Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ XI ຂອງ​ພັກ​ ສຳເລັດລົງຢ່າງຈົບງາມ ສະຫາຍ ທອງລຸນ ສີສຸລິດ ໄດ້ຮັບເລືອກຕັ້ງເປັນ ເລຂາທິການໃຫຍ່ ພັກ ປປ ລາວ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 15/01/2021 20:09:30 ຈຳ​ນວນ​​ຢ້ຽມ​ຊົມ 3303 ຄັ້ງ

ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ XI ຂອງ​ພັກ​ປະຊາຊົນ​ປະຕິວັດ​ລາວ ໄດ້​ສໍາ​ເລັດ​ລົງ​ຢ່າງ​ຈົບງາມ ໃນ​ວັນ​ທີ 15 ມັງກອນ ນີ້, ພາຍຫຼັງ​ດຳເນີນ​ກອງ​ປະຊຸມ​ມາ​ເປັນ​ເວລາ 3 ວັນ ພາຍ​ໃຕ້​ຄຳ​ຂວັນ “ຍົກ​ສູງ​ຄວາມ​ສາ​ມາດ​ນໍາ​ພາ​ຂອງ​ພັກ, ເພີ່ມ​ທະວີ​ຄວາມ​ສາມັກຄີ​ເປັນ​ປຶກ​ແຜ່ນ​ຂອງ​ປະຊາຊົນ​ໃນ​ຊາດ, ຮັບປະກັນ​ສະຖຽນ​ລະ​ພາບ​ດ້ານ​ການເມືອງ​ຢ່າງ​ໜັກ​ແໜ້ນ, ຜັນ​ຂະຫຍາຍ​ແນວທາງ​ປ່ຽນແປງ ໃໝ່​ສູ່​ລວງ​ເລິກ, ສ້າງ​ການ​ຫັນປ່ຽນ​ການ​ພັດທະນາ​ເສດ​ຖະ​ກິດ​-​ສັງຄົມ ໄປ​ສູ່​ຄຸນ​ນະ​ພາບ​ໃໝ່​ຢ່າງ​ແຂງແຮງ, ຍົກ​ລະດັບ​ຄຸ​ນ​ນະ​ພາບ​ຊີວິດ​ຂອງ​ປະຊາຊົນ​ໃຫ້​ສູງ​ຂຶ້ນ, ສືບຕໍ່​ນຳພາ ປະເທດ​ຊາດ​ພົ້ນ​ຈາກ​ສະ​ຖາ ນະ​ພາບ​ດ້ອຍ​ພັດທະນາ ແລະ ກ້າວ​ສູ່​ຈຸດໝາຍ​ສັງຄົມ​ນິຍົມ” ຊຶ່ງ​ມີ​ຜູ້​ແທນ​ສົມບູນ​ເຂົ້າ​ຮ່ວມ​ກອງ​ປະຊຸມ​ໃຫຍ່​ທັງ​ໝົດ 768 ສະຫາຍ, ຍິງ 116 ສະຫາຍ ທີ່​ເປັນ​ຕົວ​ແທນ​ໃຫ້​ແກ່​ສະມາຊິກ​ພັກ​ທົ່ວ​ປະເທດ 348.686 ສະຫາຍ ແລະ ແຂກ​ຖືກ​ເຊີນ 147 ສະຫາຍ ທີ່​ຕາງໜ້າ​ໃຫ້​ແກ່​ພາກສ່ວນ​ຕ່າງໆ ທັງ​ພາກ​ລັດ ແລະ ເອກະ​ຊົນ ກໍ​ຄື ປະຊາຊົນ​ລາວ​ບັນດາເຜົ່າ ເຂົ້າ​ຮ່ວມ.

