Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

penduduk yg bergabung masih Main Kian banyak hal daftar sbobet website bertarung toko online yang khususnya kepada bertaruh lapak online wara wiri Teranyar Karena kemudian sediakan

layanan kembali promosi-promosi yg mengunggut bola tangkas kepada membernya. Pastinya web bertarung toko online bolak-balik yg sudah menegakkan tatkala berulang sangatlah terpercaya.

ອາຊຽນ ເຫັນດີສ້າງເງື່ອນໄຂສະດວກໃຫ້ແກ່ການແລກປ່ຽນການຄ້າ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 20/11/2020 15:39:25 ຈຳ​ນວນ​​ຢ້ຽມ​ຊົມ 972 ຄັ້ງ

ໂດຍ: ສີວັນ

ກອງປະຊຸມສະມັດຊາປະຊາຄົມເສດຖະກິດ ອາຊຽນ (AEC) ຄັ້ງທີ 19, ບັນດາລັດຖະມົນຕີເສດຖະກິດຂອງ 10 ປະເທດ ອາຊຽນ ໄດ້ລົງນາມໃນບົດບັນທຶກຊ່ວຍຈຳ (MOU) ກ່ຽວກັບການປະຕິບັດບັນດາມາດຕະການຍົກເວັ້ນພາສີສຳລັບປະເພດສິນຄ້າທີ່ຈຳເປັນ.

ບົດບັນທຶກຊ່ວຍຈຳ ໄດ້ສະແດງໃຫ້ເຫັນບັນດາຄຳໝັ້ນສັນຍາລວມຂອງບັນດາປະເທດ ອາຊຽນ ກ່ຽວກັບການສ້າງເງື່ອນໄຂສະດວກໃຫ້ແກ່ການຈໍລະຈອນການຄ້າໃນພາກພື້ນ ສຳລັບບັນດາປະເພດສິນຄ້າທີ່ຈຳເປັນ ໃນຄວາມພະຍາຍາມຕ້ານຄືນໂຣກລະບາດໂຄວິດ - 19. ບົດບັນທຶກຊ່ວຍຈຳດັ່ງກ່າວ ແມ່ນສ່ວນໜຶ່ງຂອງແຜນການດຳເນີນງານຂອງ ອາຊຽນ ເພື່ອແນໃສ່ເພີ່ມທະວີ ແລະ ປັບປຸງການຮ່ວມມືດ້ານເສດຖະກິດ ແລະ ການເຊື່ອມຕໍ່ລະບົບມູນຄ່າ. ທ່ານ ເລືອງຮວ່າງຖາຍ ຫົວໜ້າກົມນະໂຍບາຍການຄ້າຫຼາຍຝ່າຍ, ສັງກັດກະຊວງອຸດສາຫະກຳ ແລະ ການຄ້າ ຫວຽດນາມ ໃຫ້ຮູ້ວ່າ: ການວາງຂໍ້ລິເລີ່ມ, ປະຕິບັດ ແລະ ກ້າວໄປເຖິງການລົງນາມໃນບົດບັນທຶກຊ່ວຍຈຳນັ້ນ ບໍ່ພຽງແຕ່ຊ່ວຍແກ້ໄຂບັນດາບັນຫາໃນໄລຍະສັ້ນເທົ່ານັ້ນ, ແຕ່ຫາກຍັງຊ່ວຍວາງຂອບເຂດໃໝ່ ເພື່ອໃນໄລຍະຍາວ. ຈາກນີ້ ອາຊຽນ ຈະສາມາດຍູ້ແຮງ ແລະ ໝູນໃຊ້ໃນຂອບເຂດກວ້າງຂວາງກວ່າເກົ່າ. ບັນດາລັດຖະມົນຕີໄດ້ເຫັນດີເປັນເອກະພາບວ່າ: ສະນັ້ນ, ຈຶ່ງສຸມໃສ່ພຽງແຕ່ບັນດາປະເພດສິນຄ້າທີ່ຈໍາເປັນທີ່ສຸດຊຶ່ງລວມມີຜະລິດຕະພັນຫຼາຍກວ່າ 150 ປະເພດ ໂດຍສະເພາະ ແມ່ນຜະລິດຕະພັນການຢາ ແລະ ອຸປະກອນການແພດ. ໃນໄລຍະຈະມາເຖິງ, ບັນດາປະເທດ ອາຊຽນ ຈະສຸມໃສ່ເພີ່ມສິນຄ້າປະເພດສະບຽງອາຫານ, ທັນຍາຫານ ອີກດ້ວຍ.

