Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ລັດຖະມົນຕີຕ່າງປະເທດອາຊຽນ ປຶກສາຫາລືຫຼາຍບັນຫາ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 22/01/2021 09:08:12 ຈຳ​ນວນ​​ຢ້ຽມ​ຊົມ 2162 ຄັ້ງ

ໃນ​ວັນ​ທີ 21 ມັງກອນ 2021 ທີ່ກະຊວງ​ການ​ຕ່າງປະເທດ, ທ່ານ ສະເຫຼີມ​ໄຊ ກົມ​ມະ​ສິດ ລັດຖະມົນຕີ​ກະຊວງ​ການ​ຕ່າງປະເທດ ໄດ້​ນໍາ​ພາຄະ​ນະ​ເຂົ້າ​ຮ່ວມ​ກອງ​ປະຊຸມ​ວົງ​ແຄບ​ລັດຖະມົນຕີ​ຕ່າງປະເທດ​ອາ​ຊຽນ ແບບ​ທາງໄກ ຊຶ່ງ​ເປັນ​ກອງ​ປະຊຸມ​ທຳອິດ​ພາຍ​ໃຕ້​ການ​ເປັນ​ປະທານ​ອາ​ຊຽນ​ຂອງ ບຣູ​ໄນ ດາ​ຣູ​ຊາ​ລາມ (ສຳລັບ​ສົກ​ປີ 2021) ໂດຍ​ມີ​ບັນດາ​ລັດຖະມົນຕີ​ຕ່າງປະເທດ​ອາ​ຊຽນ ແລະ ເລຂາທິການ​ໃຫຍ່​ອາ​ຊຽນ​ເຂົ້າ​ຮ່ວມ.

ກອງ​ປະຊຸມ ໄດ້​ຕີ​ລາຄາ​ສູງ​ຕໍ່​ຜົນ​ການຈັດຕັ້ງ​ປະຕິບັດ​ບັນ​ດາຂໍ້​ຕົກລົງ​ຂອງ​ຜູ້​ນໍາ​ອາ​ຊຽນ​ໃນ​ກອງ​ປະຊຸມ​ສຸດ​ຍອດ​ອາ​ຊຽນ ຄັ້ງ​ທີ 37 ຜ່ານ​ມາ ລວມ​ທັງ​​ຜົນ​ສຳເລັດ​ການ​ທົບ​ທວນ​ກາງ​ສະໄໝ​ແຜນ​ແມ່​ບົດ​ການ​ສ້າງ​ປະຊາ​ຄົມ​ອາ​ຊຽນ​ຮອດ ປີ 2025; ການ​ປັບປຸງ​ຂອດ​ປະສານ​ງານ​ລະຫວ່າງ​ຂະແໜງການ​ກ່ຽວຂ້ອງ​ພາຍ​ໃນ​ເສົາ​ຄໍ້າ ແລະ ລະຫວ່າງ​ເສົາ​ຄໍ້າ​ປະຊາ​ຄົມ​ອາ​ຊຽນ; ການ​ກະກຽມ​ຮ່າງ​ວິໄສ​ທັດ​ປະຊາ​ຄົມ​ອາ​ຊຽນ ຫຼັງ​ປີ 2025 ແລະ ອື່ນໆ. ພ້ອມ​ກັນ​ນັ້ນ, ກອງ​ປະຊຸມ​ຍັງ​ໄດ້​ປຶກສາ​ຫາລື​ການ​ສືບຕໍ່​ຈັດ​ຕັ້ງ​ປະຕິບັດ​ແຜນ​ຟື້ນ​ຟູ​ຮອບດ້ານ​ອາ​ຊຽນ; ການ​ນຳ​ໃຊ້​ສ່ວນ​ໜຶ່ງ​ຂອງ​ກອງ​ທຶນ​ຕ້ານ​ໂຄ​ວິດ-19 ອາ​ຊຽນ​ເພື່ອ​ຈັດ​ຊື້​ຢາ​ວັກ​ແຊັງ ແລະ ອຸປະກອນ​ການ​ແພດ​ສໍາ​ລັບ​ປະຊາຊົນ​ອາ​ຊຽນ; ການ​ສ້າງຕັ້ງ​ແລວ​ການ​ເດີນທາງ​ພິເສດ​ອາ​ຊຽນ ແລະ ອື່ນໆ.

