Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງປະຊຸມໃຫຍ່ຄັ້ງທີ IX ຂອງອົງຄະນະພັກກະຊວງສາທາລະນະສຸກ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 04/12/2020 10:22:24 ຈຳ​ນວນ​​ຢ້ຽມ​ຊົມ 1359 ຄັ້ງ

ກອງ​ປະຊຸມ​ໃຫຍ​່ຜູ້​ແທນ ​ອົງຄະ​ນະ​ພັກ​ກະຊວງ​ສາທາ ລະນະ​ສຸກ​ຄັ້ງ​ທີ IX ໄດ້​ເປີດ​ຂຶ້ນ​ຢ່າງ​ເປັນ​ທາງ​ການ ໃນ​ວັນ​ທີ 3 ທັນວາ 2020 ນີ້ ທີ່​ຫໍ​ປະ ຊຸມ​ແຫ່ງ​ຊາດ (ຫຼັກ 6), ພາຍ​ໃຕ້ການ​ເປັນ​ປະທານ ແລະ ກ່າວ​ເປີດຂອງ​ສະຫາຍ ຄໍາ​ພອນ ພຸດ​ທະ​ວົງ ເລຂາ​ຄະນະ​ພັກ ຮອງ​ລັດຖະມົນຕີ ກະຊວງ ສາທາລະນະ​ສຸກ ໂດຍ​ການ​ໃຫ້​ກຽດ​ເຂົ້າ​ຮ່ວມຂອງ​ສະຫາຍ ພັນ​ຄໍາ ວິພາ​ວັນ ກໍາ​ມະ​ການ​ກົມ​ການເມືອງ​ສູນ​ກາງ​ພັກ ຜູ້​ປະ​ຈໍາ ການ​ ຄະນະ​ເລຂາທິການ​ສູນ​ກາງ​ພັກ ຮອງ​ປະທານ​ປະເທດ​ແຫ່ງ ສປປ ລາວ, ສະຫາຍ  ບຸນ​ກອງ ສີ​ຫາ​ວົງ ຮອງ​ເລຂາ ​ຄະນະ​ພັກ​ກະຊວງ  ລັດຖະມົນຕີ ກະຊວງສາທາລະນະ​ສຸກ ​ມີ​ຜູ້​ແທນ​ສົມບູນ 184 ສະ​ຫາຍ ຍິງ 73 ສະຫາຍ ທີ່ເປັນ​ຕົວ​ແທນ​ໃຫ້​ສະມາຊິກ​ພັກ​ທົ່ວ​ກະຊວງ 1.340 ສະຫາຍ, ມີ​ບັນດາ​ສະຫາຍ​ພະນັກງານ ອາວຸໂສ​ບຳນານ ແລະ ແຂກ​ຖືກ​ເຊີນ​ເຂົ້າ​ຮ່ວມ.
