ທ່ານ ໂຈ​ໄບ​ເດັນໃຫ້ສັນຍາຈະຊຸກຍູ້ບັນດາມາດຕະການຟື້ນຟູເສດຖະກິດ

ຂ່າວສານ​ຫວຽດນາມ ລາຍ​ງານ​ວ່າ, ທ່ານ ໂຈ ໄບ​ເດັນ ປະທານາທິບໍດີ​ຄົນ​ໃໝ່​ຂອງ ອາ​ເມ​ຣິ​ກາ ໃຫ້​ຮູ້​ວ່າ: ໃນ​ອາ​ທິດ​ໜ້າ ຈະ​ປະກາດ​ໂຄງການ​ກອບ​ກູ້​ພື້ນຖານ​ເສດ​ຖະ​ກິດ.
ຂ່າວ​ລະບຸ​ວ່າ: ວັນ​ທີ 8 ມັງກອນ​ຜ່ານ​ມາ, ທ່ານ ໂຈ​ໄບ​ເດັນ ໄດ້​ຮັບ​ໄຊຊະນະ​ໃນ​ການ​ເລືອກ​ຕັ້ງ​ປະທານາທິບໍດີ ອາ​ເມ​ຣິ​ກາ ໄດ້​ແນະນຳ​ບັນດາ​ສະມາຊິກ​ສຸດ​ທ້າຍ​ຂອງໜ່ວຍ​ງານ​ຮັບ ຜິດຊອບ​ດ້ານ​ເສດຖະກິດ​ໃນ​ລັດຖະບານ​ຈະ​ມາ​ເຖິງ ຂອງ​ປະທານາທິບໍດີ, ພ້ອມ​ທັງ​ໃຫ້​ຄຳ ໝັ້ນສັນຍາ​ວ່າ: ຈະ​ມີ​ຫຼາຍ​ມາດ ຕະການ​ໜູນ​ຊ່ວຍ​ຕື່ມ​ອີກ​ໃຫ້​ແກ່​ບັນດາ​ຄອບຄົວ ແລະ ວິ​ສາ​ຫະ​ກິດ​ຂະໜາດ​ນ້ອຍ ທີ່​ພວມ​ປະສົບ​ກັບ​ຄວາມ​ຫຍຸ້ງຍາກ ຫຼາຍ​ຢ່າງ ຈາກ​ພະ​ຍາດ​ລະບາດ​ໂຄ​ວິດ - 19. 
ທ່ານ ໄບ​ເດັນ ໃຫ້​ຮູ້​ຕື່ມ​ວ່າ: ໃນ​ອາ​ທິດ​ໜ້າ, ທ່ານ ຈະປະ ກາດ​ໂຄງການ​ກອບກູ້​ພື້ນຖານ​ເສດຖະກິດ, ໃນ​ນັ້ນ, ສົ່ງເສີມປະ ຊາຊົນ​ເສຍ​ພາສີ​ອາກອນ ແລະ ການ​ເພີ່ມ​ເງິນເດືອນ​ພື້ນຖານ ຈະ​ແມ່ນ​ບຸລິມະສິດ​ແຖວ​ໜ້າ. ຄຽງ​ຄູ່​ກັນ​ນັ້ນ, ທ່ານ ກໍ​ໃຫ້​ຄຳ​ສັນຍາ​ວ່າ: ຈະ​ຍູ້​ໄວ​ຄວາມ​ຄືບ​ໜ້າ​ໃນ​ການ​ສັກ​ວັກ​ຊິນ​ປ້ອງ​ກັນ​ພະຍາດ​ໂຄ​ວິດ - 19 ໃຫ້​ແກ່​ປະຊາ​ຊົນ.