Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ເຊີນທ່ຽວຊົມດອກຄາຍປ່າທ່າມກາງອາກາດໜາວເຢັນ ສົ່ງເສີມລາວທ່ຽວລາວ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 07/01/2021 12:57:32 ຈຳ​ນວນ​​ຢ້ຽມ​ຊົມ 1507 ຄັ້ງ

ດອກຄາຍປ່າຖືເປັນສີສັນໃໝ່ຂອງການທ່ອງທ່ຽວພາຍໃນແຂວງຫົວພັນໄລຍະນີ້ ໂດຍສະເພາະໄລຍະທ້າຍອາທິດຜ່ານມາ, ມວນຊົນພາຍໃນ ແລະ ຕ່າງແຂວງໃຫ້ຄວາມສົນໃຈມາທ່ຽວຊົມ ແລະ ຖ່າຍຮູບຮ່ວມກັບຄວາມງົດງາມຂອງດອກໄມ້ເມືອງໜາວ ຊຶ່ງຂະແໜງທ່ອງທ່ຽວ ພະແນກ ຖວທ ແຂວງຫົວພັນ ກໍໃຫ້ຄວາມສຳຄັນຕໍ່ບັນຫານີ້.

ດອກຄາຍປ່າເປັນຕົ້ນໄມ້ເມືອງໜາວ, ຫາພົບໄດ້ງ່າຍຕາມທຳມະຊາດໃນພາກເໜືອຂອງລາວ ເລີ່ມອອກດອກແຕ່ທ້າຍເດືອນທັນວາຫາທ້າຍເດືອນມັງກອນຂອງທຸກໆປີ, ດອກມີສີສັນງົດງາມຄ້າຍດອກຄາຍບ້ານ, ມີໝາກນ້ອຍ ແລະ ມີລົດຂົມ. ສະເພາະຢູ່ແຂວງຫົວພັນ, ການປູກດອກຄາຍປ່າໄດ້ມີແນວຄິດເລີ່ມ ແລະ ປູກລຽບຕາມສາຍທາງຫຼວງ, ຕົວເມືອງຕ່າງໆມາແຕ່ປີ 2008 ພາຍໃຕ້ການຊີ້ນຳຂອງທ່ານ ພັນຄຳ ວິພາວັນ ຮອງປະທານປະເທດ ສປປ ລາວ ໃນໄລຍະທີ່ທ່ານດຳລົງຕຳແໜ່ງເປັນເຈົ້າແຂວງຫົວພັນ ແລະ ໄດ້ມີການຂະຫຍາຍ, ບົວລະບັດຮັກສາຕະຫຼອດມາ. ໃນທີ່ສຸດ, ໄດ້ຮັບກະແສນິຍົມຈາກສັງຄົມ ແລະ ນັກທ່ອງທ່ຽວພາຍໃນ-ຕ່າງປະເທດໃນໄລຍະ 2-3 ປີກ່ອນໜ້ານີ້.

ທ່ານ ນາງ ກ່ອງມະນີລາ ບົວທາວົງ ຮອງຫົວໜ້າຂະແໜງທ່ອງທ່ຽວ ພະແນກ ຖວທ ແຂວງຫົວພັນໃຫ້ຮູ້ວ່າ: ເພື່ອຕອບສະໜອງຄວາມຮຽກຮ້ອງຕ້ອງການທີ່ພວມເປັນກະແສຂອງສັງຄົມໃນການທ່ຽວຊົມດອກຄາຍປ່າໃນໄລຍະ 3 ປີຜ່ານມາ.

