Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຄຳມ່ວນ ປະກາດຮັບຮອງຄະນະບໍລິຫານງານຊາວໜຸ່ມແຂວງເປັນ 4 ບຸກ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 15/10/2020 09:43:12 ຈຳ​ນວນ​​ຢ້ຽມ​ຊົມ 3166 ຄັ້ງ

ພິທີ​ປະກາດ​ແຂວງ​ຄໍາ​ມ່ວນ ເປັນ​ແຂວງ​ຄະນະ​ຊາວ​ໜຸ່ມ ປະຊາຊົນ​ປະຕິວັດ​ລາວ 4 ບຸກ ປີ​ທີ III ໄດ້​ຈັດ​ຂຶ້ນເມື່ອບໍ່​ດົນ ຜ່ານ​ມາ​ນີ້, ທີ່​ສະໂມສອນ​ໃຫຍ່​ຂອງ​ແຂວງ ໂດຍ​ການ​ເຂົ້າ​ຮ່ວມ​ຂອງ​ສະຫາຍ ໂອ​ໄດ ສຸດາ​ພອນ ກໍາ​ມະ​ການ​ສູນ​ກາງ​ພັກ ເລຂາ​ພັກ​ແຂວງ ເຈົ້າແຂວງ ຄໍາ​ມ່ວນ, ສະຫາຍ ນາງ ວິລະ​ວອນ ພັນທະ​ວົງ ຮອງ​ເລຂາ​ຄະນະ​ບໍລິຫານ​ງານ​ສູນ​ກາງ​ຊາວ​ໜຸ່ມ ປປລ, ມີ​ບັນດາ​ສະຫາຍ​ການ​ນໍາ​ຂັ້ນ​ແຂວງ​-​ຂັ້ນ​ເມືອງ, ບັນດາ​ຄະນະ​ພັກ​ພະແນກການ​ອ້ອມ​ຂ້າງ​ແຂວງ, ຄະນະ​ຮາກ​ຖານ​ຊາວ​ໜຸ່ມ​-​ໜ່ວຍ​ຊາວ​ໜຸ່ມ ພ້ອມ​ດ້ວຍ​ສະມາຊິກ​ຊາວ​ໜຸ່ມ​-​ເຍົາວະ​ຊົນ ເຂົ້າ​ຮ່ວມ.

