ກອງປະຊຸມສະມາຊິກພັກ ຂອງອົງຄະນະພັກ ສານປະຊາຊົນສູງສຸດ (ສປສສ) ໄດ້ຈັດຂຶ້ນເມື່ອວັນທີ 19 ພະຈິກ 23020 ທີ ສປສສ, ພາຍໃຕ້ການເປັນປະທານຂອງສະຫາຍ

ຄຳພາ ແສງດາລາ ເລຂາຄະນະບໍລິຫານງານພັກ ປະທານສານປະຊາຊົນສູງສຸດ ຊຶ່ງມີ ຮອງເລຂາ ແລະ ສະມາຊິກພັກ ອ້ອມຂ້າງ ສປສສ ເຂົ້າຮ່ວມຢ່າງພ້ອມພຽງ.

ສະຫາຍ ຄຳພາ ແສງດາລາ ໄດ້ກ່າວເປີດກອງປະຊຸມໃນຄັ້ງນີ້ ແມ່ນຈະໄດ້ພ້ອມກັນຄົ້ນຄວ້າ,ພິຈາລະນາບົດສະຫຼຸບການຊີ້ນຳ-ນຳພາ ຂອງອົງຄະນະພັກສານ ປະຊາຊົນສູງສຸດ ໃນການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ III ຂອງຕົນ ໃນ 5 ປີຜ່ານມາ ,ປຶກສາຫາລື ແລະ ປະກອບຄຳເຫັນເຂົ້າໃສ່ການກຳນົດທິດທາງ ໜ້າທີ່ ແຕ່ລະດ້ານໃນ 5 ປີ ຕໍ່ໜ້າ ເພື່ອສືບຕໍ່ເຮັດໃຫ້ການຊີ້ນຳ-ນຳພາ ກໍຄືການຈັດຕັ້ງປະຕິບັດທິດທາງໜ້າທີ່ດັ່ງກ່າວ ໃຫ້ມີບາດກ້າວຫັນປ່ຽນໃໝ່ທີ່ຕັ້ງໜ້າ ເຮັດລ້ອນພາລະບົດບາດໜ້າທີ່ການພັດທະນາສານປະຊາຊົນ ໃຫ້ກ້າວສູ່ຂີດໝາຍໃໝ່ຢ່າງບໍ່ຢຸດຢັ້ງ ເພື່ອຮອງຮັບໜ້າທີ່ການເມືອງຂອງພັກ-ລັດ ນັບມື້ນັບສູງຂຶ້ນ ແລະ ການເຊື່ອມໂຍງພາກພື້ນ ແລະ ສາກົນເທື່ອລະກ້າວ.

ກອງປະຊຸມຍັງໄດ້ມີການປ່ອນບັດຄັດເລືອກເອົາຜູ້ແທນສົມບູນ ແລະ ສໍາຮອງ ເພື່ອເຂົ້າຮ່ວມກອງປະຊຸມໃຫຍ່ຄັ້ງທີ XI ຂອງພັກ.

(ຂ່າວ: ສປສສ)