Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

penduduk yg bergabung masih Main Kian banyak hal daftar sbobet website bertarung toko online yang khususnya kepada bertaruh lapak online wara wiri Teranyar Karena kemudian sediakan

layanan kembali promosi-promosi yg mengunggut bola tangkas kepada membernya. Pastinya web bertarung toko online bolak-balik yg sudah menegakkan tatkala berulang sangatlah terpercaya.

ການພົບປະລະຫວ່າງ ທ່ານ ກິມອິນຊຸງ ແລະ ທ່ານ ໄກສອນ ພົມວິຫານ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 28/10/2020 09:05:00 ຈຳ​ນວນ​​ຢ້ຽມ​ຊົມ 731 ຄັ້ງ

(ເນື່ອງໃນໂອກາດການພົບປະຄັ້ງທໍາອິດ ລະຫວ່າງ ປະທານ ກິມ ອິນ ຊຸງ ແລະ ປະທານ ໄກສອນ ພົມວິຫານ)

(ບົດຈາກສະຖານທູດ ສປປ ເກົາຫຼີ ປະຈໍາ ສປປ ລາວ)

ມື້ນີ້ເປັນມື້ຄົບຮອບ 55 ປີ ຂອງການພົບປະລະດັບການນໍາສູງສຸດ ຄັ້ງທໍາອິດ ລະຫວ່າງ ປະທານ ກິມ ອິນ ຊຸງ ແຫ່ງ ສປປ ເກົາຫຼີ ແລະ ປະທານ ໄກສອນ ພົມວິຫານ ປະທານປະເທດແຫ່ງ ສປປ ລາວ ຊຶ່ງເປັນໂອກາດທີ່ສໍາຄັນຍິ່ງໃນປະຫວັດສາດ ແຫ່ງການເສີມຂະຫຍາຍສາຍພົວພັນ ລະຫວ່າງ ສອງປະເທດ.

ກອງປະຊຸມລະດັບການນໍາສູງສູດດັ່ງກ່າວ ໄດ້ເປີດສາກຂຶ້ນ ໃນວັນທີ 28 ຕຸລາ 1965 ຢູ່ນະຄອນຫຼວງພຽງຢາງ ແຫ່ງ ສປປ ເກົາຫຼີ ແລະ ໄດ້ກາຍເປັນພື້ນຖານແຫ່ງການພົວພັນມິດຕະພາບທີ່ສໍາຄັນຍິ່ງ ລະຫວ່າງ ສອງປະເທດ ທີ່ຖືລັດທິສັງຄົມນິຍົມເປັນອຸດົມການດຽວກັນ.

ຫຼັງການພົບປະດັ່ງກ່າວ, ປະທານ ໄກສອນ ພົມວິຫານ ໄດ້ເດີນທາງຢ້ຽມຢາມ ສປປ ເກົາຫຼີ ເປັນເວລາ 3 ຄັ້ງ (ໃນປີ 1970, 1977 ແລະ 1992) ເພື່ອພົບປະກັບ ປະທານ ກິມອິນຊຸງ ແລະ ປະທານ

ກິມເຈິງອິນ ຊຶ່ງແມ່ນຜູ້ນໍາທີ່ຍິ່ງໃຫຍ່ຂອງປະຊາຊົນເກົາຫຼີ ແລະ ປຶກສາຫາລືແບບເປີດອົກເປີດໃຈ ຕໍ່ບັນຫາຕ່າງໆ ກ່ຽວກັບສົງຄາມປົກປ້ອງມາຕຸພູມຕ້ານສັດຕູຜູ້ຮຸກຮານ, ການພັດທະນາສ້າງສາພາຍຫຼັງສິ້ນສຸດສົງຄາມ ແລະ ປະສົບປະການ ໃນການສ້າງສັງຄົມນິຍົມ.

ໃນເດືອນທັນວາ ປີ 1993, ປະທານ ກິມອິນຊຸງ ໄດ້ພົບປະກັບ ທ່ານ ຄໍາໄຕ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ທີ່ໄດ້ດໍາເນີນການຢ້ຽມຢາມ ສປປ ເກົາຫຼີ ແລະ ໄດ້ແລກປ່ຽນທັດສະນະ ກ່ຽວກັບການເສີມຂະຫຍາຍສາຍພົວພັນສອງຝ່າຍ.

