ໜັງສືພິມ ປະຊາຊົນ

ເຊັນບົດບັນທຶກຄວາມເຂົ້າໃຈການພັດທະນາໃຫ້ບໍລິການຊຳລະຄ່າທຳນຽມປະກັນໄພ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 05/01/2021 09:35:39 ຈຳນວນຢ້ຽມຊົມ 2299 ຄັ້ງ

ເຊັນບົດບັນທຶກຄວາມເຂົ້າໃຈ ວ່າດ້ວຍການພັດທະນາການ ໃຫ້ບໍລິການຊຳລະຄ່າທຳນຽມປະກັນໄພຂອງ ພຣູເດັນໂຊລ ລາວ ໂດຍຜ່ານບໍລິການຂອງຢູມັນນີ (u-money) ຊຶ່ງເປັນການ ພັດທະນາຊ່ອງທາງການຊຳລະເງິນຮູບແບບໃໝ່ ໂດຍສະເພາະການຈ່າຍຄ່າທຳນຽມປະກັນໄພຊີວິດ, ເປັນການເສີມຂະຫຍາຍຄຸນນະພາບການໃຫ້ບໍລິການ ແລະ ເພື່ອອຳນວຍຄວາມສະ ດວກສະບາຍຍິ່ງຂຶ້ນໃຫ້ແກ່ລູກຄ້າທັງສອງຝ່າຍ ໄດ້ຈັດຂຶ້ນເມື່ອ ບໍ່ດົນມານີ້ ທີ່ບໍລິສັດ ຢູນີເທວ ນະຄອນຫຼວງວຽງຈັນ.

ຮ່ວມລົງນາມໃນຄັ້ງນີ້ລະຫວ່າງ ທ່ານ ເຄນຢ້ອນ ໂຮ ຜູ້ອຳ ນວຍການຝ່າຍບໍລິຫານການຄ້າ ບໍລິສັດ ພຣູເດັນໂຊລ ປະກັນ ໄພຊີວິດ (ລາວ) ຈຳກັດ ແລະ ທ່ານ ເຈີນ ມິງ ດຶກ ຮອງຜູ້ອໍາ ນວຍການ ບໍລິສັດ ສະຕາຟິນເທັກ ຈໍາກັດຜູ້ດຽວ ຊຶ່ງມີ ທ່ານ ນາງ ສຸທານີ ສີສຸວົງ ຮອງຫົວໜ້າພະແນກກວດກາລະບົບຊຳລະ ຕາງໜ້າຄຸ້ມຄອງລະບົບຊຳລະ ສະສາງ ທະນາຄານແຫ່ງ ສປປ ລາວ, ພ້ອມດ້ວຍພະນັກງານທັງ ສອງຝ່າຍເຂົ້າຮ່ວມເປັນສັກຂີພິຍານ.

ພຣູເດັນໂຊລ ລາວ ແມ່ນຂຶ້ນກັບ ພຣູເດັນໂຊລ ຄໍອອບໂປເຣເຊິນ ເອເຊຍ ຊຶ່ງພຣູເດັນໂຊລ ລາວໄດ້ສ້າງຕັ້ງຫ້ອງການຕົວ ແທນຂຶ້ນທີ່ນະຄອນຫຼວງວຽງຈັນ ແລະ ນຳເອົາຜະລິດຕະພັນປະກັນໄພຊີວິດ ແລະ ປະກັນ ສຸຂະພາບທີ່ແທດເໝາະກັບຄວາມຕ້ອງການ ໃນການປົກປ້ອງຄຸ້ມຄອງ ແລະ ການສະສົມທຶນຂອງຄົນລາວ, ໃນປັດຈຸບັນພຣູເດັນໂຊລ ລາວ ໄດ້ຈຳໜ່າຍຜະລິດຕະພັນຜ່ານທາງລະບົບທະນາຄານທົ່ວປະເທດ, ຜ່ານລະບົບຂາຍຕົງລວມໄປເຖິງການຈຳໜ່າຍຜະລິດຕະພັນຜ່ານເທິງແອບ ພີເຄເຊິນເພົ້າສ ອີກດ້ວຍ, ບໍລິສັດ ສະຕາ ຟີນ ເທັກ ຈຳກັດຜູ້ດຽວພາຍໃຕ້ເຄື່ອງ ໝາຍການຄ້າ ຢູມັນນີ ເປັນບໍລິ ສັດ ໃນເຄືອຂອງ ບໍລິສັດສະຕາ ໂທລະຄົມ ຊຶ່ງໄດ້ຮັບອະນຸຍາດຈາກທະນາຄານ ແຫ່ງ ສປປ ລາວ ໃນການສະໜອງບໍລິການດ້ານກະເປົາເງິນເອເລັກໂຕຣ ນິກຢ່າງເປັນທາງການ ຊຶ່ງການໃຫ້ບໍລິການດັ່ງກ່າວນີ້ຈະເພີ່ມຄວາມສະດວກໃຫ້ແກ່ລູກຄ້າ ປະຊາຊົນທົ່ວໄປທີ່ອາໄສຢູ່ທຸກຂົງເຂດທົົ່ວປະເທດລາວ ແລະ ສາ ມາດເຂົ້າເຖິງທະນາຄານແບບ ດີຈີຕອນໄດ້ຢ່າງງ່າຍດາຍທີ່ສຸດ.

(ຂ່າວ-ພາບ: ບຸນອູ້ມ)