Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງປະຊຸມລັດຖະມົນຕີ ຄຸ້ມຄອງໄພພິບັດອາຊຽນ ຄັ້ງທີ 8

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 30/11/2020 11:32:29 ຈຳ​ນວນ​​ຢ້ຽມ​ຊົມ 2651 ຄັ້ງ

   ກອງ​ປະຊຸມ​ທາງໄກ ລັດ ຖະມົນຕີ​ຄຸ້ມ​ຄອງ​ໄພພິບັດ​ອາ​ຊຽນ​ຄັ້ງ​ທີ 8 ໄດ້​ຈັດ​ຂຶ້ນ​ປີ​ລະ​ຄັ້ງ​ ໂດຍ​ມີ​ຈຸດປະສົງ​ເພື່ອ​ສົ່ງເສີມ​ການ​ຮ່ວມ​ມື​ດ້ານ​ການ​ຄຸ້ມ​ຄອງ​ໄພພິບັດ ​ເປັນຕົ້ນ ​ການ​ແລກປ່ຽນ​ຂໍ້​ມູນ​ຂ່າວສານ, ການ​ກຽມ​ຄວາມ​ພ້ອມ ແລະ ໃຫ້ການ​ຊ່ວຍເຫຼືອ​ຕອບ​ໂຕ້​ໄພພິບັດ​ໃນພາກ​ພື້ນ​ອາ​ຊຽນ, ກອງ​ປະຊຸມ​ຄັ້ງ​ນີ້​ພາຍ​ໃຕ້​ຄໍາ​ຂວັນ “ນໍາ​ໜ້າ​ຫັນປ່ຽນ​ໄປ​ສູ່​ປະຊາ​ຄົມ​ອາ​ຊຽນ​ທີ່​ມີ​ຄວາມ​ປອດ​ໄພ, ສາມາດ​ປັບ​ຕົວ​ເພື່ອ​ທຸກ​ຄົນ ແລະ ທົນ​ທານ ແລະ ບັນລຸ​ວິ​ໃສ​ທັດ​ຂອງ​ພວກ​ເຮົາ​ໃນ​ຖານະ​ເປັນ​ຜູ້ນຳ​ໂລກ​ໃນ​ການ​ຄຸ້ມ​ຄອງ​ໄພ​ພິບັດ”. ກອງ​ປະ ຊຸມ​ດັ່ງກ່າວ ​ໄດ້​ຈັດ​ຂຶ້ນ​ໃນ​ວັນ​ທີ 27 ພະຈິກຜ່ານ​ມາ ໂດຍ​ພາຍ​ໃຕ້​ການ​ເປັນ​ປະທານ​ກ່າວ​ເປີດ​ຢ່າງ​ເປັນ​ທາງ​ການ ຂອງ​ທ່ານ ເດ​ຟິນ ໂລ​ເຣັນ​ຊາ​ນາ ລັດຖະມົນຕີ​ກະຊວງ​ປ້ອງ​ກັນ​ປະເທດ​ຟິ​ລິ​ປິນ ມີ​ຜູ້​ເຂົ້າ​ຮ່ວມ​ຈາກ​ບັນດາ​ປະເທດ​ສະມາຊິກ​ອາ​ຊຽນ ແລະ ອົງການ​ຈັດ​ຕັ້ງ​ທີ່​ກ່ຽວຂ້ອງ​ທັງ​ໝົດ​ 59 ທ່ານ. ສຳລັບ​ຄະນະ​ຜູ້​ແທນ​ລາວ​ນຳ​ໂດຍທ່ານ ຄຳ​ແພງ ໄຊ​ສົມ​ແພງ ລັດຖະມົນຕີ​ກະຊວງ​ແຮງ​ງານ ແລະ ສະຫວັດດີ​ການ​ສັງຄົມ (ຮສສ) ຮອງ​ປະທານ​ຜູ້​ປະ​ຈໍາ​ການ​ຄະນະ​ກຳມະການ​ຄຸ້ມ​ຄອງ​ໄພພິບັດ​ຂັ້ນ​ສູນ​ກາງ.
