ວັນ​ທີ 22-24 ທັນວາ 2020 ທີ່​ຫ້ອງ​ປະຊຸມ​ສະພາ​ປະຊາຊົນ​ແຂວງ ໄດ້​ເປີດ​ກອງ​ປະຊຸມ​ສະໄໝ​ສາມັນ ເທື່ອ​ທີ 10 ຂອງ​ສະພາ​ປະຊາຊົນ​ແຂວງ​ບໍ​ລິ​ຄຳ​ໄຊ ຊຸດ​ທີ I ຂຶ້ນ​ຢ່າງ​ເປັນ​ທາງ​ການ ພາຍ​ໃຕ້​ການ​ເປັນ​ປະທານ​ຂອງ​ທ່ານ ສຸວັນ​ນີ ໄຊຊະນະ ປະທານ​ສະພາ​ປະຊາຊົນ​ແຂວງ ໃຫ້​ກຽດ​ເຂົ້າ​ຮ່ວມ​ໂດຍ​ທ່ານ ນາງ ສີໃສ ລື​ເດດ​ມູນ​ສອນ ຮອງ​ປະທານ​ສະພາ​ແຫ່ງ​ຊາດ, ທ່ານ ກອງ​ແກ້ວ ໄຊ​ສົງຄາມ ເຈົ້າແຂວງ​ບໍ​ລິ​ຄຳ​ໄຊ, ມີ​ບັນດາ​ສະມາຊິກ​ສະພາ​ແຫ່ງ​ຊາດ ປະຈຳ​ເຂດ​ເລືອກ​ຕັ້ງ​ທີ 11  ສະມາຊິກ​ສະພາ​ປະຊາຊົນ​ແຂວງ ຄະນະ​ປະຈຳ​ພັກ​ແຂວງ, ມີ​ພາກ​ສ່ວນ​ກ່ຽວ​ຂ້ອງ​ເຂົ້າ​ຮ່ວມ.
ທ່ານ ສຸວັນ​ນີ ໄຊຊະນະ ໄດ້​ກ່າວ​ວ່າ: ກອງ​ປະຊຸມ​ຄັ້ງ​ນີ້ ​ໄດ້​ດຳເນີນ ໄປ​ເປັນ​ເວລາ 3 ວັນ ເພື່ອ​ສຸມ​ໃສ່​ພິຈາລະນາ​ຕົກລົງ​ບັນ​ຫາ​ສໍາ​ຄັນ​ທີ່​ເປັນ​ພື້ນຖານ​ຂອງ​ແຂວງ ເປັນຕົ້ນ ພິຈາລະນາ ແລະ ຮັບຮອງ​ເອົາ​ການ​ສະເໜີ​ແຕ່ງຕັ້ງ​ທ່ານ​ເຈົ້າແຂວງ​ບໍ​ລິ​ຄຳ​ໄຊ ແລະ ໂຄງ​ປະກອບ​ບຸກ​ຄະລາ​ກອນ​ຂອງ​ແຂວງ, ຮັບ​ຟັງ​ການ​ລາຍ​ງານ ກ່ຽວ​ກັບ​ການຈັດຕັ້ງ​ປະຕິບັດ​ວຽກ​ງານ​ທີ່​ພົ້ນ​ເດັ່ນ​ເປັນ​ຈຸດ​ສຸມ​ບຸລິ​ມະ​ສິດ​ຂອງ​ແຂວງ​ໃນ​ການຈັດຕັ້ງ​ປະຕິບັດ​ແຜນ​ພັດທະນາ​ເສດ​ຖະ​ກິດ​-​ສັງຄົມ ທີ່​ມີ​ລັກສະນະ​ຍຸດທະສາດ ປະຈຳ​ປີ 2020 ແລະ ແຜນການປະຈຳ​ປີ 2021 ຂອງ​ແຂວງ,  ພິຈາລະນາຮັບຮອງ​ເອົາ​ບົດ​ລາຍ​ງານ​ການຈັດຕັ້ງ​ປະຕິບັດ​ແຜນ​ພັດທະນາ​ເສດ​ຖະ​ກິດ​-​ສັງຄົມ, ແຜນ​ງົບປະມານ ປະ​ຈໍາ​ປີ 2020 ແລະ ທິດ​ທາງ​ແຜນການ ປະ​ຈໍາ​ປີ 2021 ພິຈາລະນາ, ຮັບຮອງ​ເອົາ​ບົດ​ລາຍ​ງານ​ການເຄື່ອນໄຫວ ປະ​ຈໍາ​ປີ 2020 ແລະ ທິດ​ທາງ​ແຜນການ​ປະ​ຈໍາ​ປີ 2021, ບົດ​ລາຍ​ງານ​ຜົນ​ການ​ກວດ​ສອບ​ບົດ​ສະຫຼຸບ​ຂາດ​ຕົວ​ການຈັດຕັ້ງ​ປະຕິບັດ​ແຜນ​ງົບປະມານ ປະ​ຈໍາ​ປີ 2019 ຂອງ​ອົງການ​ກວດ​ສອບ​ພາກ​ກາງ ແລະ ບົດ​ລາຍ​ງານ​ການຈັດຕັ້ງ​ປະຕິບັດ​ວຽກ​ງານ ປະ​ຈໍາ​ປີ 2020 ແລະ ທິດ​ທາງ​ແຜນການ ປະ​ຈໍາ​ປີ 2021 ແລະ ການ​ແກ້​ໄຂ​ຜົນ​ການ​ກວດ​ສອບ​ໃນ​ປີຜ່ານມາ ຂອງ​ອົງການ​ກວດກາ​ລັດ​ແຂວງ ພິຈາລະນາ, ຮັບຮອງ​ເອົາ​ບົດ​ລາຍ​ງານ​ການເຄື່ອນໄຫວ​ວຽກ​ງານ 5 ປີ (2016-2020), ປະ​ຈໍາ​ປີ 2020 ແລະ ທິດ​ທາງ​ແຜນການ​ຮອດ​ກອງ​ປະຊຸມ​ຄັ້ງ​ປະຖົມ​ມະ​ລືກ ແລະ ຄາດ​ຄະເນ ປະຈຳ​ປີ 2021 ຂອງ​ສະພາ​ປະຊາຊົນ​ແຂວງ, ​ພິຈາລະນາ ຮັບຮອງ​ເອົາ​ບົດ​ລາຍ​ງານ​ກ່ຽວ​ກັບ​ການເຄື່ອນໄຫວ​ວຽກ​ງານ ປະ​ຈໍາ​ປີ 2020 ແລະ ທິດ​ທາງ​ແຜນການ ປະ​ຈໍາ​ປີ 2021 ຂອງ​ອົງການ​ໄອ​ຍະ​ການ​ປະຊາຊົນ​ແຂວງ ແລະ ສານ​ປະຊາຊົນ​ແຂວງ, ພິຈາລະນາ ຮັບຮອງ​ເອົາ​ບົດ​ລາຍ​ງານ​ກ່ຽວ​ກັບ​ການເຄື່ອນໄຫວ​ວຽກ​ງານ ປະ​ຈໍາ​ປີ 2020 ແລະ ທິດ​ທາງ​ແຜນການ ປະ​ຈໍາ​ປີ 2021 ຂອງ​ອົງການ​ໄອ​ຍະ​ການ​ປະຊາຊົນ​ແຂວງ ແລະ ສານ​ປະຊາຊົນ​ແຂວງ ພິຈາລະນາ, ຮັບຮອງ​ເອົາ​ການ​ເລືອກ​ຕັ້ງທ່າ​ນ​ເຈົ້າແຂວງ, ຮັບຮອງ​ເອົາ​ໂຄງ​ປະກອບ​ການ​ຈັກ​ຕັ້ງ ແລະ ບຸກ​ຄະລາ​ກອນ​ຂອງ​ອົງການ​ປົກຄອງ​ແຂວງ, ພິຈາລະນາ ຮັບຮອງ​ເອົາ​ນິຕິ​ກຳ​ສຳຄັນ​ຈຳນວນ​ໜຶ່ງ ຕາມ​ການ​ສະເໜີ​ຂອງ​ອົງການ​ປົກຄອງ​ແຂວງ.
(ຂ່າວ: ວຽງ​ສະຫວັນ)