ໜັງສືພິມ ປະຊາຊົນ

ງານວາງສະແດງສິນຄ້າຈີນ-ອາຊຽນ ຄັ້ງທີ 17 ທີ່ໜານໜິງ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 29/11/2020 18:11:45 ຈຳນວນຢ້ຽມຊົມ 2364 ຄັ້ງ

ຕາມການລາຍງານຂອງກອງເລຂາ ງານວາງສະແດງສິນຄ້າຈີນ-ອາຊຽນ ຄັ້ງທີ 17 ເມື່ອວັນທີ 27 ພະຈິກຜ່ານມາ ໄດ້ໃຫ້ຮູ້ວ່າ: ອີງຕາມສະຖາບັນເອັມຊີຄິນເຊ (McKinsey Global Institute) ທີ່ໄດ້ສຶກສາທ່າອ່ຽງທາງດ້ານເສດຖະກິດໃນສະຕະວັດທີ 20 ເຫັນວ່າ: ສູນກາງເສດຖະກິດຂອງໂລກ ຢູ່ທີ່ມະຫາສະໝຸດອັດລັງຕິກເໜືອ. ຢ່າງໃດກໍ່ຕາມ, ໃນປີນີ້ສະຖາບັນໄດ້ຄຳນວນແລ້ວວ່າ: ສູນກາງເສດຖະກິດຂອງໂລກ ໄດ້ຍ້າຍໄປຢູ່ທີ່ຊາຍແດນຂອງເອີຣົບ ແລະ ອາຊີ.

ສັນຍາຄູ່ຮ່ວມເສດຖະກິດຮອບດ້ານພາກພື້ນ (RCEP) ທີ່ໄດ້ລົງນາມໃນຫວ່າງບໍ່ດົນມານີ້ ແລະ ພາກພື້ນອາຊີ-ປາຊີຟິກ ໄດ້ຟື້ນຕົວຈາກການລະບາດຂອງພະຍາດໂຄວິດ-19 ໄດ້ໄວ, ເຮັດໃຫ້ໝັ້ນໃຈໄດ້ວ່າ: ສູນກາງຂອງແຮງດຶງດູດທາງດ້ານເສດຖະກິດໄດ້ໝູນໄປທາງທິດຕະເວັນອອກຫຼາຍຂຶ້ນ.

ການເຮັດວຽກຮ່ວມກັນຂອງພາກພື້ນນີ້ ໄດ້ສະທ້ອນໃຫ້ເຫັນຄວາມມີປະສິດທິພາບຫຼາຍຂຶ້ນ ຈາກບັນດາເມືອງຕ່າງໆເຊັ່ນ: ໜານນິງ ຂອງຈີນ ຊຶ່ງກຳລັງເປັນເຈົ້າພາບຈັດງານວາງສະແດງສິນຄ້າຈີນ-ອາຊຽນ (China-ASEAN Expo) ຫຼື ຊຽງໄຮ້ ເປັນເຈົ້າພາບຈັດງານວາງສະແດງສິນຄ້ານໍາເຂົ້າສາກົນ(China International Import Expo) ປະຈຳປີ ຫຼື ກົວລາລຳເປີ ຊຶ່ງເປັນເຈົ້າພາບຈັດກອງປະຊຸມສຸດຍອດເອເປັກ ຄັ້ງທີ 32. ພ້ອມນີ້, ອົງການ CGTN Host Tian Wei ໄດ້ທຳການສຶກສາ RCEP ແລະ ອາຊີ-ປາຊີຟິກ ມີຄວາມສຳຄັນແນວໃດຕໍ່ກັບການເຕີບໂຕທາງດ້ານເສດຖະກິດທົ່ວໂລກ.

ການລົງນາມ RCEP ໃນວັນທີ 15 ພະຈິກຜ່ານມາ, ທີ່ຮ່າໂນ້ຍ, ສສ.ຫວຽດນາມ ແມ່ນສັນຍາລັກຂອງໂລກທີ່ພລິກກັບຈາກລັດທິຝ່າຍດຽວ ແລະ ກັບມາມີສ່ວນຮ່ວມກັບໂລກາພິວັດອີກຄັ້ງ.