ຕາມແຫຼ່ງຂ່າວສານຫວຽດນາມລາຍງານ, ວັນທີ 10 ພະຈິກຜ່ານມາ, ບັນດາລັດຖະມົນຕີເສດຖະກິດຂອງ 10 ປະເທດ ອາຊຽນ ໄດ້ລົງນາມໃນບົດບັນທຶກຊ່ວຍຈຳ (MOU) ກ່ຽວກັບການປະຕິບັດບັນດາມາດຕະການຍົກເວັ້ນພາສີສຳລັບປະເພດສິນຄ້າທີ່ຈຳເປັນ, ໃນກອງປະຊຸມສະມັດຊາປະຊາຄົມເສດຖະກິດ ອາຊຽນ (AEC) ຄັ້ງທີ 19 ຊຶ່ງຖືກຈັດຂຶ້ນແບບທາງໄກ.

ໃນກອງປະຊຸມດັ່ງກ່າວ, ບັນດາລັດຖະມົນຕີ ອາຊຽນ ກໍໄດ້ປຶກສາຫາລື ແລະ ຮັບຮອງເອົາກອບແຜນການຟື້ນຟູຮອບດ້ານ ອາຊຽນ (ACRF) ເພື່ອແນໃສ່ຢັ້ງຢືນຄືນຄຳໝັ້ນສັນຍາສົມທົບກັນ ເພື່ອຫຼຸດຜ່ອນບັນດາຜົນກະທົບຫຍໍ້ທໍ້ ຍ້ອນໂຣກລະບາດໂຄວິດ - 19, ສຳລັບພາກພື້ນ, ໃນສະພາບການທີ່ບັນດາປະເທດ ພວມເປີດປະຕູພື້ນຖານເສດຖະກິດຄືນໃໝ່ເທື່ອລະກ້າວ.

ສໍາລັບການກະກຽມບັນດາເອກະສານສໍາຄັນ ເພື່ອຍື່ນສະເໜີຕໍ່ກອງປະຊຸມສຸດຍອດອາຊຽນຄັ້ງທີ 37, ທີ່ຫວຽດນາມ ເປັນເຈົ້າພາບ, ທ່ານ ເຈິ່ນດຶກບິ່ງ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ອາຊຽນ ໃຫ້ຮູ້ວ່າ: ເອກະສານຈໍານວນ 10 ສະບັບຕ້ອງສ້າງໃຫ້ສຳເລັດ, ໃນນັ້ນ ມີເອກະສານບຸລິມະສິດ 5 ສະບັບ ເປັນຕົ້ນແມ່ນ ຖະແຫຼງການສະເຫຼີມສະຫຼອງ 15 ປີ ແຫ່ງວັນຈັດກອງປະຊຸມສຸດຍອດອາຊີຕາເວັນອອກ; ຖະແຫຼງການຮ່ວມມືທາງທະເລແບບຍືນຍົງ; ຖະແຫຼງການກອງປະຊຸມສຸດຍອດ ອາຊຽນ + 3 ກ່ຽວກັບການເພີ່ມທະວີກຳລັງຄວາມສາມາດດ້ານການເງິນ ກໍຄືເສດຖະກິດ ເພື່ອຮັບມືກັບບັນດາສິ່ງທ້າທາຍໃນປັດຈຸບັນ.

ທ່ານ ເຈິ່ນດຶກບິ່ງ ກ່າວວ່າ: ຖ້າຫາກບັນດາເອກະສານເຫຼົ່ານັ້ນ ໄດ້ຮັບການຮັບຮອງເອົາ ຈະປະກອບສ່ວນຢັ້ງຢືນວ່າ: ອາຊຽນ ແມ່ນປະຊາຄົມສະໜິດຕິດພັນ ແລະ ເປັນເຈົ້າການຮັບມືຕໍ່ສະພາບການປັດຈຸບັນ ແລະ ອາຊຽນ ສືບຕໍ່ເປີດກວ້າງການຮ່ວມມືກັບບັນດາຄູ່ຮ່ວມມືທັງໝົດໃນການຮັບມືກັບໂຣກລະບາດໂຄວິດ - 19 ກໍຄືພະຍາຍາມຟື້ນຟູເສດຖະກິດ ແລະ ບັນດາການເຄື່ອນໄຫວສັງຄົມ.

