Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ບາງຜົນງານອັນພົ້ນເດັ່ນຂອງການຍູ້ແຮງຂະບວນການແຂ່ງຂັນຮັກຊາດ ແລະ ພັດທະນາ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 14/01/2021 19:15:20 ຈຳ​ນວນ​​ຢ້ຽມ​ຊົມ 1474 ຄັ້ງ

ວຽກ​ງານ​ຊຸກຍູ້​ຂະບວນ​ການ​ແຂ່ງຂັນ​ຮັກ​ຊາດ ແລະ ພັດທະນາ ແມ່ນ​ໜຶ່ງ​ໃນ​ມາດຕະຖານ​ການ​ພັດທະນາ​ຂອງ​ລັດ ຖະບານ​ຕາມ​ທິດ​ສາມ​ສ້າງ ຕິດ​ພັນ​ກັບ​ຂະບວນ​ການ​ສ້າງ​ຄອບຄົວ ແລະ ບ້ານ​ສາມັກ​ຄີ​ປອງ​ດອງ​ຂອງ​ແນວ​ລາວ​ສ້າງ​ຊາດ, ຂໍ້​ແຂ່ງຂັນ 3 ດີ 6 ຮັກສາ ຂອງ​ສະຫະພັນ​ນັກຮົບ​ເກົ່າ, ຂໍ້​ແຂ່ງຂັນ 3 ດີ ຂອງ​ສະຫະພັນ​ແມ່ຍິງ​ລາວ, ຂໍ້​ແຂ່ງຂັນ 5 ເປັນ​ເຈົ້າ​ຂອງ​ສະຫະພັນ​ກຳມະບານ​ລາວ ແລະ ຂໍ້​ແຂ່ງຂັນ 4 ບຸກ ຂອງ​ຄະນະ​ຊາວ​ໜຸ່ມ​ປະຊາຊົນ​ປະຕິ​ວັດ​ລາວ ຊຶ່ງ​ໄລຍະ​ຜ່ານ​ມາ​ການ​ຍູ້​ແຮງ​ຂະບວນ​ການ​ດັ່ງກ່າວ ໄດ້​ມີ​ຜົນ ສຳເລັດ​ອັນ​ພົ້ນ​ເດັ່ນ ໂດຍ​ສະເພາະ​ການ​ສ້າງ​ຄອບຄົວ​ສາມັກຄີ​ປອງ​ດອງ ໄດ້ 745.760 ຄອບ ຄົວ ແລະ ບ້ານ​ສາມັກຄີ​ປອງ​ດອງໄດ້ 5.002 ບ້ານ.

ສະຫາຍ ຄຳໃບ ດຳລັດ ກຳມະການ​ສູນ​ກາງ​ພັກ ຮອງ​ເລຂາ​ຄະນະ​ພັກ ຮອງ​ປະທານ​ສູນ​ກາງ​ແນວ​ລາວ​ສ້າງ​ຊາດ ໄດ້​ຂຶ້ນ​ປະກອບ​ຄຳ​ເຫັນ ຕໍ່​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ XI ຂອງ​ພັກ​ປະຊາຊົນ​ປະຕິວັດ​ລາວ ໃນ​ວັນ​ທີ 13 ມັງກອນ​ນີ້, ທີ່​ຫໍ​ປະຊຸມ​ແຫ່ງ​ຊາດ ໃນ​ຫົວຂໍ້ “ຍູ້​ແຮງ​ຂະບວນ​ການ​ແຂ່ງຂັນ​ຮັກ​ຊາດ ແລະ ພັດທະນາ ໃນ​ໄລຍະ​ໃໝ່” ຊຶ່ງ​ໄດ້​ຍົກ​ໃຫ້​ເຫັນ​ເຖິງ​ຜົນ​ສໍາ​ເລັດ​ຂອງ​ການ​ປະຕິບັດ​ວຽກ​ງານ​ອັນ​ພົ້ນ​ເດັ່ນ, ຈຸດ​ຄົງ​ຄ້າງ ແລະ ທິດ​ທາງ​ເພື່ອ​ເຮັດ​ໃຫ້​ວຽກ​ງານ​ດັ່ງກ່າວ​ໄດ້​ຮັບ​ຜົນສຳເລັດ​ຍິ່ງໆ​ຂຶ້ນ.

