ຊຽງຂວາງ ທາບທາມບຸກຄະລາກອນ ຮອບ III

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 13/10/2020 08:57:50 ຈຳ​ນວນ​​ຢ້ຽມ​ຊົມ 1120 ຄັ້ງ

ແຂວງ​ຊຽງ​ຂວາງ​ໄດ້​ຈັດ​ກອງ​ປະຊຸມທາ​ບ​ທາມ​ບຸກຄະ ລາ​ກອນ​ຮອບ III ຊຶ່ງ​ເປັນ​ຮອບ ​ສຸດ​ທ້າຍ ກ່ອນ​ດຳເນີນກອງ​ ປະຊຸມ​ໃ​ຫຍ່​ຂອງ​ອົງຄະນະພັກ​ ແຂວງ ໃນ​ວັນ​ທີ 10 ຕຸລາ​ ຜ່ານ​ມາ ທີ່​ຫ້ອງ​ວ່າການ​ແຂວງ ໂດຍ ການ​ເປັນ​ປະທານ​ຂອງສະຫາຍ ນາງ ປານີ ຢາ​ທໍ່​ຕູ້ ກຳມະການ ກົມ​ການເມືອງສູນກາງພັກ ປະ ທານ​ສະພາ​ແຫ່ງຊາດ, ມີການ​ນຳ​ຂອງ​ແຂວງ ​ ພ້ອມດ້ວຍຄະ ນະ​ບໍລິຫານງານພັກ​ແຂວງ ແລະ ການ​ນຳ​ທີ່​ມາ​ຈາກສູນ​ກາງ​ຈຳນວນ​ໜຶ່ງ​ເຂົ້າ​ຮ່ວມ ສະ ຫາຍ ຄຳ​ແສງ ພົມ​ມະ​ວັນ ຄະ ນະ​ປະຈຳ​ພັກ​ແຂວງຫົວໜ້າ​ຄະນະ​ຈັດ​ຕັ້ງ​ແຂວງໄດ້​ຂຶ້ນ​ຜ່ານ​ມາດ​ຖານ​-​ເງື່ອນໄຂຜູ້​ສະໝັກ​ຮັບ​ເລືອກ​ຕັ້ງ​ເຂົ້າ​ເປັນ​ຄະນະ​ບໍລິຫານ​ງານ​ພັກ​ແຂວງ ຈາກ​ນັ້ນ ກອງ​ປະຊຸມໄດ້​ຮັບຟັງ​ ການ​ໂອ້​ລົມ​ຂອງ​ສະຫາຍປະ ທານ​ສະພາ​ແຫ່ງ​ຊາດ​ ຊຶ່ງໄດ້​ເນັ້ນ​ໃຫ້​ຜູ້​ແທນ​ທີ່​ເຂົ້າ​ຮ່ວມ​ກອງ​ປະຊຸມ​ຄັ້ງ​ນີ້ ລ້ວນ​ແຕ່​ແມ່ນ​ສະ ມາຊິກ​ພັກ​ຜູ້ດີ​ເດັ່ນ ແລະ ໄດ້​ຮັບ​ຄວາມ​ເຊື້ອ​ໝັ້ນ​ໄວ້​ວາງໃຈ ແລະ ໄດ້​ຮັບ​ຄັດ​ເລືອກ​ຈາກ​ສະມາຊິກ​ພັກ​ທີ່​ສັງກັດ​ຢູ່​ແຕ່​ລະ​ຮາກ​ຖານ​ພັກ​ຂັ້ນ​ຕ່າງໆອ້ອມ​ຂ້າງ​ແຂວງ ແລະ ເມືອງ ສະນັ້ນ ການ​ປະກອບ​ຄວາມ​ເຫັນ​ຕໍ່​ແຕ່​ລະ​ເນື້ອ​ໃນ​ ຫຼື​ ການ​ລົງ​ຄະແນນ​ຕໍ່​ບຸກ​ຄະລາ​ກອນ​ທີ່​ນຳ​ມາ​ທາບ​ ທາມ​ໃນ​ຮອບ​ທີ III ນີ້ແມ່ນຕ້ອງ ​ຢືນ​ໃນ​ຄວາມ​ຮັບຜິດຊອບ ໃນ​ ຖານະ​ເປັນ​ຕົວ​ແທນ​ຂອງ​ສະ ມາຊິກ​ພັກ​ຢູ່​ຮາກ​ຖານ​ພັກຂອງ ​ຕົນ​ສັງກັດ ເປັນຕົ້ນການ​ເລືອກ ເຟັ້ນ​ທາ​ບ​ທາມ​ເອົາ​ບຸກ​ຄະລາ​ກອນແມ່ນ​ຕ້ອງ​ຖື​ເອົາ​ຜົນ​ປະ ໂຫຍດ​ຂອງ​ປະເທດ​ຊາດ ແລະ ຜົນ​ປະໂຫຍດ​ລວມ​ຂອງ​ແຂວງ ຕ້ອງ​ມີ​ມາດຖານ​ດ້ານ​ຄຸນ​ທາດ​ການເມືອງ, ຄຸນສົມບັດສິນທຳ​ ປະຕິວັດ, ຄວາມ​ຮູ້​ຄວາມ​ສາ ມາດສົມ​ຄູ່​ກັບ​ໜ້າທີ່ ແລະ ຄວາມ ​ຮັບຜິດຊອບ​ທາງການເມືອງ ບຸກ​ຄະລາ​ກອນ​ທີ່​ມີ​ຊື່​ທາ​ບ ທາມຕ້ອງ​ເນັ້ນ​ເພດໄວ ເຊົາເຜົ່າ ເພື່ອ​ຄັດ​ເລືອກ​ເອົາ​ບຸກ​ຄະລາ​ກອນເປັນ​ຄະນະບໍລິຫານ​ງານ​ພັກ​ແຂວງ​ ຊຸດ​ທີ VIII ເປັນ​ຜູ້​ຊີ້​ນຳ​-​ນຳພາ ໃນການຈັດຕັ້ງ​ຜັນ​ ຂະຫຍາຍມະຕິກອງ​ປະຊຸມ​ໃຫຍ່​ ຄັ້ງ​ທີ XI ຂອງພັກແຜນ​ພັດທະນາ​ເສດ​ຖະ​ກິດ​-​ສັງຄົມ​ແຫ່ງ​ລັດ 5 ປີ ເວົ້າ​ລວມ ເວົ້າສະ​ ເພາະແມ່ນການຈັດຕັ້ງ​ຜັນ​ຂະ ຫຍາຍ​ບັນດາ​ຄາດໝາຍ, ທິດ​ ທາງ, ແຜນ​ນະໂຍບາຍ, ແຜນ ການ, ແຜນ​ງານ, ໂຄງການ​ທີ່​ໄດ້​ກຳນົດ​ໄວ້​ໃນ​ມະຕິ​ກອງ​ປະຊຸມ​ໃຫຍ່​ຂອງ​ອົງຄະ​ນະ​ພັກ​ແຂວງ​ຄັ້ງ​ທີ VIII ໄດ້​ຮັບ​ການຈັດຕັ້ງ​ປະຕິບັດ ​ຫຼື ​ມີ​ຜົນສຳເລັດຫຼາຍ ​ໜ້ອຍ​ຊ່ຳໃດແມ່ນ​ຂຶ້ນ​ກັບ​ຄວາມ​ຮັບຜິດຊອບ​ລວມ, ຄວາມ​ຕັດ ສິນ​ໃຈ ແລະ ຄວາມ​ສາມາດ ນຳພາ​ຂອງ​ບັນດາ​ສະຫາຍ​ໃນ​ ຄະນະ​ບໍລິຫານ​ງານ​ພັກ​ແຂວງ ກອງ​ປະຊຸມ​ຄັ້ງ​ນີ້ ບັນດາຜູ້ ແທນ​ກອງ​ປະຊຸມໄດ້​ໃຊ້​ສິດປະ ຊາທິປະໄຕປ່ອນ​ບັດ​ ເພື່ອ​ທາບ​ ທາມ​ຄັດ​ເລືອກ​ເອົາ​ບຸກ​ຄະລາ​ກອນ​ເຂົ້າ​ສະໝັກ​ເປັນ​ຄະນະ​ບໍລິຫານ​ງານ​ພັກ​ແຂວງ​ ຊຸດທີ VIII.
(ຂ່າວ: ບຸນ​ມີ ແສງ​ທຸມ​ມີ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110