ກອງ​ປະຊຸມ ໄດ້​ປຶກສາ​ຫາລື ແລະ ເຫັນ​ດີ​ເປັນ​ເອກະ​ພາບ​ຕໍ່​ບັນດາ​ບຸລິ​ມະ​ສິດ​

ການ​ເປັນ​ປະທານ​ອາ​ຊຽນ​ຂອງ ບຣູ​ໄນ ດາ​ຣູ​ຊາ​ລາມ ສົກ​ປີ 2021 ພາຍ​ໃຕ້​ຄໍາ​ຂວັນ: “ພວກ​ເຮົາ​ຫ່ວງໄຍ, ພວກ​ເຮົາ​ກຽມພ້ອມ, ພວກ​ເຮົາ​ພ້ອມ​ກັນ​ຈະເລີນ” (We Care, We Prepare, We Prosper) ທີ່​ສຸມ​ໃສ່: 1). ຄວາມ​ເປັນ​ເອກ​ກະ​ພາບ​ເພື່ອ​ສ້າງ​ປະຊາ​ຄົມ​ອາ​ຊຽນ​ໃຫ້​ມີ​ຄວາມ​ກົມກຽວ ໂດຍ​ມີ​ປະຊາຊົນ​ເປັນ​ແກນ​ກາງ; 2). ການ​ກະກຽມ​ຄວາມ​ພ້ອມ ແລະ ການ​ປັບ​ຕົວ​ເພື່ອ​ຮັບ​ມື ແລະ ຍາດ​ເອົາ​ກາລະ​ໂອກາດ​ອັນ​ໃໝ່​ທີ່​ອາດ​ຈະ​ເກີດ​ຂຶ້ນ; 3). ການ​ເພີ່ມ​ທະວີ​ຄວາມ​ສະມັກ​ຄີ​ເປັນ​ປຶກ​ແຜ່ນ​ພາຍ​ໃນ​ອາ​ຊຽນ ແລະ ສືບຕໍ່​ສົ່ງເສີມ​ການ​ຮ່ວມ​ມື​ກັບ​ພາຍ​ນອກ.

ກອງ​ປະຊຸມ​ຄັ້ງ​ນີ້ ຍັງ​ໄດ້​ປຶກສາ​ຫາລື​ການ​ຮ່ວມ​ມື​ລະ ຫວ່າງ​ອາ​ຊຽນ​ກັບ​ພາຍ​ນອກ ຊຶ່ງ​ໃນ​ນີ້ໄດ້​ພິຈາລະນາ​ຂໍ້​ສະເໜີ​ຂອງ​ບັນດາ​ປະເທດ​ທີ່​ສົນໃຈ​ເຂົ້າ​ເປັນ​ຄູ່​ຮ່ວມ​ມື​ກັບ​ອາ​ຊຽນ ແລະ ການ​ເຂົ້າ​ເປັນ​ພາຄີ​ຂອງ​ສົນທິສັນຍາ​ໄມຕີ​ຈິດ ແລະ ການ​ຮ່ວມ​ມື​ໃນ​ອາຊີ​ຕາເວັນ​ອອກ​ສ່ຽງ​ໃຕ້ (TAC) ຂອງ​ປະເທດ​ນອກ​ພາກ​ພື້ນ​ຈຳນວນ​ໜຶ່ງ. ໃນ​ໂອກາດ​ນີ້, ບັນດາ​ລັດຖະມົນຕີ​ຕ່າງປະເທດ​ອາ​ຊຽນ ຍັງ​ໄດ້​ແລກປ່ຽນ​ຄວາມ​ຄິດ​ເຫັນ​ຕໍ່​ບາງ​ບັນຫາ​ພົ້ນ​ເດັ່ນ​ຢູ່​ພາກ​ພື້ນ ແລະ ສາກົນ ເປັນຕົ້ນ: ການ​ກໍ່​ການ​ຮ້າຍ, ຄວາມ​ປອດ​ໄພ​ທາງ​ໄຊ​ເບີ, ໄພພິບັດ​ທາງ​ທໍາ​ມະ​ຊາດ, ການ​ປ່ຽນແປງ​ຂອງ​ສະພາບ​ດິນ​ຟ້າ​ອາກາດ, ການ​ຄ້າ​ມະນຸດ, ຄວາມ​ປອດ​ໄພ​ທາງ​ທະເລ ແລະ ອື່ນໆ.

