ໜັງສືພິມ ປະຊາຊົນ

ໃຕ້ການນຳຂອງພັກ ວິທະຍາໄລ ໄຊສົມບັດ ເຕັກໂນໂລຊີ ສ້າງໄດ້ບຸກຄະລາກອນທີ່ມີຄຸນນະພາບ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 08/12/2020 10:05:44 ຈຳນວນຢ້ຽມຊົມ 5553 ຄັ້ງ

ໂດຍ: ແສງຈັນ

ພັກປະຊາຊົນ ປະຕິວັດລາວ ຖືວຽກງານພັດທະນາຊັບ ພະຍາກອນມະນຸດເປັນວຽກງານສໍາຄັນ ແລະ ເປັນບຸລິມະ ສິດເປັນປັດໄຈຫຼັກຕັດສິນການຄົງຕົວ ແລະ ການຂະຫຍາຍ ຕົວຂອງປະເທດຊາດ.
ສະຫາຍ ສຸກສະຫວັນ ໄຊສົມບັດ ຜູ້ອໍານວຍການວິ ທະຍາໄລ ໄຊສົມບັດ ເຕັກໂນໂລ ຊີ ໄດ້ລາຍງານວ່າ: ຕະຫຼອດໄລ ຍະເວລາທີ່ຜ່ານມາ ພັກ-ລັດ ຖະບານ ໄດ້ເອົາໃຈໃສ່ເປັນພິ ເສດຕໍ່ການພັດທະນາຊັບພະ ຍາກອນມະນຸດແຫ່ງຊາດ ເພື່ອເຮັດໃຫ້ວຽກງານເຕີບໃຫຍ່ຂະ ຫຍາຍຕົວ ແລະ ເຂັ້ມແຂງເປັນກ້າວໆຄືດັ່ງວິທະຍາໄລ ໄຊສົມ ບັດເຕັກໂນໂລຊີກໍແມ່ນໜຶ່ງວິ ທະຍາໄລທີ່ໄດ້ສ້າງສີມືແຮງງານ ເພື່ອຕອບສະໜອງຄວາມຮຽກຮ້ອງຕ້ອງການຂອງສັງຄົມພາຍໃນແຂວງໄດ້ເປັນຢ່າງດີ ໂດຍສະເພາະໄດ້ສຸມໃສ່ການສ້າງ ແລະ ພັດທະນາສີມືແຮງ ງານໃຫ້ມີຄວາມຮູ້ຄວາມສາ ມາດຊໍານານງານ ມີລະບຽບວິ ໄນ ແລະ ມີວຽກເຮັດງານທໍາ ຕອບສະໜອງຄວາມຕ້ອງ ການຂອງຕະຫຼາດແຮງງານ ແລະ ເຊື່ອມໂຍງເຂົ້າກັບພາກພື້ນ, ປະ ກອບສ່ວນເຂົ້າໃນການພັດທະ ນາເສດຖະກິດ-ສັງຄົມຂອງ ແຂວງ ໃນແຕ່ລະໄລຍະ; ວິທະ ຍາໄລ ໄຊສົມບັດ ເຕັກໂນໂລຊີ, ເປັນສະຖາບັນການສຶກສາພາກ ເອກະຊົນແຫ່ງດຽວໃນແຂວງ ສະຫວັນນະເຂດ, ມີພະນັກ ງານ, ຄູ-ອາຈານທັງໝົດ 82 ສະຫາຍ ຍິງ 38 ສະຫາຍ, ວຸດທິການສຶກສາປະລິນຍາເອກ 4 ສະຫາຍ,ໂທ 10 ສະຫາຍ, ຕີ 40 ສະຫາຍ, ຊັ້ນສູງ 22 ສະຫາຍ, ຊັ້ນກາງ 7 ສະຫາຍກໍາລັງຄົ້ນ ຄວ້າສຶກສາປະລິນຍາຕີ 2 ສະ ຫາຍ, ປະລິນຍາໂທ 1 ສະຫາຍ ໂດຍເຫັນໄດ້ຄວາມສໍາຄັນຂອງການພັດທະນາຊັບພະຍາກອນມະນຸດ ຕິດພັນກັບວິຊາຊີບສີມື ແຮງງານ ເພື່ອພັດທະນາເສດ ຖະກິດ-ສັງຄົມຂອງແຂວງຕອບ ສະໜອງແກ່ການສ້າງສາພັດ ທະນາປະເທດຊາດ, ແກ້ໄຂຄວາມທຸກຍາກໃຫ້ຜູ້ຮຽນຈົບສາຍສາມັນສຶກສາໄດ້ເຂົ້າຮຽນວິຊາຊີບສ້າງວຽກເຮັດງານທໍາຫຼາຍຂຶ້ນ. ປັດຈຸບັນ, ວິທະຍາໄລ ມີອາຄານຮຽນ, ຫໍພັກຄູ- ອາ ຈານ, ຫ້ອງພັກນັກສຶກສາ, ມີສະໂມສອນ, ມີຫ້ອງປະຕິບັດຕົວຈິງຂອງແຕ່ລະສາຂາວິຊາຮຽນ, ມີຫ້ອງສະໝຸດ ຊຶ່ງລວມມູນຄ່າໃນການກໍ່ສ້າງທັງໝົດ 75 ຕື້ກີບ; ການຈັດຕັ້ງການຮຽນ -ການສອນແມ່ນໄປຕາມຫຼັກ ສູດຄື: ຮຽນພາກທິດສະດີ ຄຽງຄູ່ ກັບພາກການປະຕິບັດຕົວຈິງ ແລະ ມີສື່ການຮຽນ-ການສອນຢ່າງຄົບຖ້ວນຕາມຫຼັກສູດທີ່ໄດ້ກໍານົດໄວ້ ເປັນຕົ້ນຫ້ອງທົດລອງ ພ້ອມດ້ວຍອຸປະກອນທົດ ລອງ. ຄຽງຄູ່ກັນນັ້ນຍັງໄດ້ເອົາໃຈໃສ່ພັດທະນາບັນດາພະນັກງານ, ຄູ-ອາຈານໃຫ້ມີຄວາມຮູ້ສູງຂຶ້ນ ຊຶ່ງສະແດງອອກໄດ້ສົ່ງໄປຮຽນ ຕໍ່ທັງພາຍໃນ ແລະ ຕ່າງປະເທດ ຄື: ການອົບຮົມຄູ ເພື່ອເປັນຄູ ຝຶກ ພັດທະນາສີມືແຮງງານ, ຝຶກ ອົບ ຮົມວຽກງານໄຟຟ້າເອເລັກໂຕຣນິກ, ການບໍລິຫານໂຮງແຮມ, ການຂຽນໂປຣແກຣມຄອມພິວ ເຕີຫຸ່ນຍົນ ແລະ ອື່ນໆ. ສະນັ້ນຈຶ່ງເຫັນໄດ້ວ່າ ຜ່ານການຈັດຫຼັກ ສູດການຮຽນ-ການສອນປະ ກອບດ້ວຍ 4 ຄະນະພາກວິຊາ ຄື: ຄະນະພາກວິຊາອຸດສາຫະ ກໍາ, ຄະນະພາກວິຊາວິທະຍາ ສາດຄອມພິວເຕີ-ໄອທີ, ຄະນະ ພາກວິຊາບໍລິຫານທຸລະກິດ, ຄະນະພາກວິຊາພາສາຕ່າງປະ ເທດ ຊຶ່ງປະກອບມີ 10 ສາຂາວິຊາຮຽນ ແລະ ໄດ້ສ້າງຊັບພະ ຍາກອນມະນຸດຮັບໃຊ້ສັງຄົມຄື: ສາຂາໄຟຟ້າເຕັກນິກຮຽນຈົບ 309 ຄົນ ມີວຽກເຮັດງານທໍາ 52% ສ້າງທຸລະກິດສ່ວນຕົວໄດ້ 3%, ສາຂາກໍ່ສ້າງເຄຫາສະ ຖານ 51 ຄົນ ໄດ້ວຽກເຮັດງານທໍາ 100%, ສາຂາເຕັກໂນໂລຊີຫຸ່ນຍົນ 111 ຄົນ ໄດ້ວຽກເຮັດງານທໍາ 56%, ສ້າງອູ່ສ້ອມແປງດ້ວຍທຶນຕົນເອງ 19%, ສາຂາເຕັກໂນໂລຊີການຜະລິດ ແລະ ສ້ອມແປງລົດຈັກ 69 ຄົນ ມີວຽກເຮັດງານທໍາ 100%, ສາຂາບໍລິ ຫານທຸລະກິດຈັດການ 651 ຄົນ ມີວຽກເຮັດງານທໍາ 46% ທຸລະກິດຕົນເອງ 23% ສາຂາເຕັກໂນໂລຊີຂໍ້ມູນຂ່າວສານໄອທີ 660 ຄົນ ໄດ້ວຽກເຮັດງານທໍາ 45%, ບັນຊີການເງິນ 246 ຄົນ ໄດ້ວຽກເຮັດງານທໍາ 60% ທຸລະກິດຕົນເອງ 24%, ສາຂາວິຊາພາສາອັງກິດ 25 ຄົນ ມີວຽກເຮັດ ງານທໍາ 100%.
