Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ງາມວັດທະນາທຳເຜົ່າອຸຍເກີ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 03/12/2020 10:49:55 ຈຳ​ນວນ​​ຢ້ຽມ​ຊົມ 2078 ຄັ້ງ

ໂດຍ: ບຸນຄົງມິດຕະພອນ

ນ້ຳຊາຈອກທຳອິດ ກໍ່ເຮັດໃຫ້ຂ້າພະເຈົ້າມີຄວາມປະທັບໃຈ ແລະ ອົບອຸ່ນແລ້ວ ໃນການເດີນທາງຢ້ຽມຢາມ ສຳພັດຄວາມຈິງຢູ່ຖວນເສິງເມືອງເຫີຖຽນຊິນຈ່ຽງ ໃນຕອນເຊົ້າ ທີ່ອຸນຫະພູມລົບ 3 ອົງສາ, ຢູ່ເທິງໂຕະໜ້າເຮືອນທີ່ເຈົ້າຂອງເຮືອນຈັດແຈງໄວ້ເພື່ອຮັບແຂກຄົນມາຢາມ ມີທັງເຂົ້າໜົມປັງທີ່ເປັນເສັ້ນຍາວໆ, ຍັງມີໝາກໄມ້ທ້ອງຖິ່ນຫລາຍຊະນິດ ແລະ ເຂົ້າຈີ່ມຸດສະລິມ. ເຮືອນທີ່ ນາງສາຍວັນນີກັບຂ້າພະເຈົ້າ ເຂົ້າມາຢາມຫຼັງນີ້ແມ່ນໄດ້ສ້າງເປັນບ້ານພັກ, ເຈົ້າຂອງເຮືອນບອກວ່າ: ເມື່ອຮອດຍາມທີ່ເໝາະສົມສຳລັບການທ່ອງທ່ຽວແລ້ວ, ນັກທ່ອງທ່ຽວສາມາດຈອງຫ້ອງນອນ ໄດ້ທາງອິນເຕີເນັດຢ່າງສະດວກ, ເຊິ່ງແຕ່ລະຫ້ອງມີລາຄາປະມານ 200 ຢວນຕໍ່ຄືນ. ເມື່ອນັ່ງດື່ມນ້ຳຊາອຸ່ນ ທັງຫຼຽວເບິ່ງຄ້າງໝາກລາແຊັງ ທີ່ເດີນບ້ານກໍເຫັນຄວາມເປັນເອກະລັກພິເສດ ດ້ານສະຖາປັດຕະຍາກຳຂອງເຮືອນຄົນເຜົ່າອຸຍເກີ, ເຖິງແມ່ນຢູ່ໃນລະດູ ໜາວທີ່ໃບໄມ້ຫລົ່ນໝົດແລ້ວ ແຕ່ກໍ່ຍັງເຮັດໃຫ້ ຂ້າພະເຈົ້າຈິນຕະນາການເຫັນຄວາມຮົ່ມເຢັນ ແລະ ສະບາຍໃນຍາມຮ້ອນທີ່ມີຕົ້ນໄມ້ໃບຫຍ້າຂຽວອຸ່ມທຸ່ມ, ມີໝາກໄມ້ ແລະ ດອກໄມ້ຊະນິດຕ່າງໆສົ່ງກິນຫອມຫວນ.

