ໜັງສືພິມ ປະຊາຊົນ

ຈັດຕັ້ງປະຕິບັດການທົດລອງການຮຽນແບບປະສົມປະສານໃຫ້ຄູສອນຊັ້ນປະຖົມສຶກສາ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 07/01/2021 09:34:22 ຈຳນວນຢ້ຽມຊົມ 6688 ຄັ້ງ

ເມື່ອບໍ່ດົນມານີ້ກົມສ້າງຄູ ກະຊວງສຶກສາທິການ ແລະກິ ລາ ແລະ ລັດຖະບານອົສຕຣາລີ ໄດ້ຈັດຕັ້ງປະຕິບັດການຕິດ ຕາມການຮຽນການສອນໃນ ຫ້ອງຮຽນຊັ້ນປະຖົມເຂດຫ່າງ ໄກສອກຫຼີກພ້ອມທັງໃຫ້ຄຳ ແນະນຳແກ່ຄູຝຶກຂັ້ນແຂວງ ໂດຍຜ່ານການປະຊຸມທາງ ອອນລາຍ. ນັບແຕ່ມີການລະ ບາດຂອງພະຍາດໂຄວິດ-19, ໂດຍການສະໜັບສະໜູນຈາກ ລັດຖະບານອົສຕຣາລີ ໂດຍຜ່ານແຜນງານບີຄວາ ຊຶ່ງມີຜູ້ເຂົ້າຮ່ວມທັງໝົດ 28 ທ່ານ ຈາກຄູຝຶກຫຼັກແຫຼ່ງ 6 ທ່ານ, ຄູຝຶກຂັ້ນແຂວງ 22 ທ່ານທີ່ມາຈາກ 3 ແຂວງຄື: ນະຄອນຫຼວງວຽງຈັນ, ຫຼວງນໍ້າທາ ແລະ ແຂວງ ສະຫວັນນະເຂດ. ຫົວຂໍ້ຝຶກອົບ ຮົມທີ່ໄດ້ຖືກຄັດເລືອກເຂົ້າໃນການທົດລອງການຮຽນແບບປະ ສົມປະສານຄື: ທັກສະ ແລະເຕັກນິກການສັງເກດການຮຽນ-ການສອນໃນຫ້ອງຮຽນ ຊຶ່ງເປັນທັກສະຫຼັກຂອງຄູ ເພື່ອຊ່ວຍໃຫ້ຄູສາມາດປະເມີນນັກຮຽນໃນການຮຽນໄດ້.
ຈຸດປະສົງຫຼັກຜູ້ເຂົ້າຮ່ວມ ຝຶກອົບຮົມຄັ້ງນີ້ເປັນຄັ້ງທຳອິດທີ່ທົດລອງຝຶກອົບຮົມທາງອອນລາຍ ໂດຍການນຳໃຊ້ວີດີໂອປະ ຊຸມທາງອອນລາຍລວມທັງການ ສ້າງຫ້ອງປະຊຸມວີດີໂອອອນ ລາຍ ແລະ ການນຳໃຊ້ເຄື່ອງມືຊັອບແວແບບຊູມໃຫ້ເຫັນພາບຂອງແຕ່ລະຄົນໃນຫ້ອງປະຊຸມແລະ ທຸກຄົນສາມາດເຫັນພາບກັນ ແລະ ປຶກສາກັນ ໂດຍຜ່ານຫ້ອງປະຊຸມຊັອບແວທາງອອນລາຍນີ້, ໃນທຸກຂັ້ນຕອນໄດ້ມີການແນະນຳການນຳໃຊ້ ແລະ ນຳພາການຈັດຕັ້ງປະຊຸມທາງອອນລາຍ. ພາຍຫຼັງທີ່ຄູຝຶກຫຼັກແຫຼ່ງໄດ້ຮັບການຝຶກອົບຮົມດັ່ງກ່າວນີ້ແລ້ວຈະສາມາດນຳໃຊ້ ແລະ ຝຶກຕໍ່ໃຫ້ຄູຝຶກຂັ້ນແຂວງ. ການທົດລອງການຮຽນແບບປະສົມປະສານແມ່ນໄດ້ຈັດຕັ້ງປະຕິບັດຝຶກອົບຮົມແບບໜ້າ ຊຶ່ງໜ້າຈຳນວນ 2 ວັນ ພ້ອມທັງການຝຶກອົບຮົມ ໂດຍ ຜ່ານທາງອອນລາຍອີກ 