ໜັງສືພິມ ປະຊາຊົນ

ມອບເງິນຊຸກຍູ້ກອງປະຊຸມໃຫຍ່ຜູ້ແທນພຣະສົງ ທົ່ວແຂວງບໍ່ແກ້ວ ຄັ້ງທີ່ VII

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 16/11/2020 10:32:48 ຈຳນວນຢ້ຽມຊົມ 6194 ຄັ້ງ

………………………
ທ່ານ ຈ່າວ ເວີຍ ປະທ່ານສະພາບໍລິຫານເຂດເສດຖະກິດພິເສດສາມຫຼຽມຄຳ ແຂວງບໍ່ແກ້ວ ນຳເອົາເງິນສົດ ຈຳນວນ 300 ລ້ານກີບ ມາມອບໃຫ້ຄະນະອົງການພຸດທະສາສະໜາສຳພັນລາວ ແຂວງບໍ່ແກ້ວ ເພື່ອປະກອບສວນຊຸກຍູ້ກອງປະຊຸມໃຫຍ່ພຣະສົງ ທົ່ວແຂວງບໍ່ແກ້ວ ຄັ້ງທີ່ VII ຊຶ່ງຈະຈັດຂຶ້ນຢ່າງເປັນທາງການໃນລະຫວ່າງ ວັນທີ່ 18 ຫາ 19 ພະຈິກ ທີ່ຈະມາເຖິງນີ້.
ພິທີມອບ-ຮັບເງິນດັ່ງກ່າວ ໄດ້ຈັດຂຶ້ນໃນວັນນທີ 5 ພະຈິກ ຜ່ານມານີ້, ທີ່ວັດສຸວັນນະປັບພະຕາຣາມດອຍແດງ ເມືອງຕົ້ນເຜິ້ງ ແຂວງບໍ່ແກ້ວ ໂດຍຕ່າງໜ້າມອບແມ່ນຮອງປະທ່ານສະພາບໍລິຫານເຂດພ້ອມດ້ວຍຄະນະ ແລະ ກ່າວຮັບໂດຍແມ່ນ ພຣະ ຫຼັກຄຳລັດຕະນະມະນີ ໂຊຕີກາຈານ ອາດຍາທໍາ ຄຳເງິນ ຄຳວົງສ໌ ເຈົ້າຄະນະແຂວງບໍ່ແກ້ວ, ມີຄະນະທີ່ປືກສາ, ຮອງເຈົ້າຄະນະແຂວງ ເຈົ້າຄະນະເມືອງ ເຈົ້າອະທິການວັດ.
ພຣະ ຫຼັກຄຳລັດຕະນະມະນີ ໂຊຕີກາຈານ ອາຈຍາທັມ ຄຳເງິນ ຄຳວົງສ໌ ໄດ້ສະແດງຄວາມຍ້ອງຍໍຊົມເຊີຍ ແລະ ຮູ້ບຸນຄຸນທີ່ເຂດເສດຖະກິດພິເສດສາມຫຼຽມຄຳ ໄດ້ໃຫ້ການຊຸກຍູ້ປະກອບສວນຊ່ວຍເຫຼືອງົບປະມານເປັນເງິນສົດໃນຄັ້ງນີ້ ແລະ ຈະນຳເອົາເງິນດັ່ງກ່າວໄປໝູນໃຊ້ເຂົ້າໃນກອງປະຊຸມໃຫ້ໄດ້ຮັບຜົນປະໂຫຍດສູງສຸດ ແລະ ຫວັງວ່າໂອກາດໜ້າຈະໄດ້ຮັບການປະກອບສວນຈາກເຂດເສດຖະກິດພິເສດສາມຫຼຽມຄຳຕື່ມອີກ.
ພາບ-ຂ່າວ: ຄຳພັນ ແກ້ວມະນີ