ໜັງສືພິມ ປະຊາຊົນ

ສະພາແຫ່ງຊາດສະຫຼຸບຜົນງານການເຄື່ອນໄຫວປະຈຳປີ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 04/01/2021 14:35:47 ຈຳນວນຢ້ຽມຊົມ 2932 ຄັ້ງ

ພາຍໃຕ້ການເປັນປະ ທານຂອງ ທ່ານ ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ ປະທານສະພາແຫ່ງຊາດ.

ຄະນະເລຂາທິການສະ ພາແຫ່ງຊາດ ໄດ້ຈັດກອງປະ ຊຸມສະຫຼຸບຜົນງານການເຄື່ອນ ໄຫວປະຈໍາປິ 2020 ແລະ ທິດທາງແຜນການ ປີ 2021, ຍ້ອງ ຍໍພະນັກງານ - ລັດຖະກອນພາຍໃນສະພາແຫ່ງຊາດ ໃນວັນທີ 31 ທັນວາຜ່ານມາ ທີ່ຫ້ອງປະຊຸມສະພາແຫ່ງຊາດ (ຫຼັກ 6). ພາຍໃຕ້ການເປັນປະ ທານຂອງ ທ່ານ ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ ປະທານສະພາແຫ່ງຊາດ.

ຍົກໃຫ້ເຫັນດ້ານດີ, ດ້ານອ່ອນ, ຂໍ້ຂາດຕົກບົກຜ່ອງ, ບົດຮຽນທີ່ຖອດຖອນໄດ້ ແລະ ວຽກງານໃນຕໍ່ໜ້າ. ຄະນະບໍລິຫານງານ ພັກສະພາແຫ່ງຊາດ ໄດ້ເອົາ ໃຈໃສ່ຊີ້ນໍາວຽກງານກົງຈັກການຈັດຕັ້ງຕ່າງໆ ໃນວຽກງານຄຸ້ມຄອງພະນັກງານ-ລັດຖະ ກອນ ໃນການສ້າງແຜນກໍານົດພະນັກງານຄຸ້ມຄອງມີຜົນສໍາເລັດ ແລະ ທັງສືບຕໍ່ຕິດຕາມຊຸກຍູ້ກໍ່ສ້າງຊ່ວຍເຫຼືອຕໍ່ເປົ້າໝາຍສ້າງພະນັກງານຢ່າງຕໍ່ເນື່ອງ; ປັດຈຸບັນ ສະພາແຫ່ງຊາດ ມີພະນັກງານ-ລັດຖະ ກອນທັງໝົດ 381 ຄົນ ຍິງ 164 ຄົນ; ປີ 2020 ໄດ້ຮັບລັດຖະກອນຈໍານວນ 24 ໂກຕາ, ໃນນັ້ນ ໄດ້ບັນຈຸເຂົ້າໃນສະພາແຫ່ງຊາດ 13 ໂກຕາ, ຈັດແບ່ງໃຫ້ສະພາປະຊາຊົນແຂວງ 11 ໂກຕາ. ຄຽງຄູ່ກັນ ຍັງໄດ້ຍົກລະດັບທາງດ້ານວຽກງານວິຊາສະເພາະ ພ້ອມທັງ ບໍາລຸງສ້າງພະນັກງານຢູ່ພາຍໃນ-ຕ່າງປະ ເທດ; ໄດ້ເອົາໃຈໃສ່ຄົ້ນຄວ້າປະຕິບັດນະໂຍບາຍດ້ານຕ່າງໆ ຕໍ່ການນໍາ ແລະ ພະນັກງານ-ລັດຖະກອນໄດ້ເປັນຢ່າງດີ.