ຖວນເສິງເປັນເມືອງເກົ່າຂອງເມືອງເຫີຖຽນ ທີ່ສ້າງຂື້ນມາໃໝ່ ແຕ່ຍັງຮັກສາເອກະລັກພິເສດດ້ານສະຖາປັດຕະຍາກຳຂອງຊົນເຜົ່າອຸຍເກີຢ່າງຄົບຖ້ວນ ໂດຍໄດ້ຮັບທຶນຊ່ວຍເຫລືອບູລະນະ ແລະ ສ້າງຂື້ນໃໝ່ຈາກນະຄອນຫລວງປັກກິ່ງ. ສາຍວັນນີບອກໃຫ້ຮູ້ວ່າ: ເມືອງໃຫຍ່ຕ່າງໆໃນທົ່ວປະເທດຈີນ ກໍໄດ້ໃຫ້ການຊ່ວຍເຫຼືອແກ່ເມືອງໃດໜຶ່ງຂອງເຂດຊິນຈ່ຽງ ເຊິ່ງຖືວ່າແມ່ນນະໂຍບາຍໜຶ່ງຂອງລັດຖະບານຈີນທີ່ສົ່ງເສີມໃຫ້ເຂດພັດທະນາແລ້ວຕ້ອງຊ່ວຍສ້າງສາພັດທະນາເຂດທີ່ພັດທະນາຍັງບໍ່ທັນເຂັ້ມແຂງ ແລະ ຖືວ່າໄດ້ຮັບຜົນປະໂຫຍດຢ່າງຫລວງຫຼາຍຈາກນະໂຍບາຍນີ້, ພາຍໃຕ້ການຊ່ວຍເຫຼືອ ຈາກເຂດທີ່ພັດທະນາ, ເຮັດໃຫ້ເຂດແຂວງທີ່ຢູ່ຫ່າງໄກ ແລະ ພັດທະນາຍັງບໍ່ທັນເຂັມແຂງນັ້ນ ໄດ້ມີການເຕີບໃຫຍ່ຂະຫຍາຍຕົວຢ່າງວ່ອງໄວ, ທັງເປັນການເພີ່ມຄວາມສາມັກຄີ ແລະ ການໄປ ມາຫາສູ່ກັນລະຫວ່າງເຂດ ແຂວງຕ່າງໆໃນທົ່ວປະເທດຈີນ, ສຳລັບການສ້າງເຂດຖ້ວນເສິງ ນີ້ກໍເພື່ອເປັນສັນຍາລັກຂອງການເຕົ້າໂຮມຄວາມສາມັກຄີ ຂອງປະຊາຊົນບັນດາເຜົ່າຢູ່ເຫີຖຽນ ໃຫ້ແໜ້ນແຟ້ນປານແກ່ນໝາກພີລາ ເຊິ່ງແມ່ນຄຳເວົ້າຂອງທ່ານສີຈິ້ນຜິງ ທີ່ເພິ່ນເຄີຍກ່າວໄວ້ ໃນການເດີນທາງສຳຫລວດກວດກາວຽກງານຢູ່ຊິນຈຽງ.

ເພິ່ນໄດ້ໃຫ້ທິດຊີ້ນຳດ້ວຍການຊ່ວຍເຫລືອເບິ່ງແຍງກັນ, ເຮັດວຽກຮ່ວມກັນ ແລະ ສ້າງບ້ານເກີດເມືອງນອນທີ່ສວຍງາມຮ່ວມກັນ.

ແສງແດດຍາມເຊົ້າສາດສ່ອງໃສ່ອາຄານສີເຫລືອງອ່ອນຍິ່ງເພີ່ມຄວາມສວຍງາມ, ອາຄານປຸກເປັນແຖວຍາວຢຽດຢ່າງເປັນລະບຽບຮຽບຮ້ອຍສ້າງຂື້ນຕາມສະຖາປະນິກອາຍີວັງ ມີຄວາມປານີດສວຍງາມ ແລະ ມີເອກະລັກສະເພາະຄິດວ່າ:

ຖ້າໃຜໄດ້ມາຢ້ຽມຢາມສະຖານທີ່ແຫ່ງນີ້ ກໍຄົງຄິດແບບດຽວກັບຂ້າພະເຈົ້າວ່າ ວັດທະນະທຳດ້ານສະຖາປັດຕະຍາກຳຂອງຊົນເຜົ່າອຸຍເກີ ຢູ່ທ້ອງຖີ່ນແມ່ນໄດ້ຮັບ ການຮັກສາໄວ້ເປັນຢ່າງດີ, ເຊິ່ງບໍ່ພຽງແຕ່ແມ່ນໄດ້ຮັບການສະໜັບສະໜູນຈາກລັດຖະບານເທົ່ານັ້ນ, ສຳຄັນແມ່ນປະຊາຊົນນັ້ນເອງທີ່ມີສະຕິຕື່ນຕົວໃນການອະນຸລັກສິ່ງຍອດຍິ່ງດ້ານວັດທະ ນະທຳຂອງເຜົ່າຕົນໄວ້ຢ່າງໝັ້ນຄົງ.