ປະຊາຊົນລາວ ບໍ່ເຄີຍລືມຄວາມປາຖະໜາດີຂອງປະຊາຊົນ ເກົາຫຼີ ຜູ້ທີ່ໃຫ້ການຊ່ວຍເຫຼືອສະໜັບສະໜູນທາງດ້ານວັດຖຸ ແລະ ຈິດໃຈ ແກ່ປະຊາຊົນລາວ ເພື່ອຕໍ່ສູ້ຕ້ານລັດທິອານານິຄົມ ແລະ ບັນຫາຫຍໍ້ທໍ້ພາຍໃນ ແລະ ເພື່ອຄວາມພະຍາຍາມໃນການສ້າງສັງຄົມໃໝ່.

ໃນເດືອນກັນຍາ ປີ 2011, ທ່ານ ຈູມມະລີ ໄຊຍະສອນ ປະທານປະເທດ ແຫ່ງ ສປປ ລາວ ໄດ້ນໍາພາຄະນະຜູ້ແທນພັກ-ລັດ ດໍາເນີນການຢ້ຽມຢາມ ສປປ ເກົາຫຼີ ແລະ ໄດ້ມີການພົບປະອັນມີຄວາມໝາຍກັບ ທ່ານ ກິມເຈິງອິນ ເລຂາທິການໃຫຍ່ຂອງພັກແຮງງານເກົາຫຼີ. ການຢ້ຽມຢາມຄັ້ງນີ້ ໄດ້ກາຍເປັນຈຸດປ່ຽນຄັ້ງປະຫວັດສາດ ຂອງການເສີມຂະຫຍາຍສາຍພົວພັນມິດຕະພາບ ລະຫວ່າງ ພັກ, ລັດ ແລະ ປະຊາຊົນສອງປະເທດ. ຄະນະຜູ້ແທນລາວ ຍັງໄດ້ພົບກັບຜູ້ນໍາສູງສຸດ ທ່ານ ກິມເຈິງອຸນປະທານພັກແຮງງານເກົາຫຼີ ແລະ ປະທານຄະນະກໍາມະການກິດຈະການແຫ່ງລັດ ຂອງ ສປປ ເກົາຫຼີ.

ໃນລະຫວ່າງການພົບປະຂອງຜູ້ນໍາທັງສອງປະເທດ, ປະທານ ກິມເຈິງອິນ ກໍໄດ້ສະແດງເຈດຈໍານົງຂອງພັກແຮງງານເກົາຫຼີ ແລະ ລັດຖະບານ ສປປ ເກົາຫຼີ ທີ່ຈະສືບຕໍ່ສ້າງຄວາມເຂັ້ມແຂງ ແລະ ພັດທະນາສາຍພົວພັນມິດຕະພາບຂອງສອງປະເທດ ຕາມຄວາມມຸ່ງມາດປາຖະໜາຂອງ ປະຊາຊົນ ສປປ ເກົາຫຼີ ແລະ ປະຊາຊົນ ສປປ ລາວ.

ສາຍພົວພັນມິດຕະພາບ ແລະ ການຮ່ວມມື ທີ່ເປັນປະຫວັດສາດ ລະຫວ່າງ ສອງປະເທດ ໄດ້ຮັບການຮັດແໜ້ນ ແລະ ເສີມຂະຫຍາຍ ໂດຍຜູ້ນໍາຮຸ່ນກ່ອນໆຂອງສອງປະເທດ ສືບຕໍ່ກ້າວໄປຂ້າງໜ້າຢ່າງໜັກແໜ້ນ ໃນທ່າມກາງສະພາບການສາກົນ ຍັງຄົງມີຄວາມຫຍຸ້ງຍາກສັບສົນຄືເກົ່າ ແລະ ສິ່ງນີ້ ກໍ່ແມ່ນຍ້ອນຄວາມເອົາໃຈໃສ່ຢ່າງເລິກເຊິ່ງຂອງ ທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ, ປະທານປະເທດ ແຫ່ງ ສປປ ລາວ ແລະ ທ່ານ ກິມເຈິງອຸນ ປະທານພັກແຮງງານເກົາຫຼີ, ປະທານຄະນະກໍາມາທິການແຫ່ງລັດ ຂອງ ສປປ ເກົາຫຼີ.