ກອງ​ປະຊຸມ​ໄດ້​ເລືອກ​ຕັ້ງ​ເອົາ​ຄະນະ​ບໍລິຫານ​ງານ​ສູນ​ກາງ​ພັກ ສະໄໝ​ທີ XI ທີ່​ປະກອບ​ດ້ວຍ​ກຳມະການ​ສົມບູນ​ສູນ​ກາງ​ພັກ 71 ສະຫາຍ, ຍິງ 12 ສະຫາຍ ແລະ ກຳມະການ​ສຳຮອງ​ສູນ​ກາງ​ພັກ 10 ສະ ຫາຍ, ຍິງ 2 ສະຫາຍ ເພື່ອ​ເປັນ​ແກ່ນ​ສານ​ນໍາ​ພາ​ທົ່ວ​ພັກ, ທົ່ວ​ລັດ, ທົ່ວ​ກໍາ​ລັງ​ປະກອບ​ອາວຸດ ແລະ ທົ່ວ​ປວງ​ຊົນ ຈັດ​ຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່ ຄັ້ງ​ທີ XI ຂອງ​ພັກ ໃຫ້​ມີ​ຜົນ​ສໍາ​ເລັດ​ໃໝ່, ສ້າງ​ບາດກ້າວ​ບຸກ​ທະລຸ​ໃນ​ການ​ພັດທະນາ​ໃຫ້​ເປັນ​ຈິງ ແລະ ນໍາ​ພາ​ປະເທດ​ຊາດ​ກ້າວ​ຂຶ້ນ​ຢ່າງ​ໜັກ​ແໜ້ນ​ຕໍ່​ໄປ. ກອງ​ປະຊຸມ​ຄັ້ງ​ປະຖົມ​ມະລືກ ຂອງ​ຄະນະ​ບໍລິຫານ​ງານ​ສູນ​ກາງ​ພັກ ສະໄໝ​ທີ XI ໄດ້​ເປັນ​ເອກະ​ພາບ ເລືອກ​ຕັ້​ງ ກໍາ​ມະ​ການ​ກົມ​ການເມືອງ​ສູນ​ກາງ​ພັກ 13 ສະຫາຍ ຄື: 1. ສະຫາຍ ປອ ທອງ​ລຸນ ສີ​ສຸ​ລິດ; 2. ສະຫາຍ ປອ ພັນ​ຄໍາ ວິພາ​ວັນ; 3. ສະຫາຍ ນາງ ປານີ ຢາ​ທໍ່​ຕູ້; 4. ສະຫາຍ ປອ ບຸນ​ທອງ ຈິດ​ມະນີ; 5. ສະຫາຍ ປອ ໄຊ​ສົມ​ພອນ ພົມວິຫານ; 6. ສະຫາຍ ພົນ​ເອກ ຈັນ​ສະໝອນ ຈັນ​ຍາ​ລາດ; 7. ສະຫາຍ ປອ ຄໍາ​ພັນ ພົມ​ມະ​ທັດ; 8. ສະຫາຍ ປອ ສິນ​ລະ​ວົງ ຄຸດ​ໄພທູນ; 9. ສະຫາຍ ສອນ​ໄຊ ສີ​ພັນ​ດອນ; 10. ສະຫາຍ ສຈ ປອ ກິ​ແກ້ວ ໄຂ​ຄໍາ​ພິທູນ, 11. ສະຫາຍ ພົນ​ໂທ ວິໄລ ຫຼ້າ​ຄໍາ​ຟອງ, 12. ສະຫາຍ ນາງ ສີໃສ ລື​ເດດ​ມູນ​ສອນ; 13. ສະຫາຍ ສະເຫຼີມ​ໄຊ ກົມ​ມະ​ສິດ.