ໃນ​ກອງ​ປະຊຸມ ສະຫາຍ ຄໍາ​ພອນ  ພຸດ​ທະ​ວົງ  ໄດ້​ຂຶ້ນ ຜ່ານ​ຮ່າງ​ບົດ​ລາຍ​ງານ​ການ ເມືອງຕໍ່​ກອງ​ປະຊຸມ​ໃຫຍ່​ຄັ້ງ​ທີ IX ຂອງ​ອົງຄະ​ນະ​ພັກ​ກະຊວງ​ສາທາລະນະ​ສຸກວ່າ:  ໃນ​ໄລ ຍະ 5 ປີ ຜ່ານ​ມາ ເພື່ອ​ເຮັດ​ໃຫ້ ການ​ຈັດ​ຕັ້ງ​ປະຕິບັດ​ມະຕິກອງ ​ປະຊຸມ​ໃຫຍ່​ຄັ້ງ​ທີ X ຂອງ​ພັກ ແລະ ມະຕິ​ກອງ​ປະຊຸມໃຫຍ່ ຄັ້ງ​ທີ VIII ຂອງ​ອົງຄະນະ​ພັກ​ກະຊວງ​ສາທາລະນະ​ສຸກ ໃຫ້​ໄດ້​ຮັບ​ຜົນສຳເລັດ, ໄດ້​ຈັດຕັ້ງ ເຜີຍແຜ່ເຊື່ອມ​ຊຶມມະຕິ​ດັ່ງກ່າວ​ ໃຫ້​ແກ່​ສະມາຊິກ​ພັກ​-​ພະນັກ ງານ ແລະ ຊີ້​ນຳ​ໃຫ້​ຮາກ​ຖານ​ພັກ ແລະ ອົງການ​ຈັດຕັ້ງ​ມະ ຫາຊົນ​ອ້ອມ​ຂ້າງ​ກະຊວງ​ຈັດ​ຕັ້ງ​ເຜີຍແຜ່​ເຊື່ອມ​ຊຶມ​ໃຫ້​ແກ່​ສະມາຊິກ​ພັກ​ພະນັກງານ​ໃນ​ກົມ​ກອງ​ຂອງຕົນ​ເພື່ອ​ຜັນ​ຂະຫຍາຍ​ຫັນ​ເປັນ​ແຜນການ, ແຜນ​ງານ, ໂຄງການຕາມ 8 ແຜນ​ງານ, 42 ແຜນ​ງານ​ຍ່ອຍ ແລະ 97 ໂຄງການ ແລະ ກອບ​ແຜນ​ປະຕິ​ຮູບ​ສາທາລະນະ​ສຸກ.ວຽກ​ງານ​ການເມືອງ​ແນວ​ຄິດ​ໄດ້​ເປັນ​ເຈົ້າ​ການ​ນຳພາ​ຈັດ​ຕັ້ງ​ເຜີຍແຜ່,ເຊື່ອມ​ຊຶມ​ແນວທາງ​ນະໂຍບາຍ, ມະຕິ, ຄຳ​ສັ່ງ, ກົດ​ລະບຽບ​ພັກ, ກົດໝາຍ​ຂອງ​ລັດ ແລະ ເອກະ​ສານ​ສໍາ​ຄັນ​ຕ່າງໆ​ຂອງ​ພັກ​-​ລັດ ໃຫ້​ສະມາຊິກ​ພັກ, ພະນັກງານ​ຂອງ​ຕົນຢ່າງ​ທົ່ວ​ເຖິງ, ເລິກເຊິ່ງ ດ້ວຍ​ຫຼາຍ​ວິທີ, ຫຼາຍ​ຮູບ​ແບບ, ຫຼາຍ​ຊ່ອງ​ທາງ​ຜ່ານ​ສື່​ຕ່າງໆ. ວຽກ​ງານ​ກົງຈັກ​ການຈັດຕັ້ງ, ພະນັກງານ ໄດ້​ເອົາໃຈໃສ່​ປັບປຸງ​ກໍ່ສ້າງ​ພັກ.