4 ຄັ້ງແລະ ຄັ້ງລະເຄິ່ງວັນ. ການຝຶກອົບຮົມການທົດລອງນີ້ໄດ້ຈັດຕັ້ງປະຕິບັດຝຶກອົບຮົມແບບດຽວກັນນີ້ໃຫ້ຄູສອນຊັ້ນປະຖົມສຶກສາ ສຳລັບຫຼັກສູດສະບັບປັບປຸງໃໝ່ ຊຶ່ງຄະນະວິຊາການຈາກກົມສ້າງຄູ ແລະ ຊ່ຽວຊານຈາກແຜນງານບີຄວາກຳລັງຈັດ ຕັ້ງປະຕິບັດຝຶກອົບຮົມໃຫ້ແກ່ຄູ ຝຶກຫຼັກແຫຼ່ງ ຊຶ່ງພາຍຫຼັງທີ່ເຂົາ ເຈົ້າໄດ້ຮັບການຝຶກອົບຮົມແລ້ວເຂົາເຈົ້າຈະໄດ້ໄປຝຶກຕໍ່ໃຫ້ຄູຝຶກຂັ້ນແຂວງ ແລະ ໃນການຝຶກອົບຮົມຄັ້ງທີ 3 ໃນອາທິດຜ່ານມາ, ຄູຝຶກຫຼັກແຫຼ່ງໄດ້ຕິດ ຕາມສັງເກດການຮຽນ-ການສອນໃນຫ້ອງຮຽນໃນຫຼາຍເມືອງຢູ່ໃນ 3 ແຂວງທີ່ກຳລັງທົດລອງ. ຄະນະຊ່ຽວຊານຂອງແຜນງານບີຄວາແລະ ຄະນະວິຊາການຂອງກົມສ້າງຄູທີ່ຢູ່ໃນນະຄອນຫຼວງວຽງຈັນໄດ້ຕິດຕາມກວດກາໃນ ການຈັດຕັ້ງກອງປະຊຸມ ໂດຍ ນຳໃຊ້ຊູມທາງອອນລາຍຂອງ ພວກເຂົາ ເພື່ອວັດຄຸນນະພາບຂອງການຈັດຕັ້ງປະຕິບັດໃນການສັງເກດຕິດຕາມການຮຽນ -ການສອນໃນຫ້ອງຮຽນທີ່ປະ ຕິບັດຢູ່ ໂດຍຄູຝຶກຫຼັກແຫຼ່ງຈຳ ນວນ 6 ຄົນ ຊຶ່ງເຫັນວ່າໄດ້ຮັບ ຜົນສຳເລັດໃນການນຳໃຊ້ເຕັກໂນໂລຊີດັ່ງກ່າວໃນເຂດຫ່າງໄກສອກຫຼີກ. ການທົດລອງດັ່ງ ກ່າວໄດ້ເລີ່ມຈັດຕັ້ງປະຕິບັດແຕ່ ເດືອນຕຸລາ 2020 ທີ່ຜ່ານມາແລະ ສືບຕໍ່ຈົນຮອດທ້າຍປີນີ້ ແລະ ມີແຜນຈັດຕັ້ງປະຕິບັດຢູ່ໃນຂັ້ນແຂວງ ເນື່ອງຈາກການຕອບຮັບທຳອິດເຫັນວ່າໄດ້ຮັບຜົນໃນທາງບວກ ສຳລັບການຮຽນແບບປະສົມປະສານນີ້ມັນເຮັດໃຫ້ມີຄວາມສະດວກສະບາຍ ແລະ ສາມາດຄວບຄຸມ, ຕິດຕາມການຮຽນ-ການສອນໄດ້ໃນເຂດຫ່າງໄກສອກຫຼີກ ຊຶ່ງມັນສາມາດຫຼຸດຜ່ອນເວລາໃນການເດີນທາງແລະ ຫຼຸດຜ່ອນຄ່າໃຊ້ຈ່າຍ ໃນການຈັດຝຶກອົບຮົມໃນເຂດທີ່ຫ່າງໄກສອກຫຼີກໃນການເຂົ້າເຖິງ.ນອກຈາກນີ້ຍັງເຮັດໃຫ້ຄູຝຶກຫຼັກແຫຼ່ງສາມາດຕອບສະໜອງ ແລະ ໃຫ້ການຊ່ວຍເຫຼືອແກ່ຄູຝຶກຂັ້ນແຂວງໄດ້ທັນເວລາ ພ້ອມ ທັງສາມາດໃຫ້ຄຳແນະ ນຳຢ່າງຕໍ່ເນື່ອງ ໂດຍການນຳໃຊ້ວິທີການແບບໃໝ່ນີ້ໃນເຂດຫ່າງໄກສອກຫຼີກອີກດ້ວຍ.
(ຂ່າວ: ສສກ)