ກອງ​ປະຊຸມ​ຄັ້ງ​ປະຖົມ​ມະລືກ ໄດ້​ເລືອກ​ເອົາ​ກຳມະການ ໃນ​ຄະນະ​ເລຂາ ທິການ​ສູນ​ກາງ​ພັກ 9 ສະຫາຍ ມີ​ຄື: 1. ສະຫາຍ ປອ ທອງ​ລຸນ ສີ​ສຸ​ລິດ; 2. ສະຫາຍ ປອ ບຸນ​ທອງ ຈິດ​ມະນີ; 3. ສະຫາຍ ປອ ຄໍາ​ພັນ ພົມ​ມະ​ທັດ; 4. ສະຫາຍ ນາງ ສີໃສ ລື​ເດດ​ມູນ​ສອນ; 5. ສະຫາຍ ປອ ຄໍາ​ພັນ ເຜີຍ​ຍະ​ວົງ. 6. ສະຫາຍ ປອ ອານຸພາບ ຕຸ​ນາ​ລົມ; 7. ສະຫາຍ ຮສ ປອ ທອງ​ສະ​ລິດ ມັງ​ໜໍ່​ເມກ; 8. ສະຫາຍ ປອ ນາງ ສູນ​ທອນ ໄຊ​ຍະ​ຈັກ; 9. ສະຫາຍ ປອ ນາງ ວຽງ​ທອງ ສີ​ພັນ​ດອນ ເລືອກ ຕັ້ງ​ເອົາ ສະຫາຍ ປອ ບຸນ​ທອງ ຈິດ​ມະນີ ເປັນ​ຜູ້​ປະ​ຈໍາ​ການ​ຄະນະ ເລຂາທິການ​ສູນ​ກາງ​ພັກ.

ກອງ​ປະຊຸມ​ຄັ້ງ​ປະຖົມ​ມະລືກ ຂອງ​ຄະນະ​ບໍລິຫານ​ງານ​ສູນ​ກາງ​ພັກ ສະໄໝ​ທີ XI ໄດ້​ເປັນ​ເອກະສັນ​ກັນ​ຢ່າງ​ສົມບູນ ເລືອກ​ເອົາ ສະຫາຍ ທອງ​ລຸນ ສີ​ສຸ​ລິດ ເປັນ​ເລຂາທິການ​ໃຫຍ່ ຄະນະ​ບໍລິຫານ​ງານ​ສູນ​ກາງ​ພັກ ສະໄໝ​ທີ XI.

ກອງ​ປະຊຸມ​ຄັ້ງ​ປະຖົມ​ມະ ລືກເລືອກ​ເອົາ ສະຫາຍ ຄຳ​ພັນ ພົມ​ມະ​ທັດ ເປັນ​ປະທານ​ຄະນະ​ກວດກາ​ສູນ​ກາງ​ພັກ, ເລືອກ 6 ສະຫາຍ​ເປັນ​ຮອງ​ປະທານ​ຄື: 1. ສະຫາຍ ວິໄລ​ວັນ ບຸດ​ດາ​ຄໍາ; 2. ສະຫາຍ ສີ​ໄນ ມຽງ​ລາ​ວັນ; 3. ສະຫາຍ ສຸກ​ຄໍາ​ເພັດ ເຮືອງ​ບຸດ​ສີ; 4. ສະຫາຍ ດາວ​ບົວລະພາ ບາ​ວົງ​ເພັດ; 5. ສະຫາຍ ໄຊ​ຄໍາ ອຸ່ນ​ມີ​ໄຊ ແລະ 6. ສະຫາຍ ວັນ​ໄຊ ຊົງ​ຊາ​ຢູ.

ພາຍຫຼັງ​ທີ່ ສະຫາຍ ບຸນ​ທອງ ຈິດ​ມະນີ ກຳມະການ​ກົມ​ການເມືອງ​ສູນ​ກາງ​ພັກ ປະທານ​ຄະນະ​ກວດກາ​ສູນ​ກາງ​ພັກ ກ່າວລາຍ​ງານ​ຜົນ​ການ​ເລືອກ​ຕັ້ງ​ຄະນະ​ບໍລິຫານ​ງານ​ສູນ​ກາງ​ພັກ ແລະ ແຈ້ງ​ຜົນ​ກອງ​ປະຊຸມ​ຄັ້ງ​ປະຖົມ​ມະລືກ ຂອງ​ຄະນະ​ບໍລິຫານ​ງານ​ສູນ​ກາງ​ພັກ ສະໄໝ​ທີ XI, ສະຫາຍ ທອງ​ລຸນ ສີ​ສຸ​ລິດ ເລຂາທິການ​ໃຫຍ່ ໄດ້​ກ່າວ​ຄໍາ​ສັນລະເສີນ​ຕໍ່​ຜົນງານ ແລະ ຄຸນງາມຄວາມດີ ຂອງ ສະຫາຍ ບຸນ​ຍັງ ວໍລະ​ຈິດ ເລຂາທິການ​ໃຫຍ່ ຄະນະ​ບໍລິຫານ​ງານ​ສູນ​ກາງ​ພັກ ສະ ໄໝ​ທີ X ທີ່​ໄດ້​ທຸ້ມ​​ເທ​ອຸທິດ​ເຫື່ອແຮງ ແລະ ສະຕິປັນຍາ​ປະກອບສ່ວນ​ຄົ້ນຄວ້າ​ກຳນົດ, ຊີ້​ນຳ​ຜັນ​ຂະຫຍາຍ​ແນວທາງ​ປ່ຽນແປງ​ໃໝ່​ຮອບດ້ານ ມີ​ຫຼັກການ​ຂອງ​ພັກ, ສືບຕໍ່​ນຳພາ​ສ້າງ ແລະ ບູລະນະ​ລະບອບ​ປະຊາທິປະໄຕ​ປະຊາຊົນ ຕາມ​ທິດ​ສັງຄົມ​ນິຍົມ, ເຮັດ​ໃຫ້​ປະເທດ​ຊາດ​ມີ​ສະຖຽນ​ລະ​ພາບ, ເສດ​ຖະ​ກິດ​-​ສັງຄົມ​ມີ​ການ​ຂະຫຍາຍຕົວ​ດ້ວຍ​ຄວາມ​ໝັ້ນ​ທ່ຽງ, ລະບອບ​ການ ເມືອງ​ມີ​ຄວາມ​ໝັ້ນຄົງ, ປະເທດ​ຊາດ​ໄດ້​ຮັບ​ການ​ພັດທະນາ​ຢ່າງ​ບໍ່​ຢຸດ​ຢັ້ງ, ຊີວິດ​ການ​ເປັນ​ຢູ່​ຂອງ​ປະຊາຊົນ​ນັບ​ມື້​ນັບ​ໄດ້​ຮັບ​ການ​ປົວແປງ​ດີ​ຂຶ້ນ, ບົດບາດ​ອິດ​ທິ​ພົນ​ຂອງ​ພັກ ແລະ ຂອງ​ປະເທດ​ເຮົາ ນັບ​ມື້​ສູງ​ເດັ່ນ​ຂຶ້ນ​ໃນ​ເວທີ​ສາ​ກົນ.

ຈາກ​ນັ້ນ, ສະຫາຍ ກິ​ແກ້ວ ໄຂ​ຄຳ​ພິທູນ ໃນ​ນາມ​ຫົວໜ້າ​ກອງ​ເລຂາ​ກອງ​ປະຊຸມ​ໃຫຍ່​ຄັ້ງ​ນີ້ ໄດ້​ຂຶ້ນ​ສະເໜີ​ຜ່ານ​ຮ່າງ​ມະຕິ​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ XI ຂອງ​ພັກ​ປະຊາຊົນ​ປະຕິວັດ​ລາວ. ກອງ​ປະຊຸມ​ໃຫຍ່ ໄດ້​ຄົ້ນຄວ້າ​ຢ່າງ​ເລິກເຊິ່ງ​ກົງ​ໄປ​ກົງ​ມາ ແລະ ໄດ້​ຮັບຮອງ​ເອົາ ຢ່າງ​ເປັນ​ເອ ກະສັນ ລາຍ​ງານ​ການເມືອງ​ຂອງ​ຄະນະ​ບໍລິຫານ​ງານ​ສູນ​ກາງ​ພັກ ສະໄໝ​ທີ X ຊຶ່ງ​ໄດ້​ຕີ​ລາຄາ​ໝາກຜົນ​ແຫ່ງ​ການຈັດຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ X ໃນ 5 ປີຜ່ານມາ ແລະ ໄດ້​ຮັບ​ຜົນ​ສໍາ​ເລັດອັນ​ສໍາ​ຄັນ​ໃຫຍ່​ຫຼວງ ແລະ​ຜົນງານ​ອັນ​ພົ້ນ​ເດັ່ນ​ຮອບດ້ານ ທີ່​ຍາດ​ມາ​ໄດ້ ຊຶ່ງ​ໄດ້​ສ້າງ​ໜໍ່​ແໜງສໍາ​ຄັນ​ໃນ​ທຸກ​ຂົງເຂດ ເພື່ອ​ເປັນ​ປັດ​ໄຈ​ຍູ້​ການ​ຫັນປ່ຽນ​ໃຫ້​ແຂງແຮງ ເລິກເຊິ່ງ ແລະ​ຮອບດ້ານ ໃນ​ຊຸມ​ປີ​ຕໍ່ໜ້າ, ສືບ​ຕໍ່​ນໍາ​ພາ​ປະເທດ​ຊາດ ກ້າວ​ເດີນ​ຕາມ​ເສັ້ນທາງ ແລະ​ຈຸດໝາຍ​ສັງຄົມ​ນິຍົມ. ພ້ອມ​ນັ້ນ ກອງ​ປະຊຸມ ຍັງ​ໄດ້​ປະ​ເມີນ​ຜົນ​ກວມ​ລວມ​ບັນດາ​ຜົນ​ສໍາ​ເລັດ ແລະ ບາງ​ດ້ານ​ທີ່​ຕ້ອງ​ໄດ້​ສືບຕໍ່​ເອົາໃຈໃສ່​ແກ້​ໄຂ ແລະ​ຍົກ​ລະດັບ ກ່ຽວ​ກັບ​ການ​ສ້າງ​ບັນດາ​ປະຖົມ​ປັດ​ໄຈ ໃຫ້​ແກ່​ການ​ກ້າວ​ເດີນ​ສູ່​ສັງຄົມ​ນິຍົມ ຕາມ​ແນວທາງ​ປ່ຽນແປງ​ໃໝ່​ຮອບດ້ານ ແລະ ມີ​ຫຼັກການ ຂອງ​ພັກ​ເຮົາ ຊຶ່ງ​ຊີ້​ບອກ​ເຖິງ​ສະພາວະ​ຄວາມ​ເປັນ​ຈິງ​ທາງ​ດ້ານ​ການເມືອງ, ເສດຖະກິດ, ວັດ​ທະ​ນະ​ທໍາ-​ສັງຄົມ, ການ​ປ້ອງ​ກັນ​ຊາດ​-​ປ້ອງ​ກັນ​ຄວາມ​ສະຫງົບ ແລະ​ການ​ຕ່າງປະເທດ ທີ່​ພັກ​ເຮົາ​ຕ້ອງ​ກໍາ​ແໜ້ນ ແລະ​ພິ​ຈາລະ​ນາ ຢ່າງ​ເປັນ​ລະບົບ ເພື່ອ​ເປັນ​ພື້ນຖານ​ໃນ​ການ​ກໍາ​ນົດ​ທິດ​ທາງ ໃນ​ການ​ສືບຕໍ່​ບູລະນະ​ລະບອບ​ປະຊາ​ທິ​ປະ ໄຕ​ປະຊາຊົນ ໃຫ້​ສົມບູນ​ຍິ່ງ​ຂຶ້ນ ໃນ​ຕໍ່​ໜ້າ. ຢືນ​ບົນ​ຈິດໃຈ​ສ້າງ​ການ​ຫັນປ່ຽນ​ໃໝ່, ກອງ​ປະຊຸມ​ໃຫຍ່ ໄດ້​ຮັບຮອງ​ເອົາ​ການ​ເພີ່ມ​ເຕີມ​ບົດຮຽນ 4 ປະການ ທີ່​ຖອດ​ຖອນ​ໄດ້​ຈາກ​ພຶດຕິ​ກໍາ​ແຫ່ງ​ການຈັດຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່ ຄັ້ງ​ທີ X ຂອງ​ພັກ ກໍ​ຄື​ພຶດຕິ​ກໍາ​ຕົວ​ຈິງ​ໃນ​ການ​ນໍາ​ພາ ຂອງ​ພັກ​ເຮົາ ໃນ​ຫຼາຍ​ສິບ​ປີຜ່ານມາ ເພື່ອ​ເປັນບົດຮຽນ ແລະ​ເປັນ​ບ່ອນ​ອີງ​ສໍາ​ຄັນ​ໃນ​ການ​ປັບປຸງ​ການ​ນໍາ​ພາ​-ຊີ້​ນໍາ ແລະ​ການຈັດຕັ້ງ​ປະຕິບັດ​ແນວ ທາງ​ນະໂຍບາຍ ຂອງ​ພັກ. ກອງ​ປະຊຸມ​ໃຫຍ່ ໄດ້​ກຳນົດ​ທັດສະນະ ແລະ ຮັບຮອງ​ເອົາ 8 ແຜນ​ນະໂຍບາຍ​ໃຫຍ່ ເພື່ອ​ສູ້​ຊົນ​ຜັນ​ຂະຫຍາຍ ແລະ ຈັດ​ຕັ້ງ​ປະຕິບັດ ສໍາ​ລັບ 5 ປີ​ໃນ​ຕໍ່​ໜ້າ.

