Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

45 ປີ ຂະແໜງແຜນການ ແລະ ການລົງທຶນ ໄດ້ປະກອບສ່ວນ ໃນຜົນສຳເລັດຂອງຊາດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 07/12/2020 10:32:42 ຈຳ​ນວນ​​ຢ້ຽມ​ຊົມ 2278 ຄັ້ງ

   ເນື່ອງ​ໃນ​ໂອກາດສະ ເຫຼີມສະຫຼອງ​ວັນຊາດທີ 2 ທັນວາ ຄົບຮອບ 45 ປີ ທ່ານ ສອນ​ໄຊ ສີ​ພັນ​ດອນ ຮອງ​ນາ ຍົກລັດຖະມົນຕີ ລັດຖະມົນຕີ​ກະຊວງ​ແຜນການ ແລະ ການ​ລົງທຶນ ໄດ້​ໃຫ້​ສຳພາດ​ຕໍ່​ສື່​ມວນ​ຊົນ ໃນ​ວັນ​ທີ 1 ທັນວາ 2020 ວ່າ: ກະຊວງ​ແຜນການ ແລະ ການ​ລົງທຶນ ແມ່ນ​ກົງຈັກ​ໜຶ່ງ​ຂອງ​ລັດຖະບານ ມີ​ພາລະ​ບົດບາດ​ເປັນ​ເສນາ​ທິ​ການ​ໃຫ້ ລັດຖະບານ ໃນ​ການ​ຄຸ້ມ​ຄອງ​ມະຫາ​ພາກ ກ່ຽວ​ກັບ​ວຽກ​ງານ​ແຜນການ ແລະ ການ​ລົງທຶນ, ວຽກ​ງານ​ສະຖິຕິ​ແຫ່ງ​ຊາດ, ການຈັດຕັ້ງ​ປະຕິບັດ​ແຜນ​ພັດທະນາ​ເສດ​ຖະ​ກິດ​-​ສັງຄົມ, ວຽກ​ງານ​ຮ່ວມ​ມື​ກັບ​ສາກົນ ແລະ ເຂດ​ເສດຖະກິດ​ພິເສດ ໃນ​ຂອບ​ເຂດ​ທົ່ວ​ປະ​ເທດ.

ຕະຫຼອດ​ໄລຍະ 45 ປີ ທີ່​ຜ່ານ​ມາ ຂະແໜງ​ແຜນການ ແລະ ການ​ລົງທຶນ​ໄດ້​ປະກອບສ່ວນ​ເຂົ້າ​ໃນ​ຜົນ​ສໍາ​ເລັດ ລວມ​ຂອງ​ຊາດ​ໃນ​ການ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ, ເຮັດ​ໃຫ້ປະເທດ​ເຮົາ​ມີ​ສະຖຽນ​ລະ​ພາບ​ທາງ​ດ້ານ​ການເມືອງ, ສັງຄົມ​ມີ​ຄວາມ​ສະຫງົບ, ເປັນ​ລະບຽບ​ຮຽບຮ້ອຍ, ປອດ​ໄພ ແລະ ປວງ​ຊົນ​ລາວ​ມີ​ຄວາມ​ສາມັກຄີ​ເປັນ​ປຶກ​ແຜ່ນ​ແໜ້ນ​ໜາ. ສ້າງ​ເງື່ອນໄຂ​ເອື້ອ​ອໍາ​ນວຍ​ໃຫ້​ເສດຖະກິດ​ມີ​ການ​ເຕີບ​ໂຕ​ຢ່າງ​ຕໍ່​ເນື່ອງ, ຊີວິດ​ການ​ເປັນ​ຢູ່​ຂອງ​ປະ ຊາຊົນ​ໄດ້​ຮັບ​ການ​ປັບປຸງ​ດີ​ຂຶ້ນ​ເປັນ​ກ້າວໆ ​ ຊຶ່ງ​ມີ​ຜົນ​ສໍາ​ເລັດ​ອັນ​ພົ້ນ​ເດັ່ນ​ຄື: ແຕ່​ປີ 1976-1985 ໄດ້​ນໍາ​ໃຊ້​ແຜນການ​ຕາມ​ກົນໄກ​ ລວມ​ສູນ ຊຶ່ງ​ເປັນ​ການ​ວາງ​ແຜນ​ແບບ​ກໍາ​ນົດທຸກໂຕເລກ​ຄາດ ໝາຍ, ໃນ​ນັ້ນ ປະກອບ​ມີແຜນການ​ປີ 1976-1977 ຊຶ່ງແມ່ນ ​ແຜນການ​ປະ​ຈໍາ​ປີ​ຄັ້ງ​ທໍາ​ອິດ​ຂອງ ສປປ ລາວ, ແຜນການ 3 ປີ ໄລຍະ 1978-1980 ແລະ ແຜນການ 5 ປີ​ຄັ້ງ​ທີ I ໄລຍະ 1981-1985. ເປົ້າ​ໝາຍ​ຕົ້ນຕໍ​ຂອງ​ແຜນ​ພັດທະນາ​ເສດ​ຖະ​ກິດ​-​ສັງຄົມ ໃນ​ໄລຍະ​ດັ່ງກ່າວ​ແມ່ນ​ຮໍາ​ບາດແຜ​ສົງຄາມ, ປົກ​ປັກຮັກສາ​ປະ ເທດ​ຊາດ ແລະ ລະບອບ​ໃໝ່​ໃຫ້​ໝັ້ນຄົງ ​ແລະ ​ຟື້ນ​ຟູ​ພື້ນຖານ​ໂຄງ​ລ່າງ​ເສດ​ຖະ​ກິດ​-​ສັງຄົມທີ່​ຖືກ​ທໍາ​ລາຍ​ມ້າງເພ​ຈາກ​ສົງຄາມ​ແນໃສ່​ບູລະນະ ແລະ ຟື້ນ​ຟູ​ການ​ຜະລິດ​ກະ​ສິ​ກໍາ​ເປັນຕົ້ນ​ຟື້ນ​ຟູ​ນາເຮື້ອ ແລະ ຊ່າວນາ​ໃໝ່, ສ້າງ​ເງື່ອນໄຂ​ໃຫ້​ປະຊາ​ຊົນ​ທໍາ​ມາ​ຫາ​ກິນ,ຟື້ນ ​ຟູໂຮງ​ຈັກ​ໂຮງງານ​ ເພື່ອ​ຮັບ​ໃຊ້​ການ​ຜະລິດ​ເຊັ່ນ: ໂຮງງານ​ໄຟຟ້າ, ໂຮງ​ງານ​ນໍ້າ​ປະປາ, ໂຮງງານ​ສ້ອມແປງ​ກົນ​ຈັກ, ໂຮງງານ​ປຸງ​ແຕ່ງອາຫານ, ໂຮງ​ງານ​ຕ່ໍາ​ແຜ່ນ. ສ້ອມແປງ ແລະ ຟື້ນ​ຟູ​ລະບົບ​ຄົມ​ມະ​ນາ​ຄົມ​-​ຂົນສົ່ງ ເພື່ອ​ຮັບປະກັນ​ການ​ຈໍ​ລະ​ຈອນ​ສິນຄ້າ ແລະ ການ​ສັນຈອນ​ໄປ​ມາສະ​ດວກ​ສະບາຍ, ກໍ່ສ້າງ​ສ້ອມແປງ ແລະ ບູລະນະ​ພື້ນຖານ​ໂຄງ​ລ່າງ​ຈໍາ​ນວນ​ໜຶ່ງ​ທີ່​ຖືກ​ທໍາ​ລາຍ​ຈາກ​ສົງຄາມ​ຄືນໃໝ່​ມາ​ຮອດ​ປີ 1980 ສາມາດ​ລຶບລ້າງ​ການ​ກືກ​ໜັງສື​ຂອງ​ປະຊາຊົນ​ໄດ້ 80%, ວຽກ​ງານ​ສຶກສາ ແລະ ສາທາລະນະ​ສຸກ​ກໍ​ໄດ້​ຮັບ​ການ​ປັບປຸງ​ໃນ​ລະດັບ​ດີ​ສົມ​ຄວນ. ສິ່ງ​ສໍາ​ຄັນ​ທີ່​ສຸດ​ກໍ​ແມ່ນ​ການ​ປະຕິບັດ​ທິດ​ນໍາ​ຂອງ​ພັກ​ໃນ​ການ​ຫັນ​ສູ່​ເພື່ອນ​ມິດ​ດ້ານ​ຕາເວັນ​ອອກ. ໄລຍະ​ທີ 2: ມາ​ຮອດ​ປີ 1986 ກອງ​ປະຊຸມ​ໃຫຍ່​ຄັ້ງ​ທີ IV ຂອງ​ພັກ ໄດ້​ປະ​ກາດ​ນໍາ​ໃຊ້​ກົນ​ໄກ​ເສດຖະກິດ​ໃໝ່ເຂົ້າ​ໃນ​ການ​ພັດທະນາ​ປະ​ເທດ. ສະນັ້ນ, ແຜນ​ພັດທະນາ​ເສດ​ຖະ ກິດ​-​ສັງຄົມ​ໄດ້​ປ່ຽນ​ຈາກ​ແຜນການ​ລວມ​ສູນ​ມາ​ເປັນ​ແຜນການ​ຕາມ​ກົນ​ໄກ​ເສດຖະກິດ​ຕະຫຼາດ​ໂດຍ​ມີ​ການ​ນໍາ​ພາ​ຂອງ​ພັກ ແລະ ຄຸ້ມ​ຄອງ​ຂອງ​ລັດ, ຂະແໜງ​ແຜນການ ແລະ ການ​ລົງທຶນ ໄດ້​ເປັນ​ເສນາ​ທິ​ການ​ໃຫ້​ແກ່​ພັກ ແລະ ລັດຖະບານ​ໃນ​ແຕ່​ລະ​ຂັ້ນ​ ເພື່ອ​ສ້າງ ແລະ ຊຸກຍູ້​ຕິດຕາມ​ການຈັດຕັ້ງ​ປະຕິບັດ​ແຜນ​ພັດທະນາ​ເສດ​ຖະ​ກິດ​-​ສັງຄົມ ປະ​ຈໍາ​ປີ ແລະ ປະ​ຈໍາ 5 ປີ, ໄດ້​ຫັນ​ການ​ສ້າງ​ແຜນ​ຕາມ​ຂະແໜງການ​ມາ​ເປັນ​ການ​ສ້າງ​ແຜນ​ໂດຍ​ອີງໃສ່​ໝາກຜົນ​ທີ່​ໄດ້​ຮັບ,ຄົ້ນຄວ້າ​ກົນ​ໄກ​ການ​ແກ້​ໄຂ​ໜີ້​ສິນ​ໂຄງການ​ລົງທຶນ​ຂອງ​ລັດ​ດ້ວຍ​ຫຼາຍ​ຮູບ​ແບບ ແລະ ຄົ້ນຄວ້າ​ແຜນການ​ລົງທຶນ​ຂອງ​ລັດ​ໃຫ້​ສອດຄ່ອງ​ກັບທ່າແຮງ​ຕົວ​ຈິງ​ຂອງ​ງົບປະມານ​ຫຼາຍ​ຂຶ້ນ ແລະ ປັບປຸງ​ກົນ​ໄກ​ການ​ປະ​ເມີນ​ຜົນ​ໂຄງການ​ລົງທຶນ​ຂອງ​ລັດ​ໃຫ້​ມີ​ຄຸນ​ນະ​ພາບ​ສູງ​ຂຶ້ນ​ດ້ວຍ​ການ​ສ້າງຕັ້ງ​ຄະນະ​ຮັບຮອງ​ຜົນ​ການ​ປະ​ເມີນ​ທີ່​ປະກອບ​ມີ​ຫຼາຍ​ພາກສ່ວນ​ເຂົ້າ​ຮ່ວມ ຊຶ່ງ​ໄດ້​ເຮັດ​ໃຫ້​ປະສິດທິພາບ, ປະສິດ​ທິ​ຜົນ ແລະ ຄວາມ​ໂປ່​ງ​ໃສ​ຂອງ​ການ​ປະ​ເມີນ​ຜົນ​ໄດ້​ຮັບ​ການ​ປັບປຸງ​ໃຫ້​ດີ​ຂຶ້ນ.

