Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ແຂວງວຽງ​ຈັນ ເປີດ​ໂສມ​ໜ້າ​ໃໝ່​ການ​ພັດ​ທະ​ນາແບບ​ຍືນ​ຍົງ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 13/01/2021 11:40:38 ຈຳ​ນວນ​​ຢ້ຽມ​ຊົມ 787 ຄັ້ງ

ແຂ​ວງວຽງ​ຈັນເປັນ​ແຂວງ​ທີ່​ຕິດ​ກັບ​ນະ​ຄອນຫຼວງວຽງ​ຈັນທາງ​ພ​າກ​ເໜຶອ ແລະ ເປັນ​ແຂວງ​ທີ່​ປະ​ຊາ​ຊົນ​ມີ​ມູນ​ເຊື້ອ​ດຸ​ໝັ່ນໃນ​ການ​ທຳ​ມາ​ຫາ​ກິນ ສ້າງ​ຕົນ​ເອງ​ໃຫ້​ເຂັ້ມ​ແຂງ ພ້ອມ​ດຽວ​ນັ້ນ​ແຂວງວຽງ​ຈັນ​ ກໍ​ມີ​ທ່າແຮງ​ບົ່ມ​ຊ້ອນຫຼາຍ​ຢ່າງ ເປັນ​ຕົ້ນ​ແມ່ນ​ສະ​ຖາ​ນທີ່ທ່ອງ​ທ່ຽວໃນມື້​ພັກ​ທາງ​ລາ​ຊະ​ການ​ຕ່າງໆ​ຂອງປະ​ຊາ​ຊົນຊາວ​ນະ​ຄອນຫຼວງວຽງ​ຈັນ ແລະ ແຂວງ​ອ້ອມ​ຂ້າງ​ ພ້ອມ​ທັງນັກ​ທ່ອງ​ທ່ຽວ​ທັງ​ພາຍໃນ ແລະ ຕ່າງ​ປະ​ເທດ ​ທີ່ນິ​ຍົມ​ກັນ​ໄປ​ທ່ຽວ​​ຊົມທຳ​ມະ​ຊາດທີ່​ສວຍ​ງາມ ສະ​ຖານ​ທີ່​ທ່ອງ​ທ່ຽວ​ທີ່​ມີ​ຊື່​ສຽງ​​ແມ່ນ​ເມືອງວັງ​ວຽງ, ທ່າ​ລາດ …. ນອກ​ຈາກ​ນີ້ ແຂວງວຽງ​ຈັນ​ ຍັງ​ເປັນ​ແຫຼ່ງ​ອູ່​ເຂົ້າ​ອູ່​ປາ​ທີ່​ອຸ​ດົມ​ສົມ​ບູນ​​ມີ​ທົ່ງ​ພຽງ​ກວ້າງ​ໃຫຍ່, ເປັນ​ແຫຼ່ງ​ອຸດ​ສາຫະ​ກຳ​​​ການຜະ​ລິດໄຟ​ຟ້ານ້ຳ​ຕົກ​ຂະ​ໜາດ​ໃຫຍ່ ແຫຼ່ງ​ທຳ​ອິດ​ຂອງ​ສ​ປ​ປ​ລາວ ແລະ ໄດ້​ກາຍເປັນ​ໃບ​ໜ້າ​ໃໝ່​ໃນ​ການຕ້ອນ​ຮັບ​ແຂກ​ຕ່າງ​ປະ​ເທດ​ທີ່​ມາ​ຢ້ຽມ​ຢາມ​ ສ​ປ​ປ​ ລາວ. ສ່ວນການ​ຜະ​ລິດ​ກະ​ສິ​ກຳ​ ​ກໍສາ​ມາດ​ແປ​ຮູບເປັນ​ສິນ​ຄ້າ​ໂອດ໊ອບ, ຊຶ່ງ​ມີ​ກຸ່ມ​ໂອດ໊ອບທັງໝົດ 19 ຫົວໜ່ວຍ ມີ 62 ຜະລິດຕະພັນຍ່ອຍ,  ກວມ 19 ບ້ານ, ນອນຢູ່ໃນ 10 ເມືອງຈັດຢູ່ໃນອັນດັບ 3 ຂອງປະເທດ.

ເນື່ອງ​ໃນ​ໂອ​ກາດ​ສຳ​ເລັດ​ກອງ​ປະ​ຊຸມ​ໃຫ​ຍ່​ ຄັ້ງ​ທີ V ຂອງອົງ​ຄະ​ນະ​ພັກ​ແຂວງວຽງ​ຈັນໃນ​ເດືອນ​​​ຜ່ານ​ມາ ທ່ານ ຄຳ​ພັນ ສິດ​ທິ​ດຳ​ພາ ເຈົ້າ​ແຂ​ວງວຽງ​ຈັນ​ໄດ້​ໃຫ້​ຮູ້​ວ່າ ຈະ​ໄດ້ນຳ​ເອົາ​ມະ​ຕິ​ຂອງກອງ​ປະ​ຊຸມ​ເທື່ອ​​ດັ່ງ​ກ່າວ​ນີ້ໄປຈັດ​ຕັ້ງ​ຜັນ​ຂະ​ຫຍາຍ​ໃຫ້​ເປັນ​ໂຄງ​ການ​ລະ​ອຽດ ພ້ອມ​ນັ້ນ, ກໍ​ມີ​ການ​ແບ່ງ​ງານ​​ໃຫ້ 35 ສະ​ຫາຍ ​ທີ່​ເປັນ​ຄະ​ນະ​ພັກ​ແຂວງ ເພື່ອ​ສືບ​ຕໍ່ຈັດ​ຕັ້ງ​ປະ​ຕິ​ບັດ​ມະ​ຕິ​ຂອງກອງ​ປະ​ຊຸມ​ໃຫ້​ມີ​ຜົນ​ສຳ​ເລັດ ເຮັດ​ໃຫ້​ແຂວງວຽງ​ຈັນ​​ມີ​ບາດ​ກ້າວ​ໃໝ່ ກ້າວ​ຂຶ້ນຢ່າງ​ບໍ່​ຢຸດ​ຢັ້ງ, ​ພ້ອມ​ກັນ​ນີ້​ ກໍ​ໄດ້ກະ​ກຽມປຸກ​ລະ​ດົມ​ຂະ​ບວນ​ການ​ຕ່າງໆ​ຂຸ້ນ​ຂ້ຽວ​ພ້ອ​ມ​ກັນ​​​ຈັດ​ຕັ້ງ​ປະ​ຕິ​ບັດ​ ມະ​ຕິ​ກອງ​ປະ​ຊຸມ​ໃຫຍ່ ຄັ້​ງ​ທີ V ຂອງ​ອົງ​ຄະ​ນະ​ພັກແຂວງວຽງ​ຈັນ ແຕ່​ຫົວ​ທີ ເຮັດ​ແນວ​ໃດໃຫ້ທົ່ວ​ສັງ​ຄົມ​ມີ​ຄວາມ​ສະ​ຫງົບໂດຍ​ພື້ນ​ຖານ ແລະ ໄດ້ສຸມ​ໃສ່​ການ​ຜະ​ລິດລະ​ດູ​ແລ້ງ ຕ້ານ​ແລ້ງ​ຕ້ານ​​ຖ້ວມ, ກະ​ກຽມ​ປູກ​​ພືດລະ​ດູ​ຝົນ ຫັນ​ປ່ຽນ​ຈາກ​ການ​ຜະ​ລິດ​ແບບ​ທຳ​ມະ​ຊາດ​ ໄປສູ່​ການ​ຜະ​ລິດທີ່​ທັນ​ສະ​ໄໝ ​ເປັນ​ສິນ​ຄ້າ​ເທື່ອ​ລະ​ກ້າວ, ພ້ອມ​ກັນ​ນີ້​ ພື້ນ​ຖານ​ໂຄງ​​ລ່າງ​ກໍ​ກຳ​ລັງ​ໄດ້​ຮັບ​ການ​ປັບ​ປຸງເສັ້ນ​ທາງລະ​ຫວ່າງ​ບ້ານ​ຫາ​ບ້ານ, ບ້ານ​ຫາ​ເມືອງ ແລະ ເມືອງ​ຫາ​ແຂວງ, ປັດ​ຈຸ​ບັນ​ນີ້ ກໍມີ​ທາງ​ດ່ວນ​ສ້າງ​ສຳ​ເລັດ​ແລ້ວ, ​ມີ​ທາງ​ລົດ​ໄຟ​ກຳ​ລັງ​ຈະ​ສຳ​ເລັດ, ສ່ວນ​ວ່າ​ການ​ປູກ​ການ​ລ້ຽງ, ຈຳ​ນວນ​ໜຶ່ງ​ກຳ​ລັງຢູ່​ໃນ​ຂັ້ນ​ຕອນ​ການ​ສຳຫຼວດ ຂັ້ນ​ຕອນການ​ສຶກ​ສາ, ​​ພ້ອມ​ດຽວ​ກັນ​ນີ້ ກໍ​ສຸມ​ໃສ່​ການ​ເກັບ​ລາຍ​ຮັບ ໂດຍ​ສ້າງທຸກ​ທ່າ​ແຮງ​ເພື່ອ​​​ເຮັດ​ໃຫ້​ການ​ເກັບ​ລາຍ​ຮັບ​ໄດ້​ລື່ນ​ແຜນ​ການ​ທີ່​ລັດ​ຖະ​ບານມອບ​ໝາຍ​ໃຫ້.

​ເພື່ອ​ເປັນ​ການ​ຂ່ຳ​ນັບ​ຮັບ​ຕ້ອນກອງ​ປະ​ຊຸມ​ໃຫຍ່ ຄັ້ງ​ທີ XI ຂອງ​ພັກ​ກໍ​ໄດ້​ມີ​ການ​ຈັດ​ກິດ​ຈະ​ກຳຂຶ້ນ​ຢ່າງ​ເປັ​ນ​ຂະ​ບວນ​ຟົດ​ຟື້ນ ໂດຍ​ສະ​ເພາະ​ກິດ​ຈະ​ກຳ​ຕ່າງໆ​ທີ່​ຜ່ານ​ມາ​ ເພື່ອສະຫຼອງວັນ​ເກີດ​ປະ​ທານ​ໄກ​ສອນ​ພົມ​ວິ​ຫານ ຄອບ​ຮອບ 100 ປີ ໃຫ້​ເປັນ​ຂະ​ບວນ​ການຕິດ​ພັນ​ກັບ​ວັນ​ຊາ​ດ​ຄອ​ບ​ຮອບ 45 ປີ ໂດຍ​ສະ​ເພາະ​ການ​ເລົ່າ​ມູນ​ເຊື້ອ​ວິ​ລະ​ຊົນ ໂດຍ​ຢຶດ​ເອົາ​ຕົ້ນ​ແຕ້​ຢູ່​ເມືອງ​ແມດ​ຊຶ່ງ​ເປັນ​ບ່ອນ​ທີ່​ພວກ​ລ່າ​ເມືອງ​ຂຶ້ນໄດ້​ແຂວນ​ຄໍ​ນັກ​ປະ​ຕິ​ວັດ​ຂອງ​ພວກ​ເຮົາ​ໃນ​ສະ​ໄໝ​ຕໍ່​ສູ້​ກູ້​ຊາດ ບູ​ລະ​ນະໃຫ້​ຕົ້ນ​​ແຕ້​ເປັນ​ແຫຼ່ງ​ມູນ​ເຊື້ອ​ປະ​ຕິ​ວັດ​. ນອກ​ຈາກ​ຂະ​ບວ​ນ​ການ​ຕ່າງໆ ຍັງ​ມີ​ການ​ແຕ່ງ​ເພງ, ກອນ​ລຳ, ຂະ​ບວນ​ສິ​ລະ​ປະ​ວັນ​ນະ​ຄະ​ດີ, ມີ​ຂະ​ບວນ​ກິ​ລາ​ຊິງ​ຂັນ​ເຈົ້າ​ແຂວງ, ຂະ​ບວນ​ການ​ຂີ່​ລົດ​ຖີບ, ພ້ອມ​ນັ້ນ​ ກໍ​ໄດ້​ເຮັດໂຮມຊຸມນຸມນ້ອຍ ​ຕິດ​ພັນ​ກັບ​ວັນ​ເກີດ​ຂອງ​ປະ​ທານ​ໄກ​ສອນ​ພົມ​ວິ​ຫານ ແລະ ວັນ​ຊາດ​ 2 ​ທັນ​ວ່າ ສ້າງ​ເປັນ​ຄຳ​ຖາມ​ເປັນ​ຄຳ​ຕອບ​ລົງ​ສູ່​ບ້ານ​ເຮັດ​ໃຫ້​ກວ້າງ​ຂວາງ​ທີ່​ສຸດ.

