Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ວຽກງານຕ່າງປະເທດຂອງພັກ ເຕີບໃຫຍ່ ຂະຫຍາຍຕົວຢ່າງຕໍ່ເນື່ອງ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 23/12/2020 08:57:54 ຈຳ​ນວນ​​ຢ້ຽມ​ຊົມ 3369 ຄັ້ງ

   ສະ​ຫາຍ   ນາງ   ສູນທອນ  ໄຊ​ຍະ​ຈັກ  ກຳ​ມະ​ການ​ສູນ​ກາງພັກ   ຫົວ​ໜ້າ​ຄະ​ນະພົວ​ ພັນຕ່າງ​ປະ​ເທດ​ສູນ​ກາງ​ພັກ ໄດ້ມີ​ຄຳ​ເຫັນ​ບາງ​ຕອນ​ກ່ຽວ​ກັບວຽກ​ງານ​ຕ່າງ​ປະ​ເທດ ຂອງ​ພັກ​ວ່າ:  ໃນ​ຊຸມ​ປີ​ຕໍ່ສູ້​ກູ້​ຊາດຈົນ​ເຖິງ​ໄຊຊະນະ​ສຸດ​ທ້າຍ​ແຫ່ງ​ການ​ປົດ​ປ່ອຍປະ​ເທດ​ຊາດ​ຢ່າງສົມບູນ  ໃນ​ປີ 1975, ອົງການ​ທີ່​ເຮັດ​ວຽກ​ງານ​ຕ່າງປະເທດ ນັບ​ທັງ ສາຍ​ພັກ  ແລະ  ສາຍ​ລັດໄດ້​ລວມ​ສູນ​ຢູ່​ບ່ອນ​ດຽວ​ນັ້ນ​ຄື: ຫ້ອງການ​ຕໍ່ສູ້​ການເມືອງ  ແລະ ຕ່າງປະເທດ​ຂອງ​ແນວ​ລາວ ຮັກ​ຊາດ ທີ່​ມີ​ສໍາ​ນັກ​ງານ​ຕັ້ງ​ຢູ່ ເມືອງ​ວຽງ​ໄຊ ແຂວງ​ຫົວ​ພັນ. 
   ເພື່ອ​ເຮັດ​ໃຫ້ການ​ປະຕິ ບັດ​ແນວທາງ​ການຕ່າງປະ ເທດ​ຂອງ​ພັກ ສາມາດ​ຮັບປະ ກັນ​ໄດ້​ທັງ​ດ້ານ​ເນື້ອ​ໃນ ແລະ ຮູບ​ການ ລວມ​ທັງ​ຮັບປະກັນ​ໄດ້​ທາງ​ດ້ານ​ປະສິດທິພາບ ແລະ ປະສິດ​ທິ​ຜົນ ໃນ​ໄລຍະ​ໃໝ່, ພາຍຫຼັງ​ປະເທດ​ຊາດ​ໄດ້​ຮັບ​ການ​ປົດ​ປ່ອຍ ແລະ ສະຖາປະນາ​ເປັນ ສປປ ລາວ ແລ້ວ, ວຽກ​ງານ​ຕ່າງປະເທດ​ທັງ​ສາຍ​ພັກ ແລະ ສາຍລັດກໍ​ຍັງ​ມີ​ແຕ່​ກະຊວງ​ການ​ຕ່າງ ປະເທດ​ເປັນ​ຜູ້​ຮັບ​ຜິດ​ຊອບ. ແຕ່​ໄລຍະ​ຕໍ່​ມາ​ ໂດຍ​ເຫັນ​ໄດ້​ຄວາມ​ສໍາ​ຄັນ​ຂອງ​ວຽກ​ງານ​ຕ່າງປະເທດ​ຂອງ​ພັກ, ກົມ​ການເມືອງ​ສູນ​ກາງ​ພັກ ຈຶ່ງ​ໄດ້​ ຕົກລົງ​ສ້າງຕັ້ງ​ຄະນະ​ພົວພັນ​ ຕ່າງປະເທດ​ສູນ​ກາງ​ພັກ​ປະ ຊາຊົນ  ​ປະຕິວັດ​ລາວ  ຂຶ້ນ​ຢ່າງ​ເປັນ​ທາງ​ການ​ ໃນ​ປີ  1983 ແລະ  ແຕ່ງຕັ້ງ​ສະຫາຍ  ພູນ       ສີ​ປະເສີດ  ເປັນ​ຫົວໜ້າ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ ຕາມ​ມະຕິ​ຂອງ​ກົມ​ການເມືອງ​ສູນ​ກາງ​ພັກ ​ປະຊາຊົນ ​ປະຕິວັດ​ລາວ ເລກ​ທີ 23/ກມສພ, ລົງ​ວັນ​ທີ   29/6/1983   ໂດຍ​ໄດ້​ຮັບຮອງ​ເອົາ​ກົດ​ລະບຽບສະ​ບັ​ບ ທໍາອິດ​ ວ່າ​ດ້ວຍກົງຈັກ​ການຈັດ ຕັ້ງ​ຂອງ​ຄະນະ​ພົວພັນ​ຕ່າງປະ    ເທດ​ສູນ​ກາງ​ພັກ. 
ຄະນະ​ພົວພັນ​ຕ່າງປະ ເທດ​ ສູນ​ກາງ​ພັກ  (ຄຕພ)  ເປັນ​ອົງ ການ​ຈັດ​ຕັ້ງ​ໜຶ່ງ​ທີ່​ຂຶ້ນ​ກັບ​ຄະນະ​ບໍລິຫານ​ງານ​ສູນ​ກາງ​ພັກ,  ມີ​ຖານະ​ທຽບ​ເທົ່າ​ກັບ​ບັນດາ​ອົງ ການຈັດຕັ້ງຂອງພັກຂັ້ນສູນ​ກາງ  ແລະ  ຢູ່​ພາຍ​ໃຕ້​ການຊີ້​ນຳ​-​ນຳພາ​ໂດຍ​ກົງ​ຂອງ​ກົມການ ເມືອງ​ສູນ​ກາງ​ພັກ  ແລະ ຄະ ນະ​ເລຂາທິການສູນກາງພັກ,  ມີ​ພາລະ​ບົດບາດ​ເປັນ​ເສນາທິ​ ການ​ໃນ​ການ​ຄົ້ນຄວ້າ​ແຜນ ​ຍຸດ ທະສາດ,  ແນວທາງ​ນະໂຍ ບາຍ​ການ​ພົວພັນຕ່າງປະເທດ​ຂອງ​ພັກ;  ຕາງໜ້າສູນ​ກາງພັກ​ ໃນ​ການ​ຕິດຕໍ່​ພົວພັນ​ຮ່ວມມື​ ກັບ​ບັນດາ​ພັກ​ການເມືອງຂອງ ​ຕ່າງປະເທດ;  ພ້ອມ​ທັງ​ເປັນ​ ເຈົ້າ​ການ​ຊີ້​ນຳ,  ແນະນຳ​ການ ເຄື່ອນໄຫວ​ວຽກ​ງານ​ການ​ພົວ ພັນ​ຕ່າງປະເທດ​ຂອງ​ບັນດາ​ອົງ ການ​ຈັດ​ຕັ້ງ​ພັກ,   ອົງການ​ ແນວ​ລາວ​ສ້າງ​ຊາດ,   ອົງການ​ຈັດຕັ້ງ​ ມະຫາຊົນ,  ການ​ທູດ​ປະຊາຊົນ ແລະ ຄຸ້ມ​ຄອງ​ການເຄື່ອນໄຫວ​ ຕ່າງປະເທດ​ຂອງ​ອົງການ​ດັ່ງ ກ່າວໃຫ້​ມີ​ຄວາມ​ເປັນ​ເອກະ​ພາບ​ ໂດຍ​ຜ່ານ​ປະຕູ​ດຽວ. 
ຍ້ອນ​ສະພາບ​ການ​ໃນ​ພາກ​ພື້ນ  ແລະ  ສາກົນໄດ້​ມີ​ການປ່ຽນ ແປງ​ຕະຫຼອດມາ,  ໂຄງປະ ກອບ ແລະ ພາລະ​ບົດບາດ​ຂອງ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ ໄດ້​ມີ​ການ​ປັບປຸງ​ໄປ​ຕາມ​ໜ້າທີ່​ການເມືອງ ແລະ ຄວາມ​ຮຽກຮ້ອງ​ຕ້ອງການ​ຂອງ ​ສະພາບ​ການ​ໃນ​ແຕ່ລະໄລຍະ ໂດຍ​ໄດ້​ແບ່ງ​ອອກ​ເປັນ 4 ໄລ ຍະດັ່ງນີ້: ໄລຍະ​ທີ 1 ແຕ່​ປີ 1983-1994  ກົມ​ການເມືອງ​ສູນ​ກາງ​ພັກ ໄດ້​ແຕ່ງຕັ້ງ​ສະຫາຍ ພູນ  ສີ​ປະເສີດ  ກຳມະການ​ກົມ​ການເມືອງ​ສູນ​ກາງ​ພັກ  ເປັນ ​ຫົວໜ້າ​ຄະນະ​ພົວພັນ​ຕ່າງປະ ເທດ​ສູນ​ກາງ​ພັກ  ທັງເປັນລັດ ຖະມົນຕີ​ກະຊວງການ​ຕ່າງປະ ເທດ; ໄລຍະ​ທີ 2 ແຕ່​ປີ 1994-2006  ກົມການເມືອງ​ສູນ   ​ກາງ​ພັກ   ໄດ້ແຕ່ງຕັ້ງສະຫາຍ  ສົມ​ສະຫວາດ  ເລັ່ງສະຫວັດ  ກຳມະການ​ສູນ​ກາງພັກ  ເປັນ​ຫົວໜ້າ​ຄະນະ​ພົວພັນຕ່າງປະ ເທດ​ສູນ​ກາງ​ພັກ  ທັງ​ເປັນ​ລັດ ຖະມົນຕີ​ກະຊວງ​ການ​ຕ່າງປະ ເທດ; ໄລຍະ​ທີ 3 ແຕ່​ປີ 2006-2015 ກົມ​ການເມືອງ​ສູນ​ກາງ​ພັກ ໄດ້​ແຕ່ງຕັ້ງ​ສະຫາຍ  ທອງລຸນ   ສີ​ສຸ​ລິດ   ກຳມະການກົມການ ເມືອງ​ສູນ​ກາງ​ພັກເປັນ​  ຫົວໜ້າ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ  ທັງ​ເປັນ​ລັດຖະມົນຕີ​ກະຊວງ​ການ​ຕ່າງປະເທດ ແລະ ໄລຍະ​ທີ 4 ແຕ່​ປີ 2015-2020 ກົມ​ການເມືອງ​ສູນ​ກາງ​ພັກໄດ້​ແຕ່ງຕັ້ງ​ສະຫາຍ ນາງ ສູນ​ທອນ ໄຊ​ຍະ​ຈັກ    ກຳມະການ​ສູນ​ກາງ ​ພັກ ເປັນ​ຫົວໜ້າ​ຄະນະພົວພັນ ​ຕ່າງປະເທດ​ສູນ​ກາງ​ພັກ  ແລະ ຄະນະເລຂາທິການ​ສູນ​ກາງພັກ ໄດ້​ມີ​ມະຕິ​ຕົກລົງ​ແຍກ​ອົງຄະ​ນະ​ພັກ​ກະຊວງ​ການຕ່າງປະ ເທດ ແລະ ຄະນະ​ພົວພັນຕ່າງ ປະເທດ​ສູນ​ກາງ​ພັກ​ອອກເປັນ 2 ອົງຄະ​ນະ​ພັກ​ເອກະ​ລາດ. ເພື່ອ​ໃຫ້​ສອດຄ່ອງ​ກັບ​ໜ້າທີ່​ການເມືອງ  ​ໃນ​ໄລຍະ​ໃໝ່ກົງ ຈັກ​ຂອງ​ຄະນະ​ພົວພັນ​ຕ່າງປະ ເທດ​ສູນ​ກາງ​ພັກປະກອບມີ 1 ຫ້ອງການ ແລະ 5 ກົມຄື: ຫ້ອງການ, ກົມ​ຈັດ​ຕັ້​ງ-​ພະນັກ ງານ,   ກົມ​ຄົ້ນ​ຄວ້າ​-​ສັງ​ລວມ, ກົມ​ອາ​ຊີ​-​ປາ​ຊີ​ຟິກ   ແລະ   ອາ​ຟຣິກາ,  ກົມ​ເອີ​ຣົບ ແລະ ອາ​ເມ​ຣິ​ກາ  ແລະ   ກົມ​ພົວພັນສາກົນ​ ຂອງ​ອົງການ​ຈັດ​ຕັ້ງມະຫາຊົນ;  ໂຄງ​ປະກອບ​ບຸກ​ຄະລາ​ກອນ​ຂອງ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ ມີ​ຫົວໜ້າ 1 ສະ ຫາຍ, ຮອງ​ຫົວໜ້າ 2 ສະຫາຍ,  ມີ​ພະນັກ​ງານ​-​ລັດຖະກອນທັງ​ໝົດ  154  ຄົນ,  ຍິງ 54 ຄົນ. 
ນັບ​ແຕ່​ການ​ປະຕິວັດ​ປົດ​ປ່ອຍ​ຊາດ,  ພາຍ​ໃຕ້​ການ​ນໍາ​ພາ​ຂອງ​ພັກ​ປະຊາຊົນ​ປະຕິວັດ​ລາວ ໄດ້​ຮັບໄຊຊະນະ​ຢ່າງສົມ ບູນ ແລະ ສະຖາປະນາ​ເປັນສາ ທາລະນະ​ລັດ ປະຊາທິປະໄຕ ປະຊາຊົນ​ລາວ  ແຕ່​ປີ  1975 ເປັນຕົ້ນ​ມາ,  ວຽກ​ງານ​ຕ່າງປະ ເທດ​ຂອງ​ພັກ​ເຮົາໄດ້​ຮັບ​ການ ຈັດຕັ້ງ​ປະຕິບັດ​ດັ່ງນີ້:
ໄລ​ຍະ​ທໍາ​ອິດ ຊຶ່ງ​ເປັນໄລ ຍະ​ທີ່​ປະເທດ​ເຮົາ​ຫາ​ກໍ​ໄດ້​ຮັບ​ການ​ສະຖາປະນາ​ລະບອບ​ໃໝ່, ພັກ​ເຮົາ​ໄດ້​ຮັກສາ ແລະ ເສີມ ​ຂະຫຍາຍ​ການ​ພົວພັນ​ກັບ​ບັນ ດາ​ພັກ​ກອມ​ມູ​ນິດ  ແລະ  ພັກ​ກໍາ​ມະກອນ  ໃນ​ບັນດາ​ປະເທດ​ສັງຄົມ​ນິຍົມ  ແລະ  ກັບ​ບັນດາ​ພັກ​ການ​ເມືອງ​-​ຂະບວນ​ການ​ທີ່​ກ້າວໜ້າ​ໃນ​ບັນດາ​ປະເທດທີ່​ ກໍາ​ລັງ​ພັດທະນາ  ຫຼື  ບັນດາ​ປະ ເທດ​ໂລກ​ທີສາມ,   ກັບ​ຂະບວນ​ການ​ກອມ​ມູ​ນິດ ແລະ ກາໍ​ມະ ກອນ​ສາກົນ​ໃນ​ໂລກ.  ການພົວ ພັນ​ຕົ້ນຕໍແມ່ນ​ກັບ​ບັນດາ​ພັກ​ ທີ່​ຮ່ວມ​ອຸດົມ​ການ​ສັງຄົມ​ນິຍົມ​ດຽວ​ກັນ.  ສະພາບ​ແວດ​ລ້ອມ​ໄລຍະ​ນັ້ນ​ແມ່ນ​ໃນ​ໂລກ​ມີ  2 ຄ້າຍ ຫຼື 2 ຂົ້ວ​ອຳນາດ​ຄື: ສັງ ຄົມ​ນິຍົມ ແລະ ທຶນ​ນິຍົມ. ການ​ຕໍ່ສູ້​ການເມືອງ​ໄລຍະ​ນັ້ນແມ່ນ​ການ​ຕໍ່ສູ້ລະຫວ່າງ​ສອງ​ຄ້າຍ​ທີ່​ປໍ​ລະ​ປັກ​ກັນ,  ຕ່າງ​ຝ່າຍ​ຕ່າງ​ຍາດ​ແຍ່ງ​ກາໍ​ລັງ  ແລະ  ການສະ ໜັບສະໜູນ​ຈາກບັນດາປະ ເທດ​ໃນ​ໂລກ. ໃນ​ໄລຍະ​ນີ້, ການ ເຄື່ອນໄຫວ​ວຽກ​ງານ​ຕ່າງປະ ເທດ​ຂອງ​ພັກ​ເຮົາແມ່ນ​ສຸມ​ໃສ່​ການ​ພົວພັນ​ຮ່ວມ​ມື​ທາງ​ດ້ານ​ການເມືອງ,  ດ້ານ​ການ​ສຶກສາ ແລະ ດ້ານ​ການ​ປ້ອງ​ກັນ​ຊາດ​-​ປ້ອງ​ກັນ​ຄວາມ​ສະຫງົບ,  ສ່ວນ​ທາງ​ດ້ານ​ເສດ​ຖະ​ກິດ​-​ການ​ຄ້າ ແມ່ນ​ຍັງ​ຢູ່​ໃນ​ຮູບ​ແບບ​ໃຫ້ການ​ຊ່ວຍ​ເຫຼືອ​-​ເກື້ອກູນຈາກ​ບັນດາ​ ປະເທດ​ສັງຄົມ​ນິຍົມທີ່ມີພື້ນຖານ ​ອຸດ​ສາ​ຫະ​ກຳຂະຫຍາຍຕົວເຊັ່ນ:  ສະຫະພາບ​ໂຊ​ວຽດ ແລະ  ປະ ເທດ​ອື່ນໆໃນ​ເອີ​ຣົບ​ຕາເວັນ​ອອກ.