ໄລຍະ 1 ປີຜ່ານມາ ສະພາແຫ່ງຊາດ ຊຸດທີ VIII ສາມາດ ປະຕິບັດພາລະບົດບາດ, ສິດ ແລະໜ້າທີ່ຂອງຕົນ ຊຶ່ງສະ ແດງອອກ ໄດ້ຮັບຮອງເອົາກົດ ໝາຍທັງໝົດ 9 ສະບັບ ໃນນີ້ ກົດໝາຍສ້າງໃໝ່ 4 ສະບັບ, ກົດໝາຍປັບປຸງ 5 ສະບັບ; ກອງປະຊຸມສະໄໝສາມັນຂອງສະພາແຫ່ງຊາດ ຊຸດທີ VIII ເທື່ອທີ 9 ແລະ ເທື່ອທີ 10 ໄດ້ພິຈາລະນາ ແລະ ຮັບຮອງເອົາບັນຫາສໍາຄັນຕ່າງໆ ທັງໝົດ ຈໍານວນ 19 ເນື້ອໃນ ໃນນີ້ຮັບຮອງອອກເປັນມະຕິກອງປະ ຊຸມສະພາແຫ່ງຊາດ 13 ສະ ບັບ ກວມເອົາຂົງເຂດວຽກງານ ລັດຖະບານ 22 ສະບັບ, ຂົງ ເຂດວຽກງານອົງການໄອຍະການປະຊາຊົນສູງສຸດ ແລະ ສານປະຊາຊົນສູງສຸດ 11 ສະ ບັບ, ຂົງເຂດວຽກງານອົງການກວດກາແຫ່ງລັດ ແລະ ອົງການກວດກາລັດຖະບານ 8 ສະບັບ, ຂົງເຂດວຽກງານສະພາແຫ່ງຊາດ 20 ສະບັບ; ຄະນະປະຈໍາສະພາແຫ່ງຊາດ ພິຈາລະນາ 129 ເນື້ອໃນ, ຮັບຮອງອອກເປັນມະຕິຂອງຄະນະປະຈໍາສະພາແຫ່ງຊາດ ຈໍານວນ 178 ສະບັບ ໃນນີ້ ກວມເອົາວຽກງານລັດຖະບານ 22 ສະບັບ, ວຽກງານອົງການກວດສອບແຫ່ງລັດ ແລະ ອົງການກວດກາລັດ ຖະບານ 19 ສະບັບ, ວຽກງານອົງການໄອຍະການປະຊາຊົນສູງສຸດ ແລະ ສານປະຊາຊົນສູງສຸດ 134 ສະບັບ, ວຽກງານສະພາແຫ່ງຊາດ 3 ສະບັບ ແລະ ວຽກງານອື່ນໆ.

ໃນໂອກາດດັ່ງກ່າວ, ທ່ານ ນາງ ປານີ ຢາທໍ່ຕູ້ ກໍໄດ້ຍ້ອງ ຍໍຊົມເຊີຍຕໍ່ຜົນງານທີ່ພະນັກ ງານ-ລັດຖະກອນພາຍໃນສະ ພາຍາດມາໄດ້ໃນຕະຫຼອດໄລ ຍະທີ່ຜ່ານມາ; ພ້ອມທັງ ໄດ້ເນັ້ນໜັກໃຫ້ພະນັກງານ ຈົ່ງສືບຕໍ່ເອົາໃຈໃສ່ດ້ານການເມືອງ-ແນວຄິດ, ແບບແຜນການນໍາພາວິທີເຮັດວຽກ, ມູນເຊື້ອຄວາມສາມັກຄີພາຍໃນ ຄຽງຄູ່ກັນກໍໃຫ້ພົວພັນຮ່ວມມືກັບພາຍນອກ, ສືບຕໍ່ຊອກຮູ້ຮ່ຳຮຽນເອົາຄວາມຮູ້ ເພື່ອພັດ ທະນາຕົນເອງ ທັງໝູນໃຊ້ເຂົ້າໃນວຽກງານໃຫ້ໄດ້ຮັບຜົນປະ ໂຫຍດສູງສຸດ ແລະ ຕີຕ້ານປະ ກົດການຫຍໍ້ທໍ້ຕ່າງໆທີ່ອາດຈະເກີດຂຶ້ນໃນຖັນແຖວພະນັກງານ- ລັດຖະກອນຢ່າງເດັດຂາດ ແລະ ເອົາໃຈໃສ່ວຽກງານອື່ນໆ.

(ຂ່າວ: ແສງຈັນ)

ຂ່າວທີ່ໄດ້ຮັບຄວາມນິຍົມ