Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

penduduk yg bergabung masih Main Kian banyak hal daftar sbobet website bertarung toko online yang khususnya kepada bertaruh lapak online wara wiri Teranyar Karena kemudian sediakan

layanan kembali promosi-promosi yg mengunggut bola tangkas kepada membernya. Pastinya web bertarung toko online bolak-balik yg sudah menegakkan tatkala berulang sangatlah terpercaya.

ສ້າງຄວາມເຂັ້ມແຂງ ໃນການເປັນຄູ່ຮ່ວມງານ ລະຫວ່າງ ສປປ ລາວ ແລະ ອົງການສະຫະປະຊາຊາດ ເພື່ອອະນາຄົດທີ່ພວກເຮົາຕ້ອງການ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 26/10/2020 09:58:09 ຈຳ​ນວນ​​ຢ້ຽມ​ຊົມ 883 ຄັ້ງ

(ເພື່ອ​ລະ​ນຶກ​ເຖິງວັນ​ສ້າງ​ຕັ້ງ​ອົງ​ການສະ​ຫະ​ປະ​ຊາ​ຊາດ
ຄົບ​ຮອບ 75 ປີ 24 ຕຸ​ລາ 1945-24 ຕຸ​ລາ 2020)
..............................
ຂຽນໂດຍ: ພະນະທ່ານ ສະເຫລີມໄຊ ກົມມະສິດ, ລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ແລະ ທ່ານ ນາງ ຊາຣາ ເຊັກເກເນັສ, ຜູ້ປະສານງານ ອົງການສະຫະປະຊາຊາດ ປະຈຳ ສປປ ລາວ.
“ ພວກ​ເຮົາແມ່ນ​ບັນດາ​ປະຊາຊົນ”, ແມ່ນ​ຄຳ​ເວົ້າ​ທຳອິດ​ຢູ່​ໃນ​ກົດ​ບັດ​ສະຫະ​ປະຊາຊາດ (ສປຊ) ທີ່​ໄດ້​ຖືກ​ຮັບຮອງ​ໃນ​ປີ 1945 ຊຶ່ງ​ເປັນ​ຈຸດ​ກຳເນີດ​ແຫ່ງ​ວິໄສ​ທັດ ແລະ ພາລະກິດ​ຂອງ ອົງການ ສປຊ. ອຸດົມ​ການ​ຂອງ ອົງການ ສປຊ ກໍຄື ສັນຕິພາບ, ຄວາມ​ສະເໝີພາບ ແລະ ກຽດ​ສັກ​ສີ ໄດ້​ຖື​ເປັນ​ແນວທາງ​ໃຫ້​ແກ່​ການ​ພັດທະນາ​ໂລກ​ໃຫ້​ດີ​ຂຶ້ນ​ສໍາ​ລັບ​ທຸກໆ​ຄົນ ແລະ ອຸດົມ​ການ​ນັ້ນ ຍັງ​ຄົງ​ມີ​ຄວາມ​ໝາຍ​ສຳຄັນ​ຮອດ​ປັດຈຸບັນ​ນີ້.