ໄລຍະ​ຕໍ່​ມາ,   ໃນ​ຊຸມປີ 1990 ພາຍຫຼັງ​ສະຫະພາບໂຊວຽດ ແລະ ປະເທດ​ສັງຄົມ​ນິຍົມ​ໃນ​ເອີ​ຣົບ​ຕາເວັນ​ອອກພັງ​ທະ​ລາຍ ຈົນ​ເຖິງ​ປັດຈຸບັນ ກໍ​ເປັນ​ໄລຍະ​ທີ່​ບັນດາ​ປະເທດ​ສັງຄົມ​ນິຍົມ​ທີ່​ຍັງ​ເຫຼືອ, ລວມ​ທັງ ສປປ ລາວ ເຮົາ​ໄດ້​ດໍາ​ເນີນ​ການ​ປະຕິ​ຮູບ​ປ່ຽນແປງ​ໃໝ່,  ຫັນ​ໄປ​ສູ່​ກົນໄກ ​ເສດຖະກິດ​ຕະຫຼາດ  ແລະ ເປີດ​ກວ້າງ​ການ​ພົວພັນ​ຮ່ວມ​ມື​ກັບ​ຕ່າງ​ປະ​ເທດ.  ພັກ​ປະຊາຊົນປະ ຕິວັດ​ລາວ  ໄດ້​ເລີ່ມ​ເປີດ​ກວ້າງ​ການ​ພົວພັນ​ກັບ​ບັນດາ​ພັກ​ການ ເມືອງ​ອື່ນໆທີ່​ບໍ່​ນອນ​ໃນ​ບັນດາ​ປະເທດ​ສັງຄົມ​ນິຍົມ ແລະ ບໍ່​ແມ່ນ​ພັກ​ການເມືອງ​ທີ່​ມີ​ອຸດົມ​ການ​ດຽວ​ກັນ. ສະພາບ​ແວດ​ລ້ອມ​ໃນ​ໄລຍະ​ນີ້​ແມ່ນບໍ່​ມີ​ໂລກ​ສອງ​ຂົ້ວ​ອຳນາດ​ຄື​:   ເມື່ອ​ກ່ອນ,  ແມ່ນ​ໄລຍະ​ແຫ່ງ​ການຕໍ່ສູ້ລະ ຫວ່າງການ​ສ້າງ​ລະບຽບ​ການ​ ໃໝ່​ຂອງໂລກ ຈາກ​ໂລກ​ຂົ້ວດຽວ​ ໄປ​ສູ່​ໂລກ​ຫຼາຍ​ຂົ້ວອໍານາດ.  ການ ເຄື່ອນໄຫວວຽກ​ງານຕ່າງປະ ເທດ​ຂອງ​ພັກແມ່ນປະຕິບັດ​ຕາມ​ແນວທາງນະໂຍບາຍ​ທີ່ວ່າ ເປີດ​ກວ້າງ​ການ​ພົວພັນ​ແບບ​ຫຼາຍ​ທິດ, ຫຼາຍ​ຝ່າຍ, ຫຼາຍ​ຮູບ​ແບບ ແລະ ຫຼາຍ​ລະດັບ ເພື່ອ​ສ້າງ​ສະພາບ​ແວດ​ລ້ອມ​ເອື້ອ​ອໍາ​ນວຍ​ໃຫ້​ແກ່​ພາລະກິດ​ປົກ​ປັກ​ຮັກສາ ແລະ ສ້າງສາພັດທະ ນາ​ປະເທດ​ຊາດໄປ​ສູ່ຈຸດ ໝາຍ​ສັງຄົມ​ນິຍົມ.  ພັກ​ປະຊາຊົນ​ປະຕິວັດ​ລາວ   ຍາມ​ໃດ​ກໍ​ຢຶດ​ໝັ້ນ​ຢ່າງ​ເດັດດ່ຽວ​ໃນ​ດ້ານ​ຍຸດ ທະສາດ,  ແຕ່​ມີ​ຄວາມ​ຄ່ອງ​ແຄ້ວ​ນິ້ມ​ນວນ  ແລະ  ມີ​ໄຫວ​ພິບ​ທາງ​ດ້ານ​ຍຸດ​ໂທ​ບາຍ, ມີ​ຄວາມ​ສະດຸ້ງ​ໄວ  ແລະ  ໄດ້​ປັບ​ຕົວເຂົ້າ ​ກັບ​ວິວັດທະນາ​ການໃໝ່​ຂອງ ​ໂລກ​ຢ່າງ​ແທດເໝາະ ແລະ ສາ ມາດ​ປົກ​ປັກ​ຮັກສາ​ໝາກຜົນ​ຂອງ​ການ​ປະຕິວັດ​ໄດ້​ຢ່າງ​​ໝັ້ນ​ຄົງ, ສະກັດ​ກັ້ນ ແລະ ຕີ​ຖອຍ​ກົນອຸບາຍ​ມ້າງ​ເພ​ທໍາ​ລາຍ​ຂອງ​ບັນດາ​ອິດ​ທິ​ກໍາ​ລັງ​ປໍ​ລະ​ປັກ, ຮັບ ປະກັນ​ເຮັດ​ໃຫ້​ປະເທດ​ຊາດ​ຫຼຸດ​ພົ້ນ​ອອກ​ຈາກ​ການ​ລ້ອມ​ປ່ຽວ, ຕາມ​ທິດ​ເພີ່ມ​ມິດ​ຜ່ອນ​ສັດຕູ, ຍາດ​ແຍ່ງ​ການ​ສະໜັບສະໜູນ​ຊ່ວຍເຫຼືອ​ຈາກ​ເພື່ອນ​ມິດ​ທັງ​ໃກ້ ແລະ ໄກ ເຂົ້າ​ໃນ​ການ​ພັດທະນາ​ສ້າງສາ​ປະ​ເທດ.
