ໜັງສືພິມ ປະຊາຊົນ

ສຳມະນາກະຕິກາຕັດສິນການແຂ່ງຂັນກິລາກາຣາເຕໂດ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 25/11/2020 10:39:42 ຈຳນວນຢ້ຽມຊົມ 2393 ຄັ້ງ

ສະຫະພັນກິລາກາຣາເຕໂດແຫ່ງຊາດລາວ ໄດ້ເປີດການສໍາມະນາກະຕິກາການຕັດສິນແຂ່ງຂັນກິລາກາຣາເຕໂດ ດ້ານການຕີ (KUMITE) ແລະ ດ້ານການຟ້ອນ (KATA) , ໂດຍການເປັນປະທານຂອງ ທ່ານ ສອນສັກ ນ.ຍານຊະນະ ເລຂາທິການສະຫະພັນກິລາກາຣາເຕໂດແຫ່ງຊາດລາວ, ຜູ້ຊີ້ນໍາວຽກງານດ້ານເທັກນິກສະເພາະ,ທັງເປັນຜູ້ຮັບຜິດຊອບຈັດການແຂ່ງຂັນກິລາກາຣາເຕໂດທົ່ວປະເທດ ຄັ້ງທີ V ທີ່ຈະຈັດຂຶ້ນໃນວັນທີ 6 ທັນວາ 2020 ທີ່ຈະມາເຖິງນີ້, ຜູ້ບັນລະຍາຍແມ່ນ ທ້າວ ອິນທະນູສອນ ວິໄລສຸກ ຜູ້ຮັບຜິດຊອບກໍາມະການເຕັກນິກຂອງສະຫະພັນ ,ລາຍການແຂ່ງຂັນດັ່ງກ່າວ ແມ່ນເພື່ອສ້າງຂະບວນການຕ້ອນຮັບວັນສຳຄັນຕາງໆ ຂອງພັກ-ລັດໃຫ້ຟົດຟື້ນ ພ້ອມທັງເປັນການກະກຽມຄວາມພ້ອມໃຫ້ແກ່ນັກກິລາ, ຄູຝຶກ ແລະ ກໍາມະການຕັດສິນ ໃນການແຂ່ງຂັນກິລາກາຣາເຕໂດທົ່ວປະເທດ ຄັ້ງທີ V, ງານແຂ່ງຂັນກິລາແຫ່ງຊາດ ຄັ້ງທີ 11 ທີ່ແຂວງຊຽງຂວາງ ຄາດວ່າໃນ ເດືອນ 3 ປີ 2021, ກິລາຊີແກນ ( SEAKE) ໃນເດືອນ 4 ປີ 2021 ທີ່ປະເທດ ສ.ສ ຫວຽດນາມ ເປັນເຈົ້າພາບ, ກິລາອາຊຽນມະຫາວິທະຍາໄລ ( ASIAN UNIVERSITY ) ລະຫວ່າງວັນທີ 17-28 ມິຖຸນາ 2021 ທີ່ອຸບົນຣາດຊະທານີ ປະເທດໄທ ແລະ ກິລາຊີເກມ ຄັ້ງທີ 31 ທີ່ຮ່າໂນ້ຍ ປະເທດ ສ.ສ ຫວຽດນາມ ໃນລະຫວ່ງວັນ. ທີ 27/11 ຫາ 2/12/2021. ອີກອັນຫນຶ່ງເພື່ອຍົກສູງຄຸນນະພາບນັກກິລາທາງດ້ານເບຊິກ ( Basic ) ພື້ນຖານ, ເຕັກນິກ ແລະ ຍຸດທະວິທີ, ນັກກິລາບໍ່ຮູ້ກະຕິກາດີ ຈະແຂ່ງຂັນບໍ່ໃຫ້ຄະແນນ, ຖືກຕັດຟາວ, ຄູຝຶກກໍ່ຕ້ອງຮູ້ກະຕິກາ ການແຂ່ງຂັນໃຫ້ດີເໝືອນກັນ ແລະ ນັກກິລາໃນການແຂ່ງຂັນ ແລະ ຄະນະນໍາພາກໍເຊັ່ນດຽວກັນ.
ການສໍາມະນາໃນຄັ້ງນີ້ ທາງຄະ ນະນໍາ, ຄູຝຶກ, ນັກກິລາ ປະມານ90 ກວ່າທ່ານ ສໍາມະນາສອງຕອນຄື: ຕອນເຊົ້າກະຕິກາການຟ້ອນ ( KATA), ຕອນແລງກະຕິກາການຕີ ( KUMITE ), ດັ່ງນັ້ນເຊີນເຂົ້າຮ່ວມຊົມການແຂ່ງ ຂັນໃນວັນທີ 6/12/2020 ທີ່ສູນ Budo Center ເຈົ້າອານຸວົງ.
(ຂ່າວ: ສະຫະພັນກິລາກາຣາເຕໂດ)