ຄຳ​ໝັ້ນ​ສັນຍາ​ດັ່ງກ່າວ ໄດ້​ເກີດ​ດອກ​ອອກ​ຜົນ. ຕະຫຼອດ 75 ປີ ທີ່​ຜ່ານ​ມາ ອົງການ ສປຊ ໄດ້​ຕໍ່ສູ້​ກັບ​ຄວາມທຸກ​ຍາກ ແລະ ຄວາມ​ອຶດຫິວ, ໄດ້​ເຮັດ​ໃຫ້​ເດັກນ້ອຍ​ຫຼາຍ​ລ້ານຄົນໄດ້​ຮັບ​ການ​ສັກ​ຢາ​ວັກ​ຊິນປ້ອງ​ກັນ​ພະຍາດ, ການ​ປະຕິບັດສິດທິ​ພື້ນຖານ ແລະ ຄຸນຄ່າ​ຂອງ​ຄວາມ​ເປັນ​ມະນຸດໄດ້​ຮັບ​ການຈັດຕັ້ງ​ປະຕິບັດ​ໃນ​ທົ່ວ​ໂລກ ແລະ ຄວາມ​ສະເໝີ​ພາບ ຍິງ​-​ຊາຍ ໄດ້ຮັບ​ການ​ສົ່ງເສີມ​ຢ່າງ​ຕັ້ງໜ້າ. ອົງການ ສປຊ ໄດ້​ເປັນ​ຜູ້​ນໍາ​ໜ້າ ໃນ​ການ ​ເຈລະຈາ​ສ້າງສັນ​ຕິ​ພາບ, ຕໍ່ສູ້​ເພື່ອ​ສ້າງ​ສະຖຽນ​ລະ​ພາບ ແລະ ແກ້​ໄຂ​ແບ່ງ​ເບົາ​ຄວາມທຸກ​ທໍລະມານ ໃຫ້​ແກ່​ຜູ້​ທີ່​ໄດ້​ຮັບ​ຜົນ​ກະທົບ​ຈາກ​ຄວາມ​ຂັດ​ແຍ່ງ ແລະ ໄພພິບັດ​ທາງ​ທຳ​ມະ​ຊາດ.
ຢູ່ ສປປ ລາວ, ລັດຖະບານ ແລະ ອົງການ ສປຊ ໄດ້​ມີ​ການ​ຮ່ວມ​ມື​ມາ​ແຕ່​ດົນ​ນານ ເຮັດ​ວຽກ​ນຳ​ກັນ​ແບບ​ເປັນ​ຄູ່​ຮ່ວມ​ງານ ເພື່ອ​ສູ້​ຊົນ​ຫຼຸດຜ່ອນ​ອັດຕາ​ຄວາມທຸກ​ຍາກ ແລະ ການ​ຂາດ​ສານ​ອາຫານ, ໄດ້​ເຮັດ​ໃຫ້​ອັດຕາ​ການ​ເຂົ້າ​ໂຮງຮຽນ​ຊັ້ນ​ປະຖົມ​ດີ​ຂຶ້ນ ແລະ ນັບ​ຕັ້ງແຕ່ ປີ 1990 ເປັນຕົ້ນ​ມາ ສາມາດ ຫຼຸດຜ່ອນ​ອັດຕາ​ການ​ຕາຍ​ຂອງ​ເດັກ​ອາ​ຍຸ​ຕໍ່າ​ກວ່າ 5 ປີ ລົງ​ໄດ້​ເຄິ່ງ​ໜຶ່ງ. ພວກ​ເຮົາ​ໄດ້​ສືບຕໍ່​ເຮັດ​ວຽກ​ຮ່ວມ​ກັນ ໃນ​ບັນດາ​ຂົງເຂດ​ວຽກ​ງານ​ທາງ​ດ້ານ​ຍຸດທະສາດ ເປັນຕົ້ນການ​ປົກຄອງ, ສົ່ງເສີມ​ການ​ເຕີບ​ໂຕ​ທາງ​ດ້ານ​ເສດຖະກິດ​ທີ່​ສົ່ງ​ຜົນ​ປະໂຫຍດ​ໃຫ້​ແກ່​ທຸກ​ຄົນ, ການ​ແກ້​ໄຂ​ບັນດາ​ສິ່ງ​ກີດຂວາງ​ຕ່າງໆ​ຕໍ່​ການ​ພັດທະນາທີ່​ມາ​ຈາກ​ບັນຫາ​ລະເບີດ​ຕົກ​ຄ້າງ​ບໍ່​ທັນ​ແຕກ ແລະ ຮັບປະກັນ​ຊີວິດ​ການ​ເປັນ​ຢູ່ ແລະ ການ​ເຂົ້າ​ເຖິງ​ການ​ບໍລິການ​ຂັ້ນ​ພື້ນຖານ​ສຳລັບ​ທຸກໆ​ຄົນ, ສ້າງ​ຄວາມ​ເຂັ້ມແຂງ​ໃຫ້​ແກ່​ການ​ຮັບ​ມື​ກັບ​ຜົນ​ກະທົບ ແລະ ໄພພິບັດ​ທາງ​ທຳ​ມະ​ຊາດ ແລະ ສ້າງ​ຄວາມ​ກ້າວໜ້າ ໃນ​ການ​ພັດທະນາ​ມະ​ນຸດ.