ການ​ເຕີບ​ໂຕ​ທາງ​ດ້ານ​ເສດຖະກິດ ​ນັບ​ແຕ່​ປີ 1991 ເຖິງ 2020 ເສດຖະກິດ​ໄດ້​ເຕີບ​ໂຕ​ສະເລ່ຍ 6,6% ຕໍ່​ປີ ເປັນຕົ້ນ ໄລຍະ 1991-1995 ເຕີບ​ໂຕ 6,4% ຕໍ່​ປີ,ໄລຍະ 1996-2000 ເຕີບ​ໂຕ 6,2% ຕໍ່​ປີ, ໄລຍະ 2001-2005 ເຕີບ​ໂຕ 6,3% ຕໍ່​ປີ, ໄລຍະ 2006-2010 ເຕີບ​ໂຕ 7,9% ຕໍ່​ປີ, ໄລຍະ 2011-2015 ເຕີບ​ໂຕ 7,9%, ໄລຍະ 2016-2020 ເຕີບ​ໂຕ 5,8% ຕໍ່​ປີ. ລວມ​ຍອດ​ຜະລິດ​ຕະ​ພັນ​ພາຍ​ໃນ (GDP) ຕໍ່​ຫົວ​ຄົນ ໄດ້​ເພີ່ມ​ຂຶ້ນ 13 ເທື່ອ​ຈາກ​ລະດັບ 207 ໂດ​ລາ​ຕໍ່​ຄົນ​ໃນ​ປີ 1990 ເປັນ 2.664 ໂດ​ລາ/ຕໍ່/ຄົນ ໃນ​ປີ 2020. ໂຄງ​ປະກອບ​ເສດຖະກິດ​ຂອງ​ປະເທດໄດ້​ມີ​ການ​ຫັນປ່ຽນ​ຕາມ​ທິດ​ການ​ຫັນ​ເປັນ​ອຸດ​ສາ​ຫະ​ກໍາ ແລະ ທັນ​ສະໄໝ ເທື່ອ​ລະ​ກ້າວ​ຄື: ໂຄງ​ປະກອບ​ຂອງ​ຂະແໜງ​ກະ​ສິ​ກໍາ-​ປ່າໄມ້ ຫຼຸດ​ລົງ​ຈາກ 60,7% ໃນ​ປີ 1990 ເປັນ 15,1% ຂອງ​ລວມ​ຍອດຜະ ລິດ​ຕະ​ພັນ​ພາຍ​ໃນ​ທັງ​ໝົດ ໃນ​ປີ 2020, ຂະແໜງ​ອຸດ​ສາ​ຫະກໍາ ເພີ່ມ​ຂຶ້ນ​ຈາກ 14,4% ໃນ​ປີ 1990 ເປັນ 32% ໃນ​ປີ 2020 ແລະ ຂະແໜງ​ບໍລິການ​ເພີ່ມ​ຂຶ້ນ ຈາກ 24,1% ໃນ​ປີ 1990 ເປັນ 41,7% ໃນ​ປີ 2020; ວຽກ​ງານ​ການ​ລົງທຶນ​ຂອງ​ເອກະ​ຊົນ​ພາຍ​ໃນ ແລະ ຕ່າງປະເທດໄດ້​ເປັນ​ແຫຼ່ງ​ທຶນ​ທີ່​ສໍາ​ຄັນ​ປະກອບສ່ວນ ຕໍ່​ການ​ພັດທະນາ​ເສດ​ຖະ​ກິດ​-​ສັງຄົມ​ຂອງ​ປະເທດ, ມູນ​ຄ່າ​ອະນຸ ມັດການ​ລົງທຶນ​ຂອງ​ເອກະ​ຊົນ ທັງ​ພາຍ​ໃນ ແລະ ຕ່າງປະເທດ ແຕ່​ປີ 1988 ເຖິງ​ປີ 2020 ບັນລຸ 40,3 ຕື້​ໂດ​ລາ ແລະ ມີ 4.635 ໂຄງການຈາກ 53 ປະເທດ ແລະ ເຂດ​ແຄວ້​ນ. ການ​ພັດທະນາ​ເຂດ​ເສດຖະກິດ​ພິເສດໄດ້​ມີ​ຄວາມ​ຄືບ​ໜ້າ​ເປັນ​ກ້າວໆ ມາ​ຮອດ ປັດຈຸບັນມີ​ເຂດ​ເສດຖະກິດ​ພິເສດທັງ​ໝົດ 12 ແຫ່ງ, ມີ​ບໍລິສັດ​ມາ​ລົງທຶນ 848 ບໍລິສັດ ມີ​ທຶນຈົດ​ທະບຽນ 13,9 ຕື້​ໂດ​ລາ ໃນ​ນີ້​ເປັນ​ການ​ລົງທຶນ​ຕົວ​ຈິງ 5,69 ຕື້​ໂດ​ລາ, ໃນ​ນັ້ນ, ໄດ້​ກວມເອົາ ​ຂະແໜງ​ອຸດ​ສາ​ຫະ​ກໍາ 18%, ການ​ຄ້າ 26% ແລະ ການ​ບໍລິ ການ 56%, ສ້າງ​ວຽກ​ເຮັດ​ງານ​ທໍາ ໄດ້ 55.711 ຄົນ, ສາມາດດຶງ ​ດູດ​ເອົາ​ບໍລິສັດ​ທີ່​ມີ​ຊື່​ສຽງ ແລະ ປະສົບ​ການ​ຈາກ​ຕ່າງປະເທດ ເຮັດ​ໃຫ້ການ​ຜະລິດ​ຂອງ​ລາວ​ເປັນ​ສ່ວນ​ໜຶ່ງ​ຂອງ​ຕ່ອງ​ໂສ້​ການ​ສະໜອງ​ຂອງ​ພາກ​ພື້ນ ແລະ ສາກົນ; ວຽກ​ງານ​ການ​ຮ່ວມ​ມື​ກັບ​ສາກົນໄດ້​ຂົນຂວາຍ​ການ​ຊ່ວຍເຫຼືອ​ທາງ​ການ ​ເພື່ອ​ການ​ພັດທະນາ​ທັງ​ຂອບ​ສອງ​ຝ່າຍ ແລະ ຫຼາຍ​ຝ່າຍ ເພື່ອ​ປະກອບ ສ່ວນ​ໃຫ້​ແກ່​ການ​ພັດທະນາ​ຂອງ​ປະ​ເທດ. ເລີ່ມ​ແຕ່​ມື້ສະຖາປະນາ ສປປ ລາວ ເປັນຕົ້ນ​ມາ, ບັນດາ​ປະເທດ​ອະ​ດີດສັງຄົມ​ນິຍົມ​ອ້າຍ​ນ້ອງ​ໄດ້​ໃຫ້ການ​ຊ່ວຍເຫຼືອ​ອັນ​ໃຫຍ່​ຫຼວງ​ແກ່​ປະເທດ​ເຮົາ ໃນ​ພາລະ​ກິດ​ຮໍາ​ບາດແຜ​ສົງຄາມ, ກໍ່ສ້າງ, ປົກ​ປັກ​ຮັກສາ ແລະ ພັດທະນາ​ປະເທດ​ຊາດ ຊຶ່ງ​ອັດຕາ​ສ່ວນ​ຂອງ​ຍອດ​ມູນ​ຄ່າ​ການ​ຊ່ວຍເຫຼືອ​ຈາກ​ປະເທດ​ເຫຼົ່ານັ້ນ ກວມ​ປະມານ 83% ຂອງ​ງົບປະມານ​ການ​ລົງທຶນ​ຂອງ​ລັດ​ທັງ​ໝົດ​ ສໍາ​ລັບ​ຊຸມ​ປີ 1976-1985 ແລະ 58% ຂອງງົບປະມານ​ການ​ລົງທຶນ​ຂອງ​ລັດ​ທັງ​ໝົດ​ໃນ​ໄລຍະ​ປີ 1986-1990. ຫຼັງ​ຈາກ​ນັ້ນ, ສປປ ລາວ ໄດ້​ຂະຫຍາຍ​ການ​ຮ່ວມ​ມື​ກັບ​ບັນດາ​ປະເທດ​ເພື່ອນ​ມິດ ແລະ ອົງການ​ຈັດ​ຕັ້ງ​ສາກົນຕ່າງໆ​ໃນ​ອະນຸ​ພາກ​ພື້ນ ແລະ ໃນ​ໂລກຢ່າງ​ກວ້າງຂວາງ​ຂຶ້ນ ເຮັດ​ໃຫ້​ສາມາດ​ຂົນຂວາຍ​ການ​ຊ່ວຍເຫຼືອ​ທາງ​ການ ​ເພື່ອ​ການ​ພັດທະນາຈາກ​ຫຼາຍ​ປະເທດ ແລະ ຫຼາຍ​ພາກສ່ວນ​ປະກອບ​ເປັນ​ແຫຼ່ງ​ທຶນ​ສໍາ​ຄັນ​ໜຶ່ງ​ທີ່​ສະໜັບສະໜູນ​ການ​ພັດທະນາ​ເສດ​ຖະ​ກິດ​-​ສັງຄົມ​ຂອງ​ລາວ. ໂຕເລກ​ຊ່ວຍເຫຼືອ​ທາງ​ການ ​ເພື່ອ​ການ​ພັດ​ທະນາ​ທັງ​ໝົດ​ມູນ​ຄ່າ 19.483 ລ້ານ​ໂດ​ລາ, ໃນ​ນັ້ນ, ໄລຍະ​ປີ 2016-2020 ຄາດ​ວ່າ​ຈະ​ບັນລຸ​ຫຼາຍ​ກວ່າ 4.600 ລ້ານ​ໂດ​ລາ.