ທ່ານ ອັສມີ ຮັສຊັນ ນັກວິເຄາະການເມືອງອາວຸໂສຈາກ ມາເລເຊຍ ໄດ້ກ່າວວ່າ: RCEP ໃຊ້ເວລາໃນການເຈລະຈານານເຖິງ 8 ປີ ຊຶ່ງໄດ້ສະແດງໃຫ້ເຫັນວ່າ: ປະເທດໃຫຍ່ໆເຊັ່ນ: ຈີນ ແລະ ອົສຕຣາລີ ສາມາດເຮັດວຽກຮ່ວມກັບອາຊຽນ ໃນລະບົບການຄ້າແບບເປີດເສລີໄດ້ ຊຶ່ງເປັນສັນຍານທີ່ສຳຄັນຂອງໂລກ.

RCEP ເປັນຂໍ້ຕົກລົງລະດັບໂລກ ທີ່ມີຈຳເປັນຫຼາຍໃນເວລານີ້, ເນື່ອງຈາກໄດ້ເຊື່ອມໂຍງທັງເສດຖະກິດ ທີ່ໃຊ້ເຕັກໂນໂລຊີຂັ້ນສູງ ແລະ ອຸດສາຫະກຳການກະສິກຳ ແລະ ວັດຖຸດິບຢູ່ກັບທີ່. ຍິ່ງໄປກວ່ານັ້ນ ເສດຖະກິດເຫຼົ່ານີ້ ສ່ວນໃຫຍ່ມີຂໍ້ຍົກເວັ້ນ ແລະ ທີ່ໜ້າສັງເກດ 2 ປະການໃນອິນໂດເນເຊຍ ແລະ ຟິລິບປິນ ສາມາດປ້ອງກັນການແຜ່ລະບາດຂອງພະຍາດໂຄວິດ-19 ໄດ້.

ທ່ານ ຈຽນຈູນ ອຳນວຍການຜູ້ບໍລິຫານຂອງສະຖາບັນການເງິນສາກົນຟານໄຮ ທີ່ມະຫາວິທະຍາໄລຟູຕານ ກ່າວວ່າ: ຈີນ, ຍີ່ປຸ່ນ ແລະ ສ.ເກົາຫຼີ ສາມາດຮັບເອົາວັດຖຸດິບຈາກບັນດາປະເທດອາຊຽນ ເພື່ອຜະລິດຢູ່ພາຍໃນປະເທດ ແລະ ຂາຍຄືນປະເທດ RCEP. ໃນຂະນະທີ່ເອີຣົບ ແລະ ອາເມຣິກາເໜືອປິດຕົວລົງ, ອາຊີ-ປາຊີຟິກ ສາມາດສ້າງແບບຟອມການຄ້າຄືນໃໝ່ ຊຶ່ງເປັນລະບົບຕ່ອງໂສ້ການສະໜອງການຜະລິດໃຫ້ສົມບູນ. ເຕັກໂນໂລຊີຈາກປະເທດໃນອາຊີຕາເວັນອອກສ່ຽງເໜືອ ທີ່ພັດທະນາຫຼາຍຂຶ້ນ ສາມາດສ້າງປະໂຫຍດໃຫ້ກັບບັນດາປະເທດໃນອາຊຽນ ໄດ້ເຊັ່ນກັນ.

ທ່ານ ຫຼິມ ໄທ ເວີຍ ຜູ້ຊ່ວຍນັກວິໄຈຂອງມະຫາວິທະຍາໄລແຫ່ງຊາດສິງກະໂປ ກ່າວວ່າ: ອາຊຽນ ຕ້ອງການຈັດຕັ້ງເຄືອຂ່າຍເມືອງອັດສະຣິຍະໃນອາຊຽນ 15 ຫາ 20 ເມືອງ ໂດຍເລືອກໃຫ້ເປັນເມືອງປະຕິວັດອຸດສາຫະກຳຍຸກ 4.0. ເມືອງເຫຼົ່ານີ້ ຊຶ່ງເປັນເມືອງຂອງອາຊຽນ ທີ່ສາມາດທຳງານຮ່ວມກັບຈີນ ຊຶ່ງເປັນຜູ້ນຳໃນດ້ານການຄ້າອອນໄລ ແລະ ເຕັກໂນໂລຊີອື່ນໆອີກຫຼວງຫຼາຍ.

