Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

penduduk yg bergabung masih Main Kian banyak hal daftar sbobet website bertarung toko online yang khususnya kepada bertaruh lapak online wara wiri Teranyar Karena kemudian sediakan

layanan kembali promosi-promosi yg mengunggut bola tangkas kepada membernya. Pastinya web bertarung toko online bolak-balik yg sudah menegakkan tatkala berulang sangatlah terpercaya.

​ງານລະ​ນຶກວັນສ້າງຕັ້ງອົງ​ການ​ສະ​ຫະ​ປະ​ຊາ​ຊາດ ຄົບຮອບ 75 ປີ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 27/10/2020 11:39:02 ຈຳ​ນວນ​​ຢ້ຽມ​ຊົມ 1411 ຄັ້ງ

ວັນທີ 26 ຕຸລາຜ່ານ​ມາ, ທີ່ ໂຮງແຮມແລນມາກ, ນະຄອນຫຼວງວຽງຈັນ ກະ​ຊວງ​ການ​ຕ່າງ​ປະ​ເທດ ຮ່ວມກັບ ຫ້ອງການຜູ້ປະສານງານອົງການສະ​ຫະ​ປະ​ຊາ​ຊາດ ປະຈຳ ສປປ ລາວ ໄດ້ຈັດ “ງານລະ​ນຶກ​ວັນສ້າງຕັ້ງອົງການສະ​ຫະ​ປະ​ຊາ​ຊາດ (ສປຊ) ຄົບຮອບ 75 ປີ (24 ຕຸ​ລາ 1945 - 24 ຕຸ​ລາ 2020)” ໂດຍການເປັນເຈົ້າ​ພາບຮ່ວມຂອງ ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແລະ ທ່ານ ນາງ ຊາຣາ ເຊັກ​ເກນ​ເນັສ (Ms. Sara Sekkenes), ຜູ້ປະສານງານອົງການ ສປຊ ປະຈຳ ສປປ ລາວ. ເຂົ້າຮ່ວມງານດັ່ງກ່າວ, ມີການນໍາຂັ້ນສູງຈາກບັນດາກະຊວງ ແລະ ອົງການທຽບເທົ່າກະ​ຊວງ, ມີບັນດາເອກອັກຄະລັດຖະທູດ, ຜູ້ຕາງໜ້າບັນດາອົງການເຄືອຂ່າຍ ສປຊ ປະຈຳ ສປປ ລາວ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ

 ການ​ສະ​ເຫຼີມ​ສະຫຼອງວັນສ້າງຕັ້ງອົງການ ສປຊ ຄົບຮອບ 75 ປີ ໃນຄັ້ງນີ້ແມ່ນພໍ​ດີກົງກັບ ຄົບຮອບ 65 ປີ ທີ່ ປະ​ເທດລາວ ເຮົາເຂົ້າເປັນສະມາຊິກຂອງ ອົງການສະຫະປະຊາຊາດ (1955-2020) ຊຶ່ງໃນປີນີ້ອົງການ ສປຊ ໄດ້ສະເຫຼີມສະຫຼອງພາຍໃຕ້ຄໍາຂວັນ “ອະນາຄົດທີ່ພວກເຮົາຕ້ອງການ, ອົງການ ສປຊ ທີ່ພວກເຮົາປາຖະໜາ; ຢັ້ງຢືນຄືນໃໝ່ເຖິງຄວາມໝາຍໝັ້ນລວມຂອງວົງຄະນາຍາດສາກົນຕໍ່ການຮ່ວມມືຫຼາຍຝ່າຍ” (The Future we want, the United Nations we need: reaffirming our collective commitment to multilateralism).

