Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ແນວລາວສ້າງຊາດ ຄໍາມ່ວນສໍາເລັດກອງປະຊຸມໃຫຍ່ ຄັ້ງທີ VIII

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 07/12/2020 16:18:48 ຈຳ​ນວນ​​ຢ້ຽມ​ຊົມ 2652 ຄັ້ງ

   ກອງປະຊຸມໃຫຍ່​ຜູ້ແທນແນວລາວສ້າງຊາດແຂວງ​ຄໍາມ່ວນຄັ້ງທີ VIII ໄດ້ເປີດຂຶ້ນເມື່ອບໍ່​ດົນ​ມານີ້, ທີ່ສະໂມສອນໃຫຍ່ຂອງແຂວງພາຍໃຕ້ຄໍາຂວັນ ເພີ່ມທະວີຄວາມສາມັກຄີປອງດອງທົ່ວປວງຊົນລາວຊາວແຂວງຄໍາມ່ວນ, ແຂ່ງຂັນຍ້ອງຍໍຮັກຊາດ ແລະ ພັດທະນາ ໂດຍ​ເປັນ​ກຽດ​ເຂົ້າ​ຮ່ວມ​ຂອງ ທ່ານ ວັນໄຊ ພອງສະຫວັນ ເລຂາຄະນະບໍລິຫານງານພັກແຂວງ ຮັກສາການເຈົ້າແຂວງຄໍາມ່ວນ, ມີທ່ານ ຈັນທະວົງ ແສນອາມາດມົນຕີ ຮອງປະທານ​ສູນກາງແນວລາວສ້າງຊາດ, ມີພາກ​ສ່ວນ​ກ່ຽວ​ຂ້ອງອ້ອມຂ້າງແຂວງ, ພະນັກງານອາວຸໂສບໍານານ ແລະ ແຂກຖືກເຊີນເຂົ້າຮ່ວມ.

ກອງປະຊຸມໄດ້ຮັບຟັງບົດລາຍງານການເມືອງຜົນການຈັດຕັ້ງປະຕິບັດມະຕິກອງປະຊຸມໃຫຍ່ຜ້ແທນແນວລາວສ້າງຊາດແຂວງຄໍາມ່ວນ ຄັ້ງທີ VII ​ຊຶ່ງສະເໜີໂດຍທ່ານ ຈັນ ບຸບຜາລີວັນ ກໍາມະການ​ສູນກາງແນວລາວສ້າງຊາດ ປະທານແນວລາວສ້າງຊາດແຂວງຄໍາມ່ວນ, ເປັນຕົ້ນແມ່ນສະພາບກ້ອນກໍາລັງຄວາມສາມັກຄີພາຍໃນແຂວງ, ບັນດາຜົນງານອັນພົ້ນເດັ່ນທີ່ຍາດມາໄດ້ໃນ 5 ປີຜ່ານມາ ຊຶ່ງໄດ້ປະກອບສ່ວນອັນສໍາຄັນເຂົ້າໃນການສ້າງພື້ນຖານ ແລະ ທ່ວງທ່າໃໝ່ໃຫ້ແກ່ການສືບຕໍ່ເຕົ້າໂຮມຄວາມສາມັກຄີປະຊາຊົນບັນດາເຜົ່າໃຫ້ເປັນປຶກແຜ່ນແໜ້ນໜາກໍຄືການຂະຫຍາຍຕົວທາງດ້ານເສດຖະກິດ-ສັງຄົມພາຍໃນແຂວງໃຫ້ໄປຕາມທິດ ແລະ ຈຸດ​ໝາຍທີ່ວາງໄວ້ ພ້ອມທັງວາງທິດທາງໜ້າທີ່ ແລະ ວຽກງານຈຸດສຸມທີ່ຈະສູ້ຊົນຈັດຕັ້ງປະຕິບັດໃນ 5 ປີຕໍ່ໜ້າ ແລະ ໄດ້ຮັບຟັງການປະກອບຄໍາເຫັນຈາກພາກສ່ວນກ່ຽວຂ້ອງໃນການປະຕິບັດບົດບາດພາຄີ ແລະ ຄູ່ຮ່ວມງານ, ບົດບາດຂອງສະພາປະຊາຊົນແຂວງຕໍ່ອົງການແນວລາວສ້າງຊາດໃນວຽກງານການຕິດຕາມ, ແກ້ໄຂຫາງສຽງສັງຄົມ ແລະ ບົດຮຽນການສ້າງຕັ້ງກອງທຶນຜູ້ອາຍຸສູງຕິດພັນກັບການພັດທະນາດ້ານກະສິກໍາ (ນາໄຮ່ໃຫຍ່), ຮັບຮອງເອົາບົດສໍາຫຼວດການນໍາພາຂອງຄະນະກໍາມະການແນວລາວສ້າງຊາດແຂວງສະໄໝທີ VII ທີ່ໄດ້ຕີລາຄາສູງຕໍ່ຄວາມພະຍາຍາມອັນຕັ້ງໜ້າ ແລະ ຄວາມເປັນເຈົ້າການປະດິດສ້າງໃນການສຶກສາອົບຮົມ, ເສີມຂະຫຍາຍ​ມູນເຊື້ອ ແລະ ບົດຮຽນເຂົ້າໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VII ໄດ້ຮັບຜົນສໍາເລັດ.