ພວກເຮົາຍ່າງເຂົ້າຮ້ານຂາຍຜ້າໄໝພື້ນເມືອງອັດໄລສ ເຊິ່ງແມ່ນຊື່ຂອງຜ້າ ໄໝພື້ນເມືອງຂອງເຫີຖຽນ ທີ່ເຮັດດ້ວຍມືມີປະຫວັດຄວາມເປັນມາພັນກວ່າປີ, ສີມືການຕ່ຳຜ້າໄໝນີ້ໄດ້ຮັບການຮັກສາໄວ້ເປັນຢ່າງດີ ແລະ ສືບທອດມາເຖິງຄົນຮຸ່ນໜຸ່ມໃນປະຈຸບັນ, ເມື່ອເບິ່ງເຫັນລວດລາຍທີ່ຫຼາກຫຼາຍສີສັນຂອງຜ້າໄໝ ແລະ ເຄື່ອງນຸ່ງ, ຜ້າພັນຄໍ, ໝວກຊົນເຜົ່າ, ກະເປົາເງິນ ແລະ ເຄື່ອງເລັກໆນ້ອຍໆ ທີ່ເຮັດດ້ວຍຜ້າໄໝອັດໄລສຢ່າງມີຫົວຄິດປະດິດສ້າງນັ້ນ, ເຮັດໃຫ້ຂ້າພະເຈົ້າເຫັນໄດ້ເຖິງຄວາມປານີດສວຍງາມຈາກສີມືດັ້ງເດີມນີ້.

ສຽງເສບດົນຕີເຜົ່າອຸຍເກີດັງມາຈາກທາງໄກ,ຕາມການອ່ານປື້ມກ່ຽວກັບຊິນຈ່ຽງຈຶ່ງຮູ້ວ່າ: ເຜົ່າອຸຍເກີເປັນຄົນມັກມ່ວນມັກຟ້ອນມັກຮ້ອງເພງ, ນີ້ກໍເປັນສິ່ງທີ່ເຮັດໃຫ້ຂ້າພະເຈົ້າ ຍິ່ງຢາກເຂົ້າໄປສຳພັດເພື່ອໃຫ້ເຫັນກັບຕາ.

ຍ່າງຂື້ນທາງຮ່ອມໄປບໍ່ດົນກໍເຖິງຫ້ອງໂຖງ ບ່ອນທີ່ນັກເສບດົນຕີພື້ນເມືອງລຸ້ນອາວຸໂສ ກຳລັງເສບຢ່າງມ່ວນຊື່ນມີທັງພີນ ແລະ ກອງແບນແບບອຸຍເກີ, ທີ່ສຳຄັນແມ່ນຈັງຫວະດົນຕີພື້ນເມືອງອຸຍເກີນີ້ຖືກໃຈ ແລະ ມ່ວນເປັນຕາເຮັດໃຫ້ແຂ່ງຂາຢາກເຕັ້ນໄປຕາມຈັງຫວະຄວາມໄວຂອງສຽງເສບ.

ເຜົ່າອຸຍເກີມີວັດທະນາທຳ ຂອງຕົນເອງທັງການຕ້ອນຮັບແຂກ, ສະຖາປັດຕະຍະກຳ, ລວດລາຍຫລາກຫລາຍສີສັນຂອງຜ້າໄໝ, ສຽງເສບດົນຕີພື້ນເມືອງ, ລີລາການຟ້ອນທີ່ເຮັດໃຫ້ຄົນອອນຊອນໃຈນຳ. ຄືດັ່ງທີ່ບຸນຄົງໄດ້ເວົ້າມາກ່ອນແລ້ວວ່າ: ທຸກສິ່ງທີ່ສວຍງາມເຫຼົ່ານີ້ແມ່ນເກີດຈາກຄວາມດຸໝັ່ນຫ້າວຫັນໃນການສືບທອດ ແລະ ການສືບຕໍ່ພັດທະນາກ້າວຂື້ນຂອງປະຊາຊົນເຜົ່າອຸຍເກີ ຜູ້ທີ່ຂະຫຍັນໝັ່ນພຽນທັງຫຼາຍ, ຂໍແຕ່ຄົນເຮົາບໍ່ປະລະຄວາມພະຍາຍາມ, ບໍ່ປະລະຄວາມມຸ້ງຫວັງ ເພື່ອຢາກກ້າວໜ້າທຸກຢ່າງຕ້ອງສົມປາຖະໜາ.

ທຸກສິ່ງຢ່າງທີ່ບຸນຄົງ ເຫັນຄວາມຈິງດ້ວຍຕາຕົນເອງທັງໝົດຈຶ່ງຂໍບອກເປັນພາສາອຸຍເກີວ່າ: ວັດທະນາທຳອຸຍເກີຢາກເຄີຊີ, ແປລາວແມ່ນວັດທະນາທຳອຸຍເກີສວຍງາມຫລາຍ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com