ໃນພິທີດັ່ງກ່າວ, ທ່ານ ສະເຫຼີມໄຊ ກົມມະສິດ ແລະ ທ່ານ ນາງ ຊາຣາ ເຊັກ​ເກນ​ເນັສ ໄດ້ຮ່ວມ​ກັນ​​ເປີດພິ​ທີ ແລະ ໃຫ້ກຽດຂື້ນກ່າວບົດປາໄສ ຊຶ່ງທັງ​ສອງ​ທ່ານໄດ້ສະ​ແດງ​ຄວາມ​ຊົມ​ເຊີຍ​ຕໍ່​ຜົນ​ສຳ​ເລັດ​ຂອງ​ອົງ​ການ​ ສ​ປ​ຊ ໃນ​ການ​ເຮັດ​ໜ້າ​ທີ່​ປົກ​ປັກຮັກ​ສາ​ສັນ​ຕິ​ພາບ ແລະ ຄວາມ​ໝັ້ນ​ຄົງ​ສາ​ກົນ, ສົ່ງ​ເສີມ​ການ​ຮັດ​ແໜ້ນ​ສາຍ​ພົວ​ພັນ​ມິດ​ຕະ​ພາບ ແລະ ການຮ່ວມ​ມື​ຂອງ​ບັນ​ດາ​ປະ​ຊາ​ຊາດໃນ​ທົ່ວ​ໂລກ ເພື່ອ​ພ້ອມ​ກັນ​ພັດ​ທະ​ນາ​ຕາມ​ທິດ​ຍືນ​ຍົງ, ພ້ອມ​ທັງ​ໄດ້ຕີລາຄາສູງຕໍ່ການຮ່ວມມມື ລະຫວ່າງ ສປປ ລາວ ແລະ ອົງການ ສປຊ ໃນໄລຍະຜ່ານມາ, ໂດຍສະເພາະແມ່ນການ​ຮ່ວມ​ມື​ໃນຂົງເຂດວຽກງານຫຼຸດຜ່ອນຄວາມທຸກຍາກ, ​ການ​ສຶກ​ສາ, ສາ​ທາ​ລະ​ນະ​ສຸກ,  ການ​ສົ່ງ​ເສີມ​ບົດ​ບາດ​ຍິງ-​ຊາຍ, ການແກ້ໄຂບັນດາລະເບີດຕົກຄ້າງ​ທີ່ບໍ່ທັນແຕກ, ການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງຢູ່ ສປປລາວ ແລະ ຂົງເຂດອື່ນໆ, ຊຶ່ງເຫັນວ່າມີ​ຜົນ​ສຳ​ເລັດເປັນ​ກ້າວໆ. ເຖິງ​ຢ່າງ​ໃດ​ກໍ​ຕາມ ຄຽງ​ຄູ່​ກັບ​ຜົນ​ສຳ​ເລັດ​ດ້ານ​ຕ່າງໆ ​ກໍ​ຍັງ​ມີສິ່ງທ້າທາຍຫຼາຍ ເປັ​ນ​ຕົ້ນ​ແມ່ນ​ການ​ສະ​ໜອງ​ທຶນ​ເພື່ອ​ການ​ພັດ​ທະ​ນາຂອງ​ອົງ​ການ ສ​ປ​ຊ ​ທີ່​ມີ​ທ່າ​ອ່ຽງຫຼຸດ​ລົງຢ່າງ​ຕໍ່​ເນື່ອງ ແລະ ໃນ​ປັດ​ຈຸ​ບັນສິ່ງ​ທ້າ​ທາຍ​ໃໝ່​ທີ່​ເກີດ​ຈາກການ​ແຜ່​ລະ​ບາດ​ຂອງ​ພະ​ຍາດ​ Covid-19 ໄດ້ຮຽກ​ຮ້ອງ​ໃຫ້​ພວກ​ເຮົາ​ຕ້ອງ​ໄດ້​ເພີ່ມ​ທະ​ວີ​ການຮ່ວມມືກັນໃນການຟື້ນຟູຜົນກະທົບທັງໄລຍະສັ້ນ ແລະ ໄລຍະຍາວ. ພ້ອມດຽວກັນນັ້ນ, ເພື່ອສືບຕໍ່ຈັດຕັ້ງປະຕິບັດແຜນງານການຮ່ວມມືໃຫ້ສອດຄ່ອງກັບແຜນການພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ໃຫ້ໄດ້ຮັບຜົນຕາມຄາດໝາຍ, ສປປລາວ ແລະ ອົງການ ສປຊ   ຈະ​ໄດ້ສືບຕໍ່ເພີ່ມທະວີການຮ່ວມມືໃຫ້ກ້າວສູ່ລວງເລິກ ໂດຍສະເພາະແມ່ນການຮ່ວມມືພາຍໃຕ້ຂອບການຮ່ວມມືລະຫວ່າງລັດຖະບານແຫ່ງ ສປປລາວ ແລະ ອົງການສະຫະປະຊາຊາດ 2017-2021 ເພື່ອຍົກລະດັບການຮ່ວມມື​ຂຶ້ນສູ່ລະດັບສູງ, ພ້ອມດຽວກັນ ກໍໄດ້ເສີມຂະຫຍາຍທ່າແຮງດ້ານຕ່າງໆລວມທັງກົນໄກການລະດົມທຶນຮອນ ເພື່ອໃຫ້ສາມາດບັນລຸເປົ້າໝາຍການພັດທະນາແບບຍືນຍົງ ແລະ ຜ່ານຜ່າຜົນກະທົບຂອງໄພພິບັດ ແລະ ການແຜ່ລະບາດຂອງພະຍາດໂຄວິດ-19 ທີ່ພວກເຮົາປະເຊີນ​ໜ້າໃນປັດຈຸບັນ.