ໃນໄລຍະຜ່ານມາ ໄດ້ມີການແລກປ່ຽນຄະນະຜູ້ແທນຂັ້ນສູງ ແລະ ການຊ່ວຍເຫຼືອຊຶ່ງກັນ ແລະ ກັນ ແລະ ການຮ່ວມມື ໃນການສ້າງສັງຄົມນິຍົມ ຊຶ່ງແມ່ນພາລະກິດຮ່ວມຂອງສອງປະເທດ. ໃນເດືອນກັນຍາ ປີ 2018, ຄະນະຜູ້ແທນ ພັກ-ລັດ ຂັ້ນສູງຂອງລາວ ໄດ້ເຂົ້າຮ່ວມງານສະເຫຼີມສະຫຼອງວັນ ຄົບຮອບ 70 ປີ ແຫ່ງການສະຖາປະນາ ສປປ ເກົາຫຼີ ແລະ ຄະນະຜູ້ແທນພັກຂັ້ນສູງຂອງລາວ ກໍ່ໄດ້ຢ້ຽມຢາມນະຄອນຫຼວງພຽງຢາງ ອີກຄັ້ງໜຶ່ງ ໃນເດືອນກັນຍາ ປີ 2013 ເພື່ອສະເຫຼີມສະຫຼອງວັນຄົບຮອບ 45 ປີ ການສ້າງຕັ້ງສາຍພົວພັນການທູດ ລະຫວ່າງ ສອງປະເທດ.

ໃນເດືອນເມສາ ປີ 2013, ຄະນະຜູ້ແທນພັກຂັ້ນສູງຂອງ ສປປ ເກົາຫຼີ ໄດ້ດໍາເນີນການຢ້ຽມຢາມ ສປປ ລາວ ແລະ ກໍ່ໄດ້ມີການແລກປ່ຽນການຢ້ຽມຢາມຂອງຄະນະຜູ້ແທນຫຼາຍຄັ້ງ ລະຫວ່າງ ສອງປະເທດ. ໃນນັ້ນ, ລວມທັງ ການຢ້ຽມຢາມຊຶ່ງກັນ ແລະ ກັນ ຂອງຮອງລັດຖະມົນຕີກະຊວງການຕ່າງປະເທດ ແລະ ການແລກປ່ຽນການຢ້ຽມຢາມຂອງຄະນະຜູ້ແທນອົງການຈັດຕັ້ງມະຫາຊົນຂອງສອງປະເທດ.

ທັງສອງປະເທດ ກໍາລັງມີການແລກປ່ຽນປະສົບການ ແລະ ຜົນສໍາເລັດໃນຫຼາຍຂົງເຂດວຽກງານ ໂດຍລວມທັງ ການສ້າງສາສັງຄົມນິຍົມ ແລະ ວຽກງານຄວາມໝັ້ນຄົງຂອງຊາດ. ນີ້ໄດ້ເປັນການເສີມຂະຫຍາຍມິດຕະພາບ ແລະ ຄວາມເຊື່ອໝັ້ນຊຶ່ງກັນ ແລະ ກັນ. ນອກຈາກນີ້, ການຮ່ວມມື, ຊ່ວຍເຫຼືອ ແລະ ຄວາມສາມັກຄີຂອງສອງປະເທດ ກໍ່ໄດ້ມີການເຕີບໃຫຍ່ຂະຫຍາຍຕົວໃນເວທີສາກົນ. ບໍ່ເທົ່າໃດມື້ກ່ອນໜ້ານີ້ ໄດ້ມີການຈັດງານສະເຫຼີມສະຫຼອງ ເນື່ອງໃນໂອກາດວັນຄົບຮອບ 75 ປີ ການສ້າງຕັ້ງພັກແຮງງານເກົາຫຼີ ຢູ່ ສປປ ເກົາຫຼີ.