ໂດຍ​ປະຕິບັດ​ຕາມ​ແນວ ທາງ​ການ​ຕ່າງປະເທດຂອງ​ພັກ ປປ ລາວ ສະໄໝ​ທີ X, ພັກ​ເຮົາ​ໄດ້​ສືບຕໍ່​ເສີມ​ຂະຫຍາຍສາຍ ​ພົວພັນ​ທີ່​ເປັນ​ມູນເຊື້ອກັບ​ບັນ ດາ​ພັກ​ການເມືອງ​ໃນ​ພາກ​ພື້ນ​ຕ່າງໆຂອງ​ໂລກ​ບົນ​ພື້ນຖານ 5 ຫຼັກການ​ຢູ່​ຮ່ວມ​ກັນ​ໂດຍ​ສັນຕິ, ບໍ່​ຈໍາ​ແນ​ກ​ລະບອບ​ການເມືອງ​ທີ່​ແຕກ​ຕ່າງ​ກັນ ໂດຍ​ໄດ້​ສືບຕໍ່​ເປີດ​ກວ້າງ​ການ​ພົວພັນ​ກັບ​ບັນດາ​ພັກ​ອ້າຍ​ນ້ອງ​ປະເທດ​ສັງຄົມ​ນິຍົມ,  ບັນດາ​ພັກ​ກອມ​ມູ​ນິດ, ພັກ​ກໍາ​ມະກອນ, ພັກ​ການເມືອງ​ທີ່​ກ້າວໜ້າ,  ບັນດາ​ພັກ​ກໍາອໍາ​ນາດ​ໃນ​ປະເທດ​ຕ່າງໆ  ໃນ​ນັ້ນ​ພັກ​ເຮົາ​ໄດ້​ສືບຕໍ່​ໃຫ້​ບຸລິ​ມະ​ສິດ​ໃນ​ການ​ພົວພັນກັບ​ບັນດາ​ພັກ​ເພື່ອນ​ມິດ​ຍຸດທະສາດ​ຄື:  ພັກ​ກອມ​ມູ​ນິດ​ຫວຽດນາມ,  ພັກ​ກອມ​ມູ​ນິດ​ຈີນ, ພັກ​ກອມ​ມູ​ນິດ​ກູ​ບາ ແລະ ພັກ​ແຮງ​ງານ​ເກົາຫຼີ ໂດຍ​ສືບຕໍ່​ເສີມ​ຂະຫຍາຍ​ສາຍ​ ພົວພັນ​ມິດຕະພາບ​ທີ່ຍິ່ງໃຫຍ່, ຄວາມ​ສາມັກຄີ​ພິເສດ  ແລະ ການ​ຮ່ວມ​ມື​ຮອບດ້ານ​ກັບ  ສສ ຫວຽດນາມ;  ເສີມ​ຂະຫຍາຍ​ການ​ພົວພັນ​ແບບຄູ່ຮ່ວມ​ຍຸດ ທະສາດຮອບດ້ານ,   ໝັ້ນຄົງ, ຍາວ​ນານ​ຕາມ​ທິດ  4  ດີ ບົນ​ພື້ນ ຖານ​ຄູ່​ຮ່ວມ​ຊາ​ຕາ​ກໍາ​ລາວ​-​ຈີນ ກັບ ສປ ຈີນ; ການ​ພົວພັນ​ກັບ​ພັກ​ສັງຄົມ​ນິຍົມ​ອ້າຍ​ນ້ອງໄດ້​ກວມ​ເອົາ​ທຸກ​ຂົງເຂດ ໂດຍ​ໄດ້​ຮັບ​ການ​ເສີມ​ຂະ​ຫາຍ​ທັງ​ທາງ​ກວ້າງ  ແລະ  ທາງ​ເລິກ, ໄດ້ມີ​ ກົນ​ໄກ​ພົບ​ປະ​ຂັ້ນ​ສູງ​ກັບ​ພັກ​ອ້າຍ​ນ້ອງ,  ມີ​ການ​ແລກປ່ຽນ​ຢ້ຽມຢາມ​ເປັນ​ທາງ​ການ  ແລະ ຢ້ຽມຢາມ​ເປັນ​ການ​ພາຍ​ໃນ​ຂອງ​ການ​ນໍາ​ຂັ້ນ​ສູງ​ຢ່າງ​ເປັນ​ປະ​ຈໍາ,   