Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ເມືອງຄູນ ປະຕິສັງຂອນ ແລະ ສ້າງແຫຼ່ງທ່ອງທ່ຽວທາງດ້ານວັດວາສາດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 25/11/2020 11:56:44 ຈຳ​ນວນ​​ຢ້ຽມ​ຊົມ 6687 ຄັ້ງ

ໂດຍ: ສ.ນົງລາດ

ຊຽງຂວາງແມ່ນໜຶ່ງ ໃນບັນດາແຂວງພາກເໜືອຂອງລາວ ທີ່ມີດິນຟ້າອາກາດເຢັນສະບາຍຕະຫຼອດປີ. ທັງນີ້, ກໍຍ້ອນມີສາຍລົມເຢັນພັດຜ່ານທຸກລະດູການ, ເປັນເຂດພູຜາປ່າໄມ້ ແລະ ເປັນພູພຽງທົ່ງຫຍ້າທີ່ສວຍສົດງົດງາມທີ່ໜ້າຈັບໃຈ, ຊຽງຂວາງແມ່ນດິນແດນປະຫວັດສາດທີ່ລືຊາ ທີ່ມີມາເປັນເວລາດົນນານໃນຖານະທີ່ ເປັນຣາຊະທານີທີ່ຈະເຣີນຮຸ່ງເຮືອງຂອງຊາວພວນໃນອະດີດແຫ່ງສັກດີນາ ກະແຈກກະຈາຍບໍ່ທັນລວມສູນ ແລະ ເຄີຍເປັນສະໝໍລະພູມທີ່ດຸເດືອດໃນສະໄໝຕໍ່ສູ້ຕ້ານຈັກກະພັດອາເມຣິກາຜູ້ຮຸກຮານ ແລະ ແມ່ນໜຶ່ງໃນບັນດາແຂວງທີ່ຖືກສົງຄາມທຳລາຍຢ່າງໜັກໜ່ວງອັນໄດ້ສູນເສຽຊີວິດຊັບສິນຂອງພີ່ນ້ອງຊາວພວນກໍ່ຄືປະຊາຊົນລາວບັນດາເຜົ່າຈົນບໍ່ສາມາດພັນລະນານັບໄດ້.

ພາຍຫຼັງປະເທດຊາດໄດ້ຮັບການປົດປ່ອຍໃນ ປີ 1975 ມາເຖິງປັດຈຸບັນນີ້, ຊາວພວນກໍຄືປະຊາຊົນບັນດາເຜົ່າໃນແຂວງຊຽງຂວາງພາຍໃຕ້ການນຳພາຂອງພັກ ແລະ ລັດຖະບານກໍໄດ້ຟື້ນຟູຊີວິດໃໝ່ ແລະ ມີການພັດທະນາຢ່າງກ້າວກະໂດດຈາກສະໝໍລະພູມທີ່ເປັນຊາກສະຫຼັກຫັກພັງໃນເມື່ອກ່ອນໄດ້ກາຍເປັນຕົວເມືອງໃໝ່ທີ່ນັບມື້ທັນສະໄໝ ແລະ ກ້າວໜ້າ, ຊີວິດການເປັນຢູ່ຂອງປະຊາຊົນໄດ້ຮັບການປັບປຸງດີຂຶ້ນຕາມລຳດັບໂດຍສະເພາະແມ່ນໂພນສະຫວັນທີ່ເປັນເທດສະບານຂອງແຂວງ ທີ່ມີພະເຈົ້າອົງຫຼວງ ມີທົ່ງໄຫຫີນທີ່ລືຊື່ໄດ້ກາຍເປັນມໍລະດົກໂລກໄປແລ້ວ ແລະ ມີພື້ນຖານໂຄງລ່າງທີ່ສະດວກສະບາຍ ຊຶ່ງເຮັດໃຫ້ຊຽງຂວາງມີໃບໜ້າໃໝ່ທີ່ສວຍງາມເປັນໜ້າທ່ຽວຊົມ ແລະ ພັກຜ່ອນໃຈ ຫາອັນປຽບບໍ່ໄດ້.

