ສູນ​ກາງ​ແນວ​ລາວ​ສ້າງ ຊາດ (ສນຊ) ໄດ້​ຈັດ​ກອງປະຊຸມ​ ຄະນະ​ປະ​ຈໍາ​ສູນ​ກາງແນວລາວ​ ສ້າງ​ຊາດ​ເປີດ​ກວ້າງ ​ຄັ້ງ​ທີ 5 ສະ ໄໝ​ທີ X ຂຶ້ນ​ໃນ​ວັນ​ທີ 9 ທັນວາ​ນີ້ ທີ່ ສນຊ, ພາຍໃຕ້ການເປັນ ​ປະທານ​ຂອງ​ທ່ານ  ໄຊ​ສົມພອນ ພົມວິຫານ  ກໍາມະການ​ກົມ​ການ ເມືອງ​ສູນ​ກາງ​ພັກ   ປະທານສູນ​ກາງ​ແນວ​ລາວ​ສ້າງ​ຊາດ,  ມີ​ຮອງ​ປະທານ,  ຄະນະ​ປະ​ຈໍາ,  ກໍາ​ມະ​ການ  ສນຊ,  ປະທານ​ແນວ​ລາວສ້າງ​ຊາດເມືອງ,  ແຂວງ, ນະຄອນຫຼວງ​ເຂົ້າ​ຮ່ວມ.
   ທ່ານ  ໄຊ​ສົມ​ພອນ  ພົມວິຫານ  ກ່າວ​ວ່າ:  ກອງ​ປະຊຸມ​ຄັ້ງ​ນີ້​ໄດ້​ຜ່ານ​ຮ່າງ​ບົດ​ລາຍ​ງານ​ການເຄື່ອນໄຫວຂອງ​ຄະນະ​ປະ​ຈໍາ ສນຊ ໃນ 1 ປີຜ່ານມາ 2019-2020 ແລະ ທິດ​ທາງ​ແຜນການ​ໃນ​ປີ​ຕໍ່ໜ້າ  2020-2021 ​ໂດຍ​ສະເພາະ​ຜ່ານ​ບົດ​ສະຫຼຸບ​ຕີ​ລາຄາ​ການຈັດຕັ້ງ​ປະຕິບັດວຽກ​ງານ​ສ້າງ​ຄອບຄົວ ແລະ ບ້ານສາ​ ມັກ​ຄີ​​ປອງ​ດອງ,  ກຸ່ມ​ບໍລິສັດພົງ​ ສະຫວັ​ນ ຈໍາກັດ ​ປະ​ກອບ​ຄໍາ​ເຫັນກ່ຽວກັບ​ການຈັດຕັ້ງ​ປະຕິ ບັດໂຄງການ​ສ້າງ​ຄອບຄົວ ແລະ ບ້ານ​ສາມັກຄີ​ປອງດອງ ຕິດ​ພັນ​ກັບ​ການແກ້​ໄຂ​ຄວາມ ທຸກ​ຍາກ​ຂອງ​ປະຊາຊົນບັນ ດາເຜົ່າ, ແນວ​ລາວ​ສ້າງ​ຊາດ​ ແຂວງ​ໄຊ​ຍະ​ບູ​ລີ​ ລາຍ​ງານ​ໃນ​ ຫົວຂໍ້ “ຂະບວນ​ການ​ສ້າງ​ຄອບ ຄົວ ແລະ ບ້ານ​ສາມັກຄີ​ປອງ​ດອງ​ຢູ່​ແຂວງ​ໄຊ​ຍະ​ບູລີ”; ແນວ​ລາວ​ສ້າງ​ຊາດ​ ແຂວງສະຫວັນ​ນະ​ເຂດ​  ລາຍ​ງານ​  ໃນ​ຫົວຂໍ້ “ແນວ​ລາວ​ສ້າງ​ຊາດປະກອບ ສ່ວນໃນການຊຸກຍູ້​​ຂະບວນ ການແກ້​ໄຂ​ຄວາມທຸກ​ຍາກ ຂອງ​ປະຊາຊົນ​ບັນດາເຜົ່າຕິດ​ພັນ​ກັບ​ໂຄງການ​ຮ່ວມ​ມື​ກັບກຸ່ມ​ ບໍລິສັດ​ພົງ​ສະ​ຫວັ​ນຈໍາ​ກັດ”; ແນວ​ລາວ​ສ້າງ​ຊາດ​ເມືອງ​ປາກ​ຊ່ອງ​ລາຍ​ງານ ​ໃນ​ຫົວຂໍ້ “ການ​ປະກອບສ່ວນ​ຂອງ​ແນວ​ລາວ​ສ້າງ​ຊາດ​ເມືອງ ​ໃນ​ການ​ຊຸກຍູ້​ປະຊາຊົນ​ບັນດາເຜົ່າ​ຜະລິດ​ກາເຟ​ເປັນ​ສິນຄ້າ  ເພື່ອ​ແກ້​ໄຂ​ຄວາມທຸກ​ຍາກ”, ແນວ​ລາວ​ສ້າງ​ຊາດ ​ແຂວງ​ຫົວພັນ​ ໄດ້ລາຍ ​ງານ ​ໃນ​ຫົວຂໍ້ “ບົດຮຽນ​ໃນ​ການເຄື່ອນໄຫວ​ວຽກ​ງານ​ການ​ທູດ​ປະຊາຊົນ​ຢູ່​ແຂວງ​ຫົວພັນ”, ພ້ອມ​ນັ້ນ​ຍັງ​ໄດ້​ມີ​ການ​ປະດັບ​ຫຼຽນ​ໄຊ​ແຮງ​ງານ​ໃຫ້​ມູນ​ນິທິ​ຊ່ວຍເຫຼືອ​ຄົນ​ທຸກ​ຍາກ  ສປປ ລາວ ແລະ  ສາຂາ​ນະຄອນຫຼວງ​ວຽງ​ຈັນ ແລະ  ຜ່ານ​ຮ່າງ​ລາຍ ງານ​ການເມືອງ​ຂອງ​ຄະນະ​ກໍາ​ມະ​ການ​ແນວລາວ​ສ້າງ​ຊາດສະ ໄໝ​ທີ X ຕໍ່​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ​ຄັ້ງ​ທີ XI ຂອງ ສນຊ;  ຜ່ານ​ຮ່າງ​ກົດ​ລະບຽບ​ຂອງ​ແນວ​ລາວສ້າງ​ຊາດ​ສະໄໝ​ທີ XI ສະບັບ​ປັບປຸງ, ເຜີຍແຜ່​ ຂໍ້​ກໍາ​ນົດ​ຂອງ​ຄະນະ​ເລຂາທິ  ການ​ສູນ​ກາງ​ພັກ  ສະບັບ​ເລກ​ທີ 01/ຄລສພ, ລົງ​ວັນ​ທີ 30 ກັນຍາ 2020 ວ່າ​ດ້ວຍ​ລະບຽບ​ການ​ຕິດຕາມ​ກວດກາ​ຂອງ​ແນວ​ລາວ​ສ້າງ​ຊາດ  ແລະ  ອົງການ​ຈັດ​ຕັ້ງ​ມະຫາຊົນ​ຕໍ່​ບັນດາ​ອົງ​ການ​ອໍາ​ນາດ​ລັດ”;  ຜ່ານ​ຮ່າງ​ຄໍາ​ແນະ​ນໍາ​ຂອງ​ຄະ​ນະ​ກໍາ​ມະ​ການ  ສນຊ  ວ່າ​ດ້ວຍ​ເປົ້າ​ ໝາຍ​ບຸກ​ຄະລາ​ກອນ​ທີ່ເປັນ ​ປະທານ, ຮອງ​ປະທານ, ຄະນະ​ປະ​ຈໍາ,  ກໍາ​ມະ​ການ,  ຄະນະ​ກວດກາ​ຂອງ​ແນວ​ລາວ​ສ້າງ​ຊາດ​ແຂວງ​-​ນະຄອນຫຼວງ, ເມືອງ​-​ນະຄອນ ແລະ ບ້ານ.
(ຂ່າວ: ພູ​ວັນ, ພາບ: ບຸນ​ອູ້ມ)