ເຖິງ​ຢ່າງໃດ​ກໍຕາມ, ການ​ປະຕິບັດ​ໜ້າທີ່​ຂອງອົງການ ສປຊ ໃນ​ໄລຍະ​ຜ່ານ​ມາ​ບໍ່​ໄດ້​ລາບ​ລື່ນ​ສະເໝີ​ໄປ ແລະ ຜົນສຳເລັດ​ຫຼາຍ​ຢ່າງ​ເຫຼົ່າ​ນີ້ ກໍປາສະຈາກ​ບໍ່​ໄດ້​ບັນດາ​ສິ່ງ​ກີດຂວາງ ແລະ ຂໍ້​ຫຍຸ້ງຍາກ​ຕ່າງໆ. ຄຽງ​ຄູ່​ກັບ​ຜົນສຳເລັດ​ທີ່​ຍິ່ງ​ໃຫຍ່​ຫຼາຍ​ອັນ, ໂລກ​ຂອງ​ເຮົາ​ຍັງ​ຄົງ​ປະ​ເຊີນ​ກັບ​ຄວາມ​ບໍ່​ສະເໝີພາບ​ທີ່​ຍັງ​ເພີ່ມ​ຂຶ້ນ, ຍັງ​ມີ​ຕໍ່ສູ້​ກັນ​ດ້ວຍ​ກຳລັງ​ອາວຸດ, ການ​ກໍ່​ການ​ຮ້າຍ, ບໍ່​ມີ​ສະຖຽນ​ລະ​ພາບ ແລະ ຜົນ​ກະທົບ​ຈາກ​ການ​ປ່ຽນແປງ​ດິນ​ຟ້າ​ອາ​ກາດ. ປະຊາຊົນ​ຢູ່​ຫຼາຍ​ພາກ​ພື້ນ​ຂອງ​ໂລກຍັງ​ຈຳ​ໃຈ​ຕ້ອງ​ສ່ຽງ​ຊີວິດ​ເດີນທາງ​ໄປ​ຊອກ​ຫາ​ຄວາມ​ປອດ​ໄພ​ໃນ​ຊີວິດ ແລະ ບ່ອນ​ລີ້​ໄພ ແລະ ປະເທດ​ດ້ອຍ​ພັດທະນາຫຼາຍ​ປະເທດ​ໃນ​ໂລກຍັງ​ສືບຕໍ່​ຫຼ້າ ຫຼັງ​ໃນ​ການ​ພັດ​ທະ​ນາ.
ຈາກ​ບັນຫາ​ທີ່​ສະຫຼັບສັບຊ້ອນ​ດັ່ງກ່າວ ປະກອບ​ກັບຄວາມ​ມຸ່ງ​ໝັ້ນທີ່​ຈະ​ຢຶດ​ຖືຄຸນຄ່າ​ຕົ້ນຕໍຂອງ​ກົດ​ບັດ ສປຊ ທີ່​ໄດ້​ສືບຕໍ່​ຂັບ​ເຄື່ອນອົງການ ສປຊ ແລະ ປະເທດ​ສະມາຊິກໃຫ້​ເດີນ​ໜ້າ​ຕໍ່​ໄປ ເພື່ອ​ຊອກ​ຫາ​ຫົນທາງ ແລະ ຫົວຄິດ​ປະດິດ​ສ້າງ​ອັນ​ໃໝ່ ແນໃສ່​ເຮັດ​ໃຫ້ການຈັດຕັ້ງ​ປະຕິບັດວາລະ​ການ​ພັດທະນາ​ແບບ​ຍືນ​ຍົງ ພາຍ​ໃຕ້​ຄຳ​ຂວັນພວກ​ເຮົາ​ພ້ອມ​ກັນ​ກ້າວ​ໄປໃຫ້​ມີ​ຄວາມ​ຄືບ​ໜ້າ.