ສະຫາຍ ສາຍ​ຄໍາ ພະໄຊ​ ສິດທິ​ເດດ ເລຂາ​ຄະນະ​ບໍລິ ຫານ​ງານ​ຊາວ​ໜຸ່ມແຂວງ​ຄໍາ​ມ່ວນ ຂຶ້ນ​ຜ່ານ​ບົດ​ລາຍ​ງານ​ການຈັດຕັ້ງ​ປະຕິບັດ​ເນື້ອໃນຂໍ້​ແຂ່ງຂັນ 4 ບຸກ ປະ​ຈໍາປີ 2019 ຊຶ່ງ​ສະຫາຍ​ໄດ້​ຍົກ​ໃຫ້​ເຫັນ​ຜົນ ງານ​ການຈັດຕັ້ງ​ປະຕິບັດ​ໄລຍະ 1 ປີຜ່ານມາ ຊຶ່ງ​ຄະນະ​ຊາວ​ໜຸ່ມປະຊາຊົນ ປະຕິວັດ​ລາວ ແຂວງ​ຄຳ​ມ່ວນ ໄດ້​ຮັບຮອງ​ເປັນ​ແຂວງ 4 ບຸກ ປີ​ທີ I ໃນ​ເດືອນ​ມີນາ 2018 ແລະ ປີ​ທີ II ໃນ​ເດືອນມິຖຸນາ 2019 ເພື່ອ​ສືບຕໍ່​ຜັນ​ຂະຫຍາຍ​ທິດ​ທາງ​ແຜນການ​ໃນຕໍ່ໜ້າ ກໍຄື​ຮັກສາ​ນາມມະຍົດ 4 ບຸກ ເປັນ​ປີ​ທີ III. ໃນ​ການຈັດຕັ້ງ​ປະຕິບັດ ຂໍ້​ແຂ່ງຂັນ 4 ບຸກ, ຄະນະ​ພັກ​ແຕ່​ລະ​ຂັ້ນ ກໍໄດ້​ຊຸກຍູ້​ຕິດຕາມ ກວດກາປະ​ເມີນ​ຜົນຢູ່​ບັນ​ດາ​ຮາກ​ຖານ​-​ໜ່ວຍ​ຊາວ​ໜຸ່​ມ​ພະ ແນກການ ຕະຫຼອດ​ຂັ້ນ​ເມືອງ ຊຶ່ງ​ສາມາດ​ຮັບຮອງ​ເປັນ​ເມືອງ 4 ບຸກ, ຮາກ​ຖານ ແລະ ໜ່ວຍ 4 ບຸກ ສາມາດ​ຍາດ​ໄດ້​ທຸງໄຊ​ນຳ​ໜ້າ ຊຶ່ງ​ຜ່ານ​ການ​ປະ​ເມີນ​ຕາມ 4 ເນື້ອ​ໃນ 9 ມາດຖານ ເຫັນ​ໄດ້​ວ່າ ປະຕິບັດ​ໄດ້​ຕາມ​ມາດຖານ​ເງື່ອນໄຂ ບົດ​ແນະ​ນໍາ 421/ລຂ ວາງ​ອອກ​ໄດ້ຮັບ​ ຜົນສຳເລັດເປັນ​ຢ່າງ​ດີ ຊຶ່ງ​ສາ ມາດ​ຕີ​ລາຄາ​ຈັດ​ປະເພດ​ທັງ 4 ດ້ານຄື: ບຸກ​ດ້ານ​ການເມືອງ​ແນວ​ຄິດໄດ້ 90,61%, ບຸກ​ດ້ານ​ການ​ຝຶກ​ຝົນ​ຫຼໍ່​ຫຼອມ​ຮໍ່າ​ຮຽນ ໄດ້ 88,80%, ບຸກ​ດ້ານ​ການ ຈັດຕັ້ງ​ໄດ້ 89,04%, ບຸກ​ດ້ານ​ວິຊາ​ຊີບ​-​ສ້າງ​ວຽກ​ເຮັດ​ງານ​ທໍາ ໄດ້ 89,22% ສະເລ່ຍ​ທັງ 4 ດ້ານ 89,42%.

ຈາກ​ນັ້ນ, ກໍໄດ້​ຜ່ານ​ຂໍ້​ຕົກລົງ​ຂອງຄະນະ​ບໍລິຫານ​ງານ​ຊາວ​ໜຸ່ມ​ແຂວງ​ຄໍາ​ມ່ວນ ວ່າ​ດ້ວຍ​ການ​ມອບ​ໃບຢັ້ງຢືນ ຮັບຮອງ 10 ຕົວ​ເມືອງ ທົ່ວ​ແຂວງ ເປັນ​ເມືອງ 3 ດີ 4 ຮູ້ ຂອງ​ເຍົາວະ​ຊົນ​ລາວ ເປັນ​ກຽດ​ມອບ​ໂດຍ ສະຫາຍ ສາຍ​ຄໍາ ພະ​ໄຊ​ສິດທິ​ເດດ ພ້ອມ​ດຽວ​ກັນ, ກໍໄດ້​ຜ່ານ​ຂໍ້​ຕົກລົງ​ຂອງ​ຄະນະ​ບໍລິຫານ​ງານ​ສູນ​ກາງ ຊປປລ ວ່າ​ດ້ວຍ​ການ​ຮັບຮອງ ຄະນະ​ບໍລິຫານ​ງານ​ຊາວ​ໜຸ່ມ ແຂວງ​ຄໍາ​ມ່ວນ ເປັນ​ແຂວງ 4 ບຸກ ປີ​ທີ III ຊຶ່ງ​ເປັນ​ກຽດ​ມອບ​ໃບຢັ້ງຢືນ ໂດຍ​ສະຫາຍ ນາງ ວິລະ​ວອນ ພັນທະ​ວົງ; ໃນ​ໂອກາດ​ນີ້, ທາງ​ຄະນະ​ບໍລິຫານ​ງານ​ສູນ​ກາງ​ຊາວ​ໜຸ່ມ ກໍໄດ້​ມອບ​ເຄື່ອງ​ຊ່ວຍ​ເຫຼືອ​ຈໍາ​ນວນ​ໜຶ່ງ ເພື່ອ​ປະກອບສ່ວນ​ເຂົ້າ​ໃນ​ຂະບວນ​ການ​ຊາວ​ໜຸ່ມ​-​ເຍົາວະ​ຊົນ ທົ່ວ​ແຂວງ ລວມ​ມູນ​ຄ່າ 4.840.000 ກີບ.

