ໜັງສືພິມ ປະຊາຊົນ

ອັງກິດ ລະດົມທຶນ 1 ຕື້ໂດລາ ເພື່ອຊ່ວຍປະເທດທຸກຍາກເຂົ້າເຖິງວັກຊິນ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 13/01/2021 17:38:33 ຈຳນວນຢ້ຽມຊົມ 312 ຄັ້ງ

ວິທະຍຸກະຈາຍສຽງຫວຽດນາມລາຍງານວ່າ: ວັນທີ 10 ມັງກອນຜ່ານມາ, ລັດຖະບານ ອັງກິດ ໃຫ້ຮູ້ວ່າ: ອັງກິດ ຊ່ວຍລະດົມທຶນໄດ້ 1 ຕື້ໂດລາ ເພື່ອຊ່ວຍເຫຼືອບັນດາປະເທດທີ່ມີຄວາມສ່ຽງສູງກວ່າໝູ່ ໄດ້ເຂົ້າເຖິງວັກຊິນປ້ອງກັນພະຍາດໂຄວິດ - 19 ໂດຍຜ່ານການຊ່ວຍເຊື່ອມຕໍ່ບັນດານັກອຸປະຖຳໃນທົ່ວໂລກ ກັບບັນດາປະເທດທີ່ຕ້ອງການການຊ່ວຍເຫຼືອ.

ນອກຈາກນັ້ນ, ອັງກິດ ກໍໃຫ້ຄຳໝັ້ນສັນຍາວ່າ: ຈະຊ່ວຍເງິນ 548 ລ້ານປອນ (740 ລ້ານໂດລາ) ເພື່ອປະຕິບັດຄຳໝັ້ນສັນຍາຮັບປະກັນຕະຫຼາດເປີດ, ທັນສະໄໝຂອງກົນໄກ COVAX (AMC), ພາຍຫຼັງທີ່ຖະແຫຼງວ່າ: ທຸກໆ 4 ໂດລາ ເງິນຊ່ວຍເຫຼືອຂອງບັນດານັກອຸປະຖໍາ, ອັງກິດ ຈະປ່ອຍງົບປະມານ 1 ປອນ.

ການາດາ, ຍີ່ປຸ່ນ ແລະ ເຢຍລະມັນກໍແມ່ນບັນດາປະເທດທີ່ນອນໃນກຸ່ມປະເທດທີ່ມີການປະກອບສ່ວນເຊັ່ນກັນ, ໄລ່ມາຮອດປັດຈຸບັນ, ໄດ້ຊ່ວຍ AMC ລະດົມໄດ້ລວມມູນຄ່າທັງໝົດກວ່າ 1,7 ຕື້ USD. ກອງທຶນ AMC ຈະອະນຸຍາດໃຫ້ຈຳໜ່າຍວັກຊິນກັນພະຍາດໂຄວິດ - 19 ໃຫ້ແກ່ 92 ປະເທດ ທີ່ພວມພັດທະນາໃນປີນີ້.