ພິທີປູກຕົ້ນໄມ້ເພື່ອມິດຕະພາບ ລາວ - ອິນເດຍ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 12/10/2020 09:05:11 ຈຳ​ນວນ​​ຢ້ຽມ​ຊົມ 880 ຄັ້ງ

ສູນ​ກາງ​ແນວ​ລາວ​ສ້າງ​ຊາດ (ສນຊ) ຮ່ວມ​ກັບສະຖານ ທູດ​ອິນ​ເດຍ ຈັດ​ພິທີ​ປູກ​ຕົ້ນໄມ້​ເພື່ອ​ສະເຫຼີມສະຫຼອງ​ວັນ​ສ້າງ ຕັ້ງ​ສາຍ​ພົວພັນ​ການ​ທູດ​ລາວ​-​ອິນ​ເດຍ ຄົບຮອບ 65 ປີ ຂຶ້ນ​ຢູ່​ສຳນັກງານ​ສູນ​ກາງ​ແນວ​ລາວ​ສ້າງ​ຊາດ ເມື່ອບໍ່​ດົນຜ່ານ​ມານີ້ ໂດຍ​ເປັນ​ກຽດ​ເຂົ້າຮ່ວມ​ຂອງ ທ່ານ ໄຊ​ສົມ​ພອນ ພົມວິຫານ ກຳມະການ​ກົມ​ການເມືອງ​ສູນ​ກາງ​ພັກ ປະທານ ສນຊ, ມີ​ທ່ານ ດິນ​ກາ ອາ​ສ​ທາ​ນາ ເອກ​ອັກ​ຄະລັດ​ຖະ​ທູດ​ຜູ້​ມີ​ອຳນາດ​ເຕັມ​ແຫ່ງ​ປະເທດ ອິນ​ເດຍ ປະຈຳ​ຢູ່ ສປປ ລາວ, ທ່ານ ທອງ​ສະຫວັນ ພົມວິຫານ ຮອງ​ລັດຖະມົນຕີ​ກະຊວງ ການ​ຕ່າງປະເທດ ແລະ ມີ​ແຂກ​ຂອງ​ທັງ​ສອງ​ຝ່າຍ​ເຂົ້າ​ຮ່ວມ.

ພິທີ​ປູກ​ຕົ້ນໄມ້​ໃນ​ຄັ້ງ​ນີ້, ເພື່ອ​ເປັນ​ຄັ້ງ​ປະຫວັດສາດ ຂອງ​ສອງ​ປະເທດ​ລາວ​-​ອິນ​ເດຍ, ເປັນ​ການ​ເສີມ​ຂະຫຍາຍ​ສາຍ​ພົວພັນ​ອັນ​ເປັນ​ມູນເຊື້ອ​ທີ່​ດີງາມ ຂອງ​ສອງ​ປະເທດ ທີ່​ມີ​ມູນເຊື້ອ​ມາ​ຍາວ​ນານ ໃຫ້​ມີ​ຄວາມ​ຮັດ​ແໜ້ນ​ຂຶ້ນ​ເລື້ອຍໆ, ເປັນ​ການ​ຂ່ຳ​ນັບ​ຮັບ​ຕ້ອນ ແລະ ສະເຫຼີມສະຫຼອງ​ວັນ​ສຳຄັນ​ທາງ​ປະຫວັດສາດ ຂອງ​ສອງ​ປະເທດ​ລາວ​-​ອິນ​ເດຍ ໃນ​ປີ 2020ຄື: ຊົມເຊີຍ​ວັນ​ສ້າງຕັ້ງ​ສາຍ​ພົວພັນ​ການ​ທູດ​ລາວ​-​ອິນ​ເດຍ ຄົບຮອບ 65 ປີ, ຊົມເຊີຍ​ວັນ​ສ້າງຕັ້ງ​ແນວ​ລາວ​ສ້າງ​ຊາດ ຄົບຮອບ 70 ປີ, ຊົມເຊີຍ​ວັນ​ສະຖາປະນາ ສປປ ລາວ ຄົບຮອບ 45 ປີ ແລະ ຊົມເຊີຍ​ວັນ​ປະກາດ​ເອກະລາດ (ວັນຊາດ​ປະເທດ​ອິນ​ເດຍ) ຄົບຮອບ 74 ປີ.

(ຂ່າວ​-​ພາບ: ຈາກ ສນຊ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110