ທ່ານ​ລັດຖະມົນຕີ ສະເຫຼີມ​ໄຊ ກົມ​ມະ​ສິດ ໄດ້​ຕີ​ລາຄາ​ສູງ ແລະ ສະແດງ​ຄວາມ​ຊົມເຊີຍ​ຕໍ່​ຜົນສຳເລັດ​ການ​ເປັນ​ປະທານ​ອາ​ຊຽນ​ຂອງ ສສ ຫວຽດນາມ ໃນ​ປີ 2020 ໂດຍ​ສະເພາະ​ຄວາມ​ຄືບ​ໜ້າ​ໃນ​ການ​ຜັນ​ຂະ ຫຍາ​ຍ​ບັນ​ດາ​ຄໍາ​ຕົກລົງ​ຂອງ​ຜູ້​ນໍາ​ອາ​ຊຽນ​ໃນ​ກອງ​ປະຊຸມ​ສຸດ​ຍອດ​ອາ​ຊຽນ ຄັ້ງ​ທີ 37 ແລະ ກອງ​ປະຊຸມ​ສຸດ​ຍອດ​ອື່ນໆ​ຜ່ານ​ມາ ພ້ອມ​ທັງ​ສະແດງ​ຄວາມ​ຊົມເຊີຍ​ຕໍ່​ການ​ຮັບ​ໜ້າທີ່​ເປັນ​ປະທານ​ອາ​ຊຽນ​ຂອງ ບຣູ​ໄນ ດາ​ຣູ​ຊາ​ລາມ ສຳລັບ​ສົກ​ປີ 2021. ນອກ​ນັ້ນ, ກໍ​ໄດ້​ຊຸກຍູ້​ໃຫ້​ຂະແໜງການ​ກ່ຽວຂ້ອງ​ຂອງ​ອາ​ຊຽນ ເລັ່ງ​ລັດ​ຈັດ​ຕັ້ງ​ປະຕິບັດ​ບັນດາ​ຂໍ້​ລິ​ເລີ່ມ​ທີ່​ກ່ຽວ​ພັນ​ກັບການ​ຮັບ​ມື ແລະ ແກ້​ໄຂ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ໃຫ້​ເປັນ​ຮູບ​ປະ​ທໍາ ລວມ​ທັງ​ການ​ຜັນ​ຂະຫຍາຍ​ແຜນ​ຟື້ນ​ຟູ​ຮອບດ້ານ​ອາ​ຊຽນ ແລະ ການ​ນໍາ​ໃຊ້​ກອງ​ທຶນ​ຕ້ານ​ໂຄ​ວິດ​ອາ​ຊຽນ​ເພື່ອ​ຈັດ​ຊື້​ຢາ​ວັກ​ແຊັງ ແລະ ຢາ​ປົວ​ພະ​ຍາດ​ສໍາ​ລັບ​ປະຊາຊົນ​ອາ​ຊຽນ ຊຶ່ງ​ທັງ​ໝົດ​ນີ້​ຈະ​ປະກອບສ່ວນ​ເຂົ້າ​ໃນ​ການ​ຫຼຸດຜ່ອນ​ຜົນ​ກະທົບ​ທາງ​ດ້ານ​ເສດ​ຖະ​ກິດ​-​ສັງຄົມ ແລະ ສຸຂະພາບ​ໃນ​ພາກ​ພື້ນ. ສຸດ​ທ້າຍ​ທ່ານ​ລັດຖະມົນຕີ ຍັງ​ໄດ້​ເນັ້ນ​ຕື່ມ​ວ່າ: ອາ​ຊຽນ​ຄວນ​ສືບຕໍ່​ສົ່ງເສີມ​ບົດບາດ​ຄວາມ​ເປັນ​ແກນ​ກາງຂອງ​ຕົນ​ໃນ​ການ​ພົວພັນ​ຮ່ວມ​ມື​ກັບ​ພາຍ​ນອກ ແລະ ໃນ​ໂຄງ​ສ້າງ​ພາກ​ພື້ນ​ທີ່​ພວມ​ຜັນ​ແປ ໂດຍ​ສະເພາະ​ໃນ​ສະພາບ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ແລະ ຫຼັງ​ໂຄ​ວິດ-19.

(ຂ່າວ: ກະຊວງ​ການ​ຕ່າງປະເທດ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com