ງານ China-ASEAN Expo ໃນປັດຈຸບັນ, ຈັດສະແດງເຕັກໂນໂລຊີ ທີ່ຈີນ ສາມາດນຳມາສູ່ຄູ່ຮ່ວມມືການຄ້າໃນອາຊຽນ. ທ່ານ ຈຽນຈູນ ໄດ້ກ່າວຕື່ມວ່າ: ບໍລິສັດຂອງຈີນ ໄດ້ນຳຜະລິດຕະພັນ VR ເຂົ້າມາໃນເທດສະການ VR ແລະ ການຄ້າອອນໄລ ຈະເປັນປັດໄຈສຳຄັນໃນສະພາບແວດລ້ອມປັດຈຸບັນ ທີ່ຕ້ອງການຫຼຸດຜ່ອນການສຳຜັດທາງກາຍຍະພາບໃຫ້ໜ້ອຍລົງທີ່ສຸດ ແລະ ສິດທິປະໂຫຍດຂອງ RCEP ອາດບໍ່ໄດ້ຈຳກັດຢູ່ແຕ່ຂອບເຂດຂອງສະມາຊິກປັດຈຸບັນເທົ່ານັ້ນ. RCEP ເຊື່ອມໂຍງເສດຖະກິດທີ່ໃຫຍ່ເປັນອັນດັບສອງ ແລະ ສາມ ໄດ້ແກ່ຈີນ ແລະ ຍີ່ປຸ່ນ ກັບ ອົສຕຣາລີ ແລະ ອາຊຽນ ກຸ່ມການຄ້າທີ່ໃຫຍ່ນີ້ໄດ້ສະແດງໃຫ້ເຫັນວ່າ: ພື້ນທີ່ການຄ້າເສລີ ໃນພາກພື້ນນີ້ ສາມາດຂັບເຄື່ອນການຟື້ນຕົວ ແລະ ການເຕີບໂຕຂອງໂລກໄດ້ ຊຶ່ງເປັນຂ່າວທີ່ໜ້າຍິນດີສຳລັບໂລກ.

ໃນຂະນະດຽວກັນ, ອິດທິພົນຂອງ RCEP ອາດບໍ່ຈຳກັດສະເພາະພື້ນທີ່ເສດຖະກິດເທົ່ານັ້ນ ຊຶ່ງ ທ່ານ ຮັສຊັນ ກ່າວວ່າ: ການເຈລະຈາ ລະຫວ່າງ ຈີນ, ອົສຕຣາລີ, ສ.ເກົາຫຼີ ແລະ ຍີ່ປຸ່ນ ເປັນໄປຢ່າງຍາກລຳບາກ ແຕ່ກໍສາມາດສະແດງໃຫ້ເຫັນວ່າ: ທຸກຝ່າຍສາມາດຕົກລົງກັນໄດ້ ຖ້າຫາກຈະເຈລະຈາ RCEP. ຂໍ້ຕົກລົງ RCEP ເປັນຄວາມຫວັງຂອງຄວາມຮ່ວມມືລະດັບໂລກ ທີ່ຕ້ອງການຫຼາຍຂຶ້ນ ແລະ ບໍ່ແປກໃຈເລີຍທີ່ສູນກາງເສດຖະກິດຂອງໂລກ ຊຶ່ງເປັນປະເທດທີ່ມີເສດຖະກິດປະສົມປະສານຫຼາຍທີ່ສຸດໃນໄລຍະເວລາແຫ່ງຄວາມພະຍາຍາມນີ້.