Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

penduduk yg bergabung masih Main Kian banyak hal daftar sbobet website bertarung toko online yang khususnya kepada bertaruh lapak online wara wiri Teranyar Karena kemudian sediakan

layanan kembali promosi-promosi yg mengunggut bola tangkas kepada membernya. Pastinya web bertarung toko online bolak-balik yg sudah menegakkan tatkala berulang sangatlah terpercaya.

ຈີນ ຈະສ້າງປະເທດໃຫ້ເຂັ້ມແຂງດ້ານກິລາຢ່າງຮອບດ້ານ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 26/10/2020 17:39:18 ຈຳ​ນວນ​​ຢ້ຽມ​ຊົມ 835 ຄັ້ງ

ຮຽບຮຽງ: ບຸນຄົງ ມິດຕະພອນ

ຢູ່ຕາມສວນສາທາລະນະ ແລະ ເຂດຊຸມຊົນຢູ່ຈີນ ຈະມີເຄື່ອງອອກກໍາລັງກາຍ ເພາະປະຊາຊົນມັກອອກກໍາລັງກາຍ, ມີໂຕເລກສະຖິຕິທາງການລາຍງານວ່າ: ປະຊາຊົນມັກຫຼິ້ນກິລາ ແລະ ອອກກໍາລັງກາຍເປັນປະຈໍາ ຫຼາຍກວ່າ 400 ລ້ານຄົນ ໃນທົ່ວປະເທດຈີນ. ໃນໄລຍະທີ່ເກີດມີສະພາບລະບາດພະຍາດໂຄວິດ- 19, ປະຊາຊົນຈີນ ຕື່ນຕົວຮັກສາໄລຍະຫ່າງທາງສັງຄົມ ດ້ວຍການກັກບໍລິເວນຕົນເອງຢູ່ເຮືອນ, ແຕ່ການອອກໍາລັງກາຍ ຍັງສືບຕໍ່ປະຕິບັດຢູ່ດ້ວຍຮູບການຕ່າງໆເຊັ່ນ: ສູນອອກກໍາລັງກາຍໄດ້ໃຫ້ບໍລິການຜ່ານທາງອິນເຕີເນັດ, ຄູຝຶກອອກກໍາລັງກາຍໄດ້ສອນທ່າອອກກໍາລັງກາຍ ຜ່ານການຖ່າຍທອດສົດໃນ APP ມືຖືຕ່າງໆ ໂດຍສະເພາະດາວເດັ່ນດ້ານກິລາ ກໍ່ມັກຖ່າຍທອດສົດເຊັ່ນກັນ.

ຜູ້ຂຽນໄດ້ຮັບຂໍ້ມູນຈາກລາຍການເປີດປະຕູສູ່ເມືອງຈີນຂອງຊີອາໄອ ທີ່ອອກອາກາດຜ່ານທາງ FM 93Mhz ໃນທຸກໆວັນອັງຄານ ທີ່ສະແດງໃຫ້ເຫັນວ່າ: ໃນໄລຍະການແຜ່ລະບາດຂອງພະຍາດ, ປະຊາຊົນໃນແຂວງເຈີ້ຈ່ຽງ ທັງໃນຕົວເມືອງ ແລະ ຊົນນະບົດ ມັກອອກກໍາລັງກາຍກວມເຖິງ 81,45%, ປະຊາຊົນ 82,5% ເຫັນວ່າ: ການອອກກໍາລັງກາຍຢູ່ເຮືອນ ມີຄວາມຈໍາເປັນຫຼາຍ. ຄວາມຈິງການອອກກໍາລັງກາຍໄດ້ຖືກລັດຖະບານຈີນ ກໍານົດໃຫ້ເປັນແຜນແມ່ບົດມາຕັ້ງແຕ່ວັນທີ 20 ມີຖຸນາ 1995. ເມື່ອປັກກິ່ງ ໄດ້ເປັນເຈົ້າພາບຈັດງານກິລາໂອແລມປິກ ຄັ້ງທີ 29 ໃນປີ 2008, ກໍໄດ້ກໍານົດເອົາວັນທີ 8 ສິງຫາ ເປັນວັນອອກກໍາລັງກາຍທົ່ວປວງຊົນ ແລະ ເປັນວັນກິລາແຫ່ງຊາດຄັ້ງທໍາອິດ.

