Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກະຊວງກະສິກຳ ແລະ ປ່າໄມ້ ຖືສຳຄັນບັນຫາ ບົດບາດຍິງ-ຊາຍ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 16/12/2020 15:56:31 ຈຳ​ນວນ​​ຢ້ຽມ​ຊົມ 5016 ຄັ້ງ

  ໂດຍ:  ສ.ຣາ

ວຽກ​ງານ​ຂະແໜງ​ກະ ສິກຳ ແລະ ປ່າໄມ້ ແມ່ນ​ວຽກ​ງານ​ໜຶ່ງ​ທີ່​ຕິດ​ພັນ​ກັບ​ຊາວ​ກະສິກອນ   ແລະ  ຊາວ​ກະສິກອນ​ແມ່ນ​ກວມ​ເອົາ 70% ຂອງ​ພົນລະເມືອງ​ລາວ, ພ້ອມ​ດຽວ​ກັນ​ນັ້ນ ແຮງ​ງານ​ຕົ້ນຕໍ​ຂອງ​ຊາວ​ກະສິກອນ​ລ້ວນ​ແຕ່​ແມ່ນ​ເພດ​ຍິງ​ເປັນ​ສ່ວນ​ຫຼາຍ, ແມ່ຍິງ​ລາວ​ເຮົາ​ມີ​ມູນເຊື້ອ​ດຸໝັ່ນ​ຫ້າວຫັນ​ມາ​ແຕ່​ດົນ​ນານ​ແລ້ວ ຊຶ່ງ​ໄດ້​ເຮັດ​ວຽກ​ງານ​ຄຽງ​ບ່າ​ຄຽງ​ໄລ່​ກັບ​ເພດ​ຊາຍ ບໍ່​ວ່າ​ໃນ​ຍາມ​ເສິກ​ສົງຄາມ ກໍ​ຄື​ຍາມ​ປົກ​ປັກ​ຮັກສາ ແລະ ສ້າງສາ​ປະເທດ​ຊາດ. ສະນັ້ນ, ການ​ຍົກ​ສູງ​ບົດບາດ​ຍິງ​-​ຊາຍ ໃນ​ຂະແໜງ​ກະສິກຳ ແລະ ປ່າໄມ້ ແມ່ນ​ມີ​ຄວາມ​ຈຳເປັນ​ພາວະ​ວິໄສ, ຂະແໜງ​ກະສິກຳ ແລະ ປ່າໄມ້​ໄດ້​ຖື​ເອົາ​ວຽກ​ງານ​ສົ່ງເສີມ​ບົດບາດ​ຍິງ​-​ຊາຍ ເປັນ​ວຽກ​ງານ​ໜຶ່ງ​ທີ່​ສຳຄັນ ເຫັນ​ໄດ້​ຈາກ​ການ​ຈັດ​ໃຫ້​ມີ​ການ​ຝືກ​ອົບຮົມ ແລະ ກອງ​ປະຊຸມ​ສຳ​ມະ​ນາ​ວິຊາ​ການ​ຕ່າງໆ​ກ່ຽວ​ກັບ​ບົດບາດ​ຍິງ​-​ຊາຍ.
