ກະຊວງ​ການ​ຕ່າງປະເທດ​ໄດ້​ຈັດ​ພິທີ​ເຜີຍແຜ່​ເອກະສານ​ກ່ຽວ​ກັບ​ການ​ເລືອກ​ຕັ້ງ​ສະມາ ຊິກ​ສະພາ​ແຫ່ງ​ຊາດ (ສສຊ) ຊຸດ​ທີ IX ແລະ ສະພາ​ປະຊາຊົນ​ແຂວງ, ນະຄອນຫຼວງ​ວຽງ​ຈັນ ຊຸດ​ທີ II ໃນ​ວັນ​ທີ 20 ມັງກອນ 2021 ທີ່​ສູນ​ຝຶກ​ອົບຮົມ ແລະ ຮ່ວມ​ມື​ສາກົນ ( ICTC ), ພາຍ​ໃຕ້​ການ​ເປັນ​ປະທານ​ຮ່ວມ​ຂອງ ທ່ານ ທອງ​ສະຫວັນ ພົມວິຫານ ຮອງ​ລັດຖະມົນຕີ​ກະຊວງ​ການ​ຕ່າງປະເທດ ຫົວໜ້າ​ຄະນະ​ຮັບຜິດຊອບ​ການ​ປ່ອນ​ບັດເລືອກ​ ຕັ້ງ​ສະມາຊິກສະພາແຫ່ງ​ຊາດ ຢູ່ຕ່າງປະເທດ ແລະ ທ່ານ ອານຸພາບ ຕຸ​ນາ​ລົມ ປະທານ​ສະພາ​ປະຊາຊົນ ນະຄອນຫຼວງ​ວຽງ​ຈັນ ຮອງ​ປະທານ​ຄະນະ​ກຳມະການ​ເລືອກ​ຕັ້ງ​ຂັ້ນນະ ຄອນຫຼວງ​ວຽງ​ຈັນ (ຜູ້​ປະຈຳ ການ), ມີ​ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ໃນ​ໂອກາດ​ນີ້ ທ່ານປະ ທານ​ຮ່ວມໄດ້​ຍົກ​ໃຫ້​ເຫັນ​ເນື້ອ​ໃນ​ສຳຄັນ​ ຊຶ່ງ​ເປັນ​ເຫດການ​ການເມືອງ​ທີ່​ສຳຄັນ​ຂອງ​ຊາດ​ ທ່າມກາງ​ບັນຍາກາດ​ທີ່​ປະ ເທດ​ຊາດ​ສືບຕໍ່​ໄດ້​ຮັບ​ການ​ພັດ ທະນາ, ປະຕິບັດ​ແນວທາງ​ປ່ຽນແປງ​ໃໝ່​ຮອບດ້ານ​ທີ່​ມີ​ຫຼັກ ການ​ຂອງ​ພັກ. ນອກຈາກ​ນັ້ນ ຍັງ​ໄດ້​ເນັ້ນ​ໜັກ​ໃຫ້​ພະນັກ​ງານ​-​ລັດຖະກອນ ເຊື່ອມ​ຊຶມ​ບັນດາ​ເອກະສານ​ທີ່​ສຳຄັນ​ຕ່າງໆ ໂດຍ​ສະເພາະ​ເນື້ອ​ໃນ​ວ່າ​ດ້ວຍ​ລະບຽບ​ການ​ເລືອກ​ຕັ້ງ ໂດຍ​ຖື​ເອົາ​ການ​ເລືອກ​ຕັ້ງ​ສະມາຊິກ​ສະພາ​ແຫ່ງ​ຊາດ ແລະ ສະພາ​ປະຊາຊົນແຂວງ, ນະຄອນຫຼວງ​ວຽງ​ຈັນ ຊຶ່ງ​ຈະ​ຈັດ​ຂຶ້ນ​ໃນ​ເດືອນ​ກຸມພາ 2021 ນີ້. ເພື່ອ​ເປັນ​ການ​ສືບຕໍ່​ສ້າງ ແລະ ບູລະນະ​ລັດ​ປະຊາທິປະໄຕປະ ຊາຊົນ​ໃຫ້​ມີ​ຄວາມ​ໜັກແໜ້ນ ແລະ ເຂັ້ມແຂງ, ເສີມ​ຂະຫຍາຍ​ສິດ​ປະຊາທິປະໄຕ, ສິດ​ເປັນ​ເຈົ້າຂອງ​ປະຊາຊົນ​ບັນດາເຜົ່າ ເຂົ້າ​ໃນ​ການ​ເລືອກ​ເອົາຕົວ ແທນແຫ່ງ​ສິດ ແລະ ຜົນ​ປະ ໂຫຍດ​ຂອງ​ຕົນເຂົ້າ​ຢູ່​ໃນ​ອົງ ການ​ນິຕິບັນຍັດຂັ້ນ​ສູນ​ກາງ ແລະ ທ້ອງຖິ່ນ, ພ້ອມ​ນັ້ນ​ຍັງ​ຖື​ເອົາ​ການ​ເລືອກ​ຕັ້ງ​ຄັ້ງ​ນີ້​ເປັນ​ໜ້າທີ່​ການເມືອງ, ເປັນຄວາມ​ຮັບຜິດຊອບ​ຂອງ​ທຸກ​ພາກສ່ວນ ຮັບປະກັນ​ເຮັດ​ໃຫ້ການ​ເລືອກ​ຕັ້ງ ຄັ້ງ​ນີ້ ບັນລຸ​ຜົນສຳເລັດ​ຕາມ​ ຈຸດປະສົງ ແລະ ລະດັບ​ຄາດ ໝາຍ​ທີ່​ວາງ​ໄວ້. ພ້ອມ​ທັງເນັ້ນ​ໃຫ້​ຄະນະ​ພັກ​ທຸກ​ຂັ້ນ, ພະນັກ​ງານ​-​ລັດຖະກອນ ກະຊວງ​ການ​ຕ່າງປະເທດ ຈົ່ງ​ເພີ່ມ​ຄວາມຮັບ ຜິດຊອບ​ໃນ​ການ​ໃຊ້​ສິດ ແລະ ປະຕິບັດ​ພັນທະ​ໃນ​ຖານະ​ພົນ ລະເມືອງ​ລາວ, ເລືອກ​ເອົາຕົວ ​ແທນ​ໄດ້​ຕາມ​ມາດຖານ, ເງື່ອນ ໄຂ​ຄົບ​ຖ້ວນ ເພື່ອ​ເປັນ​ຜູ້ຕາງ ໜ້າ, ເປັນ​ຕົວ​ແທນ​ຂອງ​ຕົນ​ເຂົ້າ​ຢູ່​ໃນ​ສະພາ​ແຫ່ງ​ຊາດ ເພື່ອ​ ສືບຕໍ່​ປົກ​ປັກ​ຮັກສາ ແລະ ສ້າງ ສາ​ພັດທະນາ​ປະເທດ​ຊາດ​ກ້າວ​ຂຶ້ນ​ສູ່​ຈຸດໝາຍ​ສັງຄົມ​ນິຍົມ​ຢ່າງ​ໜັກ​ແໜ້ນ.

(ຂ່າວ: ກະຊວງ​ການ​ຕ່າງ​ປະ​ເທດ​-ພາບ: ບຸນ​ຕອມ)