ກອງ​ປະຊຸມ​ໃຫຍ່ ໄດ້​ມອບ​ໃຫ້​ຄະນະ​ບໍລິຫານ​ງານ​ສູນ​ກາງ​ພັກ ສະໄໝ​ທີ XI ຊີ້​ນໍາ​ຈັດ​ຕັ້ງ​ການ​ຄົ້ນຄວ້າ, ເຊື່ອມ​ຊຶມ ຜັນ​ຂະຫຍາຍ ມະຕິ​ກອງ​ປະຊຸມ​ໃຫຍ່ ຄັ້ງ​ນີ້ ຢ່າງ​ເປັນ​ລະບົບ, ເລິກເຊິ່ງ ໂດຍ​ສະເພາະ​ແມ່ນ​ສະມາຊິກ​ພັກ, ພະນັກງານ ຜູ້​ທີ່​ເປັນ​ຫຼັກ​ແຫຼ່ງ​ຢູ່​ທຸກ​ຂັ້ນ ເອົາໃຈໃສ່​ຄົ້ນ​ຄວ້າ​ກໍາ ແໜ້ນ​ເນື້ອ​ໃນ ຂອງ​ລາຍ​ງານ​ການເມືອງ, ສຸມ​ສະຕິປັນຍາ, ກໍາ​ລັງ​ວັງຊາ ເປັນ​ແບບ​ຢ່າງ​ນໍາ​ໜ້າ​ຈັດ​ຕັ້ງ​ປະຕິບັດ ໃຫ້​ເກີດ​ໝາກຜົນ; ພ້ອມ​ກັນ​ນີ້ ກໍ​ຊີ້​ນໍາ​ອົງການ​ລັດ ໃຫ້​ຫັນ​ເປັນ​ນິຕິ​ກໍາ, ເປັນ​ແຜນ​ງານ ແລະ ໂຄງການ​ວຽກ​ງານ​ລະອຽດ​ໃຫ້​ໄວ ເພື່ອ​ຍາດ​ແຍ່ງ​ເວລາ​ຈັດ​ຕັ້ງ​ປະຕິບັດ ໂດຍ​ໄວ ແລະ ໄດ້​ຮັບ​ຜົນ​ສໍາ​ເລັດ ອັນ​ສະຫງ່າ​ງາມ.

ໃນ​ວາລະ​ສຸດ​ທ້າຍ​ຂອງ​ກອງ​ປະຊຸມ​ໃຫຍ່​ຄັ້ງ​ນີ້, ສະຫາຍ ເລຂາທິການ​ໃຫຍ່ ໄດ້​ກ່າວ​ສູນ​ທອນ​ພົດ​ປິດ ກອງ​ປະຊຸມ​ຜູ້​ແທນ​ທົ່ວ​ປະເທດ ຄັ້ງ​ທີ XI ຂອງ​ພັກ​ປະຊາຊົນ​ປະຕິວັດ​ລາວ ຢ່າງ​ເປັນ​ທາງ​ການ ດ້ວຍ​ຜົນສຳເລັດ​ຢ່າງ​ຈົບ​ງາມ.

(ຂ່າວ: ສຸກ​ສະຫວັນ, ພາບ: ຕຸ​ໄລ​ເພັດ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com