ໃນຂະນະທີ່ໂລກ ກໍາລັງພົບຄວາມຫຍຸ້ງຍາກທ່າມກາງຄວາມຢ້ານ ແລະ ວິຕົກກັງວົນ ຈາກການ ລະບາດທີ່ຮ້າຍແຮງຂອງພະຍາດໂຄວິດ-19, ງານສະເຫຼີມສະຫຼອງດັ່ງກ່າວ ໄດ້ຈັດຂຶ້ນດ້ວຍຜົນສໍາເລັດຢ່າງຈົບງາມ ເຊັ່ນ: ການຈັດຊຸມນຸມສະເຫຼີມສະຫຼອງ, ການເດີນສວນສະໜາມຂອງມະຫາຊົນ ແລະ ກໍາລັງທະຫານ, ການສະແດງກາຍະກໍາລວມໝູ່, ການສະແດງສິລະປະ ແລະ ອື່ນໆ ໄດ້ດຶງດູດຄວາມສົນໃຈຈາກທົ່ວໂລກ.

ໜຶ່ງໃນກຸນແຈສໍາຄັນຂອງງານສະເຫຼີມສະຫຼອງ ທີ່ປະສົບຜົນສໍາເລັດດັ່ງກ່າວ ກໍ່ຄືອຸດົມການຂອງພັກແຮງງານເກົາຫຼີ ທີ່ວ່າປະຊາຊົນຕ້ອງມາກ່ອນ.

ໃນປີນີ້, ສປປ ເກົາຫຼີ ໄດ້ປະສົບກັບໄພພິບັດຈາກລົມພາຍຸໄຕ້ຝຸ່ນ ແລະ ໄພນໍ້າຖ້ວມຢ່າງໜັກໜ່ວງຫຼາຍຄັ້ງ ຊຶ່ງສົ່ງຜົນກະທົບຕໍ່ການພັດທະນາເສດຖະກິດ ແລະ ການດໍາລົງຊີວິດຂອງປະຊາຊົນ. ຢ່າງໃດກໍ່ຕາມ, ອັນເນື່ອງຈາກນະໂຍບາຍຍົກສູງປະຊາຊົນຂອງພັກແຮງງານເກົາຫຼີ, ປະຊາຊົນໃນເຂດທີ່ໄດ້ຮັບຜົນກະທົບ ໄດ້ຮັບການຊ່ວຍເຫຼືອດ້ານທີ່ຢູ່ອາໄສທີ່ດີກວ່າເກົ່າ ໂດຍບໍ່ເສຍຄ່າໃຊ້ຈ່າຍ ຊຶ່ງເປັນສິ່ງທີ່ດີທີ່ໄດ້ຮັບຈາກຜົນກະທົບຈາກເຫດຮ້າຍດັ່ງກ່າວ.

ປະຊາຊົນເກົາຫຼີ ສາມາດເອົາຊະນະທຸກຄວາມຫຍຸ້ງຍາກ ແລະ ສິ່ງທ້າທາຍຕ່າງໆ ກໍາລັງບຸກບືນສູ້ຊົນ ເພື່ອເຮັດສໍາເລັດພາລະກິດໃນປີນີ້ ຊຶ່ງເປັນປີສຸດທ້າຍຂອງຍຸດທະສາດ 5 ປີ ການພັດທະນະເສດຖະກິດແຫ່ງຊາດ ທີ່ກໍານົດໃນກອງປະຊຸມໃຫຍ່ ຄັ້ງທີ 7 ຂອງພັກແຮງງານເກົາຫຼີ ແລະ ເພື່ອຍາດໄດ້ຜົນສໍາເລັດທີ່ຍິ່ງໃຫຍ່ກວ່າເກົ່າ ໃນການສ້າງສາສັງຄົມນິຍົມທີ່ຮັ່ງມີເຂັ້ມແຂງ, ກ່ອນກອງປະຊຸມໃຫຍ່ ຄັ້ງທີ 8 ຂອງພັກ ທີ່ຈະມີຂຶ້ນໃນເດືອນມັງກອນ 2021.