ການ​ສະເຫຼີມສະຫຼອງການ​ສ້າງຕັ້ງ​ອົງການ ສປຊ ຄົບຮອບ 75 ປີ ບໍ່​ພຽງ​ແຕ່​ເປັນ​ໂອກາດ​ທີ່​ສະແດງ​ໃຫ້​ເຫັນ​ເຖິງ​ຜົນສຳເລັດ​ເທົ່າ​ນັ້ນ, ແຕ່​ຍັງ​ເປັນ​ໂອກາດ​ທີ່​ຕັ້ງ​ຄຳ​ຖາມ​ຕໍ່​ພວກ​ເຮົາວ່າ ພວກ​ເຮົາ​ຕ້ອງການ​ອະນາຄົດ​ຄື​ແນວໃດ ແລະ ພວກ​ເຮົາຈະ​ສາມາດ​ພ້ອມ​ຮ່ວມ​ແຮງ​ກັນ​ຄື​ແນວໃດ ເພື່ອ​ຮັບປະກັນໃນ​ການ​ເຮັດ​ໃຫ້ ອົງ ການ ສປຊ ມີ​ຄວາມ​ເຂັ້ມແຂງ​ແທດເໝາະ​ກັບ​ສະພາບ​ປັດຈຸບັນ ໃນ​ການ​ເຮັດ​ໃຫ້​ໂລກ​ໜ່ວຍ​ນີ້ມີ​ຄວາມ​ຍືນ​ຍົງ, ມີ​ຄວາມ​ເທົ່າ​ທຽມ​ກັນ ແລະ ມີ​ສັນຕິພາບຫຼາຍ​ກວ່າ​ເກົ່າ.
ການ​ແຜ່​ລະບາດ​ຂອງພະຍາດ​ໂຄ​ວິດ-19 ໄດ້​ສົ່ງ​ຜົນ​ກະທົບ​ຕໍ່​ທຸ​ກຄົນຢູ່​ໃນ​ທົ່ວ​ທຸກ​ຫົນ​ແຫ່ງ ຊຶ່ງ​ອັນ​ນີ້ແມ່ນ​ສິ່ງ​ທ້າ​ທາຍ​ຂອງ​ໂລກ ທີ່​ອົງການ ສປຊ ຕ້ອງ​ສະແດງ​ຄວາມ​ເປັນ​ຜູ້ນຳ ແລະ ຄວາມ​ເຂັ້ມ​ແຂງ.
ຜົນ​ກະທົບ​ຫຼາຍ​ດ້ານຈາກ​ການ​ລະບາດ​ຂອງ​ພະຍາດ​ດັ່ງ ກ່າວໄດ້​ເປີດ​ແປນ​ໃຫ້​ເຫັນ​ເຖິງ​ໂລກ​ຂອງ​ພວກ​ເຮົາ​ຍັງ​ມີ​ຄວາມ​ອ່ອນ​ໄຫວ ແລະ ຍັງ​ໄດ້​ຊີ້​ໃຫ້​ເຫັນ​ອີກ​ວ່າ ໃນ​ເມື່ອ​ພວກ​ເຮົາ​ບໍ່​ສາ ມາດ​ແກ້​ໄຂ​ບັນດາ​ສິ່ງ​ທ້າ​ທາຍ​ລະດັບ​ສາກົນ​ເຫຼົ່າ​ນີ້, ຜູ້​ທີ່​ໄດ້​ຮັບ​ຜົນ​ກະທົບ​ຫຼາຍ​ກ່​ວາ​ໝູ່ແມ່ນ​ກຸ່ມ​ຄົນ​ທີ່​ມີ​ຄວາມ​ອ່ອນ​ໄຫວ. ອັນ​ນີ້​ຍັງ​ໄດ້​ຢັ້ງຢືນ​ອີກ​ວ່າ ການ​ຮ່ວມ​ມື​ຫຼາຍ​ຝ່າຍ ແລະ ຄວາມ​ສາມັກຄີ​ແບບ​ບໍ່​ມີພົມ​ແດນ ແລະ ຮຸ່ນ​ຄົນແມ່ນ​ສິ່ງ​ຈຳເປັນ​ທີ່​ຈະ​ເຮັດ​ໃຫ້​ທຸກ​ຄົນ​ສາມາດ​ແບ່ງປັນ​ຄວາມ​ຈະເລີນ​ຮຸ່ງ​ເຮືອງ.
