Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສະເຫຼີມສະຫຼອງວັນຕ້ານການສໍ້ລາດບັງຫຼວງສາກົນ ຄົບຮອບ 17 ປີ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 29/12/2020 09:21:17 ຈຳ​ນວນ​​ຢ້ຽມ​ຊົມ 3498 ຄັ້ງ

ອົງການ​ກວດກາ​ລັດຖະ ບານ ໄດ້​ຈັດ​ພິທີ​ສະເຫຼີມສະ ຫຼອງ ວັນ​ຕ້ານ​ການ​ສໍ້​ລາດ​ບັງ​ຫຼວງ​ສາກົນ ຄົບຮອບ 17 ປີ (9/12/2003 - 9/12/2020) ຂຶ້ນ​ໃນ​ວັນ​ທີ 28 ທັນວາ ນີ້ ທີ່​ສະໂມສອນ​ຂອງ​ອົງການ​ກວດກາ​ລັດຖະບານ ໂດຍ​ມີ ທ່ານ ສີ​ໃນ ມຽງ​ລາ​ວັນ ຮອງ​ປະທານ​ຄະນະ​ກວດກາ​ສູນ​ກາງ​ພັກ ຮອງ​ປະທານ​ອົງການ​ກວດກາ​ລັດຖະບານ ແລະ ຮອງ​ຫົວໜ້າ​ອົງການ​ຕ້ານ​ການ​ສໍ້​ລາດ​ບັງ​ຫຼວງ ຂັ້ນ​ສູນກາງ, ມີ​ທ່ານ ຄຣິດ ບາດ (Chris Batt) ທີ່​ປຶກສາ​ຕ້ານ​ການ​ຟອກ​ເງິນ ແລະ ການ​ສະໜອງ​ທຶນ​ໃຫ້​ແກ່​ການ​ກໍ່​ການ​ຮ້າຍ ອົງການ UNODC ປະຈຳ ສປປ ລາວ, ທ່ານ ຣິ​ຊາດ ຟິ​ລິບ​ປາດ (Richard Philippart) ສະ​ຖາ​ບັນ​ຊ່ວຍເຫຼືອ​ທາງ​ດ້ານ​ກົດໝາຍ ແລະ ວິຊາ​ການ ແຫ່ງ ລຸກ​ຊໍາ​ບວກ (ILSTA) ແລະ ທຸກ​ພາກສ່ວນ​ກ່ຽວຂ້ອງ​ເຂົ້າ​ຮ່ວມ.
ໃນ​ພິທີ, ທ່ານ ສີ​ໃນ ມຽງ​ລາ​ວັນ ໄດ້​ກ່າວ​ວ່າ: ກອງ​ປະຊຸມ​ໃຫຍ່​ອົງການ​ສະຫະ​ປະຊາຊາດ ປີ 2000 ໄດ້​ມີ​ມະຕິ ເລກ​ທີ 55/ 61, ລົງ​ວັນ​ທີ 4 ທັນວາ 2000 ໄດ້​ກໍາ​ນົດ​ຄວາມ​ຈໍາ​ເປັນ​ໃນ​ການ​ສ້າງ​ກົດໝາຍ​ສາກົນ​ທີ່​ມີ​ປະສິດ​ທິ​ຜົນ​ໃນ​ການ​ສະກັດ​ກັ້ນ ແລະ ຕ້ານ​ການ​ສໍ້​ລາດ​ບັງ​ຫຼວງ​ໃນ​ຂອບ​ເຂດ​ທົ່ວ​ໂລກ. ຈາກ​ນັ້ນ​ມາ​ສົນທິສັນຍາ​ສະຫະ​ປະຊາຊາດ ວ່າ​ດ້ວຍ​ການ​ຕ້ານ​ການ​ສໍ້​ລາດ​ບັງ​ຫຼວງ ໄດ້​ຖືກ​ຮັບຮອງ​ເອົາ​ຢ່າງ​ເປັນ​ເອກະສັນ​ໃນ​ວັນ​ທີ 18 ທັນວາ 2002 ທີ່ນະ​ຄອນນິວ​ຢອກ, ສະຫະລັດ​ອາເມຣິກາ ແລະ ໄດ້​ເປີດ​ໃຫ້​ບັນດາ​ປະເທດ​ລົງ​ນາມ​ເຂົ້າ​ເປັນ​ສະມາຊິກ​ໃນ​ວັນ​ທີ 9-11 ທັນວາ 2003 ທີ່​ເມືອງ​ເມ​ລິ​ດາ ປະເທດ​ແມັກ​ຊີ​ໂກ ຊຶ່ງ​ມາ​ຮອດ​ປັດຈຸ​ບັນ​ມີ 187 ລັດ​ພາຄີ ແລະ ໃນ​ນັ້ນ ມີ 179 ປະເທດ​ທີ່​ເປັນ​ພາ​ຄີ. 
