Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສູນທອນພົດ ຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ກ່າວປິດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນ ປະຕິວັດລາວ ( 15 ມັງກອນ 2021 )

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 15/01/2021 20:15:37 ຈຳ​ນວນ​​ຢ້ຽມ​ຊົມ 3638 ຄັ້ງ

ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ​ຄັ້ງ​ທີ XI ຂອງ​ພັກ​ປະຊາຊົນ ​ປະຕິວັດ​ລາວ ​ໄດ້​ດໍາ​ເນີນ​ມາ​ເປັນ​ເວລາ 3 ວັນ​ເຕັມ ດ້ວຍ​ຄວາມ​ຮັບຜິດຊອບ​ສູງ, ມາ​ຮອດ​ເວລາ​ນີ້​ໄດ້​ສິ້ນ​ສຸດ​ລົງ ດ້ວຍ​ຜົນ​ສໍາ​ເລັດ​ຢ່າງ​ສະຫງ່າ​ງາມ ຕາມ​ຈຸດປະສົງ ຄາດໝາຍ​ທີ່​ວາງ​ໄວ້.

ກອງ​ປະຊຸມ​ໃຫຍ່ ໄດ້​ມີ​ຄວາມ​ເປັນ​ເອກະ​ພາບ​ຢ່າງ​ສົມບູນ ຕໍ່​ລາຍ​ງານ​ການເມືອງ​ຂອງ​ຄະນະ​ບໍລິຫານ​ງານ​ສູນ​ກາງ​ພັກ​ສະໄໝ​ທີ X ເປັນຕົ້ນ​ແມ່ນ​ທັດສະນະ​ການ​ຕີ​ລາຄາ​ຜົນ​ໄດ້​ຮັບ​ໃນ​ການຈັດຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ X ຂອງ​ພັກ ແລະ ປະ​ເມີນ​ຢ່າງ​ກວມ​ລວມ ການ​ສ້າງ​ບັນດາ​ປະຖົມ​ປັດ​ໄຈ​ໃຫ້​ແກ່​ການ​ກ້າວ​ຂຶ້ນ​ສັງຄົມ​ນິຍົມ​ໃນ​ຊຸມ​ປີ​ທີ່​ຜ່ານ​ມາ ກໍ​ຄື​ບັນດາ​ຂໍ້​ສະຫຼຸບ ແລະ ບົດຮຽນ​ທີ່​ຖອດ​ຖອນ​ໄດ້​ຈາກ​ພຶດຕິ​ກໍາ​ຕົວ​ຈິງ, ພ້ອມ​ກັນ​ນັ້ນ ກໍ​ໄດ້​ໃຫ້​ທິດ​ຊີ້​ນໍາ​ຕໍ່​ແຜນ​ພັດທະນາ​ເສດ​ຖະກິດ​-​ສັງຄົມ​ແຫ່ງ​ຊາດ 5 ປີ ຄັ້ງ​ທີ 9. ອັນ​ນີ້ ເປັນ​ການ​ຢັ້ງຢືນ​ຢ່າງ​ໜັກ​ແໜ້ນ​ວ່າ ພັກ​ເຮົາ​ຍາມ​ໃດ​ກໍ​ຢຶດ​ໝັ້ນ​ໃນ​ທິດ​ສະ​ດີ​ມາກ​-​ເລ​ນິນ, ແນວ​ຄິດ​ໄກສອນ ພົມວິຫານ ແລະ ມູນເຊື້ອ​ອັນ​ດີງາມ​ຂອງ​ພັກ, ກໍາ​ແໜ້ນ​ສະພາວະ​ຄວາມ​ເປັນ​ຈິງ​ຂອງ​ປະເທດ​ຊາດ ກໍ​ຄື​ຄວາມ​ມຸ່ງ​ມາດ​ປາຖະໜາ ຂອງ​ປະຊາຊົນ​ລາວ​ບັນດາເຜົ່າ​ໃນ​ທົ່ວ​ປະເທດ, ມີ​ຄວາມ​ສະດຸ້ງ​ໄວ​ຕໍ່​ບັນຫາ​ໃໝ່ ທີ່​ເກີດ​ຂຶ້ນ ແລະ ເສີມ​ຂະຫຍາຍ​ຄວາມ​ປະດິດ​ສ້າງ​ໃນ​ການ​ກໍາ​ນົດ​ແນວທາງ, ແຜນ​ນະໂຍບາຍ​ຂອງ​ພັກ. ແນວທາງ, ແຜນ​ນະໂຍບາຍ​ທີ່​ກອງ​ປະຊຸມ​ໃຫຍ່ ຄັ້ງ​ທີ X ຂອງ​ພັກ​ວາງ​ອອກ ແມ່ນ​ການ​ສືບ​ທອດ ເພີ່ມ​ເຕີມ​ເສີມ​ຂະຫຍາຍ ແນວທາງ​ປ່ຽນແປງ​ໃໝ່​ຮອບດ້ານ ມີ​ຫຼັກການ​ຂອງ​ພັກ​ເຮົາ​ໃຫ້​ເປັນ​ລະບົບ ແລະ ບໍລິບູນ​ຂຶ້ນ​ເລື້ອຍໆ ແນໃສ່​ສືບຕໍ່​ສ້າງ ແລະ ບູລະນະ​ລະບອບ ປະຊາທິປະໄຕ ​ປະຊາຊົນ​ ໃຫ້​ເຂັ້ມແຂງ​ຍິ່ງ​ຂຶ້ນ ສ້າງ​ການ​ຫັນປ່ຽນ​ຮອບດ້ານ​ແຂງແຮງ ແລະ ເລິກເຊິ່ງ ເພື່ອ​ກ້າວ​ຂຶ້ນ​ສູ່​ຈຸດໝາຍ​ສັງຄົມ​ນິຍົມ.

ກອງ​ປະຊຸມ​ໃຫຍ່​ຂອງ​ພວກ​ເຮົາ ໄດ້​ເປັນ​ເອກະ​ພາບ​ໃນ​ລະດັບ​ສູງ ຮັບຮອງ​ເອົາ​ກົດ​ລະບຽບ​ສະບັບ​ປັບປຸງ​ຂອງ​ພັກ. ກົດ​ລະບຽບ​ສະບັບ​ປັບປຸງ​ໃໝ່​ນີ້ ເປັນ​ທໍາ​ມະນູນ​ຂອງ​ພັກ ແລະ ແມ່ນ​ແນວທາງ​ການຈັດຕັ້ງ​ຂອງ​ພັກ​ເຮົາ ທີ່​ໄດ້​ຮັບ​ການ​ບູລະນະ​ໃຫ້​ສອດຄ່ອງ​ກັບ​ແນວທາງ​ການເມືອງ​ຂອງ​ພັກ​ເຮົາ​ທີ່​ກອງ​ປະຊຸມ​ໃຫຍ່​ຄັ້ງ​ນີ້​ວາງ​ອອກ ແນໃສ່​ຮັບປະກັນ​ໃຫ້​ແກ່​ການ​ສ້າງ​ພັກ​ເຮົາ​ໃຫ້​ມີ​ຄວາມ ປອດ​ໃສ, ເຂັ້ມແຂງ ແລະ ໜັກ​ແໜ້ນ ເພື່ອ​ຕອບ​ສະໜອງ​ຄວາມ​ຮຽກຮ້ອງ​ຕ້ອງການ​ຂອງ​ໜ້າທີ່​ການເມືອງ​ໃນ​ໄລຍະ​ໃໝ່.