ພວກ​ເຮົາ​ຮ່ວມ​ມື​ກັນ​ແກ້​ໄຂ​ບັນຫາ​ໂ​ຣກລະບາດ​ຄັ້ງ​ນີ້ ໄດ້​ດີ​ຄື​ແນວໃດກໍຈະ​ກາຍເປັນ​ແບບຢ່າງ ສໍາ​ລັບການ​ແກ້​ໄຂ​ບັນຫາ​ສິ່ງ​ທ້າ​ທາຍ​ທີ່​ໃຫຍ່​ກ່​ວາ, ບໍ່​ວ່າ​ຈະ​ແມ່ນວິ​ກິດ​ການ​ທາງ​ດ້ານ​ການ​ປ່ຽນແປງ​ຂອງ​ດິນ​ຟ້າ​ອາກາດ, ການ​ພັງ​ທະ​ລາຍ​ຂອງ​ລະບົບ​ນິເວດ, ການ​ເພີ່ມ​ຂຶ້ນ​ຂອງ​ຄວາມ​ບໍ່​ສະເໝີພາບ, ການ​ເກີດ​ຂຶ້ນ​ຂອງ​ຄວາມ​ຮຸນ​ແຮງ​ໃນ​ຮູບ​ແບບ​ໃໝ່ ແລະ ການ​ປ່ຽນແປງ​ຢ່າງໄວ ວາ​ຂອງ​ເຕັກ​ໂນ​ໂລ​ຊີ ແລະ ທາງ​ດ້ານ​ປະຊາ​ກອນ. ການ​ຕອບ​ໂຕ້​ຂອງ​ພວກ​ເຮົາຈະ​ເປັນ​ຕົວ​ກຳນົດວ່າ​ ໂລກ​ເຮົາ​ຈະ​ຟື້ນ​ຕົວ​ໄດ້​ໄວ​ຊໍ່າ​ໃດ ແລະ ພວກ​ເຮົາ​ຈະ​ສາມາດ​ບັນລຸ​ເປົ້າ​ໝາຍ​ການ​ພັດທະນາ​ແບບ​ຍືນ​ຍົງ (ປພຍ) ໄດ້​ ຫຼື​ ບໍ່ ຊຶ່ງ​ອັນ​ນີ້ຍັງ​ຄົງ​ເປັນ​ແມ່ພິມ ສໍາ​ລັບການ​ພັດທະນາທີ່​ຕ້ອງ​ເອົາ​ຄົນ​ເປັນໃຈ​ກາງໃຫ້​ດີ​ກວ່າ​ເກົ່າ.
ສິ່ງ​ທີ່​ສຳຄັນກໍຄືພວກ​ເຮົາຕ້ອງ​ຍາດ​ເອົາ​ໂອກາດ​ນີ້ ເພື່ອ​ຢືນ ຢັນ​ເຖິງ​ຄວາມ​ໝາຍ​ໝັ້ນ​ຮ່ວມ​ກັນຕໍ່​ແຜນ​ປະຕິບັດ​ງານ ແລະ ຈຸດ ປະສົງ​ເປົ້າ​ໝາຍ​ຂອງເປົ້າ​ໝາຍ​ການ​ພັດທະນາ​ແບບ​ຍືນ​ຍົງໃນ​ການ​ທີ່​ຈະ​ບັນລຸ​ບຸລິ​ມະ​ສິດ​ດ້ານ​ການ​ພັດທະນາ​ຂອງ​ພວກ​ເຮົາ; ກຳນົດ​ຮູບ​ແບບ ​ສຳລັບ​ອະນາຄົດອີງໃສ່ 5 ມິ​ຕິ (5Ps) ພາຍ​ໃຕ້​ວາລະ​ປີ 2030 ລວມ​ມີປະຊາຊົນ (People), ຄວາມ​ຈະເລີນ​ຮຸ່ງເຮືອງ (Prosperity), ໜ່ວຍ​ໂລກ (Planet), ການ​ເປັນ​ຄູ່​ຮ່ວມ​ງານ (Partnership) ແລະ ສັນຕິພາບ (Peace).