ໄດ້ເຊັນເອກະສານຮ່ວມ ​ມືປະຈໍາ​ປີ,  ປະ​ຈໍາ  5  ປີກັບບັນ ດາ​ພັກ​ອ້າຍ​ນ້ອງ. ໃນ​ການ​ພົວ ພັນ​ກັບ​ພັກ​ສັງຄົມ​ນິຍົມ​ອ້າຍ​ນ້ອງ  ພັກ​ເຮົາ​ໄດ້​ຖື​ສໍາ​ຄັນ​ວຽກ​ງານ​ກໍ່ສ້າງ​ພັກ​-​ພະນັກງານ ໂດຍ​ສະເພາະ​ກັບ​ພັກ​ກອມ​ມູ​ນິດ​ຫວຽດນາມ ແລະ ພັກ​ກອມ​ມູ​ນິດ​ຈີນ  ໂດຍ​ໄດ້​ມີ​ການ​ຈັດ​ສົ່ງ​ພະນັກງານ​ຫຼັກ​ແຫຼ່ງ​ຂອງ​ພັກ​-​ລັດ​ເຮົາໄປ​ຝຶກ​ອົບຮົມ​ໄລຍະ​ສັ້ນ,  ຈັດ​ກອງ​ປະ​ຊຸມ​ສໍາ​ມະ​ນາ​ທິດ​ສະ​ດີກັບ​ພັກ​ກອມ​ມູ​ນິດ​ຫວຽດນາມ  ແລະ  ພັກ​ກອມ​ມູ​ນິດ​ຈີນເປັນ​ປະ​ຈໍາ. ນອກ​ນັ້ນ, ບັນດາ​ການ​ນໍາ​ຂັ້ນ​ສູງ,  ການ​ນໍາ​ຂອງ​ຄະນະ​ພັກ​ຂັ້ນ​ຕ່າງໆທັງ​ສູນ​ກາງ ແລະ  ທ້ອງຖິ່ນໄດ້​ມີ​ການ​ແລກປ່ຽນ​ຢ້ຽມຢາມ​ກັບ​ຄູ່​ຮ່ວມ​ຕໍາ​ແໜ່​ງ​ຫວຽດນາມ, ຈີນ, ກູ​ບາ ແລະ ສປປ ເກົາ​ຫຼີ. ໃນ​ປີ 2019  ເລຂາທິການ​ໃຫຍ່​ພັກ ປປ ລາວ ແລະ ພັກ​ກອມ​ມູ​ນິດ​ຈີນ   ໄດ້​ຕົກລົງ​ສ້າງ​ແຜນ​ແມ່​ບົດ ​ວ່າ​ດ້ວຍການ​ສ້າງ​ຄູ່​ຮ່ວມ​ຊາ​ຕາ​ກໍານໍາ​ກັນ   ຊຶ່ງ​ເປັນ​ພື້ນຖານ​ການເມືອງ​ອັນ​ໜັກ​ແໜ້ນ, ເປັນ​ທິດ​ທາງ​ໃຫ້​ແກ່​ການ​ພົວພັນລະ ຫວ່າງ 2 ພັກ, 2 ປະເທດ ໃນ ​ໄລຍະ​ໃໝ່;  ໃນ​ໄລຍະ​ມໍ່ໆມາ ​ນີ້ ພັກ​ເຮົາ​ໄດ້​ສ້າງ​ສາຍພົວພັນ​ ດ້ານ​ພັກ​ກັບ​ບາງ​ພັກ​ໃນ​ອະດີດ​ ສະຫະພາບ​ໂຊ​ວຽດ,  ກັບ​ສະ​ ຖາ​ບັນ​ຄົ້ນ​ຄວ້າຂອງ​ພັກການ ເມືອງ​ໃຫຍ່​ໃນ​ອາ​ເມ​ຣິ​ກາ.  ມາ​ຮອດ​ປີ  2020  ພັກ​ເຮົາ​ໄດ້​ມີ​ການ​ພົວພັນ​ດ້ານ​ພັກ​ກັບ 139  ພັກ​ການເມືອງ  ຈາກ  85 ປະ ເທດ ໃນ​ທົ່ວ​ໂລກ.  ໃນ​ໄລຍະປີ 2016-2020  ພັກ​ປະຊາຊົນ​ປະຕິວັດ​ລາວ  ໄດ້​ສົ່ງ​ຄະນະ​ຜູ້​ແທນ​ຂັ້ນ​ສູງ​ໄປ​ເຄື່ອນ​ໄຫວ​ວຽກ​ງານ​ຕ່າງປະເທດ  ຈໍາ​ນວນ  95 ຄະນະ  ແລະ  ຕ້ອນຮັບ​ຄະນະຜູ້​ ແທນ​ຂັ້ນ​ສູງ​ພັກ​ການເມືອງ​ຕ່າງ ປະເທດມາ​ຢ້ຽມຢາມ  ສປປ ລາວ  ຈໍາ​ນວນ  67  ຄະ​ນະ.