ໃນ​ກອງ​ປະຊຸມ​ໃຫຍ່​ຄັ້ງ​ນີ້ ພວກ​ເຮົາ​ໄດ້​ຮັບ​ຟັງ​ການ​ລາຍ​ງານ​ກ່ຽວ​ກັບ​ການ​ສໍາ​ຫຼວດ​ການ​ນໍາ​ພາ​ລວມ​ຂອງ​ຄະນະ​ບໍລິຫານ​ງານ​ສູນ​ກາງ​ພັກ​ສະໄໝ​ທີ X ໃນ​ຖານະ​ທີ່​ເປັນ​ອົງ​ການ​ນໍາ​ສູງ​ສຸດ ໃນ​ລະຫວ່າງ​ສອງ​ກອງ​ປະຊຸມ​ໃຫຍ່​ຂອງ​ພັກ ຊຶ່ງ​ໄດ້​ເສີມ​ຂະຫຍາຍ​ມູນເຊື້ອ​ສາມັກຄີ​ເປັນ​ເອກະ​ພາບ​ພາຍ​ໃນ​ຢ່າງ​ໜັກ​ແໜ້ນ, ເຊີດ​ຊູ​ຄວາມ​ຮັບຜິດຊອບ​ທາງ​ການເມືອງ ຕໍ່​ພາລະກິດ​ປະຕິວັດ ແລະ ຊາ​ຕາ​ກໍາ​ຂອງ​ປະເທດ​ຊາດ ເຮັດ​ໃຫ້​ຄວາມ​ສາ​ມາດ​ນໍາ​ພາ ແລະ ລັກສະນະ​ເປັນ​ແບບຢ່າງ​ນຳ​ໜ້າ​ຂອງ​ພັກ​ເຮົາ​ໄດ້​ຮັບ​ການ​ຍົກ​ສູງ​ຂຶ້ນ​ຕື່ມ. ເຖິງ​ວ່າ​ສະພາບ​ການ​ສາກົນ​ໄດ້​ມີ​ການ​ຜັນ​ແປ​ໄປ​ຢ່າງ​ສະຫຼັບ​ສັບ​ຊ້ອນ ບວກ​ໃສ່​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ຍັງ​ສືບຕໍ່​ຮ້າຍ​ແຮງ​ໃນ​ທົ່ວ​ໂລກ ແລະ ພາຍ​ໃນ​ປະເທດ​ກໍ​ມີ​ສະພາບ​ຄວາມ​ຫຍຸ້ງຍາກ​ຫຼາຍ​ປະການ​ກໍ່​ຕາມ ແຕ່​ຄະນະ​ບໍລິຫານ​ງານ​ສູນ​ກາງ​ພັກ​ສະໄໝ​ທີ X ທີ່​ມີ​ສະຫາຍ ບຸນ​ຍັງ ວໍລະ​ຈິດ ເປັນ​ເລຂາທິການ​ໃຫຍ່​ນັ້ນ ກໍ​ໄດ້​ມີ​ຄວາມ​ຕັດສິນ​ໃຈ​ສູງ ນຳພາ​ທົ່ວ​ພັກ, ທົ່ວ​ລັດ ແລະ ປວງ​ຊົນ​ຜ່ານ​ຜ່າ​ຄວາມ​ຫຍຸ້ງຍາກ​ເຫຼົ່ານັ້ນ ເຮັດ​ໃຫ້​ປະເທດ​ຊາດ ມີ​ສະຖຽນ​ລະ​ພາບ​ທາງ​ດ້ານ​ການເມືອງ ແລະ ຄວາມ​ໝັ້ນຄົງ​ຢ່າງ​ໜັກ​ແໜ້ນ, ມີ​ຄວາມ​ເດັດດ່ຽວ​ໜຽວ​ແໜ້ນ​ໃນ​ການ​ນໍາ​ພາ ພາລະກິດ​ປະຕິວັດ​ຂອງ​ປະເທດ​ເຮົາ ໄປ​ຕາມ​ທິດ​ທາງ ຈຸດໝາຍ​ທີ່​ພັກ​ເຮົາ​ວາງ​ໄວ້ ແລະ ສາມາດ​ບັນລຸ​ຜົນ​ສໍາ​ເລັດ​ທີ່​ສໍາ​ຄັນ​ຫຼາຍ​ດ້ານ.