ພາຍໃຕ້ໂຄງການລາວທ່ຽວລາວນີ້, ຊຽງຂວາງໄດ້ພັດທະນາແຫຼ່ງທ່ອງທ່ຽວຫຼາຍແຫ່ງທີ່ທຸກຄົນໃຫ້ຄວາມສົນໃຈໂດຍສະເພາະແມ່ນແຫຼ່ງທ່ອງທ່ຽວທາງດ້ານປະຫວັດສາດວັດຖຸບູຮານທົ່ງໄຫຫີນ,ພະເຈົ້າອົງຫຼວງ ແຫຼ່ງທ່ອງທ່ຽວທຳມະຊາດບໍ່ນໍ້າຮ້ອນເມືອງຄຳ, ແຫຼ່ງທ່ອງທ່ຽວປະຫວັດສາດສົງຄາມອັນໂສກເສົ້າໃນຖໍ້າປີວເມືອງຄໍາ. ແຕ່ອັນໂດດເດັ່ນທີ່ສຸດໃນປັດຈຸບັນແມ່ນການຟື້ນຟູແຫຼ່ງທ່ອງທ່ຽວທາງດ້ານການປະຕິສັງຂອນວັດວາອາຮາມທີ່ເກົ່າແກ່ທີ່ຖືກສົງຄາມທຳລາຍ ແລະ ສ້າງຂຶ້ນໃໝ່ຈຳນວນໜຶ່ງໃນເຂດປະຫວັດສາດເມືອງເກົ່າອັນຍາວນານຂອງອະດີດຣາຊະທານີເມືອງພວນ ກໍ່ຄືເມືອງຄູນໃນປັດຈຸບັນ. ເມືອງຄູນໃນປະຫວັດສາດແມ່ນນະຄອນຊຽງຂວາງຂອງອານາຈັກພວນໃນຣາຊະການຂອງພະເຈົ້າລ້ານຊ້າງຄຳກອງໃນ ປີ 1372, ພະອົງໄດ້ນຳເອົາພະພຸດທະສາດສະໜາ ແລະ ພະພຸດທະຮູບທອງ 1 ອົງ, ຈາກເມືອງຫົງສາວະດີ ແລະ ເ​ຄື່ອງຄໍ້າຂອງຄູນ ຂອງພີ່ນ້ອງຊາວພວນມາສະຖິດໄວ້ໃນດິນແດນແຫ່ງນີ້ຈົນໄດ້ສັນຍານາມວ່າເມືອງຄູນຈົນຮອດທຸກວັນນີ້. ທັງໝົດນັ້ນ, ໄດ້ເຮັດໃຫ້ເມືອງຄູນໃນອະດີດຈະເ​ລີນຮຸ່ງເຮືອງເຫຼືອງເຫຼື້ອມຫາອັນປຽບບໍ່ໄດ້ ແຕ່ກໍໜ້າເສຍດາຍໃນສົງຄາມຍາດແຍ່ງເຂດນໍ້າແດນດິນລະຫວ່າງສັກດີນາພາຍໃນ ແລະ ຕ່າງດ້າວໄດ້ເຮັດໃຫ້ຣາຊະທານີພວນຖືກທຳລາຍ ແລະ ຍາດແຍ່ງເຄື່ອງຄໍ້າຂອງຄູນໄປເຮັດໃຫ້ນະຄອນແຫ່ງນີ້ເສົ້າໝອງລົງ, ຊາວພວນສ່ວນໃຫຍ່ຖືກກວາດຕ້ອນໄປຢູ່ສະຍາມ ແລະ ສ່ວນໜຶ່ງກໍອົບພະຍົກລົງມາຢູ່ວຽງຈັນ. ອັນຮ້າຍແຮງທີ່ສຸດແມ່ນມາເຖິງປີ 1960 ສົງຄາມທຳລາຍຂອງຈັກກະພັດອາເມຣິກາໄດ້ເ​ລີ່ມຂຶ້ນ ແລະ ແກ່ຍາວມາເຖິງປີ 1973 ຊຽງຂວາງກໍຄືຣາຊະທານີພວນໃນອະດີດໄດ້ກາຍເປັນສະໝໍລະພູມທີ່ດຸເດືອດຂ້ຽວຂາດໃນການຕໍ່ສູ້ລະຫວ່າງກຳລັງແນວລາວຮັກຊາດ ແລະ ກຳລັງເປັນກາງຮັກຊາດຕ້ານຈັກກະພັດອາເມຣິກາຜູ້ຮຸກຮານ ຊຶ່ງເຮັດໃຫ້ບ້ານເມືອງຕົກຢູ່ໃນສະພາບບ້ານແຕກສະແຫຼກຂາດ, ຊີວິດຊັບສິນເຮືອນຊານບ້ານຊ່ອງຖືກເຜົາຜານວາຍວອດ, ຂ້າກ້ຽງ,ຈູດກ້ຽງ ແລະ ດັບກ້ຽງ, ຊີວິດທີ່ເຫຼືອຕາຍກໍຖືກອົບພະຍົບລົບໄພແບບລົມມີດຕັດພັດໄປຄົນລະແຈ ລົມມີດແຖພັດໄປຄົນລະກໍ້າ ຈົນວ່າປະເທດຊາດໄດ້ຮັບການປົດປ່ອຍຢ່າງສົມບູນແລ້ວຈໍານວນໜຶ່ງຈຶ່ງໄດ້ກັບລ່າວຕ່າວຄືນມາບ້ານເກີດເມືອງນອນຂອງຕົນ ແລະ ມາຟື້ນຟູຊີວິດຄືນໃໝ່ທຸກຢ່າງທີ່ຂາດຫາຍໄປໃຫ້ຄ່ອຍໆກັບຄືນມາຢູ່ໃນສະພາບເດີມ ແລະ ດີກວ່າເກົ່າ. ໃນນັ້ນ, ແມ່ນການປະຕິສັງຂອນ ແລະ ສ້າງວັດວາ ສາດສະໜາໃຫ້ຈະເລີນກ້າວໜ້າຄືດັ່ງທີ່ເຄີຍປະຕິບັດກັນມາແຕ່ບູຮານນະການ.

