Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຂະ​ແໜງ​ອຸດ​ສາ​ຫະ​ກຳ ເປັນ​ແຮງ​ຍູ້ຫຼັກ ດຶງ​ເສດ​ຖະ​ກິດ​ຂະ​ຫຍາຍ​ຕົວ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 13/01/2021 17:25:30 ຈຳ​ນວນ​​ຢ້ຽມ​ຊົມ 630 ຄັ້ງ

ໃນໄລຍະ 5 ປີຜ່ານມາ, ການຂະຫຍາຍຕົວຂອງເສດຖະກິດແຫ່ງຊາດຂອງລາວ ສ່ວນໃຫຍ່ແມ່ນມາຈາກຂະແໜງການອຸດສາຫະກໍາ ໂດຍສະເພາະໃນຂະແໜງພະລັງງານໄຟຟ້າ ແລະ ການກໍ່ສ້າງ ໂດຍມີອັດຕາຂະຫຍາຍຕົວສະເລ່ຍ 9,1%, ຂະນະທີ່ການຂະຫຍາຍຕົວຂອງຂະແໜງບໍລິການ ການຂາຍຍົກ-ຂາຍຍ່ອຍ, ການເງິນ ແລະ ປະກັນໄພ ກໍຍັງຂະຫຍາຍຕົວດີ ແຕ່ການປະກອບສ່ວນຕໍ່ເສດຖະກິດຍັງບໍ່ສູງ.

ສະຫາຍ ທອງລຸນ ສີສຸລິດ ກໍາມະການກົມການເມືອງສູນກາງພັກ ນາຍົກລັດຖະມົນຕີ ກ່າວໃນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນ ປະຕິວັດລາວ ທີ່ເປີດຂຶ້ນໃນວັນທີ 13 ມັງກອນ ນີ້ວ່າ: ໃນໄລຍະ 5 ປີຜ່ານມາ, ເສດຖະກິດແຫ່ງຊາດ ສືບຕໍ່ຂະຫຍາຍຕົວຢ່າງຕໍ່ເນື່ອງ ​ຊຶ່ງສະເລ່ຍຄາດວ່າ ຈະຢູ່ໃນລະດັບ 5,8% ຕໍ່ປີ ແລະ ໃນປີ 2020 ຄາດວ່າຈະຂະຫຍາຍຕົວປະມານ 3,3%, ແຕ່ເຫັນວ່າ ອັດຕາການຂະຫຍາຍຕົວມີທ່າອ່ຽງຫຼຸດລົງຢ່າງຕໍ່ເນື່ອງ ແລະ ຫຼຸດແຜນການວາງໄວ້, ໃນນີ້ ຂະແໜງກະສິກໍາ ຂະຫຍາຍຕົວສະເລ່ຍ 2,1%, ອຸດສາຫະກໍາຂະຫຍາຍຕົວສະເລ່ຍ 9,1%, ການບໍລິການຂະຫຍາຍຕົວສະເລ່ຍ 4,8% ແລະ ພາສີອາກອນ ຂະຫຍາຍສະເລ່ຍ 5,2%.

ສັງເກດໄດ້ວ່າ ການຂະຫຍາຍຕົວຂອງຂະແໜງການອື່ນໆ ທີ່ປະກອບສ່ວນເຂົ້າໃນການຂະຫຍາຍຕົວຂອງເສດຖະກິດແຫ່ງຊາດ ມີທ່າ​ອ່ຽງຫຼຸດລົງ ຊຶ່ງສາເຫດຕົ້ນຕໍ ທີ່ອັດຕາການຂະຫຍາຍຕົວຂອງເສດຖະກິດຊ້າລົງ ແລະ ບໍ່ບັນລຸແຜນການວາງໄວ້ ຍ້ອນການຂະຫຍາຍຕົວຂອງຂະແໜງກະສິກໍາ ມີທ່າອ່ຽງຫຼຸດລົງ ແລະ ຖືກຜົນກະທົບຈາກໄພທໍາມະຊາດ, ຂະແໜງບໍ່ແຮ່ ແລະ ການຂຸດຄົ້ນ ມີທ່າອ່ຽງຫຼຸດລົງຈົນຕິດລົບ ນັບແຕ່ໄລຍະປີ 2017-2019 ແລະ ການຂະຫຍາຍຕົວຂອງອຸດສາຫະກໍາປຸງແຕ່ງຍັງຊັກຊ້າ. ຂະນະດຽວກັນ, ການຂະຫຍາຍຕົວຂອງຂະແໜງບໍລິການ ກໍມີທ່າອ່ຽງຫຼຸດລົງ ໂດຍສະເພາະແມ່ນການບໍລິການທີ່ພັກອາໄສ ແລະ ຮ້ານອາຫານ ທີ່ຕິດພັນກັບການທ່ອງທ່ຽວ. ນອກຈາກນັ້ນ, ການຂະຫຍາຍ ຕົວເສດຖະກິດ ແມ່ນຫຼຸດລົງຕາມກະແສລວມຂອງເສດຖະກິດພາກພື້ນ ແລະ ສາກົນ ທີ່ມີທ່າອ່ຽງຫຼຸດລົງ ໂດຍສະເພາະບັນດາປະເທດຄູ່ຄ້າທີ່ສໍາຄັນ ແລະ ສາເຫດຕໍ່ມາແມ່ນຜົນກະທົບ ຈາກໄພພິບັດທໍາມະຊາດນ້ຳຖ້ວມ ແລະ ການລະບາດພະຍາດໂຄວິດ-19.