ກອງ​ປະຊຸມ​ໃຫຍ່ ໄດ້​ດໍາ​ເນີນ​ການ​ເລືອກ​ຕັ້ງ​ເອົາ​ຄະນະ​ບໍລິຫານ​ງານ​ສູນ​ກາງ​ພັກ​ຊຸດ​ໃໝ່​ຖືກຕ້ອງ​ຕາມ​ກົດ​ລະບຽບ​ຂອງ​ພັກ, ຮັບປະກັນ​ໃຫ້​ມີ​ໂຄງ​ປະກອບ​ບຸກ​ຄະລາ​ກອນ​ທີ່​ເໝາະ​ສົມ, ບັນລຸ​ໄດ້​ຕາມ​ມາດຕະຖານ ແລະ ເງື່ອນໄຂ​ທີ່​ກົມ​ການເມືອງ​ສູນ​ກາງ​ພັກ ໄດ້​ກໍາ​ນົດ​ໄວ້. ບັນດາ​ສະຫາຍ​ທີ່​ຖືກ​ເລືອກ​ຕັ້ງ​ເຂົ້າ​ໃນ​ສູນ​ກາງ​ສະໄໝ​ທີ XI ນີ້ ສ່ວນ​ຫຼາຍ​ມີ​ອາຍຸ​ກະສຽນ​ໜຸ່ມ, ລ້ວນ​ແຕ່​ໄດ້​ຜ່ານ​ການ​ຝຶກ​ຝົນ​ຫຼໍ່​ຫຼອມ ແລະ ທົດ​ສອບ​ຜ່ານ​ຂະບວນ​ການ​ຕົວ​ຈິງ​ໃນ​ໄລຍະ​ຕໍ່ສູ້​ກູ້​ຊາດ ກໍ​ຄື​ໄລຍະ​ແຫ່ງ​ການ​ປົກ​ປັກ​ຮັກສາ ແລະ ສ້າງສາ​ປະເທດ​ຊາດ, ເປັນ​ຜູ້​ມີ​ມານະ​ຈິດ​ປະຕິວັດ​ບຸກ, ມີ​ຄວາມ​ໜັກແໜ້ນ​ທາງ​ດ້ານ​ການເມືອງ, ມີ​ປະສົບ​ການ​ໃນ​ການ​ນໍາ​ພາ-ຊີ້​ນໍາ​ວຽກ​ງານ​ດ້ານ​ຕ່າງໆ; ສະຫາຍ​ເຫຼົ່ານັ້ນ ລ້ວນ​ແຕ່​ແມ່ນ​ຜູ້​ທີ່​ດີເດັ່ນ, ຫ້າວຫັນ​ໃນ​ຂະບວນ​ການ, ໄດ້​ຮັບ​ຄວາມ​ເຊື່ອ​ຖື​ໄວ້​ວາງໃຈ​ຈາກ​ສະມາຊິກ​ພັກ ແລະ ມະຫາ​ຊົນ. ອັນ​ນີ້ ແມ່ນ​ປັດ​ໄຈ​ສໍາ​ຄັນ​ກວ່າ​ໝູ່ ຮັບປະກັນ​ຄວາມ​ເຂັ້ມແຂງ ແລະ ການ​ຍົກ​ຄວາມ​ສາ​ມາດ​ນໍາ​ພາ​ຂອງ​ພັກ​ເຮົາ ຂຶ້ນ​ໄປ​ສູ່​ລະດັບ​ໃໝ່​ທີ່​ມີ​ລັກສະນະ​ຕັດສິນ​ຊີ້​ຂາດ​ຜົນສຳເລັດ​ຕົວ​ຈິງ​ໃນ​ການຈັດຕັ້ງ​ປະຕິບັດ​ແນວທາງ, ແຜນ​ນະໂຍບາຍ​ທີ່​ກອງ​ປະຊຸມ​ໃຫຍ່ ຄັ້ງ​ທີ XI ວາງ​ອອກ.

ບັນດາ​ສະຫາຍ ທີ່​ຮັກແພງ​ທັງຫຼາຍ!