ແນວ​ລາວ​ສ້າງ​ຊາດ ໄດ້​ປະສານ​ສົມທົບ​ກັບ​ບັນດາ​ອົງການ​ພາຄີ ແລະ ພາກສ່ວນ​ຕ່າງໆ ໂດຍ​ສະເພາະ​ແມ່ນ​ບັນດາ​ອົງການ​ຈັດ​ຕັ້ງ​ມະຫາຊົນ ໃນ​ການ​ປະກອບສ່ວນ​ຊຸກຍູ້​ຂະບວນ​ການ​ແຂ່ງຂັນ​ຮັກ​ຊາດ ແລະ ພັດທະນາ ຊຶ່ງ​ໄລຍະ​ຜ່ານ​ມາ ການຈັດຕັ້ງ​ປະຕິບັດ​ການ​ຊຸກຍູ້​ຂະບວນ​ດັ່ງກ່າວ​ໄດ້​ມີ​ບາງ​ຜົນງານ​ອັນ​ພົ້ນ​ເດັ່ນ ເປັນຕົ້ນ​ເຮັດ​ໃຫ້​ປະຊາຊົນ​ບັນດາເຜົ່າ ມີ​ຄວາມ​ສາມັກຄີ​ປອງ​ດອງ, ມີ​ຄວາມ​ສະເໝີພາບ​ຍິງ​-​ຊາຍ, ມີ​ນໍ້າ​ໃຈ​ຊ່ວຍເຫຼືອ​ຊຶ່ງ​ກັນ ແລະ ກັນ, ມີ​ຄວາມ​ຕື່ນ​ຕົວ​ເປັນ​ເຈົ້າ​ການ​ສ້າງ​ບ້ານ ສາມັກຄີ ແລະ ບ້ານ​ພັດທະນາ ໂດຍ​ບໍ່​ຈໍາ​ແນ​ກ​ຊົນເຜົ່າ ແລະ ສາສະໜາ, ປະຕິບັດ​ແນວທາງ ນະໂຍບາຍ​ຂອງ​ພັກ ແລະ ລະ​ບຽ​ບ-​ກົດໝາຍ​ຂອງ​ລັດ; ຕື່ນ​ຕົວ​ເປັນ​ເຈົ້າ​ການ​ເຂົ້າ​ຮ່ວມ​ໃນ​ການຈັດຕັ້ງ​ປະຕິບັດ​ແຜນ​ພັດທະນາ​ເສດ​ຖະ​ກິດ​-​ສັງຄົມ ແລະ ຕັ້ງໜ້າ​ປະກອບສ່ວນ​ວຽກ​ງານ​ປ້ອງ​ກັນ​ຊາດ​-​ປ້ອງ​ກັນ​ຄວາມ​ສະຫງົບ; ເຮັດ​ໃຫ້​ທຸກ​ຄອບຄົວ​ພາຍ​ໃນ​ບ້ານ ສາມາດ​ປົກ​ປັກ​ຮັກສາ ແລະ ເສີມ​ຂະຫຍາຍ​ມູນເຊື້ອ​ວັດ​ທະ​ນະ​ທໍາ-​ຮີດຄອງ​ປະເພນີ​ອັນ​ດີງາມ​ຂອງ​ຊາດ, ຂອງ​ເຜົ່າ, ເດັກນ້ອຍ​ໃນ​ເກນ​ອາຍຸ​ໄດ້​ເຂົ້າ​ໂຮງຮຽນ ແລະ ປະຊາຊົນ​ໄດ້​ຮັບ​ການ​ບໍລິການ​ດ້ານ​ສາທາລະນະ​ສຸກ​ຢ່າງ​ກວ້າງຂວາງ ແລະ ທົ່ວ​ເຖິງ; ຊຸກຍູ້​ໃຫ້​ປະຊາຊົນ​ບັນດາເຜົ່າ ສ້າງ​ບ້ານ​ໃຫ້​ເປັນ​ບ້ານ​ພົ້ນ​ທຸກ, ມີ​ກອງ​ທຶນ​ພັດທະນາ​ບ້ານ ຫຼື ມີ​ຄັງ​ສະ​ສົມ​ຂອງ​ບ້ານ ແລະ ພື້ນຖານ​ເສດຖະກິດ​ຂອງ​ບ້ານ ມີ​ການ​ຂະຫຍາຍຕົວ​ຕໍ່​ເນື່ອງ; ເອົາໃຈໃສ່​ປົກ​ປັກ​ຮັກສາ​ສິ່ງແວດລ້ອມ​ຕາມ​ທິດ​ຍືນ​ຍົງ​ເທື່ອ​ລະ​ກ້າວ; ເຮັດ​ໃຫ້​ລະບົບ​ການ​ເມືອງ​-​ການ​ປົກຄອງ​ທ້ອງຖິ່ນ ມີ​ຄວາມ​ໜັກ​ແໜ້ນ​-​ເຂັ້ມແຂງ, ອົງການ​ແນວ​ລາວ​ສ້າງ​ຊາດ, ສະຫະພັນ​ນັກຮົບ​ເກົ່າ​ ແລະ ອົງການ​ຈັດ​ຕັ້ງ​ມະ ຫາຊົນ​ຂອງ​ພັກ ແຕ່​ລະ​ຂັ້ນ​ໄດ້​ຮັບ​ການ​ປັບປຸງ​ໃຫ້​ມີ​ຄວາມ​ເຂັ້ມແຂງ ສາມາດ​ເປັນໃຈ​ກາງ​ສຶກສາ​ອົບຮົມ, ເຕົ້າໂຮມ​ຄວາມ​ສາມັກຄີ​ບັນດາເຜົ່າ, ຊັ້ນ​ຄົນ, ສາສະໜາ, ເພດ​-​ໄວ. ແກ້​ໄຂ​ຂໍ້​ຂັດ​ແຍ່ງ, ປະກົດ​ການ​ຫຍໍ້ທໍ້​ຕ່າງໆ​ພາຍ​ໃນ​ບ້ານ​ເຮັດ​ໃຫ້​ບ້ານ​ມີ​ຄວາມ​ສະຫງົບ, ມີ​ຄວາມ​ເປັນ​ລະບຽບ​ຮຽບຮ້ອຍ ແລະ ເປັນ​ພື້ນຖານ​ອັນ​ໜັກ​ແໜ້ນ​ຂອງ​ລະບອບ​ປະຊາທິປະໄຕ​ປະຊາຊົນ; ເອົາໃຈໃສ່​ຊຸກຍູ້​ການ​ສ້າງ ແລະ ສົ່ງເສີມ​ຕົວ​ແບບ​ໃນ​ການ​ພັດທະນາ​ແກ້​ໄຂ​ຄວາມທຸກ​ຍາກ ແລະ ຫຼາຍໆ​ກິດ​ຈະ​ກໍາ​ຢ່າງ​ເປັນ​ຂະບວນ​ຟົດຟື້ນ, ເຂົ້າ​ຮ່ວມ​ວັນ​ສໍາ​ຄັນ​ຕ່າງໆ​ຂອງ​ພັກ, ຂອງ​ຊາດ ແລະ ວັນ​ສໍາ​ຄັນ​ອື່ນໆ ຕິດ​ພັນ​ກັບ​ຂະບວນ​ການຈັດຕັ້ງ​ປະຕິບັດ​ບັນດາ​ຂໍ້​ແຂ່ງຂັນ ມີ​ຜົນ​ສໍາ​ເລັດ​ອັນ​ພົ້ນ​ເດັ່ນ​ເປັນຕົ້ນ: ຂະບວນ​ການ​ສ້າງ​ຄອບຄົວ​ສາມັກຄີ​ປອງ​ດອງ​ໄດ້ 