Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ເປີດປ້າຍ ສີລາຈາລຶກອະນຸສອນສະຖານບ່ອນດຳເນີນກອງປະຊຸມໃຫຍ່ສ້າງຕັ້ງພັກ ປປ ລາວ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 07/12/2020 16:02:25 ຈຳ​ນວນ​​ຢ້ຽມ​ຊົມ 2272 ຄັ້ງ

   ວັນທີ 7 ທັນວາ ນີ້ ທີ່ດ່ານນໍ້າໂສຍ ເມືອງວຽງໄຊ ແຂວງຫົວພັນ, ສະຫາຍ ຄຳພັນ ພົມມະທັດ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ແລະ ບັນດາສະຫາຍການນຳພັກ-ລັດ, ອະດີດການນຳພັກ-ລັດ ພ້ອມດ້ວຍບັນດາກ້ອນກຳລັງ ປກສ - ປກຊ, ຊາວໜຸ່ມ, ເຍົາວະຊົນ ແລະ ປະຊາຊົນແຂວງຫົວພັນ ໄດ້ພ້ອມພຽງກັນເຂົ້າຮ່ວມພິທີເປີດປ້າຍສີລາຈາລຶກ ອະນຸສອນສະຖານ ບ່ອນດໍາເນີນກອງປະຊຸມໃຫຍ່ ສ້າງຕັ້ງພັກປະຊາຊົນປະຕິວັດລາວ ວັນທີ 22 ມີນາ 1955.

   ໃນພິທີ, ສະຫາຍ ຄອນປະພັນ ເລືອງສີຈັນທອງ ກຳມະການພັກແຂວງ ຫົວໜ້າຫ້ອງວ່າການແຂວງຫົວພັນ ໄດ້ຂຶ້ນລາຍງານກ່ຽວກັບໂຄງການກໍ່ສ້າງອະນຸສອນສະຖານ ບ່ອນດໍາເນີນກອງປະຊຸມໃຫຍ່ ສ້າງຕັ້ງພັກປະຊາຊົນປະຕິວັດລາວວ່າ: ໂຄງການກໍ່ສ້າງ ບ່ອນດຳເນີນກອງປະຊຸມໃຫຍ່ ສ້າງຕັ້ງພັກປະຊາຊົນປະຕິວັດລາວ ໄດ້ເລີ່ມດຳເນີນການກໍ່ສ້າງ ຕັ້ງແຕ່ວັນທີ 25 ກັນຍາ 2020. ມາຮອດປັດຈຸບັນ ໄດ້ສຳເລັດບັນດາກິດຈະການສ້າງສີລາຈາລຶກ ໂດຍມີຖານຕັ້ງປ້າຍສີລາຈາລຶກ ເຮັດດ້ວຍເບຕົງເສີມເຫຼັກ ມີຂະໜາດ 5 X 5 ແມັດ; ບໍລິເວນອ້ອມຮອບຕີນຖານຕັ້ງ ປູດ້ວຍຫຍ້າ ຂະໜາດ 10 X 10 ແມັດ; ຫີນທີ່ເອົາມາສ້າງເປັນສີລາຈາລຶກ (ຫີນມາໂບ) ເປັນຫີນທີ່ໄດ້ຄັດເລືອກຈາກທໍາມະຊາດທ້ອງຖິ່ນ, ຫີນປ້າຍສີລາຈາລຶກເປັນຮູບຊົງສີ່ຫຼຽມ ມີຂະໜາດ ກ້ວາງ ແລະ ໜາ 1,7 ແມັດ, ແລະ ສູງ 2,9 ແມັດ; ມີກາພັກ ທາດ້ວຍສີແດງ ແລະ ຕົວໜັງສື ທາດ້ວຍສີຄຳ. ການດຳເນີນການກໍ່ສ້າງຂອງໂຄງການ ຍັງໄດ້ສຳເລັດວຽກເດີ່ນອະເນກປະສົງ, ມີການຖົມດິນໃໝ່ ແລະ ປັບເດີ່ນໃຫ້ຮາບພຽງ ມີຂະໜາດ 30 X 30 ແມັດ, ປູດ້ວຍບ໋ອກຂະໜາດ 40 X 40 ຊັງຕີແມັດ ແລະ ໄດ້ມີການກໍ່ສ້າງຮ່ອງລະບາຍນໍ້າອ້ອມຮອບເດີ່ນອະເນກປະສົງ; ປັບເດີ່ນສຳລັບຈອດລົດ ມີເນື້ອທີ່ 225 ຕາແມັດ ປູດ້ວຍຫີນຝຸ່ນ ແລະ ກໍ່ຂອບອ້ອມເດີ່ນຈອດລົດ; ສຳເລັດການກໍ່ສ້າງຫ້ອງນໍ້າສາທາລະນະ ຂະໜາດ 3,5 X 9,6 ແມັດ ມີທັງໝົດ 8 ຫ້ອງ ແຍກເປັນຫ້ອງນໍ້າຍິງ 4 ຫ້ອງ ແລະ ຫ້ອງນໍ້າຊາຍ 4 ຫ້ອງ. ລວມມູນຄ່າກໍ່ສ້າງທັງໝົດ 1 ຕື້ກວ່າກີບ ໂດຍນໍາໃຊ້ງົບປະມານກອງທຶນພັກ ແລະ ມີການສົມທົບທຶນຊ່ວຍເຫຼືອຈາກ ບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ດຽວ ຈຳນວນ 500 ລ້ານກີບ. ສ່ວນການກໍ່ສ້າງໄລຍະທີ 2 ຈະດຳເນີນການກໍ່ສ້າງ ຫໍມູນເຊື້ອ ແລະ ວັດຖຸພັນ, ຫ້ອງປະຊຸມ (ຈຳລອງ) ແລະ ອື່ນໆ ໂດຍນໍາໃຊ້ຮ່ວງເງິນຂອງແຂວງ ແລະ ການລະດົມທຶນຈາກຫົວໜ່ວຍທຸລະກິດ ທັງພາຍໃນ ແລະ ຕ່າງປະເທດ.

   ໂອກາດນີ້່, ສະຫາຍ ວັນໄຊ ແພງຊຸມມາ ກຳມະການສູນກາງພັກ ເລຂາພັກແຂວງ ເຈົ້າແຂວງຫົວພັນ ໄດ້ມີຄຳເຫັນກ່ຽວກັບການກໍ່ສ້າງອະນຸສອນສະຖານດັ່ງກ່າວ ແລະ ກ່າວເປີດພິທີ ພ້ອມທັງຫວນຄືນປະຫວັດຄວາມເປັນມາຂອງ ພັກປະຊາຊົນປະຕິວັດລາວ ໂດຍມີເນື້ອໃນບາງຕອນສຳຄັນວ່າ: ພັກປະຊາຊົນປະຕິວັດລາວ ນັບແຕ່ໄດ້ຮັບການສ້າງຕັ້ງຂຶ້ນ ກໍໄດ້ສືບທອດອຸດົມການອັນຍິ່ງໃຫຍ່ຂອງພັກກອມມູນິດອິນດູຈີນ, ກຳນົດທາດແທ້, ອຸດົມການ ແລະ ແນວທາງການເມືອງຂອງຕົນອອກຢ່າງຈະແຈ້ງ ແລະ ຖືກຕ້ອງກັບລັກສະນະຈຸດພິເສດຂອງປະເທດເຮົາ ສາມາດນໍາພາທົ່ວປວງຊົນລາວຜາບແພ້ຈັກກະພັດຜູ້ຮຸກຮານ ຍາດເອົາເອກະລາດມາໃຫ້ປະເທດຊາດ ແລະ ປະຊາຊົນໄດ້ຢ່າງສົມບູນ ໃນວັນທີ 2 ທັນວາ 1975. ການກໍ່ສ້າງໂຄງການດັ່ງກ່າວ ມີຫ້ອງວ່າການສູນກາງພັກ, ກະຊວງປ້ອງກັນປະເທດ ແລະ ອົງການປົກຄອງແຂວງຫົວພັນ ເປັນເຈົ້າການໃນການຄົ້ນຄວ້າ ແລະ ດຳເນີນການກໍ່ສ້າງ ຊຶ່ງພາຍຫຼັງການກໍ່ສ້າງສຳເລັດ ຈະມີການວາງແຜນລະອຽດ ເພື່ອປົກປັກຮັກສາອະນຸລັກໄວ້ ແລະ ດຳເນີນການໂຄສະນາເສີມຂະຫຍາຍຢ່າງແຂງແຮງ ໃຫ້ກາຍເປັນສະຖານທີ່ທ່ອງທ່ຽວ ຄົ້ນຄວ້າຮໍ່າຮຽນ ຂອງພະນັກງານການນໍາຮຸ່ນສືບທອດ, ລູກ-ຫຼານຂອງປະຊາຊົນບັນດາເຜົ່າ, ເປັນບ່ອນຄົ້ນຄວ້າຮໍ່າຮຽນເອົາມູນເຊື້ອປະຕິວັດອົງອາດກ້າຫານ ບໍ່ຍອມຈໍານົນ ຂອງວິລະບູລຸດຂອງພວກເຮົາ. (ຂ່າວ - ພາບ: ສຸກສະຫວັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com