ກອງປະຊຸມໄດ້ຜ່ານມາດຖານເງື່ອນໄຂ ແລະ ແຈ້ງລາຍຊື່ເປົ້າໝາຍຊຸດໃໝ່ເພື່ອສະເໜີຜູ້ແທນກອງປະຊຸມຮັບຮອງເອົາຄະນະກໍາມະການແນວລາວສ້າງຊາດແຂວງສະໄ​ໝທີ VIII ຈຳນວນ 85 ທ່ານ, ພະສົງ 3 ອົງ, ຍິງ 11 ທ່ານ. ໃນນັ້ນ, ຮັບຮອງເອົາຄະປະຈໍາແນວລາວສ້າງຊາດຈໍານວນ 7 ທ່ານ,ຮັບຮອງເອົາປະທານ ແລະ ຮອງປະທານ 4 ທ່ານຄື: ທ່ານ ຈັນ ບຸບຜາລີວັນ ເປັນປະທານແນວລາວສ້າງຊາດແຂວງ, ທ່ານ ສຸກກະເສີມ ອຸດອນ, ທ່ານ ນາງ ໂພສະນາໂກດມະນີ ແລະ ທ່ານ ພຸດທະວົງ ພົນອາສາ ເປັນຮອງປະທານແນວລາວສ້າງຊາດແຂວງຄໍາມ່ວນ, ຮັບຮອງເອົາປະທານ-ຮອງປະທານກວດກາ 5 ທ່ານປະກອບມີ ທ່ານ ສຸກກະເສີມ ອຸດອນ ເປັນປະທານກວດກາ, ທ່ານ ນາງ ມະນີຄົມພົງເຂັມທອງ, ທ່ານ ຫົງຄໍາ ໄຊຍະວົງ, ທ່ານ ຈັນທອນ ອິນສອນ ແລະ ທ່ານ ກາລະສິນ ເມກສຸວັນ ເປັນຮອງປະທານກວດກາ. ໂອກາດນີ້, ທ່ານ ຈັນທະວົງ ແສນອາມາດມົນຕີ ໄດ້້ໂອ້ລົມຕໍ່ກອງປະຊຸມດັ່ງກ່າວ ຊຶ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການເຄື່ອນໄຫວຂອງຄະນະກໍາມະການແນວລາວສ້າງຊາດແຂວງໃນ 5 ປີຜ່ານມາ ແລະ ທ່ານ ໄດ້ຮຽກຮ້ອງໃຫ້ແນວສ້າງຊາດແຕ່ລະຂັ້ນ, ຄະນະກໍາມະການແນວລາວສ້າງຊາດແຂວງຊຸດໃໝ່ໃຫ້ເອົາໃຈໃສ່ສຶກສາອົບຮົມ, ຂົນຂວາຍ, ເຕົ້າໂຮມຄວາມສາມັກຄີໃຫ້ເປັນປຶກແຜ່ນແໜ້ນໜາ, ເສີມຂະຫຍາຍກໍາລັງແຮງທົ່ວສັງຄົມໂດຍຕິດພັນກັບການເສີມຂະຫຍາຍສິດເປັນເຈົ້າຂອງປະຊາຊົນຕາມກົນໄກອີງໃສ່ປະຊາຊົນ, ໃຫ້ປະຊາຊົນໄດ້ເຂົ້າຮ່ວມຈັດຕັ້ງປະຕິບັດ ແລະ ຕິດຕາມ, ກວດກາ, ເສີມຂະຫຍາຍມູນເຊື້ອສາມັກຄີປອງດອງຂອງປະຊາຊົນບັນດາເຜົ່າ, ຍົກສູງການສ້າງຄອບຄົວແລະ ບ້ານສາມັກຄີປອງດອງ, ການສ້າງກອງທຶນພັດທະນາ-ກອງທຶນສາມັກຄີຕິດພັນກັບການສ້າງບ້ານພັດທະນາ ແລະ ການແກ້ໄຂຄວາມທຸກຍາກຂອງປະຊາຊົນຕາມແຜນພັດທະນາເສດຖະກິດ-ສັງຄົມຂອງແຂວງ ແລະ ເມືອງວາງອອກ, ພ້ອມທັງຮຽກຮ້ອງໃຫ້ຜູ້ແທນທຸກທ່ານທີ່ເຂົ້າຮ່ວມກອງປະຊຸມໃນຄັ້ງນີ້ພາຍຫຼັງສໍາເລັດກອງປະຊຸມຈົ່ງນໍາເອົາມະຕິ, ເນື້ອໃນກອງປະຊຸມນໍາໄປຈັດຕັ້ງຜັນຂະຫຍາຍໃຫ້ປະກົດຜົນເປັນຈິງ.

ຂ່າວ-ພາບ: ຈາກ ສນ​ຊ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com