ພັກ​ເຮົາ​ໄດ້​ສືບຕໍ່​ເປີດ​ກວ້າງ​ ການ​ພົວພັນ​ກັບ​ບັນດາພັກ ​ກອມ​ມູ​ນິດ,  ພັກ​ກໍາ​ມະກອນ, ພັກ​ການເມືອງ​ທີ່​ກ້າວໜ້າ,  ບັນ ດາ​ພັກ​ກໍາອໍາ​ນາດ,  ພັກ​ຮ່ວມ ​ລັດຖະບານ  ແລະ ອົງການຈັດ ​ຕັ້ງ​ສາກົນຢູ່​ພາກພື້ນ  ແລະ  ໃນ​ໂລກ  ໂດຍ​ຜ່ານ​ຂອບ​ການ​ຮ່ວມ​ມື​ຫຼາຍ​ຝ່າຍເຊັ່ນ:  ກອງ​ປະຊຸມ​ສາກົນ​ຂອງ​ບັນດາ​ພັກ​ກອມ​ມູ​ນິດ ແລະ ກໍາ​ມະກອນ;  ກອງ​ປະຊຸມ​ພັກ​ກອມ​ມູນິດຈີນກັບ​ພັກ​ການເມືອງສາກົນ;  ກອງ​ປະຊຸມ​ພັກກອມມູ​ນິດ​ຈີນກັບ​ບັນດາ​ພັກ​ການເມືອງ  5  ປະ ເທດ​ລຸ່ມ​ແມ່​ນ້ໍາ​ຂອງ;  ກອງປະ ຊຸມ​ພັກ​ກອມ​ມູ​ນິດ​ຈີນກັບ​ພັກ ​ການເມືອງ​ອາຊີ​ອາຄະເນ;  ເວທີ​ ສໍາ​ມະ​ນາສາກົນ​ສັງຄົມນິຍົມ  (ຫວຽດນາມ, ຈີນ,  ສປປ  ເກົາຫຼີ  ແລະ  ກູ​ບາ);  ກອງປະຊຸມສາ ກົນ​ຂອງ​ບັນດາ​ພັກ​ການເມືອງ​ ໃນ​ອາຊີ;  ເວທີ​ປຶກສາ​ຫາລື​ຊາວ​ປາວ​ໂລ; ກອງ​ປະຊຸມ​ສໍາ​ມະ​ນາສາ​ກົນ​ຂອງ​ພັກ​ແຮງ​ງານ​ແບກ​ຊິກ; ກອງ​ປະຊຸມສໍາ​ ມະ​ນາສາ​ກົນ​ຂອງ​ພັກ​ແຮງ ງານແມັກ​ຊີ​ໂກ ແລະ  ອື່ນໆ. ປັດ ຈຸບັນ, ພັກ​ເຮົາ​ພວມກະກຽມ​ສະເໜີ​ເຂົ້າ​ເປັນ​ສະມາຊິກ​ໜ່ວຍ​ງານ​ວິຊາ​ການ​ຂອງ​ກອງ​ປະຊຸມ​ສາກົນ​ພັກ​ກອມ​ມູ​ນິດ  ແລະ  ກໍາ​ມະກອນ ຊຶ່ງ​ຈະ​ເປັນ ​ໂອ​ກາດ​ສໍາ​ຄັນ​ໃນການຍົກສູງ​ບົດບາດ​ຂອງ​ພັກ ປປ ລາວ ໃນ​ເວທີ​ສາກົນ  ແລະ ຕອບສະ ໜອງ​ຄວາມ​ຮຽກຮ້ອງຕ້ອງ ການ​ຂອງ​ວຽກ​ງານ​ຕ່າງປະເທດ​ຂອງ​ພັກ  ໃນ​ໄລຍະ​ໃໝ່  ໂດຍ​ຖື​ເອົາ​ເວທີ​ດັ່ງກ່າວເປັນບ່ອນໂຄສະ ນາ​ເຜີຍແຜ່​ແນວທາງ​ນະໂຍ ບາຍ​ຂອງ​ພັກ ແລະ  ແຜນ​ພັດ ທະນາ​ເສດຖະ​ກິດ​-​ສັງຄົມ​ຂອງ​ປະເທດ​ເຮົາ. ພ້ອມ​ກັນ​ນັ້ນ, ກໍ​ຕິດຕາມ​ເກັບ​ກໍາ​ສະພາບ​ການ​ຂອງ​ຂະບວນ​ການ​ກອມ​ມູ​ນິດ ແລະ ກໍາມະກອນ, ຂະບວນ​ການ​ຝ່າຍຊ້າຍ ແລະ  ຂະບວນ​ການກ້າວໜ້າ​ໃນ​ໂລກ, ຮັດ​ແໜ້ນ ຄວາມສາມັກຄີ,   ຖອດ​ຖອນບົດ ຮຽນ ແລະ  ຍາດ​ແຍ່ງ​ການ​ສະ ໜັບສະໜູນ​ຈາກບັນດາ​ພັກ​ອ້າຍ​ນ້ອງຍຸດທະສາດ   ແລະ  ບັນ ດາ​ພັກເພື່ອນມິດ​ອື່ນໆ.