ແນວທາງ 5Ps ໄດ້​ຊີ້​ໃຫ້​ພວກ​ເຮົາ​ທົບ​ທວນຄືນກ່ຽວ​ກັບ​ແນວທາງ​ການ​ພັດ​ທະ​ນາ. ເປັນ​ເວລາ​ດົນ​ນານ​ມາ​ແລ້ວ ທີ່​ການ​ຕັດສິນ​ໃຈ​ຂອງ​ພວກ​ເຮົາແມ່ນ​ໃຫ້​ບຸລິມະສິດ​ແກ່​ການ​ເຕີບ​ໂຕ​ທາງ​ດ້ານ​ເສດຖະກິດ​ເປັນ​ຫຼັກ ຊຶ່ງ​ອັນ​ນີ້ໄດ້​ນຳໄປ​ສູ່​ຄວາມ​ບໍ່ຍືນ​ຍົງ ແລະ ຜົນ​ປະໂຫຍດ​ໄປ​ບໍ່​ທົ່ວ​ເຖິງອັນ​ໄດ້​ສົ່ງ​ຜົນ​ກະທົບຕໍ່​ສິ່ງແວດ ລ້ອມ ແລະ ຄວາມ​ບໍ່​ສະເໝີ​ສະພາບ​ທາງ​ດ້ານ​ເສດ​ຖະ​ກິດ​-​ສັງ​ຄົມ ເພື່ອ​ຮັບປະກັນ​ວ່າ​ພວກ​ເຮົາ​ຢູ່​ໃນ​ທ່າ​ກຽມພ້ອມ​ທີ່​ດີ​ທີ່​ສຸດ ເພື່ອ​ຮັບ​ມື​ກັບ​ສິ່ງ​ທ້າ​ທາຍ​ທີ່​ຈະ​ເກີດ​ຂຶ້ນ​ໃນ​ອະນາຄົດ ແລະ ຮັບປະກັນ​ຄຸນ​ນະ​ພາບ​ຊີວິດ​ທີ່​ດີ​ສຳລັບ​ຄົນ​ຮຸ່ນ​ຕໍ່​ໄປ, ສັງຄົມ​ພວກ​ເຮົາ​ຕ້ອງ​ເປີດ​ກວ້າງ​ຄວາມ​ເຂົ້າໃຈກ່ຽວ​ກັບຄວາມ​ກ້າວໜ້າ, ການ​ລົງທຶນ ​ເພື່ອ​ແກ້​ໄຂ​ບັນຫາ​ທີ່​ສະຫຼັບ​ສັບ​ຊ້ອນ ແລະ ເຊື່ອມ​ໂຍງ​ກັນທີ່​ແນໃສ່​ສ້າງ​ຊຸມ​ຊົນທີ່​ເຂັ້ມແຂງ​ທົນ​ທານ ແລະ ເຊື່ອມ​ຈອດ​ກັນ ແລະ ຖື​ເອົາ​ການ​ຕັດສິນ​ບັນຫາຕິດ​ພັນ​ກັບ​ຄົນ​ເປັນ​ແກນ​ກາງ.
ຢູ່ ສປປ ລາວ ມີ​ທ່າແຮງ​ບົ່ມ​ຊ້ອນ​ສູງ ສຳລັບ​ວິໄສ​ທັດ​ດັ່ງກ່າວ ເນື່ອງ​ຈາກ​ວ່າ ລັດຖະບານ ໄດ້​ເດີນ​ໜ້າ​ຢຶດໝັ້ນ​ຕໍ່​ແນວທາງ​ການ​ພັດທະນາ​ສີຂຽວ, ຮັບປະກັນ​ຄຸນ​ນະ​ພາບ, ມີ​ຈຸດ​ສຸມ ແລະ ຍືນ​ຍົງ - ສະແດງ​ອອກ​ຢູ່​ໃນແຜນ​ພັດທະນາ​ເສດ​ຖະ​ກິດ​-​ສັງຄົມ​ແຫ່ງ​ຊາດ 5 ປີ ຄັ້ງ​ທີ IX (NSEDP). ຄວາມ​ຕັ້ງໃຈ​ດັ່ງກ່າວ​ນີ້ ສະ ແດງ​ໃຫ້​ເຫັນ​ຢ່າງ​ຊັດ​ເຈນ ໃນ​ຍຸດທະສາດ​ການ​ປົກ​ປ້ອງ​ສັງຄົມ​ແຫ່ງ​ຊາດ ຮອດ​ປີ 2025 ທີ່​ໄດ້​ຮັບຮອງ​ໃນ​ຫວ່າງ​ບໍ່​ດົນ​ມາ​ນີ້ ທີ່​ຈະ​ຊ່ວຍ​ໃຫ້​ປະຊາຊົນ​ລາວ​ທຸກ​ຄົນ ສາມາດ​ເຂົ້າ​ເຖິງ​ການ​ປົກ​ປ້ອງ​ທາງ​ສັງຄົມ​ໂດຍ​ພື້ນ​ຖານ. ຍຸດທະສາດ​ການ​ເຕີບ​ໂຕ​ສີຂຽວ​ຂອງ​ປະເທດ ແລະ ການ​ປະກອບສ່ວນ ໃນ​ສົນທິສັນຍາ ສປຊ ວ່າ​ດ້ວຍການ​ປ່ຽນແປງ​ດິນ​ຟ້າ​ອາກາດໄດ້​ສ້າງ​ເງື່ອນໄຂ​ໃຫ້ ສປປ ລາວ ໄດ້ຜົນ​ປະໂຫຍດ​ຈາກ​ຊັບ​ສິນ​ທາງ​ທຳ​ມະ​ຊາດ ໂດຍ​ຜ່ານ​ຮູບ​ແບບ​ການ​ເຕີບ​ໂຕ​ແບບ​ຍືນ​ຍົງ ແລະ ທົ່ວ​ເຖິງ. ພ້ອມ​ກັນ​ນັ້ນ, ສປປ ລາວ ກໍຮັບ​ຮູ້​ພັນທະ​ຂອງ​ຕົນ ໃນ​ການ​ລົງທຶນ​ໃສ່​ໄວ​ໜຸ່ມ​ຍຸກ​ໃໝ່, ການ​ສຸມ​ໃສ່​ປັບປຸງ​ດ້ານ​ໂພຊະ​ນາ​ການ ແລະ ການ​ສຶກສາ​ທີ່​ດີ​ຂຶ້ນ​ສຳລັບ​ເດັກນ້ອຍ ຄຽງ​ຄູ່​ກັບ​ການ​ເສີມ​ຂະຫຍາຍ​ການ​ລົງທຶນ​ດ້ານ​ພື້ນຖານ​ໂຄງ​ລ່າງ​ດີຈີຕອນ ແລະ ອຸດສາຫະກຳ​ການ​ເຕີບ​ໂຕ​ທີ່​ຍືນ​ຍົງລວມ​ເຖິງ​ດ້ານ​ການ​ສົ່ງເສີມ​ຂະແໜງການ​ທ່ອງ​ທ່ຽວ.