ໄດ້ຈັດຝຶກອົບຮົມ 9 ສາ ຂາວິຊາຊີບໄດ້ແກ່: ຊ່າງສ້ອມ ແປງລົດຈັກ, ຊ່າງສ້ອມແປງກົນຈັກຂະໜາດນ້ອຍ, ຕິດຕັ້ງໄຟຟ້າ ແລະ ອາຄານ, ຊ່າງກໍ່ ສ້າງ, ຊ່າງໄມ້, ຕັດຫຍິບ, ປຸງແຕ່ງອາຫານ, ເລຂານຸການ ແລະ ບັນຊີ ເປັນຕົ້ນໃຫ້ແກ່ຜູ້ ດ້ອຍໂອກາດພາຍໃນ 14 ຕົວເມືອງ 1 ນະຄອນໄກສອນ. ນອກ ຈາກນັ້ນ, ຄູ ແລະ ນັກສຶກສາ ແຕ່ລະຮຸ່ນຍັງໄດ້ປະດິດສ້າງເຄື່ອງຈັກຂະໜາດນ້ອຍຮັບໃຊ້ ການຜະລິດໃຫ້ໄດ້ຫຼາຍຊະ ນິດ ສາມາດສ້າງໂຮງງານທີ່ເດັ່ນສະ ແດງອອກຄື: ປະກອບວົງຈອນຕິດຕັ້ງໄຟຟ້າໃນອາຄານ, ຄວບຄຸມປໍ້ານໍ້າດ້ວຍສະວິກລູກລອຍ, ຕິດຕັ້ງໄຟຟ້າຄວບຄຸມດ້ວຍລະ ບົບລີໂມດ, ການຄວບຄຸມ ດ້ວຍ ມໍເຕີແບບຈ໊ອກກິ້ງ, ການຕໍ່ມໍເຕີແບບ 3 ແຈ ແລະ ອື່ນໆ, ໂຮງ ງານຈໍາລອງລະບົບສົ່ງກໍາລັງ ລົດຍົນ, ໂຮງງານການເຮັດວຽກ ຂອງເຄື່ອງຈັກກາຊວນ 4 ສູບ, ເຄື່ອງອັດເມັດຫົວອາຫານ, ເຄື່ອງບົດ, ເຄື່ອງຍ່ອຍສະຫຼາຍຊິ້ນໄມ້ເຮັດຝຸ່ນ, ເຄື່ອງຕັດຫຍ້າແບບບັງຄັບ, ເຄື່ອງຄົ້ນຂະຫຍາຍຝ້າຍມັດມີ່, ເຄື່ອງບົດຢວກກ້ວຍ ເພື່ອເຮັດອາຫານລ້ຽງສັດ, ເຄື່ອງຈໍາລອງຕິດຕັ້ງກ້ອງວົງຈອນປິດ, ສ້າງແບບເຮືອນຈໍາລອງຈໍານວນ 8 ຊຸດ. ຖ້າທຽບໃສ່ຄວາມຮຽກຮ້ອງຕ້ອງການໃນສັງຄົມກໍ ຄືຕະຫຼາດແຮງງານແລ້ວຍັງມີສິ່ງທ້າທາຍເຊັ່ນ: ທັດສະນະຄະ ຕິຂອງນັກຮຽນນັກສຶກສາຍັງບໍ່ບັນລຸໄດ້ສະແດງອອກຢູ່ບ່ອນວ່າ: ເມື່ອຮຽນຈົບແລ້ວຍັງຢາກເຮັດວຽກນໍາພັກ-ລັດ, ແນວຄິດກຸ້ມຕົນເອງ ເພິ່ງຕົນເອງ ສ້າງໃຫ້ເປັນຜູ້ປະກອບການແມ່ນມີໜ້ອຍ, ການຕິດຕາມນັກສຶກ ສາທີ່ຮຽນຈົບແລ້ວຍັງບໍ່ທັນທົ່ວເຖິງ, ໂອກາດເຂົ້າເຖິງ ການສຶກ ສາຂອງເດັກ ແລະ ຊາວໜຸ່ມເຂດ ຫ່າງໄກສອກຫຼີກຊົນເຜົ່າຍັງມີໜ້ອຍ.
ທິດທາງໃນຕໍ່ໜ້າ, ຈະກໍ່ສ້າງ ອາຄານຮຽນຝຶກຕົວຈິງຢູ່ວິທະຍາເຂດໜອງຜື ນະຄອນ ໄກສອນ ພົມວິຫານ, ສ້າງ ແລະ ປັບປຸງຫຼັກ ສູດການຮຽນ-ການສອນໃຫ້ນັບ ມື້ນັບດີຂຶ້ນ, ສືບຕໍ່ຕິດຕາມນັກ ສຶກສາທີ່ຮຽນຈົບແລ້ວ, ສືບຕໍ່ລົງໂຄສະນາເຜີຍແຜ່ຄວາມສໍາຄັນຂອງວຽກງານການສຶກສາໃຫ້ກັບປະຊາຊົນຜູ້ປົກຄອງເດັກ. ສະເໜີໃຫ້ການນໍາຂອງແຂວງປັບປຸງເສັ້ນທາງ, ດຶງຕາຂ່າຍໄຟຟ້າ, ນໍ້າປະປາໄປຮອດ ບ້ານໜອງຜື ເພາະວ່າວິທະ ຍາໄລຈະໄດ້ຂະຫຍາຍໂຮງຮຽນ ໄປເຖິງສະຖານທີ່ດັ່ງກ່າວ ແລະ ຊ່ວຍລະດົມຊາວໜຸ່ມທີ່ຮຽນຈົບ ມ ຕົ້ນ, ມ ປາຍ ເຂົ້າມາຮຽນວິຊາ ຊີບ ຫຼື ສາຍອາຊີວະໃຫ້ຫຼາຍຂຶ້ນ.