   ມາເຖິງປີ 1990 ພະນະທ່ານ ພູມີ ວົງວິຈິດ ຜູ້ນຳທີ່ແສນເຄົາລົບຂອງຊາວຊຽງຊວາງ ເວົ້າສະເພາະ ເວົ້າລວມກໍຄືຊາວລາວທັງມວນພ້ອມດ້ວຍພະອາຈານຈາລຸຸນກຳມະການໃນຄະນະອົງການພຸດທະສາດສະໜາສູນກາງ (ອພສ) ແລະ ພະອາຈານ ເມກ ໄດ້ລະດົມແຫຼ່ງທຶນຈາກຜູ້ມີຈິດໃຈໃສສັດທາທັງຫຼາຍໄປສົມທົບກັບອຳນາດການປົກຄອງແຂວງຊຽງຂວາງ ແລະ ອຳນາດການປົກຄອງເມືອງຄູນກໍ່ຄືປະຊາຊົນແຂວງຊຽງຂວາງໄດ້ປະຕິສັງຂອນ ພັດທະສິມມາພະພຸດທະຮູບອົງຕື້ຢູ່ວັດສີພົມ ເມືອງຄູນເປັນແຫຼ່ງທຳອິດຂອງແຂວງຊຽງຂວາງຄືນໃໝ່ ແລະ ສຳເລັດໃນປີ1992, ຕໍ່ມາໃນປີ 2015 ໄດ້ປະຕິສັງຂອນຫໍລວມ 12 ຫໍຫຼັກເມືອງຄືນໃໝ່, ໃນປີ 2018 ໄດ້ຮັບທຶນຈາກອົງການມໍລະດົກໂລກ, ອົງການສຶກສາ ແລະ ວິທະຍາສາດສະຫະປະຊາຊາດ(UNESCO)ປະຕິສັງຂອນພະທາດຝຸ່ນ ແລະ ແທ່ນພັດທະສິມມາວັດເພຍວັດໃນເມືອງຄູນຄືນໃໝ່.

   ໃນຮູບພະທາດຫຼວງນີ້ ກໍເໝືອນດັ່ງທາດຫຼວງຢູ່ນະຄອນຫຼວງວຽງຈັນ ມີ 30 ປາຣະມີທາດນ້ອຍລຽນລ້ອມຢູ່ຊອນລອນ, ສ່ວນທັງສີ່ດດ້ານກໍ່ມີປະຕູເຂົ້າທີ່ມີມຸກຫຼັງຄາປະດັບຢ່າງສວຍງາມສະດຸດຕາ.