ໄປ​ຄຽງ​ຄູ່​ກັນ​ນັ້ນ,  ວຽກ​ງານ​ການ​ທູດ​ປະຊາຊົນກໍ​ໄດ້​ມີ​ການ​ປັບປຸງ​ດ້ານ​ໂຄງ​ປະກອບ​ການຈັດຕັ້ງ ແລະ ບຸກ​ຄະລາ​ກອນ​ໃຫ້​ແທດເໝາະ​ກັບ​ສະ ພາບ  ແລະ  ໜ້າທີ່​ການເມືອງໃນ ​ໄລຍະ​ໃໝ່  ໂດຍ​ສະເພາະ​ແມ່ນ​ຄະນະ​ສັນຕິພາບ  ແລະ  ສາ ມັກຄີ​ຂອງ​ລາວ;  ໄດ້​ສ້າງ​ສະມາ ຄົມ​ມິດຕະພາບຂອງ​ລາວ​ກັບ​ ຕ່າງປະເທດທັງ​ໝົດ  19  ສະມາ ຄົມ, ໃນ​ນັ້ນ 3 ສະມາຄົມແມ່ນ​ໄດ້​ຮັບ​ການ​ສ້າງຕັ້ງ​ຂຶ້ນ​ໃນ​ປີ  2019  (ສະມາຄົມ​ມິດຕະພາບ  ລາວ​-​ອາ​ແຊັກ​ໄບ​ຊານ, ລາວ​-​ອັງກິດ ແລະ ລາວ​-​ເບ​ລາຣຸສ).  ພ້ອມ​ນີ້,  ໃນ  18 ແຂວງຂອງ ລາວກໍມີບັນດາສາຂາ​ສະມາ ຄົມມິດຕະພາບ  ລາວ ​-​ ຫວຽດ ນາມ ແລະ ລາວ ​-​ ຈີນ. ໃນ​ໄລ ຍະ 5 ປີຜ່ານມາ, ບັນດາສະ ມາຄົມ​ມິດຕະພາບລາວກັບ​ຕ່າງປະເທດ, ຄະນະສັນຕິພາບ ແລະ ສາມັກຄີ​ຂອງ​ລາວໄດ້​ໄປ​ເຄື່ອນ​ໄຫວ​ຢ້ຽມຢາມ​ແລກ ປ່ຽນ​ບົດຮຽນ​ກັບ​ຄູ່​ຮ່ວມ​ມື​ຕ່າງ ປະເທດ ຈໍາ​ນວນ 64 ຄະນະ, ຕ້ອນຮັບຄະນະຜູ້ແທນຕ່າງ ປະເທດ​ມາ​ເຄື່ອນໄຫວຢ້ຽມ ຢາມ ສປປ ລາວ ຈໍາ​ນວນ 88 ຄະນະ, ໄດ້​ຈັດກອງປະຊຸມ ຕ່າງໆ ຈໍາ​ນວນ 115 ຄັ້ງໃນ​ນັ້ນ ​ປີ 2017 ໄດ້​ຈັດ​ງານບຸນມະໂຫ ລານ​ພົບ​ປະ​ມິດຕະພາບ ລາວ -​ ຫວຽດນາມ ຄັ້ງ​ທີ IV ແລະ ໃນ​ປີ 2019 ເປັນ​ເຈົ້າພາບຈັດ ​ກອງ​ປະຊຸມ​ຂົງເຂດ​ອາ​ຊີ​-ປາ​ ຊີ​ຟິກ  ແລະ  ກອງ​ປະຊຸມຄະນະເລ ຂາສະພາ​ສັນຕິພາບ​ໂລກ  ປະ ສົບ​ຜົນ​ສໍາ​ເລັດ​ຢ່າງຈົບງາມ;  ໄດ້​ ຂົນຂວາຍ​ຍາດ​ແຍ່ງການຊ່ວຍ ເຫຼືອ​ຈາກ​ຄູ່​ຮ່ວມ​ມື​ຕ່າງປະເທດ ປະກອບສ່ວນ​ເຂົ້າ​ໃນ​ການ​ພັດ ທະນາ  ສປປ ລາວ ໂດຍ​ສະເພາະ ​ແມ່ນ​ດ້ານ​ພື້ນຖານໂຄງ​ລ່າງ,  ການ​ສຶກສາ, ສາທາລະນະ​ສຸກ,  ຊ່ວຍເຫຼືອ​ຟື້ນ​ຟູ  ແລະ ແກ້​ໄຂ ຜົນກະທົບ​ຈາກ​ໄພ​ພິບັດ​ທຳ ມະ​ຊາດ ແລະ  ແກ້​ໄຂ​ຄວາມ ທຸກຍາກຂອງປະຊາຊົນໄດ້​ຈຳ​ນວນ 173.470. 000 ກີບ, 17.000  ເອີ​ໂຣ,  3.318.170 ໂດ​ລາ​,   18.228.000   ບາດ, 2.038.200    ຢວນ,      760.000.000  ດົງ  ແລະ  ຄອມພິວ​ເຕີ​ໂນ​ດ​ບຸກ 20 ຊຸດ.  ນອກນັ້ນ,  ບັນດາ​ສະ ມາຄົມມິດຕະພາບລາວກັບຕ່າງ ປະເທດຍັງ​ໄດ້​ໃຫ້ການຊ່ວຍ ເຫຼືອປະຊາຊົນ​ຫວຽດນາມທີ່​ປະສົບ​ໄພ​ທໍາ​ມະ​ຊາດ ຈໍາ​ນວນ 100.000.000 ກີບ; ຈັດ​ຕັ້ງ​ລະ ດົມ​ທຶນ  ເພື່ອ​ຊ່ວຍເຫຼືອ​ຜູ້​ໄດ້ຮັບ​ຜົນ​ກະທົບ​ຈາກ  COVID-19 ຢູ່ນະ ຄອນອູຮັ້ນ  ແຂວງຫູ​ເປີຍ  ສປ ຈີນ ຈໍານວນ 500.000 ໂດ​ລາ  ແລະ  ຊ່ວຍເຫຼືອ​ປະຊາຊົນ   ສປປ   ເກົາຫຼີ  ທີ່​ປະສົບ​ໄພທໍາມະຊາດຈໍາ​ນວນ  40.000 ໂດ​ລາ​.   
 (ຂ່າວ​-​ພາບ: ຄຕພ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com