ວຽກ​ງານ​ສະຖິຕິ​ໄດ້​ສັງ​ລວມ​ຄິດໄລ່ ແລະ ເຜີຍແຜ່​ໂຕ​ເລກ​ລວມ​ຍອດ​ຜະລິດ​ຕະ​ພັນ​ພາຍ​ໃນ, ໂຕ​ເລກ​ສະຖິຕິ​ເສດຖະກິດ, ດັດຊະນີ​ລາຄາ ແລະ ອັດຕາ​ເງິນ​ເຟີ້ ຂອງ ສປປ ລາວ, ສ້າງ​ວາ ລະສານ​ສະຖິຕິ​ປະ​ຈໍາ​ປີ ແລະ 40 ປີ, ປະ​ເມີນ​ຄວາມທຸກ​ຍາກ ຊຶ່ງ​ມາ​ຮອດ​ປັດຈຸບັນ​ອັດຕາ​ຄວາມທຸກ​ຍາກ​ໄດ້​ຫຼຸດ​ລົງ​ຍັງ 18,3% ຈາກ​ລະດັບ 46% ໃນ​ສົກ​ປີ 1992-1993 ແລະ ປະ​ເມີນ​ການ​ປ່ຽນແປງ​ຂອງ​ປະຊາກອນ​ໂດຍ​ຜ່ານ​ການ​ສໍາ​ຫຼວດ ແລະ ສ້າງ​ບົດ​ລາຍ​ງານ​ລະດັບ​ຊາດ​ເປັນຕົ້ນ​ການ​ສໍາ​ຫຼວດ​ພົນລະເມືອງ ແລະ ທີ່ຢູ່​ອາໄສ, ການ​ສໍາ​ຫຼວດ​ການ​ຊົມໃຊ້ ແລະ ໃຊ້​ຈ່າຍ​ຂອງຄົວ ​ເຮືອນ, ການ​ສໍາ​ຫຼວດ​ແຮງ​ງານ, ການ​ສໍາ​ຫຼວດ​ດັດຊະນີ​ໝາຍສັງ ຄົມ​ລາວ, ການ​ເກັບ​ກໍາ​ສະຖິຕິ​ຂັ້ນ​ບ້ານ ຕິດ​ພັນ​ກັບ​ວຽກ​ງານ 3 ສ້າງ, ປັດ​ຈຸ​ບັນ​ກໍາ​ລັງ​ສໍາຫຼວດ​ເສດຖະກິດ ແລະ ກະ​ສິ​ກໍາ​ທົ່ວ​ປະເທດ, ພ້ອມ​ທັງ​ຄາດ​ຄະເນ​ພົນລະເມືອງ​ລະດັບ​ຊາດ ແລະ ແຂວງ​ຮອດ​ປີ 2015 ແລະ ລະດັບ​ເມືອງ​ຮອດ​ປີ 2035; ວຽກ​ງານ​ເສນາ​ທິ​ການ, ບໍລິຫານ ແລະ ບໍລິການ​ຫ້ອງການ​ກະຊວງ ແລະ ກົມ​ກ່ຽວຂ້ອງ​ໄດ້​ເອົາໃຈໃສ່​ເປັນ​ເສນາ​ທິ​ການ​ດ້ານ​ບໍລິການ, ບໍລິການ, ພິທີການ ແລະ ສ້າງ​ແຜນ​ວຽກ​ຈຸດ​ສຸມ​ຂອງ​ກະຊວງ, ປະສານ​ງານ, ຄຸ້ມ​ຄອງຈໍ​ລະ​ຈອນ​ເອກະສານ​ຢ່າງ​ເປັນ​ລະບົບ ແລະ ຫັນ​ເຂົ້າ​ສູ່​ການບໍລິການ​ຜ່ານ​ປະຕູ​ດຽວ ແລະ ຫັນ​ເປັນ​ທັນ​ສະໄໝ​ເທື່ອ​ລະ ​ກ້າວ, ໄດ້​ເອົາໃຈໃສ່​ຄຸ້ມ​ຄອງ​ງົບປະມານ​ບົນ​ຈິດໃຈ​ປະຕິບັດ​ນະ ໂຍບາຍ​ປະຢັດ​ມັດທະຍັດ, ໄດ້​ປັບປຸງ​ກົນ​ໄກ​ການ​ຈັດ​ຊື້​ຈັດ​ຈ້າງ​ຖືກຕ້ອງ​ຕາມ​ລະບຽບ​ການ. ເອົາໃຈໃສ່​ເປັນ​ເສນາ​ທິ​ການ​ ໃນ​ການ​ປະຕິບັດ​ວຽກ​ງານ​ບົດບາດ​ຍິງ​ຊາຍ ແລະ ແມ່​-​ເດັກ.(ໂດຍ : ສ. ສິມ​ມາລາ​ວົງ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com