ຕະຫຼອດ​ໄລ​ຍະ 75 ປີທີ່ຜ່ານມາ, ອົງການ ສປຊ ໄດ້ເປັນແກນກາງ ແລະ ອົງກອນທີ່ສໍາຄັນໃນການແກ້ໄຂຄວາມທຸກຍາກ ແລະ ຄວາມອຶດຫິວ, ເພີ່ມທະວີຄຸນຄ່າ ແລະ ໃຫ້ຄວາມສຳຄັນຕໍ່ກັບສິດທິມະນຸດ ແລະ ເສີມຂະຫຍາຍຄວາມສະເໜີພາບລະຫວ່າງຍິງຊາຍ. ພ້ອມດຽວກັນນັ້ນ, ອົງການ ສປຊ ໄດ້ຢຶດໝັ້ນໃນການສ້າງການຮ່ວມມືລະຫວ່າງປະເທດ ແລະ ສົ່ງເສີມການຮ່ວມມືຫຼາຍຝ່າຍໄປພ້ອມກັບການຍົກສູງ ແລະ ຂັບເຄື່ອນວາລະການພັດທະນາທີ່ສຳຄັນຕ່າງໆຂອງສາກົນ. ໃນໄລຍະຜ່ານມາລັດຖະບານ ແລະ ອົງການ ສປຊ ໄດ້ມີການຮ່ວມມືກັນຕໍ່ສູ້ໃນການແກ້ໄຂຄວາມທຸກຍາກ ແລະ ການຂາດສານອາຫານ, ປັບປຸງອັດຕາການເຂົ້າໂຮງຮຽນຊັ້ນປະຖົມ ແລະ ຫຼຸດຜ່ອນອັດຕາການຕາຍຂອງເດັກອາຍຸຕໍ່າກວ່າ 5 ປີ. ພ້ອມດຽວກັນນັ້ນ, ຍັງສືບຕໍ່ເຮັດວຽກຮ່ວມກັນໃນບັນດາຂົງເຂດຍຸດທະສາດດ້ານການພັດທະນາເຊັ່ນ: ການປົກຄອງ, ສົ່ງເສີມການເຕີບໂຕແບບມີສ່ວນຮ່ວມ, ແກ້ໄຂບັນຫາລະເບີດຕົກຄ້າງບໍ່ທັນແຕກ, ຮັບປະກັນຊີວິດການເປັນຢູ່ ແລະ ການເຂົ້າເຖີງການບໍລິການພື້ນຖານສຳລັບທຸກຄົນ, ສ້າງຄວາມເຂັ້ມແຂງເພື່ອກຽມພ້ອມຮັບມື ແລະ ຕອບໂຕ້ຕໍ່ຜົນກະທົບດ້ານໄພພິບັດຂອງທຳມະຊາດ ແລະ ການພັດທະນາຊັບພະຍາກອນມະນຸດ.

ອົງການ ສປຊ ກັບ ສປປລາວ ໄດ້ມີການຮ່ວມມືທີ່ຍາວນານ ແລະ ອົງການ ສປຊ ແມ່ນຄູ່ຮ່ວມງານຫຼັກດ້ານການພັດທະນາຂອງລັດຖະບານ ທີ່ໄດ້ເຮັດວຽກຢ່າງຕັ້ງໜ້າໃນການຊຸກຍູ້ຂະແໜງການພັດທະນາດ້ານຕ່າງໆຢູ່ ສປປລາວ ຊຶ່ງໄດ້ຮັບຜົນສຳເລັດເປັນກ້າວໆມາ ໂດຍສະເພາະແມ່ນການປະກອບສ່ວນຊ່ວຍເຫຼືອລັດຖະບານ ໃນການຈັດຕັ້ງເປົ້າໝາຍສະຫັດສະວັດດ້ານການພັດທະນາ (MDGs) ໃນເມື່ອກ່ອນ ແລະ ໃນປັດຈຸບັນນີ້ແມ່ນໄດ້ສຸມໃສ່ຮ່ວມມືກັບລັດຖະບານໃນການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ (SDGs) ເພື່ອໃຫ້ບັນລຸການພັດທະນາແບບຍືນຍົງ ຢູ່ ສປປລາວ ແລະ ແກ້ໄຂສິ່ງທ້າທາຍຕ່າງໆດ້ານການພັດທະນາ ໂດຍພາຍໃຕ້ຄຳຂວັນທີ່ວ່າ “ພວກເຮົາຈະພ້ອມກັນກ້າວໄປ” (Leaving No One Behind).

ໃນ​ຕອນ​ທ້າຍ​ພິ​ທີ ບັນ​ດາ​​ແຂກ​ທີ່​ເຂົ້າ​ຮ່ວມ​ໄດ້​ພ້ອມ​ກັນ​ນັບ​ຖອຍ​ຫຼັງ​ເພື່ອ​ເປີດ​ໄຟ​ 17 ສີ ທີ່ເປັນ​ສັນ​ຍາ​ລັກ​ຂອງ​ເປົ້າ​ໝາຍ​ການ​ພັດ​ທະ​ນ​າ​ແບບ​ຍືນ​ຍົງ (SDGs) ສ່ອງ​ໃສ່​ປະ​ຕູ​ໄຊ ອີກ​ດ້ວຍ.

 

ໂດຍ: ກົມ​ຂ່າວ, ກະ​ຊວງ​ການ​ຕ່າງ​ປ​ະ​ເທດ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110