ກອງ​ປະຊຸມ​ໃຫຍ່​ຂອງ​ພັກ​ເຮົາ ໄດ້​ຮັບ​ຜົນ​ສໍາ​ເລັດ​ຢ່າງ​ສະຫງ່າ​ງາມ, ອັນ​ໄດ້​ຢັ້ງ ຢືນ​ຢ່າງ​ຈະແຈ້ງ​ເຖິງ​ຄວາມ​ສາມັກຄີ​ເປັນ​ເອກະ​ພາບ​ສູງ ແລະ ຄວາມ​ຮັບ​ຜິດຊອບ​ຢ່າງ​ເຕັມ​ປ່ຽມ​ຂອງ​ພັກ​ເຮົາ​ໃນ​ການ​ຕົກລົງ​ບັນຫາ​ໃຫຍ່​ທີ່​ສໍາ​ຄັນ ແລະ ເປັນ ພື້ນຖານ​ຂອງ​ພັກ, ຂອງ​ການ​ປະຕິວັດ ແລະ ຂອງ​ປະເທດ​ຊາດ. ທຸກ​ບັນຫາ​ທີ່​ຍົກ​ຂຶ້ນ​ໃນ​ກອງ​ປະຊຸມ​ໃຫຍ່ ລ້ວນ​ແຕ່​ໄດ້​ຮັບ​ການ​ຄົ້ນຄວ້າ​ພິຈາລະນາ​ຢ່າງ​ເລິກເຊິ່ງ ແລະ ໄດ້​ຖືກ​ຮັບຮອງ​ເອົາ​ຢ່າງ​ເປັນ​ເອກະ​ສັນ. ພວກ​ເຮົາ​ມີ​ຄວາມ​ພາກພູມ​ໃຈ​ທີ່​ເຫັນ​ວ່າ ກອງ​ປະຊຸມ​ໃຫຍ່​ຄັ້ງ​ນີ້ ໄດ້​ຢືນຢັນ​ຢ່າງ​ໜັກ​ແໜ້ນ ໃນ​ການ​ສືບຕໍ່​ຢຶດໝັ້ນ ແລະ ເສີມ​ຂະຫຍາຍ​ແນວທາງ​ປ່ຽນແປງ​ໃໝ່​ຮອບດ້ານ ມີ​ຫຼັກການ​ຂອງ​ພັກ​ເຮົາ ແນໃສ່​ສ້າງ​ພື້ນຖານ ແລະ ທ່ວງ​ທ່າ​ໃໝ່​ອັນ​ໜັກ​ແໜ້ນ​ໃຫ້​ແກ່​ການ​ສືບຕໍ່​ບູລະນະ​ລະບອບ​ປະຊາທິປະໄຕ​ປະຊາຊົນ​ໃຫ້​ສົມບູນ​ຍິ່ງ​ຂຶ້ນ, ສ້າງ​ບັນດາ​ປະຖົມ​ປັດ​ໄຈ ເພື່ອ​ກ້າວ​ຂຶ້ນ​ສູ່​ຈຸດໝາຍ​ສັງຄົມ​ນິຍົມ​ຢ່າງ​ໜັກ​ແໜ້ນ.

ຜົນ​ສໍາ​ເລັດ​ຂອງ​ກອງ​ປະຊຸມ​ໃຫຍ່ ໄດ້​ຢືນຢັນ​ເຖິງ​ມາ ນະ​ຈິດປະຕິວັດ ອັນ​ແນ່ວ​ແນ່ ແລະ ທັດສະນະ​ຫຼັກ​ໝັ້ນຊົນ​ຊັ້ນກໍາ​ມະກອນຢ່າງ​ສະເໝີ​ຕົ້ນ​ສະເໝີ​ປາຍ​ຂອງ​ພັກ​ເຮົາ ທີ່​ຍາມ​ໃດ​ກໍ​ຈົງ​ຮັກ​ພັກດີ​ຕໍ່​ຜົນ​ປະໂຫຍດ​ຂອງ​ຊາດ ແລະ ຄວາມ​ມຸ່ງ​ມາດ​ປາຖະໜາ​ອັນ​ແຮງ​ກ້າ​ຂອງ​ປະຊາຊົນ​ບັນດາ​ເຜົ່າ. ພ້ອມ​ກັນ​ນັ້ນ ກໍ​ສ່ອງ​ແສງ​ໃຫ້​ເຫັນ​ເຖິງ​ຄວາມ​ບຸກ​ບືນ​ສູ້​ຊົນ​ດ້ວຍ​ຄວາມ​ເປັນ​ເຈົ້າ​ການ ແລະ ຄວາມ​ຮັບຜິດຊອບ​ສູງ ຂອງ​ຜູ້​ແທນ​ກອງ​ປະຊຸມ​ໃຫຍ່​ທຸກ​ສະຫາຍ ກໍ​ຄື​ທຸກ​ພາກສ່ວນ ທີ່​ໄດ້​ຕັ້ງໜ້າ​ກະກຽມ ເຮັດ​ໃຫ້​ກອງ​ປະຊຸມ​ໃຫຍ່​ຄັ້ງ​ນີ້ ຂອງ​ພັກ​ເຮົາ​ສາ​ມາດ​ດໍາ​ເນີນ​ໄປ​ດ້ວຍ​ດີ ແລະ ມີ​ຜົນ​ສໍາ​ເລັດ​ຕາມ​ຄາດ​ໝາຍ.

