ໜັງສືພິມ ປະຊາຊົນ

ຈຳປາສັກ ປະກາດການຈັດຕັ້ງພະນັກນຳພາຄຸ້ມຄອງຂັ້ນແຂວງ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 07/01/2021 09:01:36 ຈຳນວນຢ້ຽມຊົມ 2621 ຄັ້ງ

ແຂວງຈຳປາສັກ ໄດ້ຈັດພິທີປະກາດການຈັດຕັ້ງພະນັກນຳພາ- ຄຸ້ມຄອງຂັ້ນແຂວງໃນຕອນບ່າຍວັນທີ 5 ມັງກອນ 2021 ຢູ່ທີ່ສະໂມສອນຫຼັກ 4 ພາຍໃຕ້ການເເປັນປະທານຂອງທ່ານ ວິໄລວົງ ບຸດດາຄໍາ ກຳມະການສູູນກາງພັກ ເລຂາພັກແຂວງ ເຈົ້າແຂວງໆຈຳປາສັກ, ເຂົ້າຮ່ວມມີ ປະທານສະພາປະຊາຊົນແຂວງ, ຮອງເລຂາພັກແຂວງ, ຄະນະປະຈຳພັກແຂວງ, ກຳມະການພັກແຂວງ, ຫົວໜ້າພະແນກການກົມກອງ, ເລຂາພັກເມືອງ, ເຈົ້າເມືອງ 9 ເມືອງ, 1 ນະຄອນ, ຕະຫຼອດຮອດພະນັກງານນຳພາຫຼັກ ແຫຼ່ງອ້ອມຂ້າງແຂວງ.

ໃນພິທີຄັ້ງນີ້ ທ່ານ ສະນັ່ນ ສີພາພົມມະຈັນ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງໄດ້ຜ່ານຂໍ້ຕົກລົງຂອງເຈົ້າແຂວງ ວ່າດ້ວຍການ ຍົກຍ້າຍ ແລະ ແຕ່ງຕັ້ງຮອງເຈົ້າແຂວງ ສະບັບເລກທີ 029, 030/ຈຂ.ຈສ, ລົງວັນທີ 5 ມັງກອນ 2021 ມີດັ່ງນີ້:

1. ທ່ານ ສົມບູນ ເຮືອງວົງສາ ຄະນະປະຈຳພັກແຂວງ, ຫົວໜ້າພະແນກການເງິນແຂວງ ເປັນ ຮອງເຈົ້າແຂວງ. 2. ທ່ານ ໂສມ ບຸດຕະກຸນ ຄະນະປະຈໍາພັກແຂວງ, ຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງ ເປັນ ຮອງເຈົ້າແຂວງ.ມະຕິຕົກລົງຂອງຄະນະປະຈຳພັກແຂວງ ວ່າດ້ວຍການ ບົ່ງຕົວແຕ່ງຕັ້ງເລຂາພັກນະຄອນ, ຄະນະພັກຮາກຖານ ແລະ ໜ່ວຍພັກອ້ອມຂ້າງແຂວງເລກທີ 07-016/ ຄຈພຂ ລົງວັນທີ 5 ມັງກອນ ຊຶ່ງມີຈຳນວນ 10 ທ່ານ.

ມະຕິຕົກລົງຂອງຄະນະປະຈຳພັກແຂວງ ວ່າດ້ວຍການ ຍົກຍ້າຍ ແລະ ແຕ່ງຕັ້ງພະນັກ ງານນຳພາ-ຄຸ້ມຄອງ. ຈຳນວນ 5 ທ່ານ. ຂໍ້ຕົກລົງຂອງເຈົ້າແຂວງ ຍົກຍ້າຍ ແລະ ແຕ່ງຕັ້ງພະນັກ ງານນຳພາ-ຄຸ້ມຄອງຂັ້ນແຂວງ ຈຳນວນ 20 ທ່ານ.ຂໍ້ຕົກລົງຂອງເຈົ້າແຂວງ ວ່າດ້ວຍການແຕ່ງຕັ້ງເຈົ້ານະຄອນປາກເຊ ແລະ ເຈົ້າເມືອງ 9 ເມືອງ ສະບັບເລກທີ 02-011/ຈຂ.ຈສ, ລົງວັນທີ 5 ມັງກອນ 2021.ຈຳນວນ 10 ທ່ານ.ໃນໂອກາດນີ້ຍັງໄດ້ຈັດພິທີ ເຊັນບົດບັນທຶກມອບ-ຮັບໜ້າທີ່ຜູູ້ຊີ້ນຳວຽກງານຂົງເຂດເສດຖະກິດລະຫວ່າງທ່ານ ມະໄລທອງ ກົມມະສິດ ຮອງເຈົ້າແຂວງ ແລະ ທ່ານ ສົມບູນ ເຮືອງວົງສາ ຮອງເຈົ້າແຂວງໆຈຳປາສັກ ຜູ້ຮັບຜິດຊອບຊີ້ນຳຂົງເຂດເສດຖະກິດຜູ້ໃໝ່ ແລະ ເຊັນມອບ- ຮັບຫົວໜ້າພະແນກການຕ່າງໆຕາມການແບ່ງຄວາມຮັບຜິດຊອບສັບຊ້ອນໃໝ່ ຈາກນັ້ນ ທ່ານ ເຈົ້າແຂວງຈຳປາສັກໄດ້ໂອ້ລົມພ້ອມທັງ ຕີລາຄາເຖິງຜົນງານຂອງບັນດາສະຫາຍ ກໍຄືຂອງອົງຄະນະພັກໃນໄລຍະທີ່ຜ່ານມາ ແລະ ເນັ້ນໃຫ້ບັນດາທ່ານ ທີ່ໄດ້ຮັບການແຕ່ງຕັ້ງໃໝ່ສືບ ຕໍ່ເສີມຂະຫຍາຍມູນເຊື້ອຜົນ ງານຂອງຕົນທີ່ຍາດມາໄດ້ໃຫ້ແຂງແຮງກວ່າເກົ່າ, ພ້ອມກັນສາມັກຄີອ້ອມຂ້າງພັກເພື່ອປະຕິບັດພາລະກິດປົກປັກຮັກ ສາ ແລະ ສ້າງສາພັດທະນາແຂວງຈຳປາສັກ ກໍຄືປະເທດຊາດໃຫ້ຈະເລີນກ້າວໜ້າຢ່າງບໍ່ຢຸດຢັ້ງ.

(ຂ່າວ: ເກດສະໜາ ແກ້ວສຸວັນນະແສງ)

ຂ່າວທີ່ໄດ້ຮັບຄວາມນິຍົມ