Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

penduduk yg bergabung masih Main Kian banyak hal daftar sbobet website bertarung toko online yang khususnya kepada bertaruh lapak online wara wiri Teranyar Karena kemudian sediakan

layanan kembali promosi-promosi yg mengunggut bola tangkas kepada membernya. Pastinya web bertarung toko online bolak-balik yg sudah menegakkan tatkala berulang sangatlah terpercaya.

ການ​ຄິດ​ໄລ່ ຈີ​ດີ​ພີ ຂອງ​ ສປປ ລາວ ​ອີງ​ໃສ່ 3 ພາກສ່ວນຫຼັກ ​ຕາມຫຼັກການສາກົນ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 29/10/2020 17:13:01 ຈຳ​ນວນ​​ຢ້ຽມ​ຊົມ 1425 ຄັ້ງ

ການ​ຄິດ​ໄລ່ ລວມຍອດ​ຜະລິດ​ຕະພັນ​ພາຍ​ໃນ​ (ຈີ​ດີ​ພີ) ຂອງ ສປປ ລາວ ​ແມ່ນ​ໃຊ້​ສູດ​ຄິດ​ໄລ່​ຕາມຫຼັກການ​ສາກົນ ​ໂດຍ​ອີງ​ໃສ່​ 3 ພາກສ່ວນຫຼັກ​ເຊັ່ນ: ກະສິກຳ, ອຸດສາຫະກຳ, ການ​ບໍລິການ ​ແລະ ຍັງ​ມີ​ພາສີ​ນຳ​ເຂົ້າ​ທີ່​ມີ​ສ່ວນ​ປະກອບ​ເຖິງ 10% ​ໃນ​ປີ 2020.

ກອງ​ປະຊຸມ​ສະ​ໄໝສາມັນ​ເທື່ອ​ທີ 10 ຂອງ​ສະພາ​ແຫ່ງ​ຊາດຊຸດ​ທີ VIII ​ໃນ​ວັນ​ທີ 28 ຕຸລາ​ຜ່ານ​ມາ ພາຍ​ໃຕ້​ການ​ເປັນ​ປະ​ທານ​ຂອງ​ທ່ານ ນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ, ທ່ານ ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ໄດ້ຂຶ້ນຊີ້ແຈງຕໍ່​ຄຳ​ຊັກ​ຖາມ​ຂອງ ສສຊ ​ໂດຍໄດ້ອະທິບາຍ ກ່ຽວກັບວິທີ, ຫຼັກການ ແລະ ສູດການຄິດໄລ່ GDP  ສປປ ລາວ ໄດ້ໃຊ້ສູດຄິດໄລ່ GDP ຕາມຫຼັກການຂອງສາກົນ ແມ່ນເອົາລວມຍອດການຜະລິດທີ່ເກີດຂຶ້ນ ມາລົບ ກັບການຊົມໃຊ້ ແລະ ຂອດລະຫວ່າງກາງ ອອກມາເປັນສຸດທິຂອງການຜະລິດ. ສ່ວນການຜະລິດທີ່ເກີດຂຶ້ນ ແມ່ນເອົາ ຈາກໂຄງປະກອບຂອງເສດຖະກິດຂອງລາວທີ່ມີ 3 ພາກສ່ວນຂະແໜງການຄື: 1). ກະສິກຳ ທີ່ອີງໃສ່ 4 ອັນຫຼັກ (ປູກຝັງ, ລ້ຽງສັດ, ປ່າໄມ້ ແລະ ການປະມົງ), 2). ຂະແໜງອຸດສາຫະກໍາ ມີ 8 ອັນຫຼັກ (ບໍ່ແຮ່, ການຂຸດຄົ້ນ, ອຸດສາຫະກໍາຜະລິດສະບຽງອາຫານ, ອຸດສາຫະກໍາຜະລິດເຄື່ອງດື່ມ ແລະ ຢາສູບ, ອຸດສາຫະກໍາຜະລິດແຜ່ນແພ - ເຄື່ອງນຸ່ງຫົ່ມ ແລະ ເກີບເຄື່ອງໜັງ, ອຸດສາຫະກໍາປຸງແຕ່ງອື່ນໆ, ພະລັງງານໄຟຟ້າ-ນໍ້າປະປາ ແລະ ການບໍາບັດສິ່ງເສດເຫຼືອ) ແລະ 3). ຂະແໜງການບໍລິການ ມີ 11 ອັນຫຼັກທີ່ເອົາເຂົ້າມາຄິດໄລ່ (ມີການຂາຍຍົກ - ຂາຍຍ່ອຍ - ສ້ອມແປງພາຫະນະ; ຂົນສົ່ງ ແລະ ສາງ, ບໍລິການທີ່ພັກພາອາໄສ ແລະ ອາຫານ; ດ້ານຂ່າວສານ ແລະ ສື່ສານ; ດ້ານການເງິນ - ການປະກັນໄພ; ດ້ານອະສັງຫາລິມະສັບ; ການບໍລິການສາຍວິຊາຊີບ ແລະ ວິທະຍາສາດເຕັກນິກ; ບໍລິການປ້ອງກັນຊາດ - ປ້ອງກັນຄວາມສະຫງົບ; ບໍລິການການສຶກສາ; ບໍລິການດ້ານສຸຂະພາບ ແລະ ສະຫວັດດີການສັງຄົມ; ການບໍລິການອື່ນໆ). ນອກຈາກ 3 ຂະແໜງ ການນັ້ນ, ຍັງມີພາສີນຳເຂົ້າ ທີ່ເປັນສ່ວນປະກອບ GDP ເກືອບ 10%. ສໍາລັບການຄິດໄລ່ GDP ໃນປີ 2020 ນີ້ ເຫັນວ່າມັນຂະຫຍາຍຕົວຢູ່ໃນລະດັບ 3,3% ໂດຍອີງໃສ່ການລາຍງານຫຼັກ ຂອງຂະແໜງການ ທີ່ກ່ຽວຂ້ອງ ໂດຍສະເພາະແມ່ນ ການປະຕິບັດ ແຜນ 9 ເດືອນຂອງປີ 2020 ຊຶ່ງສູນສະຖິຕິແຫ່ງຊາດ ກໍໄດ້ມີການຄາດຄະເນໝົດປີ ໂດຍເອົາໂຕເລກ 9 ເດືອນ ແລະ ຄາດຄະເນ 3 ເດືອນຈຶ່ງອອກມາ ເປັນ 3,3%.