745.760 ຄອບຄົວ, ບ້ານ ສາມັກຄີ​ປອງ​ດອງ 5.002 ບ້ານ ແລະ ເມືອງ​ສາມັກຄີ​ປອງ​ດອງ 9 ເມືອງ; ຂະບວນ​ການ​ປະຕິບັດ​ຂໍ້​ແຂ່ງຂັນ 3 ດີ 6 ຮັກ ຂອງ​ສະຫະພັນນັກ​ຮົບ​ເກົ່າ​ລາວ​ໄດ້ 393 ບ້ານ: ຂະບວນ​ການ​ປະຕິບັດ​ຂໍ້​ແຂ່ງຂັນ 3 ດີ ຂອງ​ສະຫະພັນ​ແມ່ຍິງ​ລາວ ໄດ້ 17 ແຂວງ​-​ນະຄອນຫຼວງ, 135 ເມືອງ, 7.987 ບ້ານ ແລະ 1.632.648 ຄອບຄົວ; ຂະບວນ​ການ​ປະຕິບັດ​ຂໍ້​ແຂ່ງຂັນ 5 ເປັນ​ເຈົ້າ ຂອງ​ສະຫະ​ພັນ​ກໍາ​ມະ​ບານ​ລາວ ໄດ້ 17 ແຂວງ ແລະ 10 ກະ​ຊວງ​-​ອົງການ; ຂະບວນ​ການ​ປະຕິບັດ​ຂໍ້​ແຂ່ງຂັນ 4 ບຸກ ຂອງ​ຊາວ​ໜຸ່ມ​ປະຊາຊົນ​ປະຕິວັດ​ລາວ ໄດ້ 12 ແຂວງ​-​ນະຄອນຫຼວງ, 16 ກະຊວງ, 15 ອົງການ, 141 ເມືອງ ແລະ ຈັດ​ຕັ້ງ​ປະຕິບັດ​ຂໍ້​ແຂ່ງຂັນ 3 ດີ 4 ຮູ້ ຂອງ​ກອງ​ເຍົາວະ​ຊົນ​ທັນວາ ໃນ​ທົ່ວ​ປະເທດ ໄດ້ 78%.

ເຖິງ​ຢ່າງໃດ​ກໍ​ຕາມ, ໃນ​ການ​ຊຸກຍູ້​ແຮງ​ຂະບວນ​ການ​ດັ່ງກ່າວ ຍັງ​ມີ​ບາງ​ຈຸດ​ຄົງ​ຄ້າງ​ຈຳນວນ​ໜຶ່ງ ໃນ​ການ​ປະສານ​ສົມທົບ ແລະ ອື່ນໆ ທີ່​ຈະ​ຕ້ອງ​ໄດ້​ຮັບ​ການ​ແກ້​ໄຂ ເພື່ອ​ເຮັດ​ໃຫ້ການ​ຈັດ​ຕັ້ງ​ປະຕິບັດ​ວຽກ​ງານ​ຂະບວນ​ການ​ແຂ່ງຂັນ​ຮັກ​ຊາດ ແລະ ພັດທະນາ ໃນຕໍ່ໜ້າ ໃຫ້​ມີ​ປະສິດ​ທິ​ຜົນ​ສູງ​ກວ່າ​ເກົ່າ ແລະ ສອດຄ່ອງ​ກັບ​ມະຕິ​ກົມ​ການເມືອງ​ສູນ​ກາງ​ພັກ ວ່າ​ດ້ວຍ​ວຽກ​ງານ​ແນວ​ໂຮມ ແລະ ວຽກ​ງານ​ມະຫາຊົນ​ຂອງ​ພັກ ໃນ​ໄລຍະ​ໃໝ່​ຈະ​ຕ້ອງ​ໄດ້​ສືບຕໍ່​ເອົາ​​ໃຈໃສ່​ຄື: 1. ແນວ​ລາວ​ສ້າງ​ຊາດ ຮ່ວມ​ກັບ​ສະຫະພັນ​ນັກຮົບ​ເກົ່າ​ລາວ ແລະ ບັນດາ​ອົງການ​ຈັດ​ຕັ້ງ​ມະຫາຊົນ​ຂອງ​ພັກ ຕ້ອງ​ສືບຕໍ່​ເອົາໃຈໃສ່​ເຕົ້າໂຮມ​ຄວາມ​ສາມັກຄີ​ເປັນ​ປຶກ​ແຜ່ນ ແລະ ເສີມ​ຂະ​ຫຍາຍກໍາ​ລັງ​ແຮງ​ຂອງ​ທົ່ວ​ປວງ​ຊົນ, ປຸກລະດົມ​ມະຫາຊົນ​ເຂົ້າ​ຮ່ວມ​ການຈັດຕັ້ງ​ປະຕິບັດ ແນວທາງ​ຂອງ​ພັກ​-​ລັດ, ປະ​ກອບ​ຄໍາ​ຄິດ​ຄໍາ​ເຫັນ​ໃນ​ການ​ກໍາ​ນົດ​ແນວທາງ​ນະໂຍບາຍ​ຂອງ​ພັກ ໃນ​ຖານະ​ເປັນ​ອົງການ​ພື້ນຖານ​ການເມືອງ ແລະ ຕົວ​ແທນ​ສິດຜົນປະໂຫຍດ​ຂອງ​ປະຊາຊົນ​ລາວ ບັນດາເຜົ່າ; 2. ສືບຕໍ່​ຊຸກຍູ້​ຂະບວນ​ການ​ແຂ່ງຂັນ​ຮັກ​ຊາດ ແລະ ພັດ ທະນາ ຕິດ​ພັນ​ກັບ​ຂະບວນ​ການ​ແຂ່ງຂັນ​ຂອງ​ແຕ່​ລະ​ອົງການ ຢ່າງ​ແຂງແຮງ, ປັບ ປຸງ​ການເຄື່ອນໄຫວ​ສ້າງ​ຂະບວນ​ການ​ມະຫາຊົນ, ດ້ວຍ​ຫຼາຍ​ຮູບ​ຫຼາຍ​ສີ, ຫຼາຍ​ລະດັບ, ຫຼາຍ​ຂະໜາດ​ແຕກ​ຕ່າງ​ກັນ ແລະ ແທດເໝາະ​ກັບ​ແຕ່​ລະ​ເປົ້າ​ໝາຍ, ແຕ່​ລະ​ຊັ້ນ​ຄົນ​ໃນ​ສັງຄົມ ແນໃສ່​ສ້າງ​ໃຫ້​ມີ​ບັນດາ​ຕົວ​ແບບ​ດີເດັ່ນ ໃນ​ການ​ປະຕິບັດ​ຂໍ້​ແຂ່ງຂັນ ແລະ ສ້າງ​ພະນັກງານ​ສືບ​ທອດ​ຈາກ​ຂະບວນ​ການ​ວຽກ​ງານ​ຕົວ​ຈິງ​ຂອງ​ມະຫາຊົນ, ເປັນ​ເຈົ້າ​ການ​ເຂົ້າ​ຮ່ວມ ແລະ ປະກອບ​ສ່ວນ​ສໍາ​ຄັນ​ໃນ​ການ​ປະຕິບັດ​ສອງ​ໜ້າທີ່​ຍຸດທະສາດ ໃນ​ເງື່ອນໄຂ​ໃໝ່​ໃຫ້​ມີ​ຜົນ​ສໍາ​ເລັດ​ສູງ​ກວ່າ​ເກົ່າ; 