ໃນເວລາທີ່ເຂົ້າຮ່ວມການສົນທະນາກັບຜູ້ຊ່ຽວຊານ ແລະ ຜູ້ຕາງໜ້າຂອງວົງການການສຶກສາ,ວັດທະນະທໍາ, ສາທາລະນະສຸກ ແລະ ການກິລາ ທົ່ວປະເທດຈີນ ໃນປີນີ້, ທ່ານ ສີຈິ້ນຜິງ ປະທານປະເທດຈີນ ໄດ້ກ່າວບາງຕອນວ່າ: ຕ້ອງສ້າງປະເທດໃຫ້ເຂັ້ມແຂງດ້ານກິລາຢ່າງຮອບດ້ານ, ປະຊາຊົນມີສຸຂະພາບແຂງແຮງ ແມ່ນພື້ນຖານຄວາມສີວິໄລກ້າວໜ້າທາງສັງຄົມ ທັງເປັນຄວາມຕ້ອງການຂອງປະຊາຊົນທັງຫຼາຍ, ຕ້ອງຖືເອົາສຸຂະພາບແຂງແຮງຂອງປະຊາຊົນ ເປັນບຸລິມະສິດໃນຍຸດທະສາດການພັດທະນາຊາດ, ເພື່ອຍົກສູງໃຫ້ປະຊາຊົນມີສຸຂະພາບແຂງແຮງ ຕ້ອງເພີ່ມທະວີວຽກງານກິລາຢູ່ໃນໂຮງຮຽນ, ຊຸກຍູ້ໃຫ້ການຮຽນຄວາມຮູ້ ແລະ ການຫຼິ້ນກິລາຂອງຊາວໜຸ່ມເຍົາວະຊົນ ໃຫ້ພັດທະນາຢ່າງກົມກຽວກັນ, ຊ່ວຍນັກຮຽນ-ນັກສຶກສາ ໃຫ້ມີຄວາມເບີກບານມ່ວນຊື່ນ, ເພີ່ມຄວາມແຂງແຮງໃຫ້ກັບຮ່າງກາຍ, ປັບປຸງບຸກຄະລິກກະພາບໃຫ້ສົມບູນ ແລະ ປັບປຸງຈິດໃຈໃຫ້ເຂັ້ມແຂງດ້ວຍການກິລາ.

ປີ 2014 ລັດຖະບານຈີນ ໄດ້ປະກາດຂໍ້ຕົກລົງກ່ຽວກັບການເລັ່ງລັດການພັດທະນາອຸດສາຫະກໍາກິລາ ເພື່ອຊຸກຍູ້ວຽກງານກິລາ. ຫຼັງຈາກນັ້ນບໍ່ເທົ່າໃດປີ ຈີນ ໄດ້ປະກາດແຜນພັດທະນາການເສີມສ້າງສຸຂະພາບຂອງປະຊາຊົນ ຮອດປີ 2030. ພິເສດ ແຜນວຽກງານກິລາ ຍັງຖືກນໍານົດໄວ້ໃນບົດລາຍງານກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນ ຄັ້ງທີ 19. ຕໍ່ກັບຄໍາຖາມທີ່ວ່າ: ຈະໄປອອກກໍາລັງກາຍຢູ່ໃສ? ໄດ້ກາຍເປັນຈຸດສົນໃຈຂອງປະຊາຊົນທັງຫຼາຍ ແລະ ເປັນຈຸດອອກແຮງຈັດຕັ້ງປະຕິບັດຂອງລັດຖະບານ, ຫຼາຍແຫ່ງພາຍໃນປະເທດຈີນ ໄດ້ສ້າງວົງແຫວນອອກກໍາລັງກາຍໄດ້ສໍາເລັດ (ໝາຍຄວາມວ່າ ໃຊ້ເວລາ 15 ນາທີກໍໄປຮອດສະຖານທີ່ອອກກໍາລັງກາຍແລ້ວ). ເຂດເຊິງຢາງນະຕອນຊີງຕາວແຮ່ງໄດ້ຍົກລະດັບວົງແຫວນອອກກໍາລັງກາຍ 8 ນາທີ ແລະ ວົງແຫວນເດີ່ນເຕະບານ 15 ນາທີ. ຢູ່ເຂດຕາເວັນຕົກຂອງນະຄອນທ້າຍຢວນ ແຂວງຊານຊີ ເພິ່ນໄດ້ດັດແປງສາງເກັບກັກຂີ້ຝຸ່ນຖ່ານຫີນຂອງໂຮງງານໄຟຟ້າເລກ 1 ໃຫ້ກາຍເປັນສວນສາທະລະນະກິລາ ທີ່ມີເນື້ອທີ 12 ເຮັກຕາ, ເຂດຕາເວັນຕົກຂອງປັກກິ່ງ ໄດ້ຕັ້ງເປົ້າໝາຍສູ້ຊົນຄື: ສ້າງຕົວເມືອງໃຫ້ເປັນສວນສາທາລະນະກິລາ, ຢູ່ນະຄອນຈຸ່ງກິ່ງ ໄດ້ອອກແຮງສ້າງສວນສາທາລະນະກິລາຂະໜາດນ້ອຍໃກ້ໃຈກາງຕົວເມືອງ ແລະ ໄດ້ສ້າງສວນວັດທະນາທໍາກິລາ 50 ແຫ່ງ ໃຫ້ສໍາເລັດກ່ອນທ້າຍປີກາຍນີ້, ທັງພວມລົງມືກໍ່ສ້າງອີກ 32 ແຫ່ງ ຊຶ່ງຈະໃຫ້ສໍາເລັດໃນປີນີ້.