ພັກ, ລັດ ແລະ ປະຊາຊົນລາວ ຍາມໃດກໍ່ສະໜັບສະໜູນ ປະຊາຊົນເກົາຫຼີ ໃນການສູ້ຊົນສ້າງສາສັງຄົມນິຍົມ ທີ່ມີຄວາມເຂັ້ມແຂງ, ປົກປັກຮັກສາປະເທດຊາດ ແລະ ທ້ອນໂຮມຊາດຢ່າງສັນຕິ, ຢ່າງມີອິດສະລະພາບ ພາຍໃຕ້ການນໍາພາຂອງພັກແຮງງານເກົາຫຼີ ທີ່ນໍາພາໂດຍ ປະທານ ກິມເຈິງອຸນ.

ພັກແຮງງານເກົາຫຼີ ແລະ ລັດຖະບານ ສປປ ເກົາຫຼີ ຊົມເຊີຍຢ່າງຈິງໃຈ ສປປ ລາວ ທີ່ປະສົບຜົນສໍາເລັດໃນການສ້າງສາສັງຄົມນິຍົມ ເປັນຕົ້ນແມ່ນຄວາມມີສະຖຽນລະພາບທາງສັງຄົມ ແລະ ການເມືອງ, ການພັດທະນາເສດຖະກິດແບບຍືນຍົງ, ການປັບປຸງຊີວິດການເປັນຢູ່ຂອງປະຊາຊົນ, ການສ້າງຄວາມເຂັ້ມແຂງ ໃຫ້ແກ່ວຽກງານປ້ອງກັນຊາດ ແລະ ວຽກງານການຕ່າງປະເທດ.

ນອກຈາກນີ້, ຍັງສະໜັບສະໜູນ ສປປ ລາວ ໃນການສູ້ຊົນສ້າງຄວາມເຂັ້ມແຂງ ໃຫ້ແກ່ລະບົບປະຊາທິປະໄຕ ປະຊາຊົນ ແລະ ສ້າງປະເທດຊາດ ໃຫ້ມີຄວາມຈະເລີນຮຸ່ງເຮືອງ ດ້ວຍການປະຕິເສດການແຊກແຊງຂອງອິດທິກໍາລັງປໍລະປັກ ແລະ ທໍາລາຍປັດໃຈແຫ່ງຄວາມບໍ່ມີສະຖຽນລະພາບທາງ ສັງຄົມ. ທັງໝົດນີ້ ແມ່ນກໍາລັງໃຈອັນຍິ່ງໃຫຍ່ໃຫ້ແກ່ປະຊາຊົນລາວ. ມັນແມ່ນຈຸດຢືນທີ່ໜັກແໜ້ນ ແລະ ຄວາມຕັ້ງໃຈຂອງ ພັກ ແລະ ລັດຖະບານລາວ ທີ່ຈະສືບຕໍ່ພັດທະນາສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືສູ່ລະດັບໃໝ່ ຕາມຄວາມປາຖະໜາຂອງການນໍາຂອງທັງສອງ ປະເທດ ແລະ ຄວາມຮຽກຮ້ອງຕ້ອງການຂອງຍຸກສະໄໝໃໝ່. ປະຊາຊົນລາວ ຈະຢູ່ຄຽງບ່າຄຽງໄຫຼ່ ປະຊາຊົນເກົາຫຼີ ເພື່ອຮ່ວມມືກັນພັດທະນາປະເທດຊາດ ຕາມທິດສັງຄົມນິຍົມ. ຄວາມສາມັກຄີມິດຕະພາບອັນຍືນຍົງ ແລະ ຖາວອນ ລະຫວ່າງ ປະຊາຊົນ ສປປ ລາວ ແລະ ປະຊາຊົນ ສປປ ເກົາຫຼີ ຈົ່ງໝັ້ນຍືນ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110