ຕອນ​ທ້າຍ ກໍໄດ້​ຮັບ​ຟັງ​ການ​ໂອ້​ລົມ​ຂອງ ສະຫາຍ ໂອ​ໄດ ສຸດາ​ພອນ ແລະ ສະຫາຍ ນາງ ວິລະ​ວອນ ພັນທະ​ວົງ ຊຶ່ງ​ທັງ​ສອງ​ສະຫາຍ ໄດ້​ກ່າວ​ສະແດງ​ຄວາມ​ຍ້ອງຍໍ​ຊົມເຊີຍ​ມາ​ຍັງ​ຄະນະ​ພັກ​ຜູ້​ຊີ້​ນໍາ​ທຸກ​ຂັ້ນ ທີ່​ໄດ້​ໃກ້ຊິດຕິດແທດ​ຊຸກຍູ້​ຂະບວນ​ການ​ຊາວ​ໜຸ່ມ​ໄດ້​ມີ​ທ່າ​ກ້າວ​ທີ່​ພົ້ນ​ເດັ່ນ​ຕະຫຼອດ​ໄລຍະ​ຜ່ານ​ມາ ແລະ ໄດ້​ເນັ້ນ​ໃຫ້ ຄະນະ​ບໍລິຫານ​ງານ​ຊາວ​ໜຸ່ມ​ທຸກ​ຂັ້ນ​ທົ່ວ​ແຂວງ ຈົ່ງ​ເພີ່ມ​ທະວີ​ຕໍ່​ວຽກ​ງານ​ສຶກສາ​ອົບຮົມ​ການເມືອງ, ນໍາ​ພາ​ແນວ​ຄິດ ດ້ວຍ​ການ​ໂຄສະນາ ໃຫ້​ຄວາມ​ຮູ້​ແກ່​ສະມາຊິກ​ຊາວ​ໜຸ່ມ​-​ເຍົາ ວະ​ຊົນ ຮັບ​ຮູ້​ໄດ້​ເຖິງ​ຜົນ​ຮ້າຍ​ຕ່າງໆ. ພ້ອມ​ນັ້ນ, ຜູ້​ທີ່​ຈະ​ເປັນ​ແກນ​ນໍາ​ຕ້ອງ​ໄດ້​ນໍາ​ພາ​ແກ້​ໄຂ​ບັນຫາ, ມີ​ຄວາມ​ສາມັກຄີ​ໜັກ​ແໜ້ນ ຕາມ​ແບບແຜນ​ລວມ​ສູນ​ປະຊາທິປະໄຕ ແລະ ມີ​ລະບຽບ​ວິໄນ ພ້ອມ​ກັນ​ເປັນ​ຫູ​ເປັນຕາ ຊ່ວຍ​ແກ້​ໄຂ​ປະກົດ​ການ​ຫຍໍ້ທໍ້​ອອກ​ຈາກ​ສັງຄົມ​ໃຫ້​ໝົດ​ໄປ ຮັກສາ​ໃຫ້​ໄດ້​ມູນເຊື້ອ​ຊາວ​ໜຸ່ມ 4 ບຸກ ນີ້​ຕະຫຼອດ​ໄປ ເພື່ອ​ໃຫ້​ສົມ​ກັບ​ພັກ​ໄດ້​ຂະໜານ​ນາມ ວ່າ: “ຊາວ​ໜຸ່ມ​ເປັນ​ແຂນ​ຂວາ​ຂອງ​ພັກ ເປັນ​ກະດູກ​ສັນຫຼັງ​ຂອງ​ປະເທດ​ຊາດ” ຊາວ​ໜຸ່ມ​ລາວ​ອາດ​ຫານ​ກ້າວ​ຂຶ້ນ.

(ຂ່າວ​-​ພາບ: ​ຄະນະ​ບໍລິຫານ​ງານ​ຊາວ​ໜຸ່ມ​ແຂວງ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com