ໃນ​ໂອກາດ​ນີ້​ທ່ານ ຄໍາ​ແພງ ໄຊ​ສົມ​ແພງ ໄດ້​ມີ​ຄໍາ​ເຫັນ​ວ່າ: ບັນຫາ​ຜົນ​ກະທົບ​ຂອງ​ໄພພິບັດ ​ຊຶ່ງ​ມີ​ສາເຫດ​ມາ​ຈາກ​ການ​ປ່ຽນແປງ​ຂອງ​ສະພາບ​ດິນ​ຟ້າ​ອາກາດ​ທີ່​ຍັງ​ສືບຕໍ່​ເກີດ​ຂຶ້ນ​ຖີ່ ແລະ ເພີ່ມ​ຄວາມ​ຮຸນ​ແຮງ​ດ້ານ​ຜົນ​ກະທົບ​ຂຶ້ນ​ເລື້ອຍໆ​ຕໍ່​ສຸຂະພາບ​ຊີວິດ ແລະ ຊັບ​ສິນ​ຂອງ​ປະຊາຊົນ​ໄດ້​ສ້າງ​ຄວາມ​ເສຍ​ຫາຍ​ຕໍ່​ພື້ນຖານ​ໂຄງ​ລ່າງ​ເສດຖະກິດ, ສັງຄົມ ແລະ ສິ່ງແວດລ້ອມ, ທ່ານ​ໄດ້​ເນັ້ນ​ເຖິງ​ຄວາມ​ສໍາ​ຄັນ​ຂອງ​ວຽກ​ງານ​ຄຸ້ມ​ຄອງ​ໄພພິບັດ ແລະ ການ​ເພີ່ມ​ທະວີ​ການ​ຮ່ວມ​ມື​ຂອງ​ທຸກ​ພາກສ່ວນ​ໃນ​ການ​ກຽມ​ຄວາມ​ພ້ອມ, ການ​ປ້ອງ​ກັນ​ເພື່ອ​ຫຼຸດຜ່ອນ​ຄວາມ​ເສຍ​ຫາຍ, ການ​ຕອບ​ໂຕ້​ຊ່ວຍເຫຼືອ​ສຸກ​ເສີນ​ຕໍ່​ໄພພິບັດ ແລະ ການ​ຟື້ນ​ຟູ​ຫຼັງ​ໄພພິບັດ​ທີ່​ຮັບປະກັນ​ຄວາມ​ປອດ​ໄພ ແລະ ຄວາມ​ສູນ​ເສຍ​ທີີ່​ອາດ​ຈະ​ເກີດ​ຂຶ້ນ​ໃນ​ອະນາ​ຄົດ​ໂດຍ​ຍົກ​ໃຫ້​ເຫັນ​ວ່າ: ສິ່ງ​ດັ່ງກ່າວ​ນີ້​ແມ່ນ​ໄດ້​ສະແດງ​ອອກ​ຢູ່​ໃນ​ເຫດການ​ໄພພິບັດ​ທີ່​ເກີດ​ຂຶ້ນ​ຜ່ານ​ມາ​ຢູ່​ບັນດາ​ປະເທດ​ອາ​ຊຽນ​ເປັນຕົ້ນ ບັນຫາ​ຜົນ​ກະທົບ​ຈາກ​ການ​ລະບາດ​ຂອງ​ພະຍາດ​ໂຄ​ວິດ- 19, ໄພ​ນໍ້າ​ຖ້ວມ​ອື່ນໆ .
ສະເພາະ​ຢູ່ ສປປ ລາວ ພວກ​ເຮົາ​ກໍາ​ລັງ​ເລັ່ງ​ແກ້​ໄຂ​ຟື້ນ​ຟູ​ຫຼັງ​ໄພພິບັດ ໃນ​ປີ 2019 ແລະ ການ​ແກ້​ໄຂ​ຊ່ວຍເຫຼືອ​ຜົນ​ກະທົບ​ຈາກ​ພະຍາດ ໂຄ​ວິດ -19 ສະເພາະ​ໃນ​ປີ 2020 ນີ້ ສປປ ລາວ ຍັງ​ໄດ້​ຮັບ​ຜົນ​ກະທົບ​ຈາກ​ໄພພິບັດ​ທຳ​ມະ​ຊາດ​ເປັນຕົ້ນ ນໍ້າ​ຖ້ວມ, ແຫ້ງ ແລ້ງ, ດິນ​ເຈື່ອນ, ລົມ​ພາຍຸ​ພັດ, ການ​ລະບາດ​ຂອງ​ພະຍາດ​ສັດ​ອື່ນໆ ໄດ້​ສົ່ງ​ຜົນ​ກະທົບ​ໂດຍ​ກົງ​ຕໍ່​ສຸຂະພາບ ແລະ ຊີວິດ​ການ​ເປັນ​ຢູ່​ຂອງ​ປະຊາຊົນ, ສ້າງ​ຄວາມ​ເສຍ​ຫາຍ​ຕໍ່​ພື້ນຖານ​ໂຄງ​ລ່າງ​ເສດ​ຖະ​ກິດ​-​ສັງຄົມ ແລະ ສິ່ງ​ແວດ​ລ້ອມ. ຕໍ່​ກັບ​ເຫດການ​ດັ່ງກ່າວ, ລັດຖະບານ ສປປ ລາວ ກໍຄື​ຄະນະ​ກຳ​ມະການ​ຄຸ້ມ​ຄອງ​ໄພພິບັດ​ຂັ້ນ​ສູນ​ກາງ ແລະ ທ້ອງຖິ່ນ​ໄດ້​ສຸມ​ໃສ່​ໃນ​ການ​ຕອບ​ໂຕ້​ແກ້​ໄຂ​ສະພາບ​ການ​ຕ່າງໆ​ທີ່​ເກີດ​ຂຶ້ນ ຊຶ່ງ​ບໍ່​ສະເພາະ​ພຽງ​ແຕ່​ນຳ​ໃຊ້​ກຳລັງ, ເຄື່ອງມື​ເທົ່າ​ນັ້ນ​ແຕ່​ຍັງ​ຕ້ອງ​ໄດ້​ນຳ​ໃຊ້​ງົບປະມານ​ມະຫາສານ​ໃນ​ການ​ແກ້​ໄຂ​ບັນຫາ​ທີ່​ຮີບ​ດ່ວນ, ສຸກ​ເສີນ ແລະ ລວມ​ໄປ​ເຖິງ​ການ​ຟື້ນ​ຟູ​ບັນດາ​ພື້ນຖານ​ໂຄງ​ລ່າງ ແລະ ຊີວິດ​ການ​ເປັນ​ຢູ່​ຂອງ​ປະຊາ​ຊົນ. ພ້ອມ​ດຽວ​ກັນ​ນີ້, ຮຽນ​ຮູ້​ຈາກ​ປະສົບ​ການ​ກໍຄື​ບົດຮຽນ​ທີ່​ຖອດ​ຖອນ​ໄດ້, ລັດຖະບານ ສປປ ລາວ ໄດ້​ມີ​ຄວາມ​ຮັບ​ຮູ້​ສູງ ແລະ ໃຫ້​ຄວາມ​ສໍາ​ຄັນ​ຕໍ່​ວຽກ​ງານ​ຄຸ້ມ​ຄອງ​ໄພພິບັດ​ດ້ວຍ​ການ​ກຳນົດ​ນະໂຍບາຍ ແລະ ຍຸດທະສາດ​ເພື່ອ​ການ​ປ້ອງ​ກັນ, ການ​ຄວບ​ຄຸມ ແລະ ຟື້ນ​ຟູ​ຄືນ​ທີ່​ດີກ​ວ່າ​ເກົ່າ​ຫຼັງ​ໄພພິບັດ; ໄດ້​ເອົາໃຈໃສ່​ສ້າງ​ຄວາມ​ເຂັ້ມແຂງ​ໃຫ້​ແກ່​ກົນ​ໄກ​ການຈັດຕັ້ງ​ວຽກ​ງານ​ຄຸ້ມ​ຄອງ​ໄພພິບັດ​ແຕ່​ສູນ​ກາງ​ລົງ​ຮອດ​ທ້ອງຖິ່ນ​ໂດຍ​ສະເພາະ​ຢູ່​ຊຸມ​ຊົນ​ຂັ້ນ​ບ້ານ, ເພີ່ມ​ທະວີ​ຄວາມ​ເຂັ້ມແຂງ​ໃຫ້​ແກ່​ລະບົບ​ການ​ພະຍາກອນ ແລະ ການ​ເຕືອນ​ໄພ​ລ່ວງ​ໜ້າ, ການ​ຝຶກ​ອົບຮົມ ແລະ ການ​ສາທິດ​ຝຶກ​ຊ້ອມ ​ເພື່ອ​ຮັບ​ມື​ໄພພິບັດ​ສຸກ​ເສີນ, ການ​ໂຄສະນາ ແລະ ສ້າງ​ຈິດ​ສໍາ​ນຶກ​ຊຸມ​ຊົນ​ທົ່ວ​ສັງຄົມ​ໄດ້​ຮັບ​ຮູ້​ເຖິງ​ຄວາມ​ສ່ຽງ​ໄພພິບັດ ແລະ ປະກອບສ່ວນ​ເຂົ້າ​ໃນ​ການ​ກຽມພ້ອມ​ຮັບ​ມື​ກັບ​ໄພພິບັດ; ເພີ່ມ​ທະວີ​ການ​ຮ່ວມ​ມື​ສາກົນ, ບັນດາ​ປະເທດ​ເພື່ອນ​ມິດ, ການ​ຮ່ວມ​ມື​ພາກ​ລັດ​-​ເອກະ​ຊົນ ທັງ​ໄລຍະ​ການ​ກຽມພ້ອມ, ການ​ປ້ອງ​ກັນ, ການ​ຫຼຸດຜ່ອນ​ຄວາມ​ສ່ຽງ ແລະ ການ​ຕອບ​ໂຕ້​ສຸກ​ເສີນ​ຫຼັງ​ໄພພິບັດ, ພົ້ນ​ເດັ່ນ​ກວ່າ​ໝູ່ພວກ​ເຮົາ​ໄດ້​ສໍາ​ເລັດ​ການ​ສ້າງ​ກົດໝາຍ​ວ່າ​ດ້ວຍ​ການ​ຄຸ້ມ​ຄອງ​ໄພພິບັດ ​ຊຶ່ງ​ໄດ້​ຖືກ​ຮັບ ຮອງ ແລະ ປະກາດ​ໃຊ້​ຢ່າງ​ເປັນ​ທາງ​ການ​ໃນ​ປີ 2019 ທີ່​ຜ່ານ​ມາ. ພ້ອມ​ກັນ​ນັ້ນ, ວຽກ​ງານ​ຄຸ້ມ​ຄອງ​ໄພພິບັດ​ກໍໄດ້​ເປັນ​ວຽກ​ບຸລິ​ມະ​ສິດ​ສໍາ​ຄັນ​ຢູ່​ໃນ​ແຜນ​ພັດທະນາ​ເສດ​ຖະ​ກິດ​-​ສັງຄົມ 5 ປີ ຄັ້ງ​ທີ 9 ໄລຍະ​ປີ 2021-2025 ຂອງ​ສປປ ລາວ. ໂດຍ​ຜ່ານ​ການ​ປຶກສາ​ຫາລື, ຄົ້ນ​ຄ້​ວາ​ ແລະ​ ປະກອບ​ຄວາມ​ຄິດ​ຄວາມ​ເຫັນ, ກອງ​ປະຊຸມ​ໄດ້​ຕົກລົງ ແລະ ຮັບຮອງ​ເອົາ​ຫຼາຍ​ບັນຫາ​ສຳຄັນ​ເພື່ອ​ພ້ອມ​ກັນ​ປະຕິບັດ​ຢ່າງ​ມີ​ຜົນສຳເລັດ, ໃນ​ໂອກາດ​ດຽວ​ກັນ​ນີ້, ປະເທດ​ສິງກະໂປ​ໃນ​ນາມ​ປະທານ​ກອງ​ປະຊຸມ​ລັດຖະມົນຕີ​ຄຸ້ມ​ຄອງ​ໄພພິບັດ​ອາ​ຊຽນ ປີ 2021 ໄດ້​ແຈ້ງ​ໃຫ້​ທີ່​ປະຊຸມ​ຮັບ​ຊາບ​ວ່າ​ກອງ​ປະຊຸມ​ລັດຖະມົນຕີ​ຄຸ້ມ​ຄອງ​ໄພພິບັດ​ອາ​ຊຽນ​ຄັ້ງ​ທີ 9 ແລະ ບັນດາ​ກອງ​ປະຊຸມ​ປິ່ນ​ອ້ອມ​ແມ່ນ​ຈະ​ໄດ້​ຈັດ​ຂຶ້ນ​ໃນ​ປີ 2021, ໃນ​ວັນ​ທີ 25 ພະຈິກ​ຜ່ານ​ມາ ​ກໍໄດ້​ມີ​ກອງ​ປະ​ຊຸມປິ່ນ​ອ້ອມ​ຄື: ກອງ​ປະຊຸມ​ຄະ​ນະ​ກໍາ​ມະ​ການ​ຄຸ້ມ​ຄອງ​ໄພພິບັດ​ອາ​ຊຽນ​ຄັ້ງ​ທີ 37, ກອງ​ປະຊຸມ​ຄະ​ນະ​ກໍາ​ມະ​ການ​ຮ່ວມ​ເພື່ອ​ເສີມ​ຂະຫຍາຍ​ຂອບ​ການ​ຮ່ວມ​ມື​ອາ​ຊຽນ​ໃນ​ວຽກ​ງານ​ຊ່ວຍເຫຼືອ​ດ້ານ​ມະນຸດ​ສະ​ທໍາ ແລະ ການ​ບັນເທົາ​ທຸກ​ໄພພິບັດ​ຄັ້ງ​ທີ 14 ຊຶ່ງ​ເປົ້າ​ໝາຍ​ເພື່ອ​ລາຍ​ງານ ແລະ ທົບ​ທວນຄືນ​ຄວາມ​ຄືບ​ໜ້າການ​ຈັດ​ຕັ້ງ​ປະຕິບັດ​ບັນດາ​ແຜນ​ງານ ແລະ ກິດຈະກຳ​ຂອງ​ສັນຍາ​ອາ​ຊຽນ​ວ່າ​ດ້ວຍ​ການ​ຄຸ້ມ​ຄອງ​ໄພພິບັດ ແລະ ການ​ຕອບ​ໂຕ້​ຕໍ່​ເຫດການ​ສຸກ​ເສີນ ແລະ ກອງ​ປະຊຸມ​ອື່ນໆ.
(ຂ່າວ: ກະຊວງ​ແຮງ​ງານ, ພາບ: ພູ​ວັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com