ໃນ​ຕົ້ນ​ເດືອນ​ທັນວານີ້ ກໍ​ໄດ້​ມີ​ການ​ຈັດ​ຝຶກ​ອົບຮົມ “ການ​ນຳ​ໃຊ້​ເຄື່ອງມື​ລະບົບ​ຕິດຕາມ ກວດກາ ແລະ ປະ​ເມີນ​ຜົນ ໃນ​ການຈັດຕັ້ງ​ປະຕິບັດ​ວຽກ​ບົດບາດ​ຍິງ​-​ຊາຍ ໃນ​ວຽກ​ງານ​ປ່າໄມ້” ທີ່​ໂຮງແຮມ​ວຽງ​ຈັນ​ພ​ລາຊາ ພາຍ​ໃຕ້​ການ​ເປັນ​ປະທານ​ຂອງ​ທ່ານ ບົວ​ລີ ພະ​ເມືອງ ຮອງ​ຫົວໜ້າ​ກົມ​ປ່າໄມ້, ມີ​ຫົວໜ້າ, ຮອງ​ຫົວໜ້າ​ພະ​ແນ​ກ​ອ້ອມ​ຂ້າງ​ກົມ​ປ່າໄມ້ ແລະ ກົມ​ກວດກາ​ປ່າໄມ້, ຄະນະ​ຜູ້​ຊີ້​ນຳ​ຄວາມ​ກ້າວໜ້າ​ແມ່​ຍິງ​-​ເດັກ ຈາກ​ກົມ​ປ່າໄມ້ ແລະ ກົມ​ກວດກາ​ປ່າໄມ້, ມີ​ພະນັກງານ​ຕາງໜ້າ​ອົງການ​ຈັດ​ຕັ້ງ​ມະຫາຊົນ ຈາກ​ກົມ​ກວດກາ​ປ່າໄມ້ ແລະ ກົມ​ປ່າໄມ້, ຕາງໜ້າ​ຈາກ​ອົງການ​ຈັດ​ຕັ້ງ​ທາງ​ສັງຄົມ,  ຜູ້​ປະສານ​ງານ​ໂຄງການ​ສົ່ງເສີມ​ຜູ້ນຳ​ດ້ານ​ບົດບາດ​ຍິງ​-​ຊາຍ ໃນ ສປປ​ ລາວ ແລະ ທີ​ມ​ງານ​ຈາກ​ອົງການ​ລີ​ຄອບ​ປະຈຳ​ລາວ​ເຂົ້າ​ຮ່ວມ. ຈຸດປະສົງ​ໃນ​ການ​ຈັດ​ຝຶກ​ອົບຮົມ​ໃນ​ຄັ້ງ​ນີ້​ກໍ​ເພື່ອ​ເປັນ​ການ​ສ້າງ​ໂອກາດ ໃນ​ການ​ປືກ​ສາ​ຫາລື ທີ່​ມີ​ລັກສະນະ​ວິຊາ​ການ ແລກປ່ຽນ​ບົດຮຽນ​ ຊຶ່ງ​ກັນ​ແລະ​ກັນ ເພື່ອ​ສາມາດ​ນຳ​ໃຊ້​ເຄື່ອງມື​ຕິດຕາມ​ກວດກາ, ປະ​ເມີນ​ຜົນ ແລະ ທົບ​ທວນຄືນ​ການຈັດຕັ້ງ​ປະຕິບັດ​ວຽກ​ບົດບາດ​ຍິງ​-​ຊາຍ ໃນ​ຂະແໜງ​ປ່າໄມ້ ແລະ ປັບປຸງ​ຂອດ​ການ​ປະສານ​ງານ​ພາຍ​ໃນ​ກະຊວງ​ກະສິກຳ ແລະ ປ່າໄມ້ ໂດຍ​ສະເພາະ ລະຫວ່າງ​ພະ​ແນ​ກ​ສົ່ງເສີມ​ຄວາມ​ກ້າວໜ້າ​ຂອງ​ແມ່ຍິງ ແລະ ເດັກ ກັບ​ກົມ​ກວດກາ​ປ່າໄມ້, ກົມ​ປ່າໄມ້ ແລະ ອົງການ​ຈັດ​ຕັ້ງ​ທາງ​ສັງຄົມ​ທີ່​ເຄື່ອນ​ໄຫວ​ໃນ​ເຄືອ​ຂ່າຍ FLEGT VPA, REDD+ ຊຶ່ງ​ຈະ​ເຮັດ​ໃຫ້​ພະນັກງານ​ວິຊາ​ການ​ສາມາດ​ລາຍ​ງານ ແລະ ສະໜອງ​ຂໍ້​ມູນ​ໃຫ້ການ​ນຳ​ກະຊວງ​ຢ່າງ​ມີ​ປະສິດ​ທິພາ​ບ.
ໄລຍະ​ຜ່ານ​ມາ ການ​ຕິດຕາມ​ລາຍ​ງານ ແລະ ເກັບ​ກຳ​ຂໍ້​ມູນ​ດ້ານ​ບົດບາດ​ຍິງ​-​ຊາຍ ຍັງ​ມີ​ສິ່ງ​ທ້າ​ທາຍ​ຫຼາຍ​ຢ່າງ ໂດຍ​ສະເພາະ​ຄວາມ​ບໍ່​ສະເໝີພາບ​ທາງ​ດ້ານ​ຂໍ້​ມູນ ແລະ ການ​ກຳນົດ​ຂອດ​ການ​ປະສານ​ງານ​ກັບ​ພາກສ່ວນ​ພາຍ​ໃນ ແລະ ພາກສ່ວນ​ອື່ນ ທີ່​ເຄື່ອນ​ໄຫວ​ກ່ຽວ​ກັບ​ວຽກ​ສົ່ງເສີມ​ຄວາມ​ກ້າວໜ້າ​ຂອງ​ແມ່ຍິງ​ເພື່ອ​ສາມາດ​ຕີ​ລາຄາ​ດ້ານ​ການ​ປ່ຽນແປງ​ຂອງ​ແມ່ຍິງ ໃນ​ວຽກ​ງານ​ຕ່າງໆ. ສະນັ້ນ, ການ​ນຳ​ໃຊ້​ເຄື່ອງມື ລະບົບ​ຕິດຕາມ ກວດກາ ແລະ ປະ​ເມີນ​ຜົນ ໃນ​ການຈັດຕັ້ງ​ປະຕິບັດ​ວຽກ​ງານ​ບົດບາດ​ຍິງ​-​ຊາຍ ໃນ​ວຽກ​ງານ​ປ່າໄມ້ ກໍ​ຖື​ວ່າ​ເປັນ​ເຄື່ອງມື​ໜຶ່ງ​ທີ່​ສຳຄັນ ທີ່​ສາມາດ​ໃຊ້​ໃນ​ການ​ຕິດຕາມ​ການເຄື່ອນໄຫວ​ວຽກ​ງານ​ບົດບາດ​ຍິງ​-ຊາຍ ເພື່ອ​ບັນລຸ​ເປົ້າ​ໝາຍ ແລະ ຄວາມ​ຄາດ​ຫວັງ​ທີ່​ລະບຸ​ແຈ້ງ ໃນ​ແຜນ​ຍຸດທະສາດ ສົ່ງເສີມ​ຄວາມ​ກ້າວໜ້າ​ຂອງ​ແມ່ຍິງ ກະຊວງ​ກະສິກຳ ແລະ ປ່າໄມ້ ເພື່ອ​ນຳໄປ​ຈັດ​ຕັ້ງ​ຜັນ​ຂະຫຍາຍ​ເປັນ​ແຜນ​ລະອຽດ​ໃນ​ການຈັດຕັ້ງ​ປະຕິບັດ ທຸກໆ​ໜ້າ​ວຽກ ຫຼື ກິດຈະກຳ​ຕ້ອງ​ມີ​ສ່ວນ​ຮ່ວມ​ຂອງພະນັກງານ​ເພດ​ຍິງ 30-35% ຂຶ້ນ​ໄປ ແລະ ຕ້ອງ​ສ້າງ​ເງື່ອນໄຂ ເພີ່ມ​ຈຳນວນ​ແມ່ຍິງ​ເຂົ້າ​ໃນ​ຕຳແໜ່ງ​ງານ​ປ່າໄມ້​ຫຼາຍ​ຂຶ້ນ 20% .
ເຫັນ​ໄດ້​ວ່າ​ຂະແໜງ​ກະສິກຳ ແລະ ປ່າໄມ້ ໄດ້​ເອົາໃຈໃສ່​ວຽກ​ງານ​ສົ່ງເສີມ​ບົດບາດ​ຍິງ​-​ຊາຍ ໃນ​ຂະແໜງການ​ຂອງ​ຕົນ​ຢ່າງ​ຕໍ່​ເນື່ອງ, ພ້ອມ​ນັ້ນ ກໍ​ໄດ້​ສ້າງ​ແຜນ​ບຸລິ​ມະ​ສິດ ແລະ ການ​ເຮັດ​ວຽກ​ຮ່ວມ​ກັນ ​ຂອງ​ບັນດາ​ພາກສ່ວນ​ທີ່​ກ່ຽວຂ້ອງ​ເພື່ອ​ການຈັດຕັ້ງ​ປະຕິບັດ ແລະ ການ​ມີ​ສ່ວນ​ຮ່ວມ​ໃນ​ການ​ຕັດສິນ​ຂອງ​ແມ່ຍິງ ເຂົ້າ​ໃນ​ວຽກ​ງານ​ຂັ້ນ​ຕ່າງໆ ໃຫ້​ສອດຄ່ອງ​ຢ່າງ​ມີ​ປະສິດ​ທິ​ຜົນ​ຍິ່ງໆ​ຂຶ້ນ​ໄປ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com