ເຊກອງ ສະເຫຼີມສະຫຼອງວັນຄູແຫ່ງຊາດ 7 ຕຸລາ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 08/10/2020 09:29:02 ຈຳ​ນວນ​​ຢ້ຽມ​ຊົມ 1580 ຄັ້ງ

   ງານ​ສະເຫຼີມສະຫຼອງ​ວັນ​ຄູແຫ່ງ​ຊາດ​ ຄົບຮອບ 26 ປີ (7 ຕຸລາ 1994-7 ຕຸລາ 2020) ໄດ້​ຈັດ​ຂຶ້ນ​ຢ່າງ​ຄຶກຄື້ນ ໃນ​ເມື່ອບໍ່​ດົນ​ຜ່ານ​ມາ ທີ່​ເດີ່ນ​​ກິລາ​ໃນ​ຮົ່ມ​ບ້ານ​ໂນນ​ມີ​ໄຊ ແຂວງເຊ​ກອງ​ໂດຍ​ມີ​ທ່ານ ເຫຼັກໄຫຼ ສີວິໄລ ເຈົ້າແຂວງ​ເຊ​ກອງ, ພະນັກງານ​ອາ​ວຸ​ໂສ​ບໍາ​ນານ, ແຂກ​ຖືກ​ເຊີນ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.
   ໃນ​ພິທີ​ຜູ້​ເຂົ້າ​ຮ່ວມໄດ້​ຮັບ ​ຊົມ​ການສະແດງ​ສິລະ​ປະ​ວັນ ນະຄະດີ​ຈາກ​ບັນດາ​ໂຮງຮຽນ​ແຫ່ງ​ຕ່າງໆ​ພາຍ​ໃນ​ແຂວງ ແລະ ໃນ​ໂອກາດ​ດັ່ງກ່າວ, ທ່ານ ຖາວອນ ພົມ​ມະ​ໄລ​ລຸນ ອະດີດ​ຮອງ​ເຈົ້າແຂວງ​ເຊ​ກອງ ໄດ້​ຂຶ້ນ​ເລົ່າ​ປະຫວັດ​ຄວາມ​ເປັນ​ມາ​ຂອງ​ວັນ​ຄູ​ແຫ່ງ​ຊາດ ໂດຍ​ຍົກ​ໃຫ້​ເຫັນ​ຕົ້ນ​ກໍາ​ເນີ​ດ​ຂອງ​ຄູ​ລາວ​ໃນ​ເມື່ອ​ກ່ອນ​ເປັນຕົ້ນ​ແມ່ນ​ນາຍ​ຄູ​ຄໍາ​ເປັນ​ຄູ​ຜູ້​ທໍາ​ອິດ​ຂອງ​ລາວ ຊຶ່ງ​ໄດ້​ເຂົ້າ​ຮັບ​ລາຊະການ​ເປັນ​ຄູ​ສອນ​ໃນ​ວັນ​ທີ 7 ຕຸລາ 1907 ນອກຈາກການເຮັດໜ້າ ທີ່​ໃນ​ການ​ສິດສອນ​ແລ້ວ ຍັງ​ໄດ້​ເຂົ້າ​ຮ່ວມ​ຂະບວນ​ການ​ນຳ ພາ​ປະຊາຊົນ​ລາວ​ລຸກຂຶ້ນຕໍ່ສູ້ ​ຕ້ານ​ຈັກກະພັດ​ລ່າ​ເມືອງ​ຂຶ້ນ​ແບບ​ເກົ່າ ແລະ ແບບໃໝ່ໄດ້​ ຜ່ານ​ໄລຍະ​ອັນ​ຍືດ​ເຍື້ອ​ຍາວ​ ນານ, ອັນ​ລະ​ອິດ​ລະ​ອ້ຽວ ແລະ ໄດ້​ຮັບ​ໄຊຊະນະເປັນ​ແຕ່​ລະ​ໄລຍະ ແລະ ໄດ້ສະຖາປະ ນາ​ສາທາລະນະ​ລັດ ປະຊາທິ ປະໄຕ ປະຊາຊົນ​ລາວ ​ໃນ​ວັນ​ທີ 2 ທັນວາ 1975.
    ພ້ອມ​ນີ້ ຍັງ​ໄດ້​ມອບ​ໃບ​ ຍ້ອງຍໍ​ຂອງ​ທ່ານ​ຫົວໜ້າພະ​ ແນ​ກ​ສຶກສາ​ທິ​ການ ແລະ ກິລາ ​ແຂວງ​ໃຫ້​ແກ່​ຄູ​-​ອາຈານທີ່​ປະ ກອບສ່ວນ​ເຫື່ອແຮງ, ສະຕິປັນ ຍາ, ຄວາມ​ຮູ້​ຄວາມ​ສາມາດ​ເຂົ້າ​ໃນ​ການ​ປະຕິບັດ 3 ຂໍ້​ແຂ່ງ ຂັນ​ຂອງ​ຂະແໜງ​ສຶ​ກສາ​ທິ​ການ ແລະ ກິລາ​ວາງ​ອອກ​ໃນ​ໄລຍະ 5 ປີ) 2016-2020) ຈໍາ​ນວນ 103 ຄົນ, ຍິງ 55 ຄົນ ໃນ​ວັນ ດຽວກັນ​ນີ້, ຫຼາຍ​ໂຮງຮຽນ​ໃນ​ຂອບ​ເຂດ​ເທ​ດສະ​ບານ​ແຂວງ​ເຊ​ກອງກໍ​ຄື​ບັນດາ​ເມືອງ ແລະ​ ໂຮງຮຽນ​ແຫ່ງ​ຕ່າງໆ​ກໍ​ໄດ້​ພ້ອມ​ກັນ​ສະ ເຫຼີມສະຫຼອງ​ວັນ​ຄູ​ແຫ່ງ​ຊາດ ວັນ​ທີ 7 ຕຸລາ ຄົບຮອບ 26 ປີ. ໃນ​ປີ​ນີ້, ເຕັມ​ໄປ​ດ້ວຍ​ບັນຍາກາດ​ຄຶກຄື້ນ​ມ່ວນ​ຊື່ນ.
(ຂ່າວ: ສັນຍາ+ ພາບ: ບູ້​ສຸ​ວັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110