3. ແນວ​ລາວ​ສ້າງ​ຊາດ​ໃນ​ຖານະ​ເປັນໃຈ​ກາງ​ແຫ່ງ​ພາຄີ​ບັນດາ​ອົງການ​ຈັດ​ຕັ້ງ​ການ​ເມືອງ​-​ສັງຄົມ ສືບຕໍ່​ຕັ້ງໜ້າ, ເປັນ​ເຈົ້າ​ການ​ໃນ​ການ​ປຶກສາ​ຫາລື ແລະ ປະສານ​ສົມທົບ​ໃນ​ການເຄື່ອນໄຫວ ກັບ​ບັນດາ​ອົງການ​ຈັດ​ຕັ້ງ​ການ​ເມືອງ​-​ສັງຄົມ​ຕ່າງໆ ໂດຍ​ສະເພາະ​ແມ່ນ​ສະຫະພັນ​ນັກຮົບ​ເກົ່າ​ລາວ ແລະ ບັນດາ​ອົງການ​ຈັດ​ຕັ້ງ​ມະຫາຊົນ​ຂອງ​ພັກ ເພື່ອ​ເສີມ​ຂະຫຍາຍ​ບົດບາດ​ຂອງ​ຕົນ ໃນ​ການ​ປົກ​ປ້ອງ​ສິດຜົນປະໂຫຍດ ຂອງ​ສະມາຊິກ​ໃນ​ການ​ພັດ ທະນາ​ຕົນ​ເອງ, ຮ່ວມ​ກັນ​ຮັບ ຜິດຊອບ​ແກ້​ໄຂ ບັນຫາ​ຕ່າງໆ ໃນ​ສັງຄົມ ທີ່​ນອນ​ຢູ່​ໃນ​ພາລະ​ບົດບາດ​ຂອງ​ຕົນ; 4. ສືບຕໍ່​ປັບປຸງ​ກົນ​ໄກ​ປະສານ​ງານ ກັບ​ສະຫະພັນ​ນັກຮົບ​ເກົ່າ ແລະ ບັນດາ​ອົງການ​ຈັດ​ຕັ້ງ​ມະຫາຊົນ​ຂອງ​ພັກ ເຄື່ອນ​ໄຫວ ແລະ ປະຕິບັດ​ລະບອບ​ສ່ອງ​ແສງ​ເປັນ​ປົກກະຕິ, ເຮັດ​ບົດບາດ​ຕິດຕາມ​ກວດກາ​ຂອງ​ແຕ່​ລະ​ອົງການ​ໃນ​ແຕ່​ລະ​ໄລຍະ ໂດຍ​ຜ່ານ​ການ​ເກັບ​ກໍາ​ຫາງ​ສຽງ​ຂອງ​ສັງຄົມ ເພື່ອ​ສະເໜີ​ຕໍ່​ພາກສ່ວນ​ທີ່​ກ່ຽວຂ້ອງ​ຄົ້ນຄວ້າ​ແກ້​ໄຂ, ສືບຕໍ່​ຜັນ​ຂະຫຍາຍ​ມະຕິ ວ່າ​ດ້ວຍ​ວຽກ​ງານ​ແນວ​ໂຮມ ແລະ ວຽກ​ງານ​ມະຫາຊົນ​ຂອງ​ພັກ ໃນ​ໄລຍະ​ໃໝ່ ໃຫ້​ກວ້າງຂວາງ, ທົ່ວ​ເຖິງ​ທຸກ​ຮາກ​ຖານ ແລະ ເປັນ​ຮູບ​ປະ​ທໍາ.

(ຂ່າວ​-​ພາບ: ສຸກ​ສະຫວັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com