ໜັງສືພິມ ປະຊາຊົນ

ມອບ-ຮັບ ໜ້າທີ່ ຮອງເຈົ້າແຂວງບໍ່ແກ້ວ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 20/01/2021 09:26:06 ຈຳນວນຢ້ຽມຊົມ 1367 ຄັ້ງ

ພິທີມອບ - ຮັບ ໜ້າທີ່ຮອງເຈົ້າແຂວງໆບໍ່ແກ້ວ ໄດ້ຈັດຂຶ້ນໃນວັນທີ 19 ມັງກອນນີ້ ທີ່ຫ້ອງວ່າການແຂວງ ໂດຍການເຂົ້າຮ່ວມຂອງ ທ່ານ ບົວຄົງ ນາມມະວົງ ກຳມະການສູນກາງພັກ ເລຂາພັກແຂວງ ເຈົ້າແຂວງໆບໍ່ແກ້ວ, ມີບັນດາການນຳຂອງພະແນກການ - ກົມກອງ, ອະດີດການນຳຂອງແຂວງ ແລະ ພະນັກງານວິຊາການເຂົ້າຮ່ວມ.

ທ່ານ ສົມພອນ ແກ້ວມະນີ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ ໄດ້ຜ່ານມະຕິຕົກລົງຂອງຄະ ນະ ເລຂາທິການສູນກາງພັກ ວ່າດ້ວຍການອະນຸມັດໃຫ້ ທ່ານ ຄຳກິ່ງ ເອື່ອຍມະນີຮັກ ຮອງເຈົ້າແຂວງໆບໍ່ແກ້ວ ອອກພັກການຮັບອຸດໜູນບຳນານ, ຜ່ານມະຕິຕົກລົງຂອງທ່ານເຈົ້າແຂວງ ວ່າດ້ວຍການແຕ່ງ ຕັ້ງ ທ່ານ ຄຳພະຫຍາ ພົມປັນ ຍາ ເປັນຮອງເຈົ້າແຂວງຊີ້ນຳຂົງເຂດວຽກງານວັດທະນະທຳ - ສັງຄົມ, ແຕ່ງຕັ້ງທ່ານ ເຄື່ອນເພັດ ວົງຈັນ ເປັນຮອງເຈົ້າແຂວງ ຊີ້ນຳຂົງເຂດວຽກງານເສດຖະກິດ ພ້ອມທັງເຊັ່ນບົດບັນທຶກມອບ - ຮັບໜ້າທີ່ ລະຫວ່າງ ທ່ານ ຄຳກິ່ງ ເອື່ອຍມະນີຮັກ ຮອງເຈົ້າແຂວງຜູ້ເກົ່າ ກັບ ທ່ານ ເຄື່ອນເພັດ ວົງຈັນ ຮອງເຈົ້າແຂວງຜູ້ໃໝ່, ທ່ານ ຈອມສີ ລັດຕະນະປັນ ຮອງເຈົ້າແຂວງຜູ້ເກົ່າ ກັບ ທ່ານ ຄຳພະຫຍາ ພົມປັນຍາ ຮອງເຈົ້າແຂວງຜູ້ໃໝ່ ຢ່າງເປັນທາງ ການ ແລະ ໄດ້ຜ່ານມະຕິຕົກລົງຂອງທ່ານເຈົ້າແຂວງ ວ່າດ້ວຍການແຕ່ງຕັ້ງ, ສັບປ່ຽນໜ້າທີ ແລະ ບ່ອນປະຈຳການຂອງພະນັກງານບັນດາພະແນກການ, ອົງການຂອງແຂວງ ຈຳ ນວນ 20 ຕຳແໜ່ງ.

ໂອກາດນີ້ ທ່ານ ບົວຄົງ ນາມມະວົງ ໄດ້ມີຄຳເຫັນກ່າວວ່າ: ການອອກຮັບອຸດໜູນບຳ ນານຂອງພະນັກງານການນຳ ແມ່ນການປະຕິບັດຕາມກົດ ລະບຽບຂອງພະນັກງານ - ລັດ ຖະກອນ ແລະ ໃຫ້ຜູ້ທີ່ໄດ້ຮັບ ອຸດໜູນບຳນານຈົ່ງສືບຕໍ່ໃຫ້ ການຊຸກຍູ້ຊ່ວຍເຫຼືອ, ແລກປ່ຽນ ບົດຮຽນ, ປະສົບການໃຫ້ແກ່ພະ ນັກງານຜູ້ສືບທອດໄດ້ນຳໃຊ້ເຂົ້າໃນວຽກງານຕົວຈິ່ງໃຫ້ມີ ຄວາມສະດວກ. ໃຫ້ຜູ້ທີ່ໄດ້ ຮັບໜ້າທີ່ໃໝ່ ຈົ່ງເອົາໃຈໃສ່ບຸກບືນ, ຊອກຮູ້, ຮ່ຳຮຽນເອົາຄວາມຮູ້, ປະສົບການໃຫ້ກວ້າງຂວາງ, ເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ ສອດຄອງກັບວຽກງານທີ່ຕົນເອງຮັບຜິດຊອບ .

(ຂ່າວ: ຄຳໄຊ ລີໄຊມົວຕູ້)