, ບົດ​ວິໄຈ​ຜົນ​ການ​ສອບເສັງ​ຈົບ​ຊັ້ນ​ປະ ຖົມ​ສຶກສາ, ບົດ​ປະ​ເມີນ​ຜົນ​ການ​ຮຽນ​ຂອງ​ນັກຮຽນ ມ4 (2019), ການ​ກໍ່ສ້າງ​ຮາກ​ຖານ​ການເມືອງ ເມືອງ​ໜອງ​ແຮດ ແລະ ວຽກ​ງານ​ສາມ​ສ້າງ​ຂອງ​ຂະແໜງການ​ສຶກສາ​-​ກິລາ, ວຽກ​ງານ​ກວດກາ ແລະ ການ​ແກ້​ໄຂ​ປະກົດ​ການ​ຫຍໍ້ທໍ້​ໃນ​ຂົງເຂດ​ສຶກສາ​-​ກິລາ, ການ​ແກ້​ໄຂຜົນ ​ການ​ກວດ​ສອບ​ດ້ານ​ການ​ເງິນ​ຂອງ​ຂະແໜງ​ການ​ສຶກສາ​ - ​ກິລາ, ການ​ຈັດ​ສັນ​ຄູ​ສອນ, ການ​ຕີ​ລາຄາ​ຄືນ​ຜົນ​ການເຄື່ອນ ໄຫວ​ວຽກ​ງານ​ກິລາ​ປະ​ຈໍາ​ສົກ​ປີ 2019 - 2020, ການ​ຍົກ​ລະດັບ​ຊັ້ນ​ມັດທະຍົມ​ຕອນ​ປາຍ​ລະ​ບົບ​ບໍາ​ລຸງ​ໃຫ້​ແກ່​ປະຊາຊົນ​ຄວບ​ຄູ່​ກັບ​ການ​ຝຶກອົບຮົມ​ຄວາມ​ຮູ້​ພື້ນຖານ​ດ້ານ​ວິຊາ​ຊີບ, ຮ່າງ​ແຜນ​ພັດທະນາ​ການ​ສຶກສາ ແລະ ກິລາ 5 ປີ ຄັ້ງ​ທີ IX (2021 -2025) ແລະ ເອກະສານ​ອື່ນໆ​ ທີ່​ສໍາ​ຄັນ​ອີກ​ຈໍາ​ນວນ​ໜຶ່ງ.
(ຂ່າວ: ຄານ​ສີສະ​ຫວັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110