ປັດໄຈທີ່ເຮັດໃຫ້ເສດຖະກິດຂອງປະເທດເຮົາມີທ່າບວກ ຊຶ່ງຕ່າງຈາກປະເທດອ້ອມຂ້າງ ເນື່ອງຈາກວ່າ ຂະແໜງກະສິກຳໄດ້ຮັບການຂະຫຍາຍຕົວດີ ຢູ່ໃນລະດັບ 2,2 ເພາະວ່າບໍ່ໄດ້ຮັບ ຜົນກະທົບໂດຍກົງ ຫຼື ໜັກໜ່ວງຈາກໂຄວິດ-19 ບໍ່ຄືກັບ ຂະແໜງທ່ອງທ່ຽວ ຫຼື ຂະແໜງການອື່ນໆ ແຕ່ມີຄວາມສ່ຽງດ້ານໄພທຳມະຊາດເທົ່ານັ້ນ. ສຳລັບຂະແໜງອຸດສາຫະກຳ, ຂະແໜງໄຟຟ້າການຜະລິດເພີ່ມຂຶ້ນສູງ ເພາະວ່າບໍ່ໄດ້ຢຸດການຜະລິດ ແລະ ຍັງໄດ້ມີເຂື່ອນຂະໜາດໃຫຍ່ເປີດການຜະລິດເຕັມກຳລັງ ເຮັດໃຫ້ບໍລິມາດການຜະລິດເພີ່ມຂຶ້ນສູງ ຮອງລົງມາແມ່ນຂະແໜງການກໍ່ສ້າງຂະຫຍາຍຕົວຢູ່ໃນ 11,7% ທີ່ຍັງສືບຕໍ່ການຜະລິດຢ່າງຕັ້ງໜ້າ ສາມາດຜະລິດໄດ້ຕາມແຜນ ໂດຍສະເພາະແມ່ນໂຄງການສ້າງທາງລົດໄຟລາວ-​ຈີນ, ໂຄງການກໍ່ສ້າງທາງດ່ວນ ແລະ ໂຄງການກໍ່ສ້າງເສັ້ນ ທາງອື່ນໆ ຊຶ່ງທັງສອງຂະແໜງການນີ້ໄດ້ກວມເອົາ 19% ຂອງ GDP.

ຂ່າວ-​ພາບ: ສຸກ​ສະຫວັນ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110