Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

penduduk yg bergabung masih Main Kian banyak hal daftar sbobet website bertarung toko online yang khususnya kepada bertaruh lapak online wara wiri Teranyar Karena kemudian sediakan

layanan kembali promosi-promosi yg mengunggut bola tangkas kepada membernya. Pastinya web bertarung toko online bolak-balik yg sudah menegakkan tatkala berulang sangatlah terpercaya.

ພ້ອມກັນສົ່ງເສີມຮຽນຮູ້ສິລະປະເປົ່າແຄນລາວ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 21/10/2020 10:11:30 ຈຳ​ນວນ​​ຢ້ຽມ​ຊົມ 4568 ຄັ້ງ

ໂດຍ: ແສງ​ຈັນ

ຕັ້ງແຕ່​ໃດໆ​ມາການ​ດໍາລົງ​ ຊີວິດ​ຂອງ​ຄົນ​ລາວ ແມ່ນ​ໄດ້​ ຕິດ​ພັນ​ກັບ​ແຄນ​ -​  ສຽງ​ແຄນ ເພື່ອ​ປະກອບ​ເຂົ້າ​ໃນ​ພິທີ​ກໍາ​ຕ່າງໆ​ຂອງ​ເຜົ່າ​-​ຂອງ​ຊາດ, ສິລະ​ປະການ​ມ່ວນຊື່ນ ແລະ ອື່ນໆ. 
ທ່ານ ຄໍາ​ພັນ ເໝືອນ​ສິດທິ​ດາ ປະທານ​ສະມາຄົມ​ສິລະ​ປະ​ແຄນ​ລາວ, ໄດ້​ໃຫ້​ສໍາ​ພາດ​ຕໍ່​ຜູ້​ສື່​ຂ່າວວ່າ: ສະມາຄົມ​ແຄນ​ລາວ​ແມ່ນ​ອົງການ​ຈັດ​ຕັ້ງ​ສັງຄົມ​ທີ່​ບໍ່​ຫວັງ​ຜົນ​ກໍາ​ໄລ,  ພາຍ​ໃຕ້ການ ​ຊີ້​ນໍາ​ຂອງ​ກະຊວງ​ຖະແຫຼງຂ່າວ ວັດ​ທະ​ນະ​ທໍາ ແລະ ທ່ອງ​ທ່ຽວ, ເປັນ​ຕົວ​ແທນ​ໃນ​ການ​ເຕົ້າໂຮມ​ເອົາ​ນັກ​ສິລະ​ປິນໝໍ​ແຄນ, ໝໍ​ ຂັບ ​-​ ໝໍ​ລໍາ, ທຸກ​ເພດ ​-​ ໄວ,ຊ່າງ ​ແຄນ, ໃນ​ຂອບ​ເຂດ​ທົ່ວ​ປະ ເທດ ແລະ ຜູ້​ມັກ ​- ​ຮັກ ດ້ວຍຄວາມ​ສະໝັກ​ໃຈ ເຂົ້າ​ໃນ​ການຈັດຕັ້ງ​ສະ​ມາ​ຄົມ. ໃນ​ການ​ປະຕິບັດ​ພາລະ​ບົດບາດ​ໜ້າທີ່​ຂອງ​ສະ ມາຄົມ, ພາຍຫຼັງ​ທີ່​ສຽງ​ແຄນ​ໄດ້​ຖືກ​ຮັບຮອງ​ເປັນ​ມໍ​ລະ​ດົກ ວັດ​ທະ​ນະ​ທໍາ​ທີ່​ບໍ່​ເປັນ​ວັດຖຸ​ຂອງ​ປະຊາຊົນ​ລາວ ແລະ ເປັນ​ມໍ​ລະ​ດົກ​ວັດ​ທະ​ນະ​ທໍາ​ທີ່​ບໍ່​ເປັນ​ວັດຖຸ ຂອງ​ມວນ​ມະນຸດ ໃນ​ວັນ​ທີ 7 ທັນວາ 2017, ສະມາຄົມ​ສິລະ​ປະ​ແຄນ​ລາວ, ໃນ​ຖານະ​ທີ່​ເຮັດ​ໜ້າທີ່​ປະກອບສ່ວນ​ໂດຍ​ກົງ ໃນ​ການ​ອະນຸລັກ​ຮັກສາ ແລະ ເສີມ​ຂະຫຍາຍ​ມູນເຊື້ອ ແຄນ ແລະ ສຽງ​ແຄນ​ຂອງ​ຊາດ​ລາວ.  ເພື່ອ​ສ້າງ​ຄວາມ​ຍືນ​ຍົງ​ໃນ​ການ​ຮັກສາ​ການ​ເປົ່າ​ແຄນ ກໍ​ຄື ການ​ເຮັດ​ແຄນ,ເດືອນ​ຕຸລາ 2019 ທີ່​ຫໍ​ວັດ​ທະ​ນະ​ທໍາ​ແຫ່ງ​ຊາດ, ກະຊວງ​ຖະແຫຼງ​ຂ່າວ ວັດ​ທະ​ນະ​ທໍາ ແລະ ທ່ອງ​ທ່ຽວ ໄດ້​ຈັດ​ກອງ​ປະ​ຊຸມ​ສໍາ​ມະ​ນາ​ວິທະຍາສາດ ພາຍ​ໃຕ້​ຫົວຂໍ້ “ເສີມ​ຂະຫຍາຍ​ສຽງ​ແຄນ​ເຊື້ອ​ຊາດ​ລາວ ມໍ​ລະ​ດົກ​ໂລກ” ຊຶ່ງ​ໄດ້​ຕົກລົງ ສະເໜີ​ໃຫ້​ກະຊວງ​ສຶກສາ​ທິ​ການ ແລະ ກິລາ ເອົາ​ເຕັກນິກ​ວິຊາການ​ເປົ່າ​ແຄນ ເຂົ້າ​ໃນ​ຫຼັກສູດ​ການ​ຮຽນ ​-​ ການ​ສອນ ຂອງ​ສະ​ຖາ​ບັນ​ການ​ສຶກ ສາ ຊຶ່ງ​ເລີ່ມແຕ່ຂັ້ນ​ປະຖົມ, ມັດ ທະຍົມ, ມະຫາວິທະຍາໄລ ຕະຫຼອດ​ຮອດຜູ້​ທີ່​ຈະ​ໄປ​ເປັນ​ນັກ​ການ​ທູດ​ຢູ່​ຕ່າງປະເທດ ລວມ​ທັງ​ພະນັກ​ງານ ​-​ ລັດຖະ ກອນ ໃນ​ຂະແໜງການ​ຕ່າງໆ ນັບ​ແຕ່​ສູນ​ກາງ​ຈົນ​ຮອດ​ທ້ອງ​ຖິ່ນ.    ສ່ວນ​ແຜນການ​ຈັດການ​ແຂ່ງຂັນ​ເປົ່າ​ແຄນ​ຮຸ່ນ​ສືບ​ທອດ ຊາຍ​ -​ ຍິງ  ຮຸ່ນ​ອາຍຸ 7 ປີ ຫາ 18  ປີ ໂດຍ​ສະເພາະປີ 2020 ນີ້, ສະມາຄົມ​ສິລະ​ປະ​ແຄນ​ລາວ ໄດ້​ຮ່ວມ​ກັບ​ໂທລະພາບ​ແຫ່ງ​ຊາດ​ລາວ ຊ່ອງ 1 ໂດຍ​ການ​ສະໜັບສະໜູນ​ຂອງ​ ບໍລິສັດ ຟໍ​ເຕ ໂຕ​ໂກ ປະກັນ​ໄພ​ລາວ ຈໍາ​ກັດ, ຈັດການ​ແຂ່ງຂັນສຽງ​ແຄນ​ເຊື້ອ​ຊາດ​ລາວ ກັບ​ຮຸ່ນ​ສືບ​ທອດ ແນໃສ່​ສ້າງ​ຮຸ່ນ​ໜຸ່ມ​ນ້ອຍ ເພື່ອ​ສະເຫຼີມສະຫຼອງ ວັນ​​ເກີດ ປະທານ ໄກສອນ ພົມວິຫານ​ ຄົບຮອບ 100 ປີ, ວັນຊາດ ຄົບຮອບ 45 ປີ, ກອງ​ປະຊຸມ​ໃຫຍ່ 3 ຂັ້ນ​ ຂອງ​ອົງຄະ​ນະ​ພັກ​ຂັ້ນ​ຕ່າງໆ, ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ XI ຂອງ​ພັກ ແລະ ວັນ​ສໍາຄັນ​ຂອງ​ຊາດ, ຄາດ​ວ່າຈະ​ຈັດ​ຮອບຊີງ​ຊະນະ​ເລີດ ໃນ​ວັນ​ທີ 22 ພະຈິກ ທີ່​ຈະ​ມາ​ເຖິງທີ່​ຫໍ​ວັດທະນະ​ທໍາ​ແຫ່ງ​ຊາດ. ສໍາ​ລັບ​ການ​ພັດທະນາ​ຊ່າງ​ເຮັດ​ແຄນ, ສະມາຄົມມີ​ແຜນການ​ສະເໜີ​ຂັ້ນ​ເທິງເພື່ອ​ຂໍ​ອະນຸມັດ ແລະ ຂໍ​ງົບປະມານ ເພື່ອ​ຈັດການ​ແຂ່ງ ຂັນສີມື​ຊ່າງ​ແຄນ​ດີເດັ່ນ ປະ​ຈໍາ​ປີ 2020 ເພື່ອ​ຮັບປະກັນທັງປະລິມານ ແລະ ຄຸນ​ນະ​ພາບ.  ດັ່ງນັ້ນ, ທຸກໆ​ຄົນ​ຈະ​ຕ້ອງ​ມີ​ສ່ວນ​ຮ່ວມ ແລະ ຈົ່ງ​ພ້ອມ​ກັນ​ສົ່ງເສີມ​ຮຽນ​ຮູ້​ສິລະ​ປະ​ເປົ່າ​ແຄນ​ລາວ ເພື່ອ​ຄວາມ​ຍືນ​ຍົງ​ຕະຫຼອດ​ໄປ. 
ປັດຈຸບັນ, ສະມາຄົມ, ຍັງ​ບໍ່​ທັນ​ມີ​ພິ​ພິ​ທະ​ພັນ​ແຄນ​ລາວ ທີ່​ເປັນ​ສັນຍາ​ລັກ​ຂອງ​ປະເທດ ທີ່​ໝາຍ​ເຖິງ​ວ່າເປັນ​ເຈົ້າ​ຂອງ​ລິ​ຂະ​ສິດ​ແຄນ ແລະ ສຽງ​ແຄນ​ຂອງ​ຊາດ​ລາວ ມໍ​ລະ​ດົກ​ໂລກ ເພື່ອ​ເອກອ້າງສັງຄົມ​ພາຍ​ໃນ ແລະ ຕ່າງ​ປະ​ເທດ.  ນັບ​ຕັ້ງແຕ່ ແຄນ ແລະ ສຽງ​ແຄນ​ລາວ ໄດ້​ຖືກ​ຮັບຮອງ​ເປັນ​ມໍ​ລະ​ດົກ​ໂລກ, ມາ​ຮອດ 2020ນີ້ ແມ່ນ​ເປັນ​ປີ​ທີ 3 ແລ້ວ, ບັນຫາ​ທີ່​ຍັງ​ເປັນ​ຊ່ອງ​ຫວ່າງ​ຕໍ່​ສັງຄົມແມ່ນ​ຍັງ​ບໍ່​ທັນ​ມີ​ກິດ​ຈະ​ກໍາ​ໃດ​ທີ່​ຕັ້ງໜ້າ ເຂົ້າ​ໃນ​ການ​ຊຸກຍູ້​ສົ່ງເສີມທີ່​ ເປັນ​ຮູບ​ປະ​ທໍາ. ດັ່ງນັ້ນ​ສະມາ ຄົມ ຈຶ່ງ​ໄດ້​ນໍາ​ສະເໜີ​ຕໍ່​ທ່ານ​ ນາຍົກລັດຖະມົນຕີ ເພື່ອ​ຂໍ​ນໍາ​ໃຊ້​ບໍລິເວນ​ທີ່​ດິນ ແລະ ອາ ຄານ​ເກົ່າ​ກະຊວງ​ຍຸ​ຕິ​ທໍາ ທີ່ເຄີຍ ​ເປັນ​ຫ້ອງການ​ໃນ​ອະດີດ ເພື່ອ​ບູລະນະ​ເປັນ​ພິ​ພິ​ທະ​ພັນ​ແຄນ​ລາວ​ມໍ​ລະ​ດົກ​ໂລກ,  ຫາກ​ວ່າ​ລັດຖະບານ​ພິຈາລະນາ​ອະນຸ ມັດ ກໍ​ຈະ​ຟື້ນ​ຟູ​ບູລະນະ​ສະຖານ ທີ່​ດິນ ແລະ ອາຄານ​ເກົ່າ​ກະຊວງ​ຍຸ​ຕິ​ທໍາ ເປັນ​ພິ​ພິ​ທະ​ພັນ​ແຄນ​ລາວ, ເປັນ​ບ່ອນ​ເຕົ້າໂຮມ​ວາງ ສະແດງ​ເຄື່ອງ​ດົນຕີ​ພື້ນເມືອງ​ຂອງ​ປະຊາຊົນ​ລາວ ຢູ່​ແຫ່ງນີ້ ຕິດ​ພັນ​ກັບ​ແຫຼ່ງ​ທ່ອງ​ທ່ຽວ​ປະ ຫວັດສາດ, ວັດ​ທະ​ນະ​ທໍາ​ລາວ; ເປັນ​ບ່ອນ​ວາງສະແດງ​ມູນເຊື້ອ, ສະຖານທີ່​ຮຽນ​ເປົ່າ​ແຄນ, ຮຽນ​ຂັບ​ລໍາ​ທ້ອງຖິ່ນ​ຕ່າງໆ,ບ່ອນ​ຮຽນ​ເຮັດ​ແຄນ ແລະ ຂອງ​ທີ່​ລະນຶກ​ຕ່າງໆ.
ທິດ​ທາງ​ໃນຕໍ່ໜ້າ ເພື່ອສົ່ງ ເສີມ​ໃຫ້​ໄວ​ໜຸ່ມ​ຫັນ​ມາ​ສົນໃຈ​ເປົ່າ​ແຄນ, ສະມາຄົມ​ມີ​ແຜນ ການ​ປະສານ​ສົມທົບ​ກັບ​ພາກ ສ່ວນ​ທີ່​ມີ​ບົດບາດ​ໃນ​ການອອກ ​ມາດ​ຕະການ​ຕ່າງໆ​ເພື່ອໃຫ້ສື່​ ໄດ້​ອອກ​ຂ່າວ​ໂຄສະນາແຕ່ສູນ​ ກາງ​ຮອດ​ທ້ອງຖິ່ນ ໃຫ້​ຫຼາຍ ​ຂຶ້ນ ແລະ ໃຫ້​ວົງ​ດົນຕີ​ຂະໜາດ​ ນ້ອຍ​ -​ ໃຫຍ່​ຕ່າງໆນໍາ​ ໃຊ້ແຄນ ປະກອບ​ເຂົ້າ​ໃນເຄື່ອງເສບດົນ ຕີແບບ​ບັງຄັບ; ໂຮງແຮມ, ເຮືອນ​ຮັບແຂກ,ຮ້ານ​ອາຫານ, ຮ້ານບັນເທີງ, ສະໜາມ​ບິນ, ດ່ານ​ສາກົນ, ສະຖານທີ່​ທ່ອງ​ທ່ຽວ, ປະຕູໂຂງ​ເຂົ້າ​ແຂວງ ​-​ເຂົ້າ​ເມືອງ ຄວນ​ໃຫ້​ມີ​ສັນຍາ​ລັກ​ແຄນ​ລາວໃຫ້​ສົມ​ກັບ​ແຄນ ແລະ ສຽງ​ແຄນ​ລາວ ເປັນ​ມໍ​ລະ​ດົກ​ຂອງ​ຄົນ​ເຊື້ອ​ຊາດ​ລາວ ແລະ ເປັນ​ມໍ​ລະ​ດົກ​ໂລກ​ຢ່າງ​ແທ້​ຈິງ. 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110