ຄຽງຄູ່ກັບການອອກແຮງເພີ່ມສະຖານທີ່ອອກກໍາລັງກາຍທີ່ເໝາະສົມກັບສະພາບຕົວຈິງຂອງທ້ອງຖິ່ນແລ້ວ, ຈີນ ຍັງໄດ້ວາງແຜນດ້ານການກິລາໃຫ້ເໝາະສົມເຊັ່ນ: ຢູ່ແຂວງຈຽງຊູ ໄດ້ສ້າງສູນກວດສຸຂະພາບ, ສູນຊີ້ນໍາວຽກງານກິລາ ແລະ ການອອກກໍາລັງກາຍລະດັບແຂວງ ສໍາເລັດແລ້ວ 125 ແຫ່ງ, ແຕ່ລະປີໄດ້ໃຫ້ບໍລິການປະຊາຊົນ 3 ແສນເທື່ອຄົນ ໂດຍບໍ່ເສຍເງິນ.

ເມື່ອປະຊາຊົນມັກອອກກໍາລັງກາຍ ກໍເປັນການຊຸກຍູ້ການບໍລິໂພກເຄື່ອງນຸ່ງກິລາ, ອຸປະກອນກິລາ ແລະ ໂພຊະນາການດ້ານກິລາ ແລະ ອື່ນໆ. ປີ 2018 ທົ່ວປະເທດຈີນ ໄດ້ຈັດການແຂ່ງຂັນມາລາທອນ 1.581 ເທື່ອ, ສ້າງມູນຄ່າການບໍລິໂພກດ້ານກິລາ 17,8 ຕື້ຢວນ. ການແຂ່ງຂັນກິລາໄດ້ຊ່ວຍສ້າງມູນຄ່າໃຫ້ກັບອຸດສາຫະກໍາກິລາເຖິງ 74,6 ຕື້ຢວນຕໍ່ປີ. ໃນທົ່ວປະເທດຈີນ ມີເດີ່ນກິລາທັງໝົດ 3.162 ລ້ານແຫ່ງ. ປັດຈຸບັນ, ຈີນ ພວມຈັດການແຂ່ງຂັນກິລາແຫ່ງຊາດ ແລະ ແຂ່ງຂັນແຕະບານສາຍ ກ. ຂ້າພະເຈົ້າໄດ້ເຫັນຄົນຈີນ ມັກອອກກໍາລັງກາຍ ທັງຮູ້ວ່າ: ຈີນ ໄດ້ກໍານົດນະໂຍບາຍຢ່າງຈະແຈ້ງ, ເສດຖະກິດຂອງຈີນ ປີນີ້ກໍ່ສາມາດຟື້ນຄືນໄດ້ດີຈຶ່ງເຊື່ອໝັ້ນວ່າ: ການສ້າງປະເທດໃຫ້ເປັນປະເທດເຂັ້ມແຂງດ້ານກິລາຢ່າງຮອບດ້ານ ທີ່ທ່ານ ສີຈິ້ນຜິງ ໄດ້ກ່າວໄວ້ນັ້ນ ຕ້ອງປະສົບຄວາມສໍາເລັດແນ່ນອນ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110