ປັດຈຸບັນນີ້, ທາງຄະນະຟື້ນຟູ ແລະ ປະຕິສັງຂອນວັດວາສາດສະໜາເມືອງຄູນຍັງສືບຕໍ່ລະດົມແຫຼ່ງທຶນຈາກຜູ້ມີຈິດໃຈໃສສັດທາ ເພື່ອສົມທົບແຫຼ່ງທຶນທີ່ມີແລ້ວເພື່ອປະຕິສັງຂອນພະທາດຫຼວງ(ພະທາດແປດຫຼຽມ) ແລະ ພັດທະສິມມາຢູ່ວັດທາດຫຼວງບ້ານນາໄຊ ທີ່ກຳລັງກໍ່ສ້າງຢູ່, ພະທາດຈອມເພັດຢູ່ເທິງພູຈອມເພັດເທດສະບານເມືອງຄູນ ແຂວງຊຽງຂວາງ ໂດຍມີເຈົ້າມູນລະສັດທາຄືທ່ານ ສູນທອນ ພົມມະຈັກ ພ້ອມດ້ວຍຄອບຄົວ, ເຈົ້າມູນລະສັດທາແນ່ທາງດ້ານທຶນຮອນເພື່ອປະຕິສັງຂອນ ແລະ ສືບຕໍ່ສ້າງໃໝ່ນີ້ ມາຖິງປັດຈຸບັນ ກໍເຫັນວ່າຍັງບໍ່ທັນພຽງພໍເທື່ອຖ້າຜູ້ໃດຫາກມີຈິດໃຈໃສສັດທາອັນເຫຼື້ອມໃສໃນພະພຸດທະສາດສະໜາທີ່ຢາກປະກອບສ່ວນເຮັດບຸນສິນຮ່ວມເຈົ້າມູນລະສັດທາໃນຄັ້ງນີ້, ທາງຄະນະກໍມີຄວາມຍິນດີເປັນຢ່າງຍິ່ງ. ຄາດວ່າ ພະທາດຫຼວງແປດຫຼຽມເມືອງຄູນ ຈະສ້າງໃຫ້ສຳເລັດໃນໄວໆນີ້ ຕາມລະດັບຄາດໝາຍ.

ເຖິງຢ່າງໃດກໍດີ, ການຟື້ນຟູ ແລະ ປະຕິສັງຂອນວັດວາສາດສະໜາຢູ່ເມືອງຄູນຄື: ພັດທະສິມມາຢູ່ວັດທາດຫຼວງ ບ້ານນາໄຊ, ພະທາດຈອມເພັດຢູ່ເທິງພູຈອມເພັດທີ່ສູງສະຫງ່າແຫ່ງເທດສະບານເມືອງຄູນແຂວງຊຽງຂວາງໃນຄັ້ງນີ້ ບໍ່ພຽງແຕ່ຈະເປັນມໍລະດົກຕົກທອດທາງດ້ານວັດຖຸບູຮານພຸດທະສາດສະໜາໃຫ້ລູກຫຼານຊາວພວນໃນອະນາຄົດອັນຍາວນານເທົ່ານັ້ນ ແຕ່ຫາກຍັງເປັນສິ່ງປະດັບເອ້ສັນຍາລັກທີ່ມີຄວາມໝາຍບົ່ງບອກເຖິງຈິດໃຈອ່ອນນ້ອມ​ໂອຍເອື້ອອາລີ ແລະ ຮັກແພງສາມັກຄີຢ່າງກວ້າງຂວາງຂອງຊາວພວນທີ່ເຄີຍມີມາແຕ່ດຶກດຳບັນໃນການຕ້ອນຮັບແຂກທາງໄກ ໄທທາງອື່ນທີ່ມາຢ້ຽມຢາມພີ່ນ້ອງເມືອງພວນຂອງເມືອງຄູນແຂວງຊຽງຂວາງຢ່າງເພື່ອນມິດສະຫາຍອ້າຍເອື້ອຍນ້ອງຢ່າງບໍ່ມີວັນຈືດຈາງໄດ້.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com