ພວກ​ເຮົາ​ປິິ​ຕິ​ຊົມຊື່ນ ແລະ ຂໍ​ສະແດງ​ຄວາມ​ຂອບ​ອົກ​ຂອບໃຈ ຕໍ່​ທຸກ​ພາກ ສ່ວນ, ພະນັກງານ, ສະມາຊິກ​ພັກ, ນັກ​ປະຕິວັດ​ອາວຸໂສ, ທະຫານ, ຕຳຫຼວດ, ສື່​ມວນ​ຊົນ, ລັດຖະກອນ, ຕົວ​ແທນ​ຂອງ​ປະຊາຊົນ​ລາວ​ບັນດາເຜົ່າ ແລະ ບັນດາ​ຊັ້ນ​ຄົນ, ພາກ​ທຸລະ​ກິດ ນັບ​ທັງ​ລັດ ແລະ ເອກະ​ຊົນ​ພາຍ​ໃນ ກໍ​ຄື ຕ່າງປະເທດ ທີ່​ໄດ້​ປະ ກອບ​ສ່ວນ​ຢ່າງ​ຕັ້ງໜ້າ​ເຂົ້າ​ໃນ​ການ​ກະກຽມ​ວຽກ​ຮອບດ້ານ​ໃຫ້​ແກ່​ກອງ​ປະຊຸມ​ໃຫຍ່​ຄັ້ງ​ນີ້ ແລະ ໄດ້​ນໍາ​ເອົາ​ການ​ສະໜັບສະໜູນ​ອູ້ມຊູ​ທາງ​ດ້ານ​ວັດຖຸ ແລະ ຈິດໃຈ ມາສູ່​ກອງ​ປະຊຸມ​ໃຫຍ່​ຂອງ​ພວກ​ເຮົາ.

ຂໍ​ສະແດງ​ຄວາມ​ຂອບໃຈ​ຢ່າງ​ຈິງ​ໃຈ ໄປ​ຍັງ​ບັນດາ​ພັກ​ອ້າຍ​ນ້ອງ ແລະ ພັກ​ການເມືອງ​ຕ່າງໆ​ທີ່​ໄດ້​ສົ່ງ​ສານ​ອວຍພອນ​ສະແດງ​ຄວາມ​ຂໍ່າ​ນັບ​ຊົມເຊີຍ ແລະ ໃຫ້ ການ​ສະໜັບສະໜູນ​ຕໍ່​ກອງ​ປະຊຸມ​ໃຫຍ່​ຂອງ​ພວກ​ເຮົາ​ໃນ​ຄັ້ງ​ນີ້​ດ້ວຍ.

ບັນດາ​ສະຫາຍ ທີ່​ຮັກແພງ​ທັງຫຼາຍ!

ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ XI ຂອງ​ພັກ​ເຮົາ​ໄດ້​ສໍາ​ເລັດ​ລົງ​ຢ່າງ​ຈົບງາມ​ແລ້ວ ແຕ່​ພວກ​ເຮົາ​ຍັງ​ຕ້ອງ​ມີ​ຄວາມ​ຮັບຜິດຊອບ​ສູງ ແລະ ຈິງ​ຈັງ​ຕໍ່​ການຈັດຕັ້ງ​ຜັນ​ຂະຫຍາຍ​ແນວທາງ, ແຜນ​ນະໂຍບາຍ​ທີ່​ກອງ​ປະຊຸມ​ໃຫຍ່​ຄັ້ງ​ນີ້​ວາງ​ອອກ​ໃຫ້​ປາກົດ​ຜົນ​ເປັນ​ຈິງ. ບັນດາ​ສະ​ຫາຍ​ກໍາ​ມະ​ການ​ສູນ​ກາງ​ພັກ ສະໄໝ​ທີ XI ທີ່​ໄດ້​ຮັບ​ຄວາມ​ໄວ້​ວາງໃຈ​ຈາກ​ກອງ​ປະຊຸມ​ໃຫຍ່​ຄັ້ງ​ນີ້ ຈົ່ງ​ເຊີດ​ຊູ​ຄວາມ​ຮັບຜິດຊອບ​ການເມືອງ, ຍົກ​ສູງ​ຄວາມ​ເປັນ​ແບບ​ຢ່າງ​ນໍາ​ໜ້າ​ໃນ​ການ​ປະຕິບັດ​ໜ້າທີ່​ວຽກ​ງານ ກໍ​ຄື​ໃນ​ການ​ດຳລົງ​ຊີວິດ, ການ​ຝຶກ​ຝົນ​ຫຼໍ່​ຫຼອມ​ຕົນ​ເອງ​ດ້ານ​ຄຸນ​ທາດ​ການເມືອງ, ຄຸນ ສົມບັດ​ສິນ​ທໍາ​ປະຕິວັດ ແລະ ນໍາ​ພາ​ການຈັດຕັ້ງ​ປະຕິບັດ​ແນວທາງ, ແຜນ​ນະໂຍບາຍ​ທີ່​ກອງ​ປະຊຸມ​ໃຫຍ່​ຄັ້ງ​ນີ້ ວາງ​ອອກ​ໃຫ້​ມີ​ຜົນ​ສໍາ​ເລັດ​ຕົວ​ຈິງ. ບັນດາ​ຜູ້​ແທນ​ກອງ​ປະຊຸມ​ໃຫຍ່ ຈົ່ງ​ພ້ອມ​ກັນ​ເສີມ​ຂະຫຍາຍ​ຄວາມ​ເປັນ​ເຈົ້າ​ການ​ຜັນ​ຂະ ຫຍາ​ຍ​ແນວທາງ​ນະໂຍບາຍ ທີ່​ກອງ​ປະຊຸມ​ໃຫຍ່​ຄັ້ງ​ນີ້​ວາງ​ອອກ​ຢ່າງ​ປະດິດ​ສ້າງ ແລະ ປຸກລະດົມ​ມະຫາຊົນ ຍູ້​ແຮງ​ຂະບວນ​ການ​ແຂ່ງຂັນ​ຮັກ​ຊາດ ແລະ ພັດທະນາ ໃຫ້​ກວ້າງຂວາງ​ເລິກເຊິ່ງ ແລະ ຕໍ່​ເນື່ອງ ເພື່ອ​ເລັ່ງ​ໃສ່​ການ​ພັດທະນາ​ປະເທດ​ຊາດ​ໃຫ້​ຈະເລີນ​ຮຸ່ງເຮືອງ​ຂຶ້ນ​ໄປ​ເລື້ອຍໆ. ໃນຕໍ່ໜ້າ​ນີ້​ພວກ​ເຮົາ​ຕ້ອງ​ພ້ອມ​ກັນ​ສຸມ​ໃສ່​ນຳ​ພາ​-​ຊີ້​ນຳ ແລະ ປຸກລະດົມ​ຂະບວນ​ການ​ເລືອກ​ຕັ້ງ​ສະມາຊິກ​ສະພາ​ແຫ່ງ​ຊາດ ຊຸດ​ທີ IX ແລະ ສະມາຊິກ​ສະພາ​ປະຊາຊົນ​ແຂວງ, ນະຄອນຫຼວງ ໃຫ້​ບັນລຸ​ຕາມ​ຈຸດປະສົງ​ລະດັບ​ຄາດໝາຍ ທີ່​ພັກ ແລະ ລັດ​ເຮົາ​ວາງ​ໄວ້.