ສຳລັບປີນີ້ແຂວງຫົວພັນຈະຈັດງານນິເທດສະການທ່ຽວຊົມດອກຄາຍບານຂຶ້ນຢູ່ເທດສະບານເມືອງຊຳເໜືອ ໃນວັນທີ 11-12 ມັງກອນ ທີ່ຈະມາເຖິງນີ້, ຊຶ່ງກິດຈະກຳຈະປະກອບດ້ວຍງານປະກວດນາງສາວງາມດອກຄາຍ, ທ່ຽວຊົມດອກຄາຍປ່າຢູ່ເມືອງຊຳເໜືອ, ທ່ຽວຊົມສວນຊາກຸຣະຢູ່ເມືອງວຽງໄຊ ແລະ ກິດຈະກຳອື່ນໆ ຊຶ່ງຂະແໜງການທ່ອງທ່ຽວໄດ້ຈັດສັນສະຖານທີ່ຮອງຮັບເອົາໄວ້ແລ້ວ ໂດຍເລືອກເພັ້ນເອົາບ່ອນທີ່ມີດອກຄາຍປ່າເບັ່ງບານຫຼາຍຕົ້ນ ແລະ ງົດງາມທີ່ສຸດເປັນຈຸດສູນລວມ ເປັນຕົ້ນແມ່ນຈຸດບ້ານຫ້ວຍອວງ ຫ່າງຈາກເທດສະບານເມືອງຊຳເໜືອປະມານ 8 ກິໂລແມັດ ຊຶ່ງເປັນຈຸດທີ່ນັກທ່ອງທ່ຽວໃຫ້ຄວາມສົນໃຈ ແລະ ນິຍົມມາທ່ຽວຊົມ ເພາະເປັນຈຸດທີ່ມີດອກຄາຍປ່າບານຫຼາຍຕົ້ນລຽນກັນ ແລະ ມີມູມຖ່າຍຮູບທີ່ງົດງາມ. ສະນັ້ນ, ຂະແໜງການທ່ອງທ່ຽວໄດ້ບູລະນະດ້ວຍການສ້າງບັນດາກິດຈະກຳປິ່ນອ້ອມ ເປັນຕົ້ນແມ່ນສ້າງຈຸດຖ່າຍຮູບ, ສ້າງສິ່ງອຳນວຍຄວາມສະດວກຕ່າງໆເພື່ອຮອງຮັບນັກທ່ອງທ່ຽວມາທ່ຽວຊົມ.

ທ່ານຍັງໃຫ້ຮູ້ຕື່ມວ່າ: ນອກຈາກທ່ຽວຊົມດອກຄາຍປ່າທີ່ເປັນຈຸດເດັ່ນແລ້ວ, ພາຍໃນແຂວງຫົວພັນຍັງມີແຫຼ່ງທ່ອງທ່ຽວທຳມະຊາດ, ວັດທະນະທຳ ແລະ ປະຫວັດສາດຫຼາຍຈຸດທີ່ເໝາະສົມໃນການທ່ຽວຊົມໃນໄລຍະລະດູໜາວແນວນີ້ ເປັນຕົ້ນແມ່ນ, ແຫຼງທ່ອງທ່ຽວປະຫວັດສາດ-ທຳມະຊາດພູຜາຖີ່, ເຂດປະຫວັດສາດເມືອງວຽງໄຊ, ສວນຊາກຸຣະມິດຕະພາບ ລາວ-ຍີ່ປຸ່ນ ທີ່ເມືອງວຽງໄຊ ແລະ ບ່ອນອື່ນໆຕື່ມອີກ.

ໂອກາດນີ້, ທ່ານ ຮອງຫົວໜ້າຂະແໜງທ່ອງທ່ຽວ ຍັງໄດ້ເຊີນຊວນທ່ານແຂກທັງພາຍໃນ ແລະ ຕ່າງແຂວງ ພ້ອມກັນມາທ່ຽວຊົມດອກຄາຍປ່າດ້ວຍຄວາມເພີດເພີນ, ເບີກບານ, ມ່ວນຊື່ນ ພ້ອມກັນເປັນເຈົ້າການຮັກສາສິ່ງແວດລ້ອມ ແລະ ກົດລະບຽບຂອງສະຖານທີ່ທ່ອງທ່ຽວ.

(ຂ່າວ-ພາບ: ໄອແກ້ວ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com