ນອກຈາກນັ້ນ, ຄະນະຜູ້ຕາງໜ້າ ໄດ້ສົມທົບກັບຄະນະກຳມະການບັນດາຜູ້ຕາງໜ້າ ອາຊຽນ ສ້າງເອກະສານກ່ຽວກັບຖະແຫຼງການສ້າງຂອບເຂດແລວທາງສັນຈອນໄປມາ ລະຫວ່າງ ບັນດາປະເທດ ອາ ຊຽນ ໃຫ້ສຳເລັດ ເພື່ອແນໃສ່ສ້າງເງື່ອນໄຂສະດວກໃຫ້ພົນລະເມືອງເວົ້າລວມ ແລະ ບັນດາວິສາຫະກິດເວົ້າສະເພາະສາມາດໄປ - ມາ ໄດ້ຢ່າງປອດໄພ, ແຕ່ຍັງຄົງຮັບປະກັນໄດ້ບັນດາຫຼັກການສາທາລະນະສຸກ; ຟື້ນຟູບັນດາການເຄື່ອນໄຫວເສດຖະກິດ ແລະ ການເຊື່ອມຕໍ່ການແລກປ່ຽນຄ້າຂາຍຄືນໃໝ່ໂດຍໄວ.ຈາກນັ້ນ, ສ້າງພື້ນຖານສໍາຄັນໃຫ້ແກ່ການຟື້ນຟູເສດຖະກິດໃນພາກພື້ນ ອາຊຽນ ໃນຊຸມປີຈະມາເຖິງ.

ໃນກອງປະຊຸມຂ່າວ ກ່ຽວກັບກອງປະຊຸມສຸດຍອດ ອາຊຽນ ຄັ້ງທີ 37 ແລະ ບັນດາກອງປະຊຸມທີ່ກ່ຽວຂ້ອງ, ວັນທີ 9 ພະຈິກ, ທ່ານ ຫງວຽນກວັກຢຸງ ຮອງລັດຖະມົນຕີການຕ່າງປະເທດ ຫວຽດນາມ, ຫົວໜ້າ SOM ອາຊຽນ ໃຫ້ຮູ້ວ່າ: ປັດຈຸບັນ, ການເຈລະຈາສັນຍາການຄ້າເສລີພາກພື້ນອາຊຽນ

(RCEP) ໄດ້ສຳເລັດແລ້ວ. ບັນດາປະເທດພວມຊຸກຍູ້ການປະຕິບັດລະບຽບການຕ່າງໆພາຍໃນປະເທດ ເພື່ອສາມາດລົງນາມໃນວັນທີ 15 ພະຈິກນີ້.

ສັນຍາ RCEP ໄດ້ໃຊ້ເວລາເຈລະຈາຫຼາຍປີ, ເພື່ອເຫັນວ່າ: ມີຄວາມໝາຍຢ່າງໃຫຍ່ຫຼວງຕໍ່ພາກພື້ນ, ພິເສດໃນສະພາບການປັດຈຸບັນ ເມື່ອໂລກຖືກຜົນກະທົບຈາກໂຣກລະບາດໂຄວິດ - 19. ການລົງນາມໃນສັນຍາ RCEP ຈະສ້າງກຳລັງແຮງ, ຄວາມຜັກດັນໃໝ່ໃຫ້ແກ່ການພັດທະນາການຄ້າໃນພາກພື້ນ. ການລົງນາມໃນສັນຍາສະບັບນີ້, ແມ່ນຄວາມຄອງຄອຍຂອງທຸກປະເທດ ແລະ ມີຄວາມໝາຍສໍາລັບ ຫວຽດນາມ ໃນນາມເປັນປະທານ ອາຊຽນ 2020.

ເມື່ອສັນຍາສະບັບດັ່ງກ່າວ, ໄດ້ຮັບການລົງນາມ ຈະສ້າງຕະຫຼາດທີ່ມີຂອບຂະໜາດຜູ້ບໍລິໂພກປະມານ 3,5 ຕື້ຄົນ ແລະ ລວມຍອດພະລິດຕະພັນພາຍໃນ (GDP) ເກືອບ 49.000 ຕື້ໂດລາ ກວມປະມານ 39% ຂອງ GDP ທົ່ວໂລກ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110