Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ປທສ ຫວນຄືນມູນເຊື້ອ 2 ວັນປະຫັວດສາດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 04/12/2020 11:10:40 ຈຳ​ນວນ​​ຢ້ຽມ​ຊົມ 757 ຄັ້ງ

   ໃນຕອນເຊົ້າຂອງວັນທີ 3 ທັນວາ 2020, ທີ່ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ)ໄດ້ຈັດພິທີປາຖະກະຖາຫວນຄືນມູນເຊື້ອ 2 ວັນປະຫວັດສາດ ຄື: ລະນຶກວັນຊາດທີ 2 ທັນວາ ຄົບຮອບ 45 ປີ (2/12/1975-2/12/ 2020) ແລະ ວັນເກີດປະທານໄກສອນ ພົມວິຫານ ຄົບຮອບ 100 ປີ (13/12/1920-13/12/2020). ໃຫ້ກຽດປາຖະກະຖາເລົ່າມູນເຊື້ອ ໂດຍທ່ານ ສົມສະຫວາດ ເລັ່ງສະຫວັດ ທີ່ປຶກສາຄະນະບໍລິຫານງານສູນກາງພັກ, ຜູ້ຊີ້ນຳຄົ້ນຄວ້າວຽກງານແນວຄິດທິດສະດີ ພຶດຕິກຳໄກສອນພົມວິຫານ ໂດຍການເຂົ້າຮ່ວມຂອງສະຫາຍ ທັນສະໄໝ ກົມມະສິດ ກຳມະການສູນກາງພັກ ເລຂາຄະນະພັກ ລັດຖະມົນຕີກະຊວງ ປທສ ແລະ ຄະນະປະຈຳພັກ, ຄະນະພັກກະຊວງ, ຄະນະໜ່ວຍພັກບັນດາກົມ/ທຽບເທົ່າ, ຄະນະພັກຮາກຖານ ແລະ ພະນັກງານຫຼັກແຫຼ່ງນຳພາ-ຄຸ້ມຄອງອ້ອມຂ້າງກະຊວງ.

ການຈັດປາຖະກະຖາໃນຄັ້ງນີ້ ກໍເພື່ອເຮັດໃຫ້ສະມາຊິກພັກ-ພະນັກງານ ໄດ້ຮັບຮູ້, ເຂົ້າໃຈຢ່າງເລິກເຊິ່ງ ກ່ຽວກັບປະຫວັດສາດການກຳເນີດ ແລະ ບາດກ້າວການເຕີບໃຫຍ່ຂະຫຍາຍຕົວ ຂອງພັກ-ຂອງຊາດລາວເຮົາ ໃນແຕ່ລະໄລຍະທີ່ຜ່ານມາ, ໂດຍສະເພາະແມ່ນການເຊື່ອມຊຶມ, ຫາຮຽນເອົາແນວຄິດທິດສະດີ ແລະ ພຶດຕິກຳ ຂອງປະທານໄກສອນ ພົມວິຫານ ຜູ້ນຳ​ທີ່ແສນເຄົາລົບຮັກຂອງປວງຊົນລາວທັງຊາດ ຊຶ່ງໄດ້ສະແດງອອກໃນພາລະກິດ ການນຳພາປະຕິວັດຊາດ ປະຊາທິປະໄຕ, ອີກທັງເພື່ອເປັນການຍົກສູງຄວາມສາມາດການນຳພາ ແລະ ລັກສະນະນຳໜ້າຂອງພັກ, ສືບຕໍ່ຮັກສາມູນເຊື້ອອັນດີງາມຂອງພັກ ໃຫ້ຍືນຍົງຕະຫຼອດໄປ.

ໃນພິທີ ທ່ານ ສົມສະຫວາດ ເລັ່ງສະຫວັດ ໄດ້ຍົກໃຫ້ເຫັນເຖິງການຂະຫຍາຍຕົວຂອງຊາດລາວ ຕະຫຼອດໄລຍະ 45 ປີ ຂອງການປົກປັກຮັກສາ ແລະ ສ້າງສາພັດທະນາປະເທດຊາດ ໂດຍມີພັກປະຊາຊົນປະຕິວັດລາວ ໄດ້ນຳພາ-ຊີ້ນຳເຮັດການປະຕິວັດຊາດປະຊາທິປະໄຕ, ນຳພາປົກປັກຮັກສາ ແລະ ສ້າງສາລະບອບໃໝ່, ເວລາໃດກໍຢຶດໝັ້ນລັດທິມາກ-ເລນິນ ເປັນພື້ນຖານແນວຄິດທິດສະດີ ແລະ ຢຶດຖືຫຼັກໝັ້ນຂອງຊົນຊັ້ນກຳມະກອນຢ່າງສະເໝີຕົ້ນສະເໝີປາຍ, ສົມທົບແໜ້ນລະຫວ່າງລັດທິຮັກຊາດອັນແທ້ຈິງກັບລັດທິສາກົນອັນຜ່ອງໃສ, ມີຄວາມຈົງຮັກພັກດີຕໍ່ອຸດົມການປະຕິວັດ ແລະ ຜົນປະໂຫຍດອັນຊອບທຳຂອງປະຊາຊົນລາວບັນດາເຜົ່າ, ຍ້ອນແນວນັ້ນ ຈຶ່ງສາມາດປົດປ່ອຍປະເທດຊາດຢ່າງມີໄຊ ແລະ ສະຖາປະນາເປັນ ສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975.

 ພ້ອມນີ້, ທ່ານຍັງໄດ້ຮຽກຮ້ອງ ໃຫ້ບັນດາສະມາຊິກພັກ-ພະນັກງານ ຫຼັກແຫຼ່ງນຳພາ-ຄຸ້ມຄອງ ທົ່ວອົງຄະນະພັກ ກະຊວງ ປທສ ຈົ່ງເສີມຂະຫຍາຍ ຮັັກສາມູນເຊື້ອຄວາມເປັນແບບຢ່າງນຳໜ້າຂອງພັກ ເພື່ອນຳໄປໝູນໃຊ້ເຂົ້າໃນການ ເຄື່ອນໄຫວຊີ້ນຳ-ນຳພາ ໃນການປະຕິບັດວຽກງານຂອງຕົນ ໃຫ້ມີປະສິດພາບສູງ ໂດຍສະເພາະ ແມ່ນການຈັດຕັ້ງປະຕິບັດແຜນພັດທະນາຂອງຂະແໜງການໃນ 5 ປີ (2021 -2025) ຊຶ່ງທ່ານໄດ້ເນັ້ນໜັກໃນ​ຫຼາຍບັນຫາເຊັ່ນ: ຍົກລະດັບການພັດທະນາອຸດສາຫະກຳດີຈີຕອນ ຂອງປະເທດ ແລະ ເພີ່ມອັດຕາການປະກອບສ່ວນເສດຖະກິດ ຂອງປະເທດໃຫ້ຫຼາຍ​ຂຶ້ນ, ສົ່ງເສີມຜູ້ປະກອບການໃນລະດັບຕ່າງໆໃຫ້ມີ​ຫຼາກຫຼາຍທາງດ້ານຜະລິດຕະພັນ, ເສີມຂະຫຍາຍການເຂົ້າເຖິງການນຳໃຊ້ດີຈິຕອນຂອງສັງຄົມຢ່າງກວ້າງຂວາງ, ທົ່ວເຖິງ ແລະ ມີຄວາມປອດໄພ.

(ຂ່າວ: ກົມຈັດຕັ້ງ-ພະນັກງານ; ພາບ: ຫ້ອງການກະຊວງ, ປທສ)

 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com