ໄດ້​ເອົາໃຈໃສ່​ຄົ້ນຄວ້າ​ປັບປຸງ​ການຈັດຕັ້ງ​ພັກ ແລະ ກົງຈັກ​ລັດ​ໃຫ້​ສອດຄ່ອງ​ກັບ​ກົດ​ລະບຽບ​ພັກ ແລະ ກົດໝາຍ​ຂອງ​ລັດ ຕາມ​ທິດ​ກະທັດ​ຮັດ, ສົມ​ເຫດ​ສົມ​ຜົນ ແລະ ມີ​ປະສິດທິພາບ, ອັນ​ພົ້ນ​ເດັ່ນ ແມ່ນ​ໄດ້​ປັບປຸງ​ດຳລັດ​ວ່າ​ດ້ວຍ​ການຈັດຕັ້ງ ແລະ ການເຄື່ອນໄຫວ​ຂອງ​ກະຊວງ​ສາທາລະນະ​ສຸກ, ມະ ຫາວິທະຍາໄລ ວິທະຍາສາດ ສຸຂະພາບ, ໂຮງໝໍ​ສູນ​ກາງ; ໄດ້​ສ້າງຕັ້ງ​ສະພາ​ຄຸ້ມ​ຄອງ​ວິຊາ​ຊີບ​ປີ່ນ​ປົວ, ໄດ້​ໂຮມ​ຂະແໜງການ​ຂອງ​ພະແນ​ກ​ສາທາລະນະສຸກ ​ແຂວງ, ນະຄອນຫຼວງ​ຈາກ 15 ຂະແໜງການ​ມາ​ເປັນ 9 ຂະ ແໜງການ ແລະ ຍຸບໜ່ວຍງານ ​ທີ່​ຂຶ້ນ​ກັບ​ຂະແໜງການ; ໄດ້​ປັບປຸງ​ພາລະ​ບົດບາດ​ຂອງ​ໂຮງ ໝໍ​ຊຸມ​ຊົນ,ໂຮງໝໍ​ນ້ອຍ​ ແລະ​ ກໍາ​ນົດມາດຕະຖານ​ການ​ບັນຈຸ​ພະນັກງານ​ໃສ່​ໂຮງໝໍ​ນ້ອຍ ປະເພດ ກ ຈາກ 7-10 ຄົນ ຕໍ່​ແຫ່ງ ມາ​ເປັນ 5-7 ຄົນ ຕໍ່​ແຫ່ງ, ປະເພດ ຂ ຈາກ 5-7 ຄົນ ຕໍ່​ແຫ່ງ ມາ​ເປັນ 3-5 ຄົນ ຕໍ່​ແຫ່ງ. ປັດຈຸບັນ ກະຊວງ​ສາທາລະນະ​ສຸກ ປະກອບ ມີ 9 ກົມ, 2 ຫ້ອງການ, 2 ສະ​ຖາ​ບັນ ແລະ 18 ສູນ​ວິຊາ​ການ, ມີ​ສູນ​ປິ່ນ​ປົວ​ສະເພາະ​ດ້ານ 3 ແຫ່ງ, ໂຮງໝໍ​ສູນ​ກາງ 5 ແຫ່ງ; ຂັ້ນ​ທ້ອງຖິ່ນ ມີ​ພະ​ແນ​ກ​ສາທາລະນະ​ສຸກ​ແຂວງ​-​ນະຄອນຫຼວງ 18 ແຫ່ງ, ໂຮງໝໍ​ແຂວງ 17 ແຫ່ງ, ຫ້ອງການ​ສາທາລະນະ​ສຸກ​ເມືອງ 148 ເມືອງ, ໂຮງໝໍ​ຊຸມ​ຊົນ 135 ແຫ່ງ ແລະ ໂຮງໝໍ​ນ້ອຍ 1.056 ແຫ່ງ; ມີ​ສະຖານ​ການ​ສຶກສາ​ສາທາລະນະ​ສຸກ​ທັງ​ໝົດ 11 ແຫ່ງ ຢູ່​ຂັ້ນ​ສູນ​ກາງ ແລະ ທ້ອງ​ຖິ່ນ. ຜ່ານ​ການ​ປັບປຸງ​ກົງຈັກ​ການຈັດຕັ້ງໄດ້​ເຮັດ​ໃຫ້​ຕຳແໜ່ງ​ບໍລິຫານ​ປະເພດ​ຕ່າງໆ​ຫຼຸດ​ລົງ,  ການ​ພົວພັນ​ປະສານ​ງານ​ມີ​ຄວາມ​ສະດວກ ແລະ ຄ່ອງ​ຕົວ​ດີກ​ວ່າ​ເກົ່າ. 