ປັດໄຈສໍາຄັນອີກອັນໜຶ່ງ ແມ່ນການຫັນມາອາໄສການຜະລິດ ແລະ ການສົ່ງອອກສິນຄ້ານອກຂະແໜງຊັບພະຍາກອນທໍາມະຊາດຫຼາຍຂຶ້ນ ໂດຍການຫຼຸດຜ່ອນການຂຸດຄົ້ນແຮ່ທາດ ແລະ ການສົ່ງອອກໄມ້, ຫັນມາສົ່ງເສີມການຜະລິດອຸດສາຫະກໍາປຸງແຕ່ງກະສິກໍາ, ຊິ້ນສ່ວນເຄື່ອງເອເລັກໂຕຣນິກ, ເຄື່ອງໄຟຟ້າ ແລະ ການບໍລິການທີ່ຕິດພັນກັບການທ່ອງທ່ຽວຫຼາຍຂຶ້ນ. ຄຽງຄູ່ກັນນັ້ນ, ລັດຖະບານ ໄດ້ເຂັ້ມງວດການປະຕິບັດລະບຽບກົດໝາຍເປັນຕົ້ນ ເຂັ້ມງວດການສົ່ງອອກໄມ້ເຖື່ອນ ຊຶ່ງເຮັດໃຫ້ເສດຖະກິດຂອງລາວ ມີການຂະຫຍາຍຕົວຊ້າລົງເລັກ​ໜ້ອຍ ແຕ່ເປັນການເຕີບໂຕທີ່ມີຄຸນນະພາບຫລາຍຂຶ້ນ ແລະ ເປັນການຫັນເຂົ້າສູ່ຖານການຜະລິດ​ຕົວຈິງ ເພື່ອສ້າງພື້ນຖານທີ່ໜັກແໜ້ນໃຫ້ແກ່ການເຕີບໂຕໃນຕໍ່ໜ້າ.

ແຕ່ເຖິງຢ່າງໃດກໍຕາມ, ໂດຍພາຍໃຕ້ການຊີ້ນໍາຢ່າງໃກ້ຊິດຂອງລັດຖະບານ ບວກກັບຄວາມບຸກບືນສູງຂອງບັນດາຂະແໜງການ, ອໍານາດການປົກຄອງທ້ອງຖິ່ນ ແລະ ຂອງປະຊາຊົນ ບວກກັບການສະໜັບສະໜູນຂອງບັນດາປະເທດເພື່ອນມິດຍຸດທະສາດ ແລະ ຄູ່ຮ່ວມພັດທະນາ ໄດ້ເຮັດໃຫ້ການພັດທະນາເສດຖະກິດ-ສັງຄົມ, ເຖິງຈະປະເຊີນກັບຄວາມຫຍຸ້ງຍາກຕ່າງໆອັນໜັກໜ່ວງກໍຕາມ ແຕ່ກໍຍັງສາມາດປະຄອງຕົວ ແລະ ຜ່ານບັນດາຄວາມຫຍຸ້ງຍາກໃນລະດັບດີສົມຄວນ, ຮັບປະກັນການຜະລິດ ແລະ ຊີວິດການເປັນຢູ່ຂອງປະຊາຊົນໄດ້ຮັບການປັບປຸງດີຂຶ້ນ. ບັນດາໂຄງການລົງທຶນຂະໜາດໃຫຍ່ໃນຫຼາຍຂົງເຂດ ຍັງສືບຕໍ່ໄດ້ຮັບການຈັດຕັ້ງປະຕິບັດ ເປັນຕົ້ນ: ໂຄງການກໍ່ສ້າງທາງລົດໄຟລາວ-ຈີນ, ໂຄງການກໍ່ສ້າງທາງດ່ວນນະຄອນຫຼວງວຽງຈັນ-ວັງວຽງ, ໂຄງການພະລັງງານ-ບໍ່ແຮ່, ໂຄງການພັດທະນາເຂດເສດຖະກິດພິເສດ ແລະ ໂຄງການພັດທະນາ​ແຫຼ່ງທ່ອງທ່ຽວ.

ຜົນສໍາເລັດອັນພົ້ນເດັ່ນດັ່ງກ່າວ ແມ່ນພວກເຮົາສາມາດບັນລຸຄາດໝາຍທີ່ສໍາຄັນ ໃນການນໍາພາປະເທດຊາດຫຼຸດພົ້ນອອກຈາກສະຖານະພາບດ້ອຍພັດທະນາ, ສັງຄົມມີຄວາມສະຫງົບ, ມີສະຖຽນລະພາບຢ່າງໜັກແໜ້ນ ແລະ ອັດຕາຄວາມທຸກຍາກ ມີທ່າອ່ຽງຫຼຸດລົງ.

 

ຂ່າວ: ສຸກ​ສະ​ຫວັນ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com