ສໍາລັບ ສປປ ລາວ ໄດ້​ລົງ​ນາມ​ໃນ​ວັນ​ທີ 10 ທັນວາ 2003 ແລະ ໃຫ້​ສັດຕະຍາບັນ​ໃນ​ວັນ​ທີ 25 ກັນຍາ 2009 ເປັນຕົ້ນ​ມາ. ພ້ອມ​ນັ້ນ​ກອງ​ປະຊຸມ​ໃຫຍ່​ອົງການ​ສະຫະ​ປະຊາຊາດ ປີ 2003 ຍັງ​ໄດ້​ອອກ​ຍັດຕິ 58/4 ກໍາ​ນົດ​ເອົາ​ວັນ​ທີ 9 ທັນວາ​ຂອງ​ທຸກໆ​ປີ​ເປັນ​ວັນ​ຕ້ານ​ການ​ສໍ້​ລາດ​ບັງ​ຫຼວງ​ສາ​ກົນ. ນັບ​ແຕ່​ນັ້ນ​ມາ, ວັນ​ທີ 9 ທັນວາ ໄດ້​ກາຍເປັນ​ວັນ​ທີ່​ມີ​ຄວາມ​ໝາຍ​ສໍາ​ຄັນ​ແຫ່ງ​ຄວາມ​ສາມັກຄີ​ໃນ​ການ​ຕໍ່ສູ້​ຕ້ານ​ການ​ສໍ້​ລາດ​ບັງ​ຫຼວງ​ຂອງ​ບັນດາ​ປະຊາຊາດ​ໃນ​ໂລກ ຊຶ່ງ​ໄດ້​ວາງ​ຄໍາ​ຂວັນ​ວັນ​ທີ 9 ທັນວາ​ໃນ​ປີ 2020 ນີ້​ແມ່ນ “ຮ່ວມ​ແຮງ​ຮ່ວມ​ໃຈ​ຕ້ານ​ການ​ສໍ້​ລາດ​ບັງ​ຫຼວງ”.
    ທ່ານ ສີ​ໃນ ມຽງ​ລາ​ວັນ ຍັງ​ກ່າວ​ໃຫ້​ຮູ້​ອີກ​ວ່າ: ໃນ​ປີ 2019 ຜ່ານ​ມາ, ຄະນະ​ພັກ, ອົງການ​ປົກຄອງ ແລະ ຄະນະ​ກວດກາ​ແຕ່​ລະ​ຂັ້ນ​ໄດ້​ໂຄສະນາ​ສຶກສາ​ອົບຮົມ​ໃຫ້​ສະມາຊິກ​ພັກ, ພະນັກ​ງານ​-​ລັດຖະກອນ, ທະຫານ, ຕໍາ​ຫຼວດ, ນັກ​ຮຽນ​-​ນັກ​ສຶກສາ ຕະຫຼອດ​ຮອດ​ປະຊາຊົນ​ຊັ້ນ​ຄົນ​ຕ່າງໆ ໃຫ້​ຮັບ​ຮູ້ ແລະ ເຂົ້າໃຈ​ຕໍ່​ຜົນ​ຮ້າຍ ແລະ ໄພ​ອັນຕະລາຍ​ຂອງ​ການ​ສໍ້​ລາດ​ບັງ​ຫຼວງ ທັງ​ໝົດ 153 ຄັ້ງ, ມີ​ຜູ້​ເຂົ້າ​ຮ່ວມ 349.869 ຄົນ, ຍິງ 14.511 ຄົນ, ໂຄສະນາ​ຜ່ານ​ວິທະຍຸ ແລະ ໂທລະພາບ 330 ຄັ້ງ, ອອກ​ຂ່າວ​ໜັງສືພິມ 252 ຂ່າວ, ວາລະສານ​ກວດກາ 5 ສະບັບ, 26.025 ຫົວ ແລະ ໄດ້​ຕິດ​ຕາມ​-​ກວດກາ ທັງ​ໝົດ 945 ເປົ້າ​ໝາຍ ແລະ ດໍາ​ເນີນ​ກວດກາ​ລົງ​ເລິກ​ຕໍ່​ຜູ້​ກະທຳ​ຜິດ​ທີ່​ມີ​ພຶດຕິ​ກຳ​ສໍ້​ລາດ​ບັງ​ຫຼວງ 70 ເປົ້າ​ໝາຍ, ພົບ​ເຫັນ​ຜູ້​ກະທຳ​ຜິດ 196 ຄົນ. ດໍາ​ເນີນ​ການ​ສືບ​ສວນ​-​ສອບ​ສວນ ຕໍ່​ຜູ້​ກະ​ທໍາ​ຜິດ​ທີ່​ມີ​ການ​ສໍ້​ລາດ​ບັງ​ຫຼວງ 18 ເປົ້າ​ໝາຍ​ພົບ​ເຫັນ​ຜູ້​ກະ​ທໍາ​ຜິດ 464 ຄົນ, ໄດ້​ແກ້​ໄຂ​ດ້ານ​ບໍລິຫານ 380 ຄົນ, ດໍາ​ເນີນ​ຄະດີ 84 ຄົນ, ສະຫຼຸບ​ຄະດີ​ສົ່ງ​ໄອ​ຍະ​ການ 62 ຄົນ, ໄອ​ຍະ​ການ​ຖະແຫຼງ​ສານ​ຕັດສິນ 37 ຄົນ, ສານ​ຕັດສິນ​ແລ້ວ 34 ຄົນ ຊຶ່ງ​ຜູ້​ກະທຳ​ຜິດ​ແມ່ນ​ລວມ​ທັງ​ພະນັກງານ​ລັດ ແລະ ເອກະ​ຊົນ ຜົນ​ເສຍ​ຫາຍ​ທີ່​ເກີດ​ຂຶ້ນ ແມ່ນ​ຖືກ​ເກັບ​ກູ້​ຄືນ​ໄດ້​ຫຼາຍ​ສົມ​ຄວນ. ພຶດຕິ​ກໍາ​ສໍ້​ລາດ​ບັງ​ຫຼວງ​ທີ່​ພົ້ນ​ເດັ່ນ​ແມ່ນ: ການ​ສວຍ​ໃຊ້​ຖານະ​ຕຳແໜ່ງ, ສິດ​ອຳນາດ, ໜ້າທີ່; ການ​ໃຫ້ ແລະ ຮັບ​ສິນ​ບົນ, ການ​ຍັກ​ຍອກ, ການ​ສໍ້​ໂກ້​ງ​ຊັບ​ຂອງ​ລັດ, ການ​ປອມ​ແປງ ແລະ ນໍາ​ໃຊ້​ເອກະສານ​ປອມ ເພື່ອ​ສໍ້​ໂກງ​-​ຍັກ​ຍອກ ແລະ ອື່ນໆ. ໃນ​ປີ 2019 ໄດ້​ຮັບ​ຄໍາ​ຮ້ອງ​-ຄໍາ​ສະເໜີ ລວມ​ທັງ​ໝົດ 1.038 ສະບັບ, ໃນ​ນີ້ ແກ້​ໄຂ​ແລ້ວ 226 ສະບັບ, ສົ່ງ​ໃຫ້​ພາກສ່ວນ​ກ່ຽວຂ້ອງ​ຂັ້ນ​ຕ່າງໆ​ແກ້​ໄຂ 407 ສະບັບ, ແຈ້ງ​ຕອບ​ໃຫ້​ເຈົ້າ​ຂອງ​ຄໍາ​ຮ້ອງ 52 ສະບັບ, ເກັບ​ມ້ຽນ​ຕິດຕາມ 104 ສະບັບ, ກຳລັງ​ຄົ້ນຄວ້າ ແລະ ເກັບ​ກຳ​ຂໍ້​ມູນ 249 ສະ​ບັບ. 
 (ຂ່າວ - ພາບ: ສຸກ​ສະຫວັນ)
 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com