ວຽກ​ງານ​ປັບປຸງ​ກໍ່ສ້າງ​ພັກ ໄດ້​ເອົາໃຈໃສ່​ປັບປຸງ​ພັກໃຫ້ ​ປອດ​ໃສ ເຂັ້ມແຂງ ໜັກ​ແໜ້ນ​ເພື່ອຍົກ​ສູງບົດບາດ​ການນຳ ພາຂອງ​ຄະນະ​ພັກ ແລະ ຄວາມ ເປັນ​ແບບຢ່າງ​ນຳ​ໜ້າ​ຂອງສະ ມາຊິກພັກ ໃນ​ການຊີ້​ນຳ​-ນຳ ພາຈັດ​ຕັ້ງ​ປະຕິບັດ​ໜ້າທີ່ການ ເມືອງ​ຂອງ​ຕົນ. ໄດ້​ແບ່ງ​ຄວາມ​ຮັບຜິດຊອບ​ໃຫ້​ຄະນະ​ປະຈຳ​ພັກ​ລົງ​ເລິກ​ຊີ້​ນຳ ແຕ່​ລະ​ໜ່ວຍ​ພັກ ເພື່ອ​ກໍ່ສ້າງ​ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ; ຕີ​ລາຄາ​ຈັດ​ປະເພດ​ໜ່ວຍ​ພັກ​ປອດ​ໃສ ເຂັ້ມແຂງ ໜັກ​ແໜ້ນ ໄດ້ 43 ໜ່ວຍ (64%) ແລະ ສະ ມາຊິກ​ພັກ​ແຂງ 986 ສະຫາຍ (83%). ຜົນ​ການ​ດໍາເນີນ​ຊີວິດ​ການເມືອງ​ທ້າຍ​ສະໄໝ​ຂອງ ແຕ່​ລະຮາກ​ຖານ​ພັກ ສາມາດ​ຕີ​ລາຄາ​ຈັດ​ປະເພດ​ໜ່ວຍ​ພັກ​ແຂງ 56 ໜ່ວຍ (83,6%) ແລະ ໜ່ວຍ​ພັກ​ກາງ 11 ໜ່ວຍ (16,4%); ມີ​ສະມາຊິກ​ພັກ​ແຂງ 1.007 ສະຫາຍ (86,7%), ກາງ 120 ສະຫາຍ (10,3%), ອ່ອນ 2 ສະຫາຍ (0,2%), ເສຍ​ທາດ 1ສະຫາຍ (0,08%) ແລະ ບໍ່​ໄດ້​ຈັດ​ປະເພດ 31 ສະຫາຍ (2,7%).ວຽກ​ງານ​ອະນາໄມ ແລະ ສົ່ງເສີມ​ສຸຂະພາບ: ໄດ້​ປະຕິບັດ​ນະໂຍ​ບາຍ​ສາ​ທາ ລະ ນະສຸກ​ທົ່ວ​ປວງ​ຊົນ ເພື່ອ​ໃຫ້​ປະຊາຊົນ​ໄດ້​ຮັບ​ການ​ບໍລິການ​ສຸຂະພາບ​ຂັ້ນ​ຕົ້ນ​ຢ່າງ​ທົ່ວ​ເຖິງ ໂດຍ​ສຸມ​ໃສ່​ວຽກ​ງານ​ສື່ສານ​ເພື່ອ​ສຸຂະພາບ​ເປັນ​ປາຍ​ແຫຼມ, ຖື​ເອົາ​ວຽກ​ງານ​ແມ່ ແລະ ເດັກ ແລະ ໂພຊະ​ນາການ ເປັນ​ຈຸດ​ສຸມເຮັດ​ໃຫ້​ຫຼາຍ​ຕົວ​ຊີ້​ບອກ​ສາມາດ​ບັນລຸ ແລະ ມີ​ບາງ​ຕົວ​ຊີ້​ບອກ ມີ​ຄວາມ​ຄືບ​ໜ້າ​ຫຼາຍ​ຂຶ້ນ. ອາຍຸ​ຍືນ​ສະເລ່ຍເພີ່ມ​ຂຶ້ນ​ຈາກ 67,4 ​ປີໃນ​ປີ 2015 ມາ​ເປັນ 70,2 ປີ. ວຽກ​ງານ​ຄວບ​ຄຸມພະ​ຍາດ​ຕິດຕໍ່: ມີ​ຕາໜ່າງ​ເຝົ້າ​ລະວັງ​ພະຍາດ​ກວມ​ເອົາ​ທຸກ​ແຂວງ ແລະ ເມືອງ ໃນ​ທົ່ວ​ປະເທດ ຊຶ່ງ​ມີ​ການ​ຕິດຕາມ​ລາຍງານ​ຂໍ້​ມູນ 18 ພະຍາດ ທີ່​ນອນ​ຢູ່​ໃນ​ລະບົບ​ເຝົ້າ​ລະວັງ​ລະດັບ​ຊາດ ປະ​ຈໍາ​ອາທິດ, ຕາໜ່າງ​ຫ້ອງ​ວິເຄາະ​ມີ​ຄວາມ​ເຂັ້ມແຂງ ແລະ ທັນ​ສະໄໝ​ຖືກ​ຮັບຮອງ​ຈາກ​ສາກົນ​ສາມາດ​ວິເຄາະ ໄດ້ຫຼາຍ​ພະຍາດ​ຕິດ​ຕໍ່. ພິເສດ​ໄດ້​ຕອບ​ໂຕ້ ແລະ ແກ້​  ໄຂ​ໄພພິບັດ​ຢູ່​ເມືອງ​ສະ​​ໜາ​ມ ​ໄຊ​ແຂວງ​ອັດ​ຕະ​ປື ແລະ ສະ​ ພາບ​ນໍ້າ​ຖ້ວມ​ຢູ່ຫຼາຍ​ແຂວງ.ພະຍາດ​ມາເລເລຍ​ໄດ້​ຫຼຸດ​ລົງ​ຫຼາຍ, ຕາໜ່າງ​ຄວບ​ຄຸມພະ​ຍາດ​ວັນນະໂຣກ ຂະຫຍາຍ​ໄປ​ທົ່ວປະເທດ ພ້ອມ​ເຄື່ອງ​ກວດ​ທີ່​ທັນ​ສະໄໝ, ເອົາໃຈໃສ່​ປັບປຸງ ແລະ ຂະຫຍາຍ​ຕາໜ່າງ​ການ​ປິ່ນ​ປົວ ແລະ ໃຫ້​ຄໍາ​ປຶກສາ​ເຮ​ສ​ໄອ​ວີ/ເອດ; ຈໍາກັດການ​ລະບາດ​ຂອງ​ພະຍາດ​ໄຂ້ຍຸງ​ລາຍ, ສາມາດ​ຄວບ​ຄຸມ ແລະ ແກ້​ໄຂການລະບາດພະຍາດ COVID-19 ບໍ່​ໃຫ້​ລະບາດ​ໃນ​ຊຸມ​ຊົນ ແລະ ບໍ່​ມີ​ກໍລະນີ​ເສຍ​ຊີ​ວິດ. ວຽກ​ງານ​ປິ່ນປົວ ແລະ ຟື້ນ​ຟູ​ໜ້າທີ່​ການ ໂຮງໝໍ​ແຕ່​ລະ​ຂັ້ນ​ໄດ້​ປັບປຸງ​ການ​ບໍ​ລິການ​ໃຫ້​ທົ່ວ​ເຖິງ ແລະ ມີ​ຄຸນ​ນະ​ພາບ​ດີ​ຂຶ້ນ. 
ຈາກ​ນັ້ນ ສະຫາຍ ຄໍາ​ເພັດ ມະນີ​ວົງ ຮອງ​ເລຂາ​ຄະນະ​ພັກ​ກະຊວງ ໄດ້​ຂຶ້ນ​ລາຍ​ງານ​ກ່ຽວ​ກັບທິດ​ທາງ​ແຜນການ​ພັດທະນາ​ສາທາ​ລະນະ​ສຸກ 5 ປີ ຄັ້ງ​ທີ IX (2021-2025) ໂດຍ​ຫຍໍ້ຕໍ່​ກອງປະຊຸມໃຫຍ່​ຄັ້ງ​ທີ IX ຂອງ​ອົງຄະ​ນະພັກ​ກະຊວງສາທາລະນະ​ສຸກ ດັ່ງ ນີ້: ການຈັດຕັ້ງ​ປະຕິບັດແຜນ ​ພັດທະນາສາ​ທາ​ລະນະສຸກ  5 ປີ ຄັ້ງ​ທີ VIII (2016-2020) ຜົນສຳເລັດ​ທີ່​ພົ້ນ​ເດັ່ນ:  ໜຶ່ງ,  ລະບົບ​ບໍລິການສາທາ​ລະນະ​ສຸກ​ນັບ​ມື້​ຍົກ​ສູງ​ຄຸນ​ນະພາບ, ຍຸຕິ​ທຳ​ ແລະ ​ສືບຕໍ່​ຂະຫຍາຍ ຕົວ​ປົກ​ຄຸມ​ທົ່ວ​ເຖິງ ໃນ​ຂອບ​ເຂດ​ທົ່ວປະ​ເທດ. ສອງ, ດ້ານ​ຄຸນ​ນະ​ພາບ​ຂອງ​ການ​ບໍລິການ​ສຸຂະພາບ:ໂຮງໝໍ ແລະ ສູນ​ປິ່ນປົວ​ສະເພາະ ຂັ້ນ​ສູນ​ກາງ​ໄດ້​ຮັບ​ການ​ປັບປຸງ​ຄຸນ​ນະ​ພາບ​ດີ​ຂຶ້ນ ສາມາດ​ປິ່ນປົວ​ທົ່ວ​ໄປ ແລະ ປິ່ນປົວ​ລົງ​ເລິກ​ຊ່ຽວຊານ ມີ​ອຸປະກອນ​ການ​ແພດ​ທັນ​ສະໄໝສົມທົບກັບ​ລະດັບ​ວິຊາ​ການ​ຂອງ​ແພດ​ໝໍ​ມີ​ຄວາມ ສາມາດສູງ​ຂຶ້ນ. ໃນ​ໄລຍະ 5 ປີຜ່ານມາ ຄຸນ​ນະ​ພາບ​ຂອງ​ການ​ບໍລິການ​ສາທາລະນະ​ສຸກ​ຂອງ ​ສປປ ລາວ ໄດ້​ມີ​ການ​ປັບປຸງ ແລະ​ພັດທະນາ​ໃນ​ແຕ່​ ລະ​ຂັ້ນ​ດີ​ຂຶ້​ນກວ່າເກົ່າ ​ໂດຍສະ ເພາະ​ໃນ​ໄລ​ຍະ​ຕົ້ນ​ປີ 2020 ມາ​ນີ້ ຂະແໜງ​ສາ​ທາ​ລະນະ​ສຸກ​ໄດ້​ຮັບ​ມື​ກັບ​ການ​ລະບາດ​ຂອງ​ພະຍາດ​ໂຄ​ວິດ-19 ໄດ້​ດີ​ສົມຄວນ​ ຊຶ່ງ​ເປັນ​ທັງ​ສິ່ງ​ທ້າ​ທາຍ ແລະ ​ກາລະໂອກາດ​ໃນການ​ປັບປຸງ​ຄວາມ​ສາມາດ​ຂອງ​ການ​ໃຫ້​ບໍລິການ​ເປັນຕົ້ນ​ການບົ່ງມະຕິ​ພະຍາດ ແລະ​ປິ່ນປົວ​ພະຍາດ​ນີ້. ສະນັ້ນ ​ຈຶ່ງ​ສາມາດ​ຕີ​ລາຄາ​ໄດ້​ວ່າການ​ບໍລິການ​ສາທາລະນະ​ສຸກ​ໄດ້​ ມີ​ການ​ປັບປຸງຢ່າງ​ເປັນ​ລະ ບົບຄົບ​ຊຸດ​ ແລະ ​ທົ່ວ​ເຖິງ​ເຮັດ​ໃຫ້​ປະຊາຊົນ​ບັນດາເຜົ່າ​ໃນ​ທົ່ວ​ປະເທດ​ໄດ້​ເຂົ້າ​ເຖິງ​ການ​ບໍລິການ​ທີ່​ມີ​ຄຸນ​ນະ​ພາບ ແລະ​ມີ​ຄວາມ​ຍຸຕິ​ທຳ​ນັບ​ມື້​ເພີ່ມ​ຂຶ້ນ​ໃນ​ລະດັບ​ມາດຕະຖານຂັ້ນ ​ພື້ນຖານ​ຂອງ​ການ​ຫັນ​ເປັນ​ທັນ​ສະໄໝຫຍັບມໍ່ເຂົ້າ​ໃນ​ລະດັບ​ພາກ​ພື້ນ ແລະ ສາກົນ ເທື່ອ​ລະ​ກ້າວ. ສືບຕໍ່​ຜັນ​ແປ​ໄປ​ຢ່າງ​ວ່ອງໄວ ແລະ ສະຫຼັບ​ສັບ​ຊ້ອນ ຍາກ​ຕໍ່​ການ​ຄາດ​ຄະເນ​ໄດ້, ມີ​ທັງ​ການຂັດ​ແຍ່ງ​ແຂ່ງຂັນ ມີ​ທັງ​ການ​ເຊື່ອມ​ໂຍງ​ຮ່ວມ​ມື​ກັນ, ສົງຄາມການ​ຄ້າ​ຂອງບັນດາ​ປະເທດ​ມະຫາ​ອຳນາດ, ການ​ຊ່ວງ​ເສັງ​ຜະລິດ​ອາວຸດ​ສົງຄາມ, ການ​ຍາດ​ຊີງ​ຕະຫຼາດ ແລະ ຜົນ​ປະໂຫຍດ​ຍັງ​ເປັນ​ປັດ​ໄຈ​ຕົ້ນຕໍ​​ເຮັດ​ໃຫ້​ເກີດ​ທັງ​ຂໍ້​ຂັດ​ແຍ່ງ ແລະ ທັງ​ການ​ຮ່ວມ​ມື,  ສະພາບ​ການເກີດ​ໄພພິບັດ​ທຳ​ມະ​ຊາດ, ການ​ເກີດ​ລະບາດ​ຂອງ​ພະຍາດ​ຊະນິດ​ໃໝ່ໆ, ພະຍາດ​ອັກເສບ​ປອດສາຍ​ພັນ​ໃໝ່ໂຄ​ວິດ-19   ຄາດ​ວ່າ​ຍັງ​ຈະ​ສືບຕໍ່​ເປັນ​ສິ່ງ​ທ້າ​ທາຍ​ແກ່​ໂລກ​ ແລະ ​ອື່ນໆ.ສືບຕໍ່​ສ້າງ​ ແລະ ປະຕິບັດ​ຍຸດ ທະສາດ​ພັດທະ​ນາ​ຄົນ​ໃນ​ດ້ານ​ສຸຂະພາບ​ຢ່າງ​ຕໍ່​ເນື່ອງ.ໃນ​ກອງ​ປະຊຸມ​ຄັ້ງ​ນີ້​ຍັງ​ຈະ​ໄດ້​ມີ​ການ​ປ່ອນ​ບັດ​ເລືອກ​ຕັ້ງ​ເອົາ​ຄະນະ​ບໍລິຫານ​ງານ​ພັກ​ຊຸດ​ໃໝ່ຕື່ມ​ອີກ.      
(ຂ່າວ: ຍຸ​ພິ​ທອງ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com