ພວກ​ເຮົາ​ເຊື່ອ​ໝັ້ນ​ຢ່າງ​ໜັກ​ແໜ້ນ​ວ່າ ດ້ວຍ​ແນວທາງ, ແຜນ​ນະໂຍບາຍ​ອັນ​ຖືກຕ້ອງ​ທີ່​ກອງ​ປະຊຸມ​ໃຫຍ່​ຂອງ​ພັກ​ຄັ້ງ​ທີ XI ວາງ​ອອກ, ດ້ວຍ​ການ​ເສີມ​ຂະຫຍາຍ​ມູນເຊື້ອ​ອັນ​ດີງາມ​ຂອງ​ພັກ ແລະ ຂອງ​ຊາດ​ຕິດ​ພັນ​ກັບ​ການ​ເຊີດ​ຊູ​ຈິດໃຈຊາດ ເປັນ​ເອກະລາດ ເປັນ​ເຈົ້າ​ຕົນ​ເອງ ເພິ່ງ​ຕົນ​ເອງ ສ້າງ​ຄວາມ​ເຂັ້ມແຂງ​ດ້ວຍ​ຕົນ​ເອງ​ທົ່ວ​ປວງ​ຊົນ​ລາວ​ທັງ​ຊາດ; ດ້ວຍ​ການ​ສະໜັບສະໜູນ​ຮ່ວມ​ມື​ຂອງ​ປະເທດ​ອ້າຍ​ນ້ອງ​ເພື່ອນ​ມິດ, ປະເທດ​ຕ່າງໆ​ໃນ​ອາ​ຊຽນ ແລະ ໃນ​ໂລກ ກໍ່​ຄື​ບັນດາ​ອົງການ​ຈັດ​ຕັ້ງ​ສາກົນ, ພາລະກິດ​ແຫ່ງ​ການ​ປົກ​ປັກ​ຮັກສາ ແລະ ສ້າງສາ​ປະເທດ​ຊາດ​ຂອງ​ພວກ​ເຮົາ ເຖິງ​ຈະ​ຍັງ​ສືບຕໍ່​ປະສົບ​ກັບ​ຄວາມ​ຫຍຸ້ງຍາກ, ສິ່ງ​ທ້າ​ທາຍ​ຕ່າງໆ​ນາໆ​ກໍ​ຕາມ, ແຕ່​ມີ​ຄວາມ​ເຊື່ອ​ໝັ້ນ​ຢ່າງ​ແນວ​ແນ່​ວ່າ ພວກ​ເຮົາຈະ​ສາມາດ​ຜ່ານ​ຜ່າ​ຄວາມ​ຫຍຸ້ງຍາກ​ເຫຼົ່ານັ້ນ​ໄດ້ ແລະ ຍາດ​ໄດ້​ຜົນ​ສໍາ​ເລັດ​ໃຫຍ່​ຫຼວງ​ກວ່າ​ເກົ່າ​ໃນ​ການ​ນໍາ​ເອົາ​ປະເທດ​ຊາດ​ຂອງ​ພວກ​ເຮົາ​ກ້າວ​ຂຶ້ນ​ສູ່​ຈຸດໝາຍ​ສັງຄົມ​ນິຍົມ ຢ່າງ​ແນ່​ນອນ.

ໃນ​ບັນຍາກາດ​ທີ່​ປ່ຽມ​ລົ້ນໄປ​ດ້ວຍນໍ້າ​ໃຈ​ປະຕິວັດ​ບຸກ​ຢ່າງ​ບໍ່​ຢຸດ​ຢັ້ງ ແລະ ມີ​ຄວາມ​ໝາຍ​ປະຫວັດສາດ​ນີ້ ໃນ​ນາມ​ຄະນະ​ປະທານ, ຂ້າພະເຈົ້າ ຂໍ​ປະກາດປິດກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ XI ຂອງ​ພັກ​ປະຊາຊົນ​ປະຕິວັດ​ລາວ​ທີ່​ມີ​ກຽດ​ສະຫງ່າ​ຢ່າງ​ເປັນ​ທາງ​ການ ນັບ​ແຕ່​ເວລາ​ນີ້​ເປັນຕົ້ນ​ໄປ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com