ໜັງສືພິມ ປະຊາຊົນ

ສະແດງສິລະປະ ວັນະຄະດີ ສະເຫຼີມສະຫຼອງວັນຊາດ ວັນທີ 2 ທັນວາ ຄົບຮອບ 45 ປີ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 02/12/2020 12:55:06 ຈຳນວນຢ້ຽມຊົມ 1040 ຄັ້ງ

ເນື່ອງໃນໂອກາດສະເຫຼີມສະຫຼອງ ວັນສະຖາປະນາ ສາທາລະນະລັດປະຊາທິປະໄຕ ປະຊາຊົນລາວ ຄົບຮອບ 45 ປີ (ວັນທີ2 ທັນວາ 1975-2 ທັນວາ 2020) ໃນຄໍ່າຄືນວັນທີ 1 ທັນວາ ທີ່ຫໍວັດທະນາທຳແຫ່ງຊາດ ກະຊວງຖະແຫ໋ງຂ່າວ ວັດທະນາທຳ ແລະ ທ່ອງທ່ຽວໄດ້ຈັດການສະແດງ ສິລະປະວັນນະຄະດີເພື່ອຂຳນັບ ຊົມເຊີຍ ວັນສະຖາປະນາ ສາທາລະນະລັດປະຊາທິປະໄຕປະຊາຊົນລາວຄົບຮອບ 45 ປີ ໂດຍເປັນກຽດເຂົ້າຮ່ວມຊົມ ມີທ່ານ ນາງ ປານີ ຢາທໍ່ຕູ່ ກຳມະການກົມການເມືອງສູນກາງພັກ ປະທານສະພາແຫ່ງຊາດ ທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ພ້ອມດ້ວຍບັນທ່ານ ລັດຖະມົນຕີ ຮອງລັດຖະມົນຕີ ພະນັກງານ ທະຫານ ຕໍ່າຫຼວດ ນັກຮຽນ ນັກສຶກສາ ແລະ ມວ່ນຊົນເຂົ້າຮ່ວມຊົມຢ່າງຫຼວງຫຼາຍ

ໃນການສະແດງຄັ້ງນີ້ບັນດານັກສີລະປິນໄດ້ນຳເອົາ ສຽງດົນຕີ ສຽງຂັບ-ລຳ ບົດຟ້ອນ ການສະແດງຕ່າງໆລາຍການທີ່ນຳມາສະແດງ ປະກອບມີ ການສະແດງເສບດົນຕີ ອໍຄິຕາ , ບົດຟ້ອນຊາວນາມ່ວນຊື່ນ, ສະແດງການຮ້ອງເພງດ່ຽວ ,ຮ້ອງເພງໝູ່ຊາຍ-ຍິງ ການສະແດງກາຍຍະສິນລວດລາຍຫ້ອຍໂຫນ , ການສະແດງກາຍສິນລວດລາຍຄູ່ຂາລີລາປິນແພຂອງນັກສະແດງຮຸ່ນສືບທອດ ຂັບ-ລຳ, ສະແດງຟ້ອນບາເລ, ສະແດງການເປົ່າແຄນວົງໂດຍໝູ່ຍິງ, ຊຶ່ງແຕ່ລະລາຍການໄດ້ສ້ງຄວາມເບີກບານມ່ວນຊື່ນໃຫ້ແກ່ຜູ້ຊົມເປັນຢ່າງດີ. ໃນໂອກາດນີ້ ທ່ານ ນາງປານີ ພ້ອມການນຳພັກ-ລັດໄດ້ຂຶ້ນມອບກະຕ່າດອກໄມ້ໃຫ້ແກ່ນັກສະແດງສິລະປີນ . (ຂ່າວ:ກົງມາລີ)