​​ທ່ານ​ເຈົ້າ​ແຂວງ​ຍັງ​ໃຫ້​ຮູ້​ຕື່ມ​ອີກວ່າ ແຜນ​ການ​ໃນ​ຕໍ່​ໜ້າ​ແມ່ນ​ຈະ​ໄດ້ສືບຕໍ່ປະຕິບັດຕາມ ມະຕິ V ​ຂອງ​ອົງ​ຄະ​ນະ​ພັກ​ແຂ​ວງວຽງ​ຈັນ ເມື່ອຮອດປີ 2030 ລະບົບການເມືອງ-ການປົກຄອງ ມີສະຖຽນລະພາບ ແລະ ເຂັ້ມແຂງ, ລວມຍອດຜະລິດຕະພັນພາຍໃນ ສະເລ່ຍຕໍ່ຫົວຄົນເພີ່ມຂຶ້ນປະມານ 3 ເທົ່າ ທຽບໃສ່ປີ 2015. ຮອດປີ 2025 ຍົກສູງຄວາມສາມາດນຳພາຂອງພັກ, ສ້າງພັກໃຫ້ມີຄວາມປອດໃສ ເຂັ້ມແຂງໜັກແໜ້ນ ດ້ານການເມືອງ-ແນວຄິດ, ການຈັດຕັ້ງ ແລະ ແບບແຜນວິທີນຳພາ. ກໍ່ສ້າງພະນັກງານໃຫ້ຮັບປະກັນບຸກທະລຸທັງ 4 ດ້ານ; ຫັນລົງກໍ່ສ້າງຮາກຖານການເມືອງຕາມ 4 ເນື້ອໃນ 4 ຄາດໝາຍ, ພັດທະນາຊົນນະບົດຮອບດ້ານ ຕິດພັນກັບວຽກງານ 3 ສ້າງ, ຍູ້ແຮງຂະບວນການແຂ່ງຂັນຮັກຊາດ ແລະ ພັດທະນາ, ສ້າງບ້ານໃຫຍ່ກາຍເປັນສີສັນຕົວເມືອງໃນຊົນນະບົດຫຼາຍຂຶ້ນ. ພັດທະນາບັນດາເມືອງ ຕາມທິດສີຂຽວ ຍືນຍົງ, ສຸມໃສ່ພັດທະນາ 4 ເມືອງທົ່ງພຽງ, ສ້າງໃຫ້ເມືອງວຽງຄຳ ກາຍເປັນເມືອງໃຈກາງຂອງເທດສະບານແຂວງວຽງຈັນ; ສຸມໃສ່ປັບປຸງ ກໍ່ສ້າງໃຫ້ກຳລັງປກຊ-ປກສ ທ້ອງຖິ່ນ, ບ້ານປ້ອງກັນຊາດເຂັ້ມແຂງ ໃຫ້ເພີ່ມຂຶ້ນ 80 ບ້ານຂຶ້ນໄປ, ສ້າງບ້ານປ້ອງກັນຄວາມສະຫງົບດີ ໃຫ້ເພີ່ມຂຶ້ນ 100 ບ້ານ; ຍູ້ແຮງເສດຖະກິດໃຫ້ຂະຫຍາຍຕົວຕໍ່ເນື່ອງ, GDP ສະເລ່ຍ 5 ປີຕໍ່ໜ້າ ບໍ່ໃຫ້ຫຼຸດ 6% ຕໍ່ປີ, ຮອດປີ 2025 ຂະຫຍາຍຕົວບໍ່ໃຫ້ຫຼຸດ 6,5%, ສະເລ່ຍລາຍໄດ້ໃສ່ຫົວຄົນໃຫ້ໄດ້ 23,60 ລ້ານກີບ ຫຼື 2.663 ໂດລາ; ສຸມໃສ່ຂະຫຍາຍການຜະລິດກະສິກໍາເປັນສິນຄ້າ ຕິດພັນກັບອຸດສະຫາກຳປຸງແຕ່ງ, ການຄ້າ, ຕະຫຼາດເພື່ອສົ່ງອອກ ທັງມີຄຸນນະພາບ, ໝັ້ນທ່ຽງ ແລະ ຍືນຍົງ. ພັດທະນາກະສິກຳແບບປະສົມປະສານ, ກະສິກຳສະອາດ ເພື່ອຕອບສະໜອງສະບຽງອາຫານໄດ້ຢ່າງພຽງພໍ, ການຜະລິດເຂົ້າ ສະເລ່ຍ 691 ກິໂລຕໍ່ຄົນຕໍ່ປີ. ສົ່ງເສີມຕົວແບບການຜະລິດການປູກ, ການລ້ຽງສັດໃຫຍ່ ແບບຫົວໜ່ວຍຄອບຄົວ, ແບບເປັນກຸ່ມ, ເປັນຟາມໃຫ້ຫຼາຍຂຶ້ນ. ສົ່ງເສີມການປູກໄມ້ໃຫ້ກວມເອົາ 65% ຂອງພື້ນທີ່; ເພື່ອຍູ້ແຮງການພັດທະນາອຸດສາຫະກໍາເປັນມິດກັບສິ່ງແວດລ້ອມ ໂດຍເລີ່ມຈາກອຸດສາຫະກໍາປຸງແຕ່ງຜົນຜະລິດກະສິກໍາ, ພະລັງງານໄຟຟ້ານ້ຳຕົກ, ພະລັງງານສະອາດ, ແຮ່ທາດ, ຕິດພັນກັບການປົກປັກຮັກສາປ່າໄມ້, ແຫຼ່ງນ້ຳ. ເປັນເຈົ້າການກຳນົດຈຸດສຸມຂອງການລົງທຶນ, ສົ່ງເສີມຜູ້ປະກອບການທັງພາຍໃນ ແລະ ຕ່າງປະເທດ ໄປລົງທຶນໃນເຂດຊົນນະບົດດ້ວຍຮູບການຕ່າງໆ, ສຸມໃສ່ການລົງທຶນເຂົ້າໃສ່ການຜະລິດ ແລະ ການບໍລິການ, ສ້າງ​ທຸກ​ເງື່ອນ​ໄຂ​ເພື່ອໃຫ້ປະຊາຊົນມີລາຍຮັບເພີ່ມຂຶ້ນ. ຊຸກຍູ້ການກໍ່ສ້າງເສັ້ນທາງຄົມມະນາຄົມເຊື່ອມກັບທາງດ່ວນ, ທາງລົດໄຟ ເພື່ອເຊື່ອມເສດຖະກິດກັບ 9 ແຂວງ ພາກເໜືອ, ນະຄອນຫຼວງວຽງຈັນ, ແຂວງບໍລິຄໍາໄຊ ແລະ ເຂດຊາຍແດນ ສືບຕໍ່ປັບປຸງ ຍົກລະດັບເສັ້ນທາງເມືອງຫາເມືອງ, ບ້ານຫາບ້ານ ໃຫ້ທຽວໄດ້ຕະຫຼອດປີ, ຍົກລະດັບຄວາມສາມາດຮອງຮັບການສື່ສານ ໃຫ້ທັນສະໄໝ. ໃຫ້ກ້າວໄປສູ່ຄຸນນະພາບໃໝ່ ກວມເອົາ 98% ຂອງພື້ນທີ່ໃນທົ່ວແຂວງ. ຂະຫຍາຍເຄື່ອຄ່າຍໄຟຟ້າໃຫ້ເຂົ້າເຖິງຄົວເຮືອນ ກວມເອົາ 99,3%. ສືບຕໍ່ປັບປຸງ ຂະຫຍາຍພື້ນຖານໂຄງລ່າງ ແລະ ການບໍລິການດ້ານສາທາລະນະສຸກໃຫ້ທົ່ວເຖິງ ແລະ ທັນສະໄໝກວ່າເກົ່າ, ຍູ້ແຮງວຽກສຸຂະສຶກສາ ແລະ ປ້ອງກັນພະຍາດ, ເຝົ້າລະວັງ, ຄວບຄຸມ ແລະ ສະກັດກັ້ນ ການລະບາດຂອງພະຍາດ ໂຄວິດ-19, ພະຍາດຕາມລະດູການໃຫ້ທັນເວລາ. ປະຕິບັດນະໂຍບາຍສະຫວັດດີການສັງຄົມໃຫ້ຜູ້ທີ່ມີຜົນງານຕໍ່ປະເທດຊາດໃຫ້ຄົບຖ້ວນ. ຂະຫຍາຍອັດຕາປົກຄຸມປະກັນສັງຄົມໃຫ້ນັບມື້ກວ້າງຂວາງ. ເບິ່ງແຍງຊ່ວຍເຫຼືອຜູ້ດ້ອຍໂອກາດ, ຊ່ວຍເຫຼືອຜູ້ປະສົບເຄາະຮ້າຍຕ່າງໆ. ປົກປັກຮັກສາ ແລະ ເສີມຂະຫຍາຍວັດທະນະທໍາອັນດີງາມຂອງຊາດ, ຂອງເຜົ່າ, ສົ່ງເສີມສີລະປະວັນນະຄະດີທີ່ເປັນເອກະລັກຂອງບັນດາເຜົ່າ; ສ້າງແບບແຜນການດໍາລົງຊີວິດອັນສົດໃສກ້າວໜ້າ, ໄປພ້ອມກັບການຕັ້ງໜ້າຕ້ານແບບແຜນການດໍາລົງຊີວິດທີ່ເຊື່ອມຊາມ ແລະ ປະກົດການຫຍໍ້ທໍ້ຕ່າງໆ. ຄະນະພັກແຕ່ລະຂັ້ນ ຕ້ອງຖືເອົາການຊີ້ນຳ-ນຳພາ ແກ້ໄຂຄວາມທຸກຍາກຂອງປະຊາຊົນ ເປັນວຽກບຸລິມະສິດ, ສຸມໃສ່ການຫັນລົງກໍ່ສ້າງຮາກຖານ, ແນໃສ່ບັນລຸຕາມເນື້ອໃນມາດຖານການສ້າງບ້ານເປັນຫົວໜ່ວຍພັດທະນາ ໃຫ້ກວມເອົາ 82,6% ສ້າງບ້ານໃຫຍ່ໃຈກາງເຊື່ອມຈອດກັບບ້ານອ້ອມຂ້າງ ກາຍເປັນສີສັນຕົວເມືອງໃນຊົນນະບົດ 7 ຈຸດ. ສູ້ຊົນສ້າງແຂວງວຽງຈັນ ໃຫ້ກາຍເປັນຫົວໜ່ວຍຍຸດທະສາດ ຕາມທິດ 3 ສ້າງ, ສ້າງເມືອງເປັນຫົວໜວ່ຍເຂັ້ມແຂງຮອບດ້ານ ໃຫ້ບັນລຸໄດ້ 6 ເມືອງຂຶ້ນໄປ. ສູ້ຊົນສ້າງບັນດາເມືອງໃຫ້ເປັນເມືອງສາມັກຄີປອງດອງ ໃຫ້ຕິດພັນກັບການສ້າງເມືອງເຂັ້ມແຂງຮອບດ້ານ.

(ໂດຍ: ສ.ຣາ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com