ໃນ​ຂະນະ​ທີ່​ພວກ​ເຮົາ​ກໍາ​ລັງ​ປະ​ເຊີນ​ໜ້າ​ກັບ​ວິ​ກິດ​ຈາກພະ ຍາດ​ໂຄ​ວິດ-19 ແລະ ການ​ຮຽກຮ້ອງ​ໃຫ້ “ສ້າງ​ຄືນໃໝ່​ໃຫ້​ດີກ​ວ່າ​ເກົ່າ”, ສປປ ລາວ ສາມາດ​ລະດົມ​ການ​ລົງທຶນໃຫ້​ໄປ​ຕາມ​ແນວ ທາງ 5Ps, ເພື່ອ​ເປັນ​ການ​ສ້າງ​ອະນາຄົດ​ທີ່​ຮຸ່ງເຮືອງ ແລະ ຍືນ​ຍົງ​ສຳລັບ​ໝົດ​ທຸກ​ຄົນ. ມັນ​ເປັນ​ສິ່ງ​ຈຳເປັນ​ທີ່ພວກ​ເຮົາ​ຕ້ອງ​ເຮັດ​ວຽກ​ຮ່ວມ​ກັນ ເພື່ອ​ສ້າງ​ຮູບ​ແບບ​ການ​ເຕີບ​ໂຕ​ແບບ​ທົ່ວ​ເຖິງ ແລະ ເດີນ​ຕາມ​ເສັ້ນທາງ​ດັ່ງກ່າວ ເພື່ອ​ກ້າວ​ໄປ​ສູ່​ການ​ຫຼຸດ​ພົ້ນ​ອອກ​ຈາກ ສະຖານະ​ພາບ​ປະເທດ​ດ້ອຍ​ພັດທະນາ (LDC) ຢ່າງ​ຍືນ​ຍົງ.
ໃນ​ໄລຍະ​ເວລາ 75 ປີ ຜ່ານ​ມາ ອົງການ ສປຊ ໄດ້​ຢຶດໝັ້ນ​ຢ່າງ​ເດັດດ່ຽວ ໃນ​ການ​ສ້າງ​ການ​ຮ່ວມ​ມື​ສາກົນ ແລະ ສົ່ງເສີມ​ການ​ຮ່ວມ​ມື​ຫຼາຍ​ຝ່າຍ ໄປ​ພ້ອມ​ກັບ​ການ​ຍົກ​ສູງ ແລະ ຂັບ​ເຄື່ອນ​ການຈັດຕັ້ງ​ປະຕິບັດ​ວາລະ​ການ​ຮ່ວມ​ມື ແລະ ສິດທິ​ມະນຸດ​ສາ​ກົນ. ບໍ່​ມີ​ອົງການ​ຈັດ​ຕັ້ງ​ສາກົນ​ໃດ​ໃນ​ໂລກທີ່​ສາມາດ​ໃຫ້​ຄວາມ​ຫວັງ​ແກ່​ຄົນ​ຈຳນວນ​ຫຼວງຫຼາຍ ເພື່ອ​ສ້າງ​ໂລກ​ທີ່​ດີກ​ວ່າ. ບົນ​ພື້ນຖານ​ປະຫວັດສາດ, ປະສົບ​ປະການ ແລະ ຄວາມ​ເຂົ້າໃຈ​ດັ່ງກ່າວ ລັດ​ຖະ​ບານ ແຫ່ງ ສປປ ລາວ ແລະ ອົງການ ສປຊ ຈະ​ສືບຕໍ່​ເອົາໃຈໃສ່ ຕໍ່ສູ້​ກັບ​ສິ່ງ​ທ້າ​ທາຍ​ທີ່​ພວກ​ເຮົາ​ກຳລັງ​ປະ​ເຊີນ​ໜ້າ, ຖອດ​ຖອນ​ບົດຮຽນ​ຈາກ​ການ​ເປັນ​ຄູ່​ຮ່ວມ​ງານ ແລະ ການຈັດຕັ້ງ​ປະຕິບັດ​ແຜນ​ງານ​ຮ່ວມ​ມື​ຫຼາຍ​ຝ່າຍ ເພື່ອ​ຊອກ​ຫາ​ວິທີ​ການ​ໃໝ່ໆ ໃນ​ການ​ສ້າງ​ໂລກ​ໃນ​ແບບ​ທີ່​ພວກ​ເຮົາ​ຕ້ອງ​ການ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110