ໜັງສືພິມ ປະຊາຊົນ

ລ້ານຊ້າງມີເນໂຣນ ມອບເງິນພາສີຊັບພະຍາກອນແຮ່ທາດ 3 ລ້ານກວ່າໂດລາ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 22/12/2020 15:13:37 ຈຳນວນຢ້ຽມຊົມ 4367 ຄັ້ງ

ເມື່ອບໍ່ດົນມານີ້, ທ່ານ ພູດົງ ສຸຂະວົງ ຮັກສາການຫົວໜ້າກົມຄຸ້ມຄອງຊັບສິນຂອງລັດ ກະຊວງການເງິນໄດ້ຮັບເງິນຄ່າພາສີຊັບພະຍາກອນແຮ່ທາດ ຈາກການຜະລິດຈຳໜ່າຍໂລຫະຄຳ ແລະ ທອງ ຂອງໄຕມາດທີ 3 ປີ 2020 ຈຳນວນ 3.037.744,05 ໂດລາ ມອບໂດຍ ທ່ານ ໂຣບິນ ຮາມິວຕັນ ຄອດ ທີ່ປຶກສາອາວຸໂສ ດ້ານການພົວພັນກັບຜູ້ມີສ່ວນຮ່ວມ, ບໍລິສັດ ລ້ານຊ້າງ ມີເນໂຣນ ລິມິເຕັດ ບໍ່ຄຳ-ທອງເຊໂປນ.
ຂ່າວແຈ້ງຕື່ມອີກວ່າ: ນັບຕັ້ງແຕ່ເລີ່ມມີການຂຸດຄົ້ນ-ປຸງແຕ່ງ-ຜະລິດຄຳ-ທອງ ແຕ່ປີ 2003 ເປັນຕົ້ນມາ ທາງບໍລິສັດ ລ້ານຊ້າງ ມີເນໂຣນ ລິມິເຕັດ ບໍ່ຄຳ-ທອງເຊໂປນ ໄດ້ປະກອບສ່ວນພັນທະຂອງຕົນທີ່ເປັນລາຍຮັບໂດຍກົງໃຫ້ແກ່ລັດຖະບານ ແຫ່ງ ສປປ ລາວ ເປັນເງິນທັງໝົດ ຫຼາຍກວ່າ 1,5 ຕື້ໂດລາ ລວມທັງຄ່າພາສີຊັບພະຍາກອນແຮ່ທາດທັງໝົດຫຼາຍກ່ວາ 363 ລ້ານໂດລາ.
(ຂ່າວ-ພາບ: ບ/ສ ລ້